မော်လိုက်မြို့နယ် တောင်အင်းရွာ စစ်ကောင်စီစခန်းကုန်းကို PDF သိမ်းပိုက်၊ လက်နက်ခဲယမ်း အများအပြား သိမ်းဆည်းရရှိ
မဲခေါင်၊ ဇူလိုင် ၁
စစ်ကိုင်းတိုင်း၊ မော်လိုက်မြို့နယ်၊ တောင်အင်းရွာမှာရှိတဲ့ စစ်ကောင်စီစခန်းကုန်းကို မော်လိုက်ခရိုင် ပြည်သူ့ကာကွယ်ရေးတပ်ရင်း ၂ က ဇွန်လ ၃၀ မနက်ပိုင်းမှာ ဝင်ရောက်တိုက်ခိုက်သိမ်းပိုက်ရရှိခဲ့တယ်လို့ အမျိုးသားညီညွှတ်ရေးအစိုးရ (NUG) ကာကွယ်ရေးဝန်ကြီးဌာနက ဒီနေ့ ထုတ်ပြန်ပါတယ်။
တောင်အင်းကျေးရွာအနီး တပ်စွဲထားတဲ့ အဲ့ဒီစခန်းမှာ ခမရ ၃၆၅(မော်လိုက် စကခ၁၀)၊ ခမရ ၃၆၆ (မော်လိုက် စကခ ၁၀) က စစ်ကောင်စီတပ်သားတွေအပြင် ရဲနဲ့ ပျူစောထီးပူးပေါင်းအင်အား ၅၀ ခန့်ရှိတာကို ဝင်ရောက်တိုက်ခိုက် သိမ်းပိုက်နိုင်ခဲ့တာလို့ NUG ကာကွယ်ရေးဝန်ကြီးဌာနက ထုတ်ပြန်ပါတယ်။
အဲ့ဒီလို ဝင်ရောက်တိုက်ခိုက်ချိန်မှာ ဒေသကွပ်ကဲမှုဌာနချုပ် (ကလေး)မှာ အခြေပြုထားတဲ့ စစ်ကောင်စီရဟတ်ယာဉ်က ၄ ကြိမ်တိတိ လေကြောင်းတိုက်ခိုက်မှု ပြုလုပ်ခဲ့တယ်လို့ ဆိုပါတယ်။
စစ်ကောင်စီဘက်မှ ဗိုလ်ကြီး ၁ ဦးအပါ၊ ၁၀ ယောက်သေဆုံးပြီး MA 60 ၊ MA 10 RPG ၁ လက်၊ BA 100 ၆၀ မမ ကွန်မန်ဒိုစိန်ပြောင်း ၁ လက်အပါအဝင် လက်နက်ခဲယမ်း အများအပြားသိမ်းမိတယ်လို့ သိရပါတယ်။
No comments:
Post a Comment