အပျော်လွန်ကြူးတဲ့ သင်္ကြန်မဖြစ်ပါစေနဲ့ တော်လှန်သင်္ကြန်ပဲ ဖြစ်ပါစေ
စစ်ကိုင်းတိုင်း တန့်ဆည်မြို့နယ်တွင် မတ်လ ၂၀ရက်နေ့ မနက်ပိုင်းက စစ်ကောင်စီမှ ဦးဆောင်ကျင်းပမည့် သင်္ကြန်ပွဲတော်တွင် ဖျော်ဖြေမည့် အနုပညာရှင်များအား ကန့်ကွက်ရှုတ်ချကြောင်းနှင့် တော်လှန်သင်္ကြန်အဖြစ်သာ ဆင်နွှဲရန် အမျိုးသမီးအများစုပါဝင်သည့် တန့်ဆည်ပင်မ သပိတ်စစ်ကြောင်းမှ ချီတက်ဆန္ဒပြခဲ့ကြောင်း သိရသည်။
"စကစရဲ့သင်္ကြန်မှာ ဖျော်ဖြေကြမယ့် အနုပညာရှင်များအား ကန့်ကွက်ရှုတ်ချပါသည်"၊ "အပျော်လွန်ကြူးတဲ့ သင်္ကြန်မဖြစ်ပါစေနဲ့ တော်လှန်သင်္ကြန်ပဲဖြစ်ပါစေ တိုင်းပြည်ကခွေးကိုက်ခံထားရတာများနေပြီ"ဟု စာသားများပါ ဘန်နာကို ကိုင်ဆွဲကာ ကိုင်ဆောင်၍ "စစ်ကောင်စီနဲ့ ပူးပေါင်းသည့် အနုပညာရှင်မှန်သမျှ ပြတ်ပြတ်သားသားဆန့်ကျင်ကြ"ဟု ကြွေးကြော် ဆန္ဒထုတ်ဖော်ခဲ့ကြခြင်းဖြစ်သည်။
#တန့်ဆည် လူထုသပိတ်တိုက်ပွဲ
No comments:
Post a Comment