မြိုင်မြို့ရှိ စစ်တပ်ဂိတ်ကို ဝင်ရောက် တိုက်ခိုက်မှု စစ်သား ၂ ဦး သေဆုံး

မြိုင်မြို့ရှိ စစ်တပ်ဂိတ်ကို ဝင်ရောက် တိုက်ခိုက်မှု စစ်သား ၂ ဦး သေဆုံး

ရန်ကုန်၊ ဇူလိုင် ၁၀ 

မကွေးတိုင်း၊ မြိုင်မြို့နယ်၊ မြိုင်မြို့အရှေ့ဘက်အထွက်ရှိ အကြမ်းဖက်စစ်တပ်ဂိတ်ကို ဝင်ရောက်တိုက် ခိုက်ခဲ့ရာ အကြမ်းဖက်စစ်သား ၂ ဦးသေဆုံးပြီး ၂ ဦးအပြင်းအထန်ဒဏ်ရာရရှိခဲ့ကြောင်း မြိုင်ပကဖ မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ဇူလိုင်လ ၈ ရက် နေ့လည် ၂ နာရီ ၄၅ မိနစ်ခန့်က အဆိုပါအကြမ်းဖက်စစ်တပ်ဂိတ်ကို လက်နက်ကြီး၊ လက်နက်ငယ်များဖြင့် ဝင်ရောက်တိုက်ခိုက်ခဲ့ရာ အကြမ်းဖက်စစ်သား ၂ ဦးသေဆုံးပြီး အကြမ်းဖက် စစ် သားတစ်ဦးနှင့် ပျူစောထီးတစ်ဦး အပြင်းအထန်ဒဏ်ရာရရှိခဲ့ကာ မြိုင်မြို့ထဲမှ လူမှုကူညီရေးကားနှင့် လာရောက်သယ်ဆောင်သွားကြောင်း သိရသည်။

ထိုသို့တိုက်ခိုက်ခံရမှုကြောင့် အကြမ်းဖက်စစ်သားများမှ မြိုင်မြို့အထွက် စီမံကိန်းရုံးအနီးပတ်ဝန်းကျင် ကို မီးရှို့ဖျက်ဆီးခဲ့ကြောင်း၊ ယင်းတိုက်ခိုက်မှုအတွင်း ပြည်သူ့ကာကွယ်ရေး ရဲဘော်တစ်ဦး အပြင်းအထန် ဒဏ်ရာရရှိခဲ့ကြောင်း သိရသည်။

အဆိုပါတိုက်ခိုက်မှုကို မြိုင် ပကဖ တပ်ရင်း ၁ ၊ Royal Phoenix Task Force (R .P. T. F)၊ Middle Revolution Task Force (M. R. T. F)၊ Justice Revolution Team (J.R.T)၊ Freedom Fighters အဖွဲများ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။