တော်လှန်ရေးဆိုတာ ခံယူချက်နဲ့ အလုပ်လုပ်ရတာပါ၊ ခံစားချက်နောက်ကို အမြဲတမ်း လိုက်သွားလို့ မရဘူး။
ခံစားချက်ကတော့ လူတိုင်းမှာ ရှိတယ်၊ဒီခံစားချက်ကို ကျနော်တို့က ခံယူချက်ကောင်းကောင်းဖြစ်အောင် ပြောင်းယူရတာပဲ။
ခံစားချက်ဆိုတဲ့ သဘောက အချိန်ကြာလာလို့ ရှိရင် ဒီဂရီအပြောင်းအလည်းတွေ ရှိတတ်တယ်။ ခံယူချက်ကတော့ တစ်သမတ်တည်း သွားတယ်။
အဲဒီ အကြောက်တရားတွေ မက်လုံးပေးတာတွေရဲ့ အောက်မှာ အရောင်ပြောင်းမသွားအောင်ပေါ့။
ဘယ်လောက်ပဲ ပန်းတိုင်က ဝေးသည်ဖြစ်စေ၊နီးသည် ဖြစ်စေ ခံယူချက်ဆိုတာက ကိုယ့်ရဲ့အသက်နဲ့ ပူးပြီးတော့ ချည်ထားတဲ့ အရာတစ်ခုဖြစ်နေတယ်။
ရှင်သန်နေသ၍ ဒီခံယူချက်က တည်တည်ငြိမ်ငြိမ်နဲ့ ရှိနေမှာပါ။
#မင်းကိုနိုင်
၁၅.၃.၂၀၂၂
No comments:
Post a Comment