တော်လှန်ရေးတပ်တွေသိမ်းပိုက်ထိန်းချုပ်ထားတဲ့ ၈၆ မြို့

 တော်လှန်ရေးတပ်တွေသိမ်းပိုက်ထိန်းချုပ်ထားတဲ့ ၈၆ မြို့

-People's Spring 

ကချင်လွတ်လပ်ရေးတပ်မတော် (KIA )က မြန်မာ-တရုတ်နယ်စပ် က မြို့ငယ်လေးဖြစ်တဲ့

ဖီမော်မြို့ကို နိုဝင်ဘာ ၂ ရက်မှာ သိမ်းပိုက်ခဲ့ပါတယ် ။ဒါကြောင့် နွေဦးတော်လှန်ရေးမှာ တော်လှန်ရေးတပ်တွေ သိမ်းပိုက်ထိန်းချုပ်နိုင်ခဲ့တဲ့ ၈၆ မြို့မြောက်ဖြစ်လာပါတယ် ။

KIA ဦးဆောင်တဲ့ ပူးပေါင်းတပ်တွေဟာ ကချင် အထူးဒေသ (၁) အတွင်းမှာရှိတဲ့ ချီဖွေမြို့ ၊ဆော့လော်မြို့ ၊ ပန်ဝါမြို့ နဲ့ အခုနောက်ဆုံး ဖီမော်မြို့တွေကို တစ်လကျော်အတွင်းမှာ ဆက်တိုက်သိမ်းပိုက်နိုင်ခဲ့တာပါ ။ စစ်တပ်လက်အောက်ခံ 

ဦးဇခုန်တိန့်ယိန်း ဦးဆောင်သည့် ကချင်အထူးဒေသ(၁) အောက်က ဆဒုံးမြို့ကို ၂၀၂၄ ဇွန်လမှာ စတင်သိမ်းပိုက်ခဲ့သလို ဒေသတွင်းမှာရှိတဲ့ နယ်ခြားစောင့်တပ်စခန်း ၊ပြည်သူ့စစ်စခန်း ၊စစ်တပ်စခန်း အများအပြားကိုသိမ်းပိုက်ထားတာကြောင့် ဒီဒေသမှာ ကန်ပိုက်တီ မြို့က စစ်တပ်စခန်း နဲ့ နယ်ခြားစောင့်တပ်စခန်း အနည်းငယ်ပဲကျန်တော့တာဖြစ်ပါတယ် ။ ဖီမော်မြို့ဟာ ကချင်ပြည်နယ် မှာ KIA အပြီးသတ်သိမ်းပိုက်ထိန်းချုပ်တဲ့ ၁၃ မြို့ဖြစ်ပါတယ် ။KIA က ရှမ်းပြည်နယ် မြောက်ပိုင်းမှာလည်း မဘိမ်း မြို့ နဲ့ နမ့်ဖက်ကာရွာ၊ နမ့်ဖက်ကာ ဒေသမှာရှိတဲ့စစ်တပ် ဗျူဟာကုန်းနဲ့စခန်းတွေကိုလည်း သိမ်းပိုက်ထိန်းချုပ်ထားပါတယ် ။

တော်လှန်ရေးတပ်တွေသိမ်းပိုက်ထိန်းချုပ်ထားတဲ့ ၈၆ မြို့ အင်ဖိုဂရပ်မှာ တော်လှန်ရေးတပ်တွေက သိမ်းပိုက်ထိန်းချုပ်ထားပေမယ့် တရားဝင်မထုတ်ပြန်တာကြောင့် ဒီစာရင်းမှာ မပါသေးတဲ့မြို့တွေကျန်ရှိနိုင်ပါသေးတယ် ။ ဒါအပြင် တော်လှန်ရေးတပ်တွေက မသိမ်းပေမယ့် မြို့ပတ်ပတ်လည်ကိုဝိုင်းရံပိတ်ဆို့ထားတဲ့ မြို့များစွာလည်းရှိနေပါတယ် ။တချိန်တည်းမှာပဲ အာရက္ခတပ်တော်(AA) ကရခိုင်ပြည်နယ် က အမ်း ၊မောင်တော ၊ဂွ ၊ တောင်ကုတ်မြို့ သိမ်းတိုက်ပွဲတွေ ဆင်နွှဲနေသလို ၊ PDF တွေကလည်း အင်းတော်မို့သိမ်းတိုက်ပွဲဆင်နွှဲနေပါတယ် ။