ရွှေပန်းကုံးရွာရဲစခန်းကို တိုက်ခိုက်ရာ စခန်းမှူးအပါ (၁၆) ဦး ဖမ်းဆီးရမိ
ဝက်လက်မြို့နယ်၊ ရွှေပန်းကုံးရွာ ရဲစခန်းအား အမှတ် (၂) ရွှေဘိုခရိုင် ကွပ်ကဲရေး၏ ကွပ်ကဲမှုအောက်ရှိ PDF တပ်ရင်းများ၊ ဝက်လက်မြို့နယ် ပကဖ၊ လှတောတိုက်နယ် ပကဖ၊ ရွှေပန်းကုံးတိုက်နယ် ပကဖနှင့် ရွာသာကြီးတိုက်နယ် ပကဖ တို့မှ နိုဝင်ဘာလ (၂၁) ရက်တွင် စခန်းသိမ်း တိုက်ခိုက် သိမ်းပိုက်နိုင်ခဲ့သည်။
၎င်းစခန်းသိမ်းတိုက်ပွဲအတွင်း ရန်သူ့ဘက်မှ (၃) ဦး သေဆုံးပြီး စခန်းမှူးအပါအဝင် (၁၆) ဦးအား ဖမ်းဆီးရမိခဲ့သည်။ ၎င်းစခန်းမှ ရန်သူ့လက်နက်ငယ် (၃၁) လက်၊ ကျည်မျိုးစုံ (၆၄၀၀) ကျော်၊ လက်ပစ်ဗုံး (၃၂) လုံး၊ မိုင်း (၆) လုံး၊ ကျည်အိမ် (၃၈) ခု၊ ငွေကျပ် (၉၀၀,၀၀၀) သိန်းကျော်နှင့် ပစ္စည်းအချို့ သိမ်းဆည်းရမိခဲ့သည်။
၎င်းစခန်းသိမ်းတိုက်ပွဲအတွင်း မိမိတို့ဘက်မှ (၁) ဦး မြင့်မြတ်စွာ ကျဆုံးခဲ့သည်။ ၎င်းရဲစခန်းသို့ တံတားဦးမှ တက်လာသည့် ဂျက်တိုက်လေယာဉ် (၁) စီးဖြင့် ဗုံးကြဲ တိုက်ခိုက်ပြီး နမခမှ တက်လာသည့် Mi-35 (၁) စီးဖြင့် တည်တောကျေးရွာသို့ပစ်ခတ် တိုက်ခိုက်ခဲ့သည်။
အမှတ် (၁) စစ်ဒေသ
No comments:
Post a Comment