ထားဝယ် ရေနက် ဆိပ်ကမ်း ရဲစခန်းကို လက်နက်ကြီးများဖြင့် ပစ်ခတ် တိုက်ခိုက်မှု ၃ ဦးသေဆုံး
ရန်ကုန်၊ ဧပြီ ၂၀
တနင်္သာရီတိုင်း၊ ရေဖြူမြို့နယ်ရှိ ထားဝယ် ရေနက်ဆိပ်ကမ်း ရဲစခန်းကို လက်နက်ကြီးများဖြင့် ပစ်ခတ် တိုက်ခိုက်ခဲ့ရာ စစ်ကောင်စီ တပ်သား ၃ ဦးသေဆုံးကြောင်း ရေဖြူမြို့နယ် (ပကဖ) တပ်ခွဲ-၃ (A.0) အဖွဲ့ထံမှ သိရသည်။
ဧပြီလ ၁၇ ရက်နေ့ နံနက် ၁၁ နာရီ ၃၀ မိနစ်ခန့်တွင် ရေဖြူမြို့နယ်၊ ထားဝယ် စီးပွားရေးဇုန် ဧရိယာအတွင်းရှိ ရေနက်ဆိပ်ကမ်း ရဲစခန်းကို ရေဖြူမြို့နယ် (ပကဖ) တပ်ခွဲ-၃ (A.0) အဖွဲ့မှ လက်နက်ကြီးများဖြင့် ပစ်ခတ် တိုက်ခိုက်ခဲ့ကြောင်း သိရသည်။
အဆိုပါ ရဲစခန်းတွင် ရေတပ်မှ စစ်သားနဲ့ ရဲများ တပ်စွဲထားပြီး အင်အား ၂၀ ဝန်းကျင်ခန့်ရှိကြောင်း၊ ရေဖြူ မြို့နယ် (ပကဖ) တပ်ခွဲ-၃ (A.0) အဖွဲ့က လက်နက်ကြီး ၇ ချက် ပစ်ခတ် တိုက်ခိုက်ခဲ့ပြီး စစ်ကောင်စီ တပ်သား ၃ ဦးသေဆုံးကာ ၄ ဦး ထိခိုက် ဒဏ်ရာ ရရှိခဲ့ကြောင်း သိရှိရသည်။
No comments:
Post a Comment