“တော်လှန်စိတ်နဲ့ အသံတိတ်စို့”

 “တော်လှန်စိတ်နဲ့ အသံတိတ်စို့”

သင်္ကြန် နှင့်ပတ်သတ်လို့ တို့ပြည်သူများ စိတ်လွတ်ကိုယ်လွတ် မကြည်နူးမပျော်ပါးရသည်မှာ နှစ်အားဖြင့် ၃နှစ်လွန်ခဲ့ပါပြီ။၂၀၂၀မှာ ကိုဗစ်(နိုင်တင်း) ကပ်ရောဂါကူးစက်ပြန့်နှံ့မှုနှုန်း တဟုန်ထိုးမြှင့်တက်နေတာမို့ အတာင်္သကြန်ကို ခနထားလို့ ကူသူကကူ၊လှူသူကလှူ၊ဦးဆောင်သူက ဦးဆောင်ဖြင့် ဝိုင်းဝန်းဖေါ်ဆောင်ခဲ့ကြရင်း ရောဂါကပ်ကို ညီညွတ်မှုဖြင့် အောင်နိုင်ခဲ့ကြသည်။ ၂၀၂၁ခုနှစ်မှစ၍ အကြမ်းဖက်စစ်အုပ်စု၏ အာဏာလုယူဆဲကာလ အတာသင်္ကြန်တွင်လည်း တုန်လှုပ်ခြောက်ခြားဖွယ်ရာ လူသတ်မှု၊စစ်ရာဇဝတ်မှု ကျူးလွန်မှု၊နေအိမ်များ မီးရိူ့ဖျက်ဆီးခံရမှုတွေနဲဘ စိတ်မချမ်းမြေ့ဖွယ်ရာအတိဖြစ်ခဲ့ရသည်မို့ ဘယ်မှာများ သင်္ကြန်၏ အနှစ်သာရတို့ လွှမ်းခြုံနေပါလိမ့်မလဲ။

အကြမ်းဖက်စစ်အုပ်စုအနေနဲ့ မြန်မာ့ရိုးရာအတာင်္သကြန်ကို အသုံးချလို့ မြန်မာပြည်သူတွေ ပျော်ရွှင်နေကြပါပြီ၊တိုင်းပြည်မှာ လုံခြုံနေပါပြီ၊သူတို့ အခြေအနေကို ထိန်းထားနိုင်ပြီ၊အုပ်ချုပ်နိုင်ပြီ စတဲ့ မိုးလုံးပြည့်မုသာဝါဒတွေ ကျူးလွန်ဖို့ အထူးအားခဲထားရသည့် ပွဲလည်း ဖြစ်နေသည်။

သို့သော်လည်း တိုင်းပြည်ဟာ နာရေးဖြစ်နေဆဲ၊လူ့အခွင့်အရေးဆိုတာ မသိရလောက်အောင် ဖိနိုပ်ညှင်းပန်းသတ်ဖြတ်ခံနေရဆဲ၊ထို့အပြင် ကလေးသူငယ်တွေကို ရက်ရက်စက်စက် သတ်ဖြတ်၊အမျိုးသမီးတွေကို မုဒိန်းကျင့် ပြီးတော့ ရက်ရက်စက်စက် သတ်ဖြတ်၊ဒို့ပြည်သူ့မျက်ရည်တွေ၊ပြည်သူ့သွေးတွေ၊ပြည်သူ့ချွေးတွေနဲ့ သင်္ကြန် ရေမှာ ရောနှောလို့ ပေတရာမှာ ပေနေတဲ့ သွေးတွေကို ဆေးချင်နေကြပြန်ရဲ့။ ဒါ့ကြောင့် အာဏာဖီဆန်အံတုရေးဗျူဟာတွေထဲက သိပ်ထိမိ၊ချက်ကောင်းထိလှတဲ့ နည်းနာတစ်ခုက “ရန်သူက ပျော်စေချင်ရင် မပျော်နဲ့၊ရန်သူက သေစေချင်ရင် မသေအောင်နေ၊ရန်သူက ကြောက်စေချင်ရင် မကြောက်ကြနဲ့ ဆိုတဲ့ အံတုရေးလမ်းစဉ်ကို ဒို့ပြည်သူတွေ ပြတ်ပြတ်သားသားဆောင်ရွက်ကြမယ်ဆိုတာ အကြွင်းမဲ့ ယုံပါကြောင်းနှင့် အပြင်မထွက်ဘူး၊ရေမပက်ဘူး၊ရေပက်မခံဘူး၊သင်္ကြန် လုံးဝမလည်ဘူး ဆိုတဲ့ တော်လှန်စိတ် ကိုင်စွဲပြီး ဒို့ပြည်သူ့တွေရဲ့ သဘောထားကို ဖေါ်ထုတ်ကြဖို့၊အာခံကြဖို့ ဒီမိုကရက်တစ်လူငယ်ကောင်စီ မှ တိုက်တွန်းလိုက်ရပါသည်။

ဒီမိုကရက်တစ်လူငယ်ကောင်စီ

လူငယ်နိုင်ငံရေးအဖွဲ့အစည်း

#တော်လှန်သင်္ကြန်

#တော်လှန်စိတ်နဲ့_အသံတိတ်စို့

#democratic_youth_council

#RejectMilitaryCoup