Sunday 9 April 2023
စက်သုံးဆီဆိုင်များတွင် ဓာတ်ဆီနှင့်ဒီဇယ်ဆီ အကန့်အသတ်ဖြင့်သာ ရောင်းချပြီး ကားများတန်းစီရပြန်
စက်သုံးဆီဆိုင်များတွင် ဓာတ်ဆီနှင့်ဒီဇယ်ဆီ အကန့်အသတ်ဖြင့်သာ ရောင်းချပြီး ကားများတန်းစီရပြန်
ရန်ကုန်၊ ဧပြီ ၉
အကြမ်းဖက်စစ်ကောင်စီက နိုင်ငံတွင်းသို့ စက်သုံးဆီ တင်သွင်းမှု လျှော့ချလိုက်ပြီးနောက် စက်သုံးဆီဆိုင်များတွင် ဓာတ်ဆီနှင့်ဒီဇယ်ဆီများ ပြတ်လပ် ပြီး ကားများကို အကန့်အသတ်ဖြင့်သာ ရောင်းချနေရသဖြင့် တန်းစီ ဝယ်ယူရကြောင်း သိရှိရသည်။
"တချို့ဆိုင်တွေ ဒီဇယ်မရဘူး၊ 92 မရဘူး။ ဆိုင်ထဲမှာ လက်ကျန်မရှိတော့ဘူးဆိုပြီး လက်ခါပြတယ်။။ ရောင်းတဲ့ဆိုင်တွေမှာ တစ်စီးကို 92 ဓာတ်ဆီ နှစ်သောင်းဖိုး ရောင်းပေးတယ်။ အရမ်းကြီးတော့ တန်းမစီရပေမယ့် ၁၅ မိနစ်လောက်တော့ တန်းစီရတယ်။ အခုက ကားတွေက အကုန် ခရီးထွက်ကြလို့ မြို့ထဲမှာ သိပ်တန်းမစီရတာ။ သင်္ကြန်ပြီးရင်တော့ ကြိတ်ကြိတ်တိုး တန်းစီရမယ်ထင်တယ်" ဟု ရန်ကုန်မှ တက္ကစီအငှားယာဉ်မောင်တစ်ဦးက ဆိုသည်။
ဧပြီလ ၇ ရက်နေ့ ညနေပိုင်းမှစတင်၍ အမြန်လမ်းတွင် ခရီးထွက်ကြသည့်ကားများဖြင့် စည်ကားနေခဲ့ရာ အမြန်လမ်း စက်သုံးဆီဆိုင်များတွင် ဓာတ်ဆီနှင့်ဒီဇယ်ဆီ လိုသလောက် မရဘဲ ကားတစ်စီးလျှင် ငွေကျပ် ၂ သောင်းနှုန်းသာ ဆီရောင်းချပေးသည်ဟု သိရှိရသည်။
"ရန်ကုန်မှာလည်း ဆီအပြည့်ဖို့ နှစ်ဆိုင် သုံးဆိုင်တန်းစီပြီး ဆီဖြည့်ပြီးမှ ထွက်လာတာ။ အမြန်လမ်းမှာ ဆီမရမှာ စိတ်ပူထပ်ဖြည့်တာ အပြည့်မရောင်းဘူး။ တစ်စီးကို 92 ဓာတ်ဆီ နှစ်သောင်းဖိုးပဲ ရောင်းပေးတယ်။ အပြန်ကျရင်တော့ ဘယ်လိုဖြစ်မယ်မသိဘူး" ဟု အမြန်လမ်း ၁၀၅ မိုင်တွင် ဆီဝင်ဖြည့်ခဲ့သူ ရန်ကုန်မှ ခရီးသွား ပြည်သူတစ်ဦးက ဆိုသည်။
ထို့ပြင် စက်ရုံ၊ အလုပ်ရုံများ၊ မီးစက်အသုံးပြုသူများအနေဖြင့် ဒီဇယ်နှင့်ပရီယံဒီဇယ် လုံး၀ ဝယ်ယူ၍ မရကြောင်း ၊ စက်သုံးဆီစျေးနှုန်းများမှာလည်း အဆမတန် မြင့်တက်နေပြီး 92 ဓာတ်ဆီ တစ်လီတာလျှင် ရန်ကုန်စျေး ၂၂၅၀ ကျပ်၊ 95 ဓာတ်ဆီ တစ်လီတာလျှင် ရန်ကုန်စျေး ၂၃၁၅ ကျပ်၊ ပရီယံ ဒီဇယ်ဆီ တစ်လီတာလျှင် ရန်ကုန်စျေး ၂၂၃၀ စျေးပေါက်နေကြောင်း သိရှိရသည်။
ဓာတ်ပုံ- ဧပြီလ ၈ ရက်နေ့ ညနေပိုင်း လှည်းကူး စက်သုံးဆီဆိုင်တွင် ကားများ တိုးကြိတ်နေစဉ်။
Subscribe to:
Post Comments (Atom)
ပခုက္ကူမြို့နယ်၊ အင်ပင်ကျေးရွာမှ မိသားစုကို ပြန်လာခေါ်သည့် တပ်ကြပ်ကြီး ၁ ဦးကို PDF တပ်ဖွဲ့က အရှင်ဖမ်းမိ
ပခုက္ကူမြို့နယ်၊ အင်ပင်ကျေးရွာမှ မိသားစုကို ပြန်လာခေါ်သည့် တပ်ကြပ်ကြီး ၁ ဦးကို PDF တပ်ဖွဲ့က အရှင်ဖမ်းမိ ရန်ကုန်၊ စက်တင်ဘာ ၈ ပခုက္ကူမြို့နယ...
![](https://blogger.googleusercontent.com/img/b/R29vZ2xl/AVvXsEhwsdb-TQ90txoPSR0KMjJGuVl_sdsTWiv-krktouaFZZTrbqkU0YJb8W35LDeQESm_ZczopFwLnb0RzSeqqYHK4qkUNf7H4TALMinrKRceuGOjGrzGJMbCJpO7DBaSgSc1DTw3IkM6PbXw1B58YQgEmrksnclcBpwpk-YjCmu-f3Ct2Oq3vGKOXwVUkptT/s320/IMG_20240909_073259_569.jpg)
-
MNDAA က တုန်းရှမ်းဒေသ ကြွယ်ပါးနေရာရှိ တပ်စခန်းကို သိမ်းပိုက်၊ ညီနောင်မဟာမိတ် ၃ ဖွဲ့က စစ်ကောင်စီတပ်စခန်း ၁၅၈ ခု သိမ်းပိုက်ထား နိုဝင်ဘာ ၂၁၊ ၂...
-
တောင်ငူမြို့ ၊ ၄ မိုင်ရှိ အမှတ် ၃၉ ခြေလျင်တပ်ရင်းကို တော်လှန်ရေးတပ်များ ဝင်ရောက်တိုက်ခိုက်နေပြီး စစ်တပ်က တိုက်လေယာဉ်များ၊ ရဟတ်ယာဉ်များဖြင့်...
-
ပြင်းထန်နေဆဲ ဗန်းမော်စစ်မျက်နှာနှင့် ဟိန်းထနေသေးသော မြောက်ပိုင်းရှိ စစ်တပ်များ (စစ်ရေးသတင်းဆောင်းပါး) အဂမ် မဇ္ဈိမ။ ။ ကချင်ပြည်နယ်၏တောင်...
No comments:
Post a Comment