ကနဦးတိုက်ပွဲသတင်းထုတ်ပြန်ချက်
တမူးခရိုင်၊ မြို့သစ်မြို့ကို တိုက်ခိုက်သိမ်းပိုက်
၂၀၂၄ ခုနှစ်၊ မေလ (၁၁) ရက်နေ့
စစ်ကိုင်းတိုင်း၊ တမူးခရိုင်၊ တမူးမြို့နယ်၊ မြို့သစ်မြို့တွင် အခြေပြုနေသော အမှတ် (၂၂၈) ခြေလျင်တပ်ရင်း၊ SNA တပ်မဟာ-၈၉၁ (တပ်ရင်း-၃)၊ ကသည်းတပ်ဖွဲ့၊ ရဲ၊ ပျူစောထီး ပူးပေါင်းအင်အား (၂၅၀) ခန့်အား အမှတ် (၁) စစ်ဒေသ၊ တမူးခရိုင် ကွပ်ကဲမှုဖြင့် ပြည်သူ့ကာကွယ်ရေးတပ်မတော် (PDF)၊ တမူးခရိုင် တပ်ရင်း-၂၊ အထူးလှုပ်ရှား တပ်ရင်း-၉၊ ကူကီးအမျိုးသားတပ်မတော် KNA(B)၊ အမျိုးသားလွတ်မြောက်ရေး တပ်တော် (NLA) တို့က ပူးပေါင်း တိုက်ခိုက်သိမ်းပိုက်ခဲ့သည်။
ပြည်သူ့ကာကွယ်ရေးအဖွဲ့(တမူး-ပကဖ)မှ ထောက်ပံ့ပို့ဆောင်ရေး အနေဖြင့် ပါဝင်ခဲ့သည်။
၂၀၂၄ ခုနှစ်၊ မေလ (၇) ရက်နေ့၊ နံနက် (၅) နာရီမှ မေလ (၁၁) ရက်နေ့၊ နံနက် (၁၀) နာရီထိ တိုက်ခိုက်ခဲ့ခြင်း ဖြစ်သည်။
တိုက်ပွဲအတွင်း စခန်းမှူး ရဲအုပ် ကျော်ကျော်နိုင်၊ ဒု-ရဲအုပ် ကျော်ကျော်လွင်၊ ဒု-ရဲအုပ် မျိုးသန့်အပါအဝင် ရဲ (၂၁) ဦး အလံဖြူပြ လက်နက်ချအညံ့ခံခဲ့ပြီး ရန်သူ သေဆုံးနှင့် ဒဏ်ရာရစာရင်းကို စုံစမ်းနေဆဲဖြစ်သည်။
ရန်သူ့တပ်ထံမှ လက်နက်ငယ် (၂၉) လက် အပါအဝင် ခဲယမ်းမီးကျောက်များ သိမ်းဆည်းရမိခဲ့ကြောင်း ကနဦး အသိပေး ထုတ်ပြန်အပ်ပါသည်။
ပြည်သူ့ကာကွယ်ရေးတပ်မတော် (PDF)၊ စစ်ရုံးချုပ်
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ
Done✊
ReplyDelete