မော်လိုက်ခရိုင်ရှိ ရောင်းဟီးရွာသို့ ထိုးစစ်ဆင်လာသော စစ်ကောင်စီအဖွဲ့အား အောင်မြင်စွာတိုက်ထုတ်ခဲ့

 မော်လိုက်ခရိုင်ရှိ ရောင်းဟီးရွာသို့ ထိုးစစ်ဆင်လာသော စစ်ကောင်စီအဖွဲ့အား အောင်မြင်စွာတိုက်ထုတ်ခဲ့

မေလ (၅) ရက်

          စစ်ကိုင်းတိုင်း၊ မော်လိုက်ခရိုင်၊ ဖောင်းပြင်မြို့နယ်၊ ရောင်းဟီးရွာသို့ ခမရ-၃၆၈ နှင့် ပျူစောထီး ပူးပေါင်းအင်အား (၈၀) ခန့်တို့ မေလ (၅) ရက်၊ နံနက် (၅) နာရီခွဲမှ စတင်ထိုးစစ်ဆင် တိုက်ခိုက်ခဲ့ကြသည်။ ၎င်းစကစအဖွဲ့အား မော်လိုက်ခရိုင် တပ်ရင်း (၁၊ ၂) အဖွဲ့တို့မှ နံနက် (၁၁) နာရီခွဲတွင် အောင်မြင်စွာ တိုက်ထုတ်ခဲ့ကြသည်။ 

          စစ်ကောင်စီဘက်မှ အလောင်း (၇) လောင်းရရှိပြီး ၆၀ မမ ပြောင်းတို (၁) လက်၊ MA-1 (၄) လက်၊ MA ကျည် (၁၅၁၂) တောင့်၊ ၄၀ မမ ဗုံးသီး (၁၉) လုံး၊ ၆၀ မမ ဗုံးသီး (၈) လုံး၊ RPG-7 ဒုံးသီး (၅) လုံး၊ MA ကျည်အိမ် (၂၆) ခု၊ စကားပြောစက် (၁) ခု၊ ကျည်ကာဦးထုပ် (၁) ခု၊ ဖုန်း (၃) လုံး၊ ဆေးပစ္စည်းအစုံနှင့် စကားပြောစက်ဓာတ်ခဲအပို (၂) ခု သိမ်းဆည်းရမိသည်။

အမှတ် (၁) စစ်ဒေသ