ဇွန်လကုန်ပိုင်းက ဖြစ်ပွားခဲ့သည့် ကော်ကမ်းကျေးရွာအနီး တိုက်ပွဲတွင် သေဆုံးခဲ့သည့် စစ်ကောင်စီတပ်သား အလောင်းများတွေ့ရှိ
စစ်ကိုင်းတိုင်း ဖောင်းပြင်မြို့နယ် ကော်ကမ်းကျေးရွာအနီး ပြီးခဲ့သည့် ဇွန်လကုန်ပိုင်းက တိုက်ပွဲဖြစ်ပွားခဲ့ပြီးနောက် ပြည်သူ့ကာကွယ်ရေးတပ်များက နယ်မြေရှင်းလင်းရေး လုပ်ဆောင်ခဲ့ရာ တိုက်ပွဲအတွင်း သေဆုံးခဲ့သည့် စစ်ကောင်စီတပ်သား အလောင်းများအား တွေ့ရှိခဲ့ရကြောင်း Homalin People’s Defense Force – HPDF 124ထံမှ သိရသည်။
၂၀၂၃ခုနှစ် ဇွန်လ (၂၇)ရက်နေ့တွင် စစ်ကြောင်းထိုးလာသည့် စစ်ကောင်စီတပ် ခလရ(၂၇၂)နှင့် ရှမ်းနီတပ်ဖွဲ့ (SNA) ပူးပေါင်းစစ်ကြောင်းသည် အင်အား(၁၀၀)ဝန်းကျင်ဖြင့် ဖောင်းပြင်မြို့မှ တဆင့် ကော်ကမ်းကျေးရွာသို့ လေကြောင်းပစ်ကူဖြင့် စစ်ကြောင်းထိုးလာခဲ့ရာက တိုက်ပွဲစတင် ဖြစ်ပွားခဲ့ခြင်းဖြစ်ကြောင်း သိရသည်။ ထို့နောက် ဇွန်လ (၂၈)ရက်နေ့ နှင့် (၂၉)ရက်နေ့ တို့တွင်လည်း တိုက်ပွဲဖြစ်ပွားခဲ့ပြီး ဇွန်လ(၂၉)ရက်နေ့ ညပိုင်းတွင် တိုက်လေယာဉ်ဖြင့် ဗုံးလာရောက်ကြဲချခဲ့ကြောင်း သိရသည်။
တိုက်ပွဲအတွင်း စစ်ကောင်စီတပ်နှင့် SNAတပ်များ အထိနာကာ ဇွန်လ(၃၀)ရက်နေ့တွင် လက်နက်ကြီးပစ်ကူရယူ၍ ပြန်လည်ဆုတ်ခွာသွားခဲ့သည်ဟု သိရသည်။
အဆိုပါ နှစ်ရက်ကြာတိုက်ပွဲအတွင်း အရပ်သား(၂)ဦး သတ်ဖြတ်ခံရကာ PDFရဲဘော် တစ်ဦး၊ ပ.က.ဖ ရဲဘော် တစ်ဦး ကျဆုံးခဲ့ကြောင်း သိရသည်။
#TachileikNewsAgency
Photo : Homalin People's Defense Force - HPDF 124
No comments:
Post a Comment