စစ်ရေးအရှိန် မြင့်တင်ပြီး အဓိကလမ်းမကြီးတချို့အား အသွားအလာကန့်သတ်
ဇူလိုင် ၁၊ ၂၀၂၃
ပြည်သူ့ကာကွယ်ရေးတပ်မတော် တောင်ပိုင်းစစ်ဒေသ အမှတ်(၂)၊စစ်ဒေသခွဲက အာဏာသိမ်း အကြမ်းဖက် စစ်ကောင်စီကို တန်ပြန် ထိုးစစ်ဆင်ပြီး စစ်ရေးအရှိန်မြင့်တင် ဆောက်ရွက်မယ်လို့ ဒီကနေ့ ဇူလိုင်လ ၁ ရက် ရက်စွဲနဲ့ ထုတ်ပြန်ပါတယ်။
စစ်ရေးအရှိန်မြင့်တင် ဆောက်ရွက်မှာ ဖြစ်လို့ ပြည်သူလုထု ထိခိုက်နစ်နာမှု မရှိစေဖို့ကို ပဲခူးတိုင်းအတွင်းက ရန်ကုန်-မန္တလေး လမ်းဟောင်း၊ ရန်ကုန်-မန္တလေး အမြန်လမ်း၊ ပဲခူး- စစ်တောင်း လမ်းပိုင်းနဲ့ မွန်ပြည်နယ် အတွင်းက ရန်ကုန်-မုတ္တမ ၊ ရန်ကုန်-ဖားအံလမ်းတွေကို သွားလာချိန်ကန့်သတ်လိုက်ပါတယ်။ အဲဒီလမ်းတွေမှာ နေ့အချိန် သွားလာရာမှာ မှန်ချသွားလာဖို့ တာဝန်ရစစ်ဆေးတာကို ကြည်ဖြူစွာလက်ခံဖို့နဲ့ ည ၆ နာရီကနေ မနက် ၆ နာရီအတွင်း သွားလာခြင်းမပြုလုပ် အသိပေးထားတာဖြစ်ပါတယ်။
ပြီးခဲ့တဲ့ ရက်ပိုင်းမှာ သထုံမြိုနယ်နဲ့ ဘီးလင်းမြို့နယ်ကြားက တံတားတစီးကို KNLA နဲ့ ပူးပေါင်းတပ်တွေက ဖောက်ခွဲတိုက်ခိုက်ပါတယ်။ အခုကန့်သတ်လိုက်တဲ့ လမ်းမကြီးတွေထဲမှာ ထိုင်းနိုင်ငံနဲ့ ကူးသန်းရောင်းဝယ်ရေး ပြုလုပ်နေတဲ့ အဓိကလမ်းမကြီးတွေ ပါဝင်ပါတယ်။
#MyanmarLabourNews
No comments:
Post a Comment