မင်းလှ၊ ခါချဉ်တောင် စစ်တပ် စခန်းကို PDF တပ်ဖွဲ့များက တိုက်ခိုက် သိမ်းပိုက်ပြီး စစ်တပ် ထပ်မံတပ်စွဲခြင်း မပြုနိုင်ရန် စခန်းကို မီးရှို့ရှင်းလင်း
ရန်ကုန်၊ စက်တင်ဘာ ၁၀
ပဲခူးတိုင်း၊ မင်းလှမြို့နယ်ရှိ အကြမ်းဖက် စစ်တပ်၏ ခါချဉ်တောင်စခန်းကို PDF တပ်ဖွဲ့များက တိုက်ခိုက် သိမ်းပိုက်နိုင်ခဲ့ကြောင်း သာယာဝတီခရိုင် PDF မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
စက်တင်ဘာလ ၉ ရက်နေ့ ည ၁၀ ခန့်တွင် မင်းလှမြို့နယ်၊ စိန်ကန့် လန့်−မြို့ချောင်း ရိုးမဖြတ်ကျော်လမ်း၊ ခါချဉ်တောင်ပေါ်၌ ကတုတ် ကျင်း များတူး၍ အခိုင်အမာ တပ်စွဲထားသော အကြမ်းဖက် စစ်တပ်၏ ခါချဉ် တောင် စခန်းကို သာယာဝတီခရိုင် တပ်ရင်း ၃၈၀၂ တပ်ခွဲ ၅ မှ လက်နက်ကြီး၊ လက် နက်ငယ်များဖြင့် သွားရောက် တိုက်ခိုက်ခဲ့ကြောင်း သိရသည်။
တိုက်ခိုက်မှုအတွင်း အကြမ်းဖက် စစ်တပ်က ပြန်လည်ခုခံခဲ့သော်လည်း နည်းဗျူ ဟာပိုင်း အားသာချက်ဖြင့် တော်လှန်ရေး ရဲဘော်များက ပိတ်ဆို့ တိုက်ခိုက်မှုကြောင့် စစ်သားများ စခန်းဆုတ်ခွာ ထွက်ပြေးသွားပြီး ဘတ်တံဆိပ် ၁ ခုနှင့် စခန်းကို လက်ရသိမ်းပိုက်နိုင်ခဲ့ကြောင်း၊ ယင်းနေရာတွင် စစ်သားများ ထပ်မံ တပ်မစွဲ နိုင်ရန် စခန်းကို မီးရှို့ဖျက်ဆီးလိုက်ကြောင်း၊ တိုက်ပွဲအတွင်း စစ်တပ်ဘက်မှ ထိခိုက်သေဆုံးသူ ရှိသော်လည်း အတည်မပြုသေးကြောင်း သိရှိရသည်။
"စစ်ခွေးတွေ သေ၊ မသေတော့ ညအချိန်ဖြစ်နေလို့ မသိရဘူး။ အဲကောင်တွေ ခွေးပြေး ဝက်ပြေး ပြေးကြတာ ဒီဘက်က ၄၀ မမတွေရော သေနတ်တွေနဲ့ရော ဝိုင်းထုတာမို့ အပြန်အလှန်တော့ နာရီဝက်လောက် ပစ်ကြတယ်။ ဒီဘက်က ဗျူဟာသာတော့ သူတို့ဘက်က စစ်ကူခေါ်တာမလာဘူးသိရတယ်" ဟု သာယာ ဝတီခရိုင် PDF မှ တာဝန်ရှိသူ တစ်ဦးကပြောဆိုသည်။
အဆိုပါ ခါချဉ်တောင်စခန်းတွင် သစ်တော၊ ရဲ၊ စစ်တပ်တို့ စုပေါင်း စခန်းချ ထား၍ ရိုးမအတွင်းမှ သစ်နှင့် သစ်တောထွက် ပစ္စည်းများအတွက် စစ်ကောင်စီ ကို အခွန်အခ ကောက်ခံပေးခြင်း၊ ရိုးမကို အမှီပြု၍ လုပ်ကိုင်စားသောက် နေကြ သည့် ပြည်သူများ၏ ဆိုင်ကယ်၊ ဖုန်းနှင့် အသုံးအဆောင်များကို အနိုင်ကျင့် သိမ်းယူခြင်း၊ ရိုးမအတွင်း၌ ထိန်းသိန်းစောင့်ရှောက်ရမည့် ဘေးမဲ့တောများမှ စစ်တပ်အတွတ် သစ်တန်ရာချီ ခိုးထုတ်ခွင့်ပြု၍ ဝင်ငွေရှာဖွေပေးနေခြင်း တို့ကြောင့် ယင်းစခန်းကို ဝင်ရောက် တိုက်ခိုက် မီးရှို့ဖျက်ဆီးရခြင်းဖြစ်ကြောင်း သာယာဝတီခရိုင် တပ်ရင်း ၃၈၀၂ တပ်ခွဲ ၅ က ထုတ်ပြန်ထားသည်။
No comments:
Post a Comment