ဟားခါးမြို့နယ်၊ သီတာကျေးရွာအနီးတိုက်ပွဲတွင် စစ်သား ၆ ဦးသေဆုံးပြီး သေ နတ် ၄ လက်သိမ်းဆည်း ရရှိ၊ ဟားခါးဆေးရုံသို့ စစ်သား ၄၀ ကျော်ရောက်ရှိနေ
ရန်ကုန်၊ ဇူလိုင် ၉
ချင်းပြည်နယ်၊ ဟားခါးမြို့နယ်၊ သီတာကျေးရွာအနီးတိုက်ပွဲတွင် အကြမ်းဖက်စစ်သား ၆ ဦးသေဆုံးခဲ့ပြီး သေနတ် ၄ လက်သိမ်းဆည်းရရှိခဲ့ကြောင်း CNA တပ် ဖွဲ့ သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။
ယမန်နေ့ ဇူလိုင်လ ၈ ရက် နေ့က ဟားခါးမြို့နယ်၊ ဟားခါး-ထန်တလန်လမ်းမပေါ် သီတာကျေးရွာ အနီး တပ်စွဲထားသော အကြမ်းဖက်စစ်သားများကို CNA တပ်ဖွဲ့မှ ဝင်ရောက်တိုက်ခိုက်ခဲ့ရာ အကြမ်း ဖက်စစ်သား အများအပြားထိခိုက်သေဆုံးပြီး စခန်းစွန့်ခွာထွက်ပြေးသွားကြောင်း၊ ယင်းတိုက်ပွဲအတွင်း သို့ အကြမ်းဖက်စစ်တပ်က လေကြောင်းပစ်ကူ ၂ ကြိမ်ပေးခဲ့သည့်အပြင် ဟားခါးမြို့တပ်ကုန်းမှနေ၍ လက်နက်ကြီးပစ်ကူပေးခဲ့ကြောင်း သိရသည်။
အဆိုပါတိုက်ပွဲဖြစ်ပွားသည့်နေရာကို ယနေ့ ဇူလိုင် ၉ ရက် နေ့တွင် CNA တပ်ဖွဲ့က နယ်မြေရှင်းရေး ဆောင်ရွက်ခဲ့ရာ အကြမ်းဖက်စစ်သား အလောင်း ၆ လောင်း၊ သေနတ် ၄ လက်နှင့် ခဲယမ်းအများအပြား၊ အခြားစစ်အသုံးအဆောင်ပစ္စည်းများကို တွေ့ရှိသိမ်းဆည်းခဲ့ကြောင်း သိရသည်။
"ဟားခါးဆေးရုံကို စစ်ခွေးတွေ ၄၀ ကျော်ပို့တယ်လို့ သိရပါတယ်" ဟု CNA တပ်ဖွဲ့ သတင်းရင်းမြစ်က ပြောဆိုသည်။
မေလနောက်အပတ်မှစတင်ပြီး အကြမ်းဖက်စစ်ကောင်စီတပ်က ဟားခါး-ထန်တလန် ကား လမ်းကို စိုးမိုးနိုင်ရန် လေကြောင်းပစ်ကူ၊ လက်နက်ကြီးပစ်ကူများဖြင့် မြေပြင်မှ ခြေလျင်အင်အား အများအပြားအသုံးပြု ထိုးစစ်ဆင်လျက်ရှိရာနေ့စဉ်နှင့်တိုက်ပွဲဖြစ်ပွားလျက်ရှိကြောင်း သိရသည်။
No comments:
Post a Comment