မယ်စဲ့ရဲစခန်းမှ ထွက်ပြေးတိမ်းရှောင်ရင်း ဖမ်းမိသော စစ်တပ်၊ ရဲ မိသားစုဝင် ၉ ဦးကို နေရပ်ပြန်ခွင့်ပေး၊ အိမ်ထောင်ဦးစီး စစ်သားများနှင့်ရဲများအားလုံး သေ ဆုံး သွားခဲ့
ရန်ကုန်၊ စက်တင်ဘာ ၁၉
ကရင်နီ(ကယား)ပြည်နယ်၊ မယ့်စဲ့မြို့နယ်၊ မယ်စဲ့ရဲစခန်းအတွင်းမှ ထွက်ပြေး တိမ်း ရှောင်ရင်း ဖမ်းဆီးရရှိ သော အကြမ်းဖက်စစ်သား မိသားစု တစ်စုနှင့် ရဲမိသားစုဝင် ၂ စုတို့ကို နေရပ်သို့ ပြန်လည်နေထိုင်ခွင့်ပေးလိုက်ကြောင်း ပြည်သူ့ကာကွယ်ရေးတပ်- ဒီးမော့ဆိုမြို့နယ်က သတင်းထုတ်ပြန်သည်။
ဇွန်လ ၁၆ ရက်နေ့ မယ်စဲ့ရဲစခန်း မသိမ်းပိုက်မီ ပြည်သူ့ကာကွယ်ရေးတပ် - ဒီးမော့ဆို (DMO – Local PDF) တပ်ဖွဲ့ဝင်များက မယ်စဲ့မြို့အတွင်း ကင်း လှည့် လှုပ်ရှားနေစဉ် မယ်စဲ့ရဲစခန်းအတွင်းမှ တိမ်းရှောင်ထွက်ပြေး လာသော စစ်ကောင်စီ တပ်မိသားစုနှင့် ရဲမိသားစုဝင် ၉ ဦးကို ဖမ်းဆီးထိန်းသိမ်းခဲ့ကြောင်း သိရသည်။
အဆိုပါမိသားစုဝင် ၉ ဦးကို ဖမ်းဆီးထိန်းသိမ်းပြီး တစ်ပတ်ကျော်အကြာ ဇွန်လ ၂၃ ရက်နေ့တွင် မယ်စဲ့ရဲစခန်း နှင့် မယ်စဲ့ တောင်ပေါ်စစ်တပ်စခန်းကို ကယား (ကရင်နီ) ပြည်သူ့ကာကွယ်ရေးပူးပေါင်းတပ်ဖွဲ့များက ဝင်ရောက် တိုက်ခိုက် သိမ်း ပိုက်ခဲ့ကြောင်း၊ ၎င်းတို့၏ ခင်ပွန်းများအားလုံး သေဆုံးခဲ့ပြီး ဖမ်းဆီး ထိန်းသိမ်းထားသော မိသား စုဝင်များမှလည်း ၎င်းတို့ကို မယ်စဲ့စခန်းသို့ ပြန်မပို့ ရန် တောင်းဆိုလာသဖြင့် ခက်ခက်ခဲခဲခေါ်ဆောင်ကာ လုံခြုံသည့် နေရာ၌ ထိန်းသိမ်းထားရှိခဲ့ကြောင်း သိရှိရသည်။
ဖမ်းဆီးထိန်းသိမ်းထားစဉ်ကာလအတွင်း ၎င်းတို့အား ခြိမ်းခြောက်ခြင်း၊ ရိုက် နှက် ခြင်း၊ နှိပ်စက်ခြင်းများ လုံးဝမပြုလုပ်ဘဲ လိုအပ်သည့် အစာအစား၊ အဝတ် အထည်၊ အသုံးအဆောင်ပစ္စည်းများနှင့် ကျန်းမာရေး စောင့်ရှောက်မှုကို တပ်ဖွဲ့ ဝင်များနှင့်တန်းတူ ထားရှိခဲ့ကြောင်း၊ စက်တင်ဘာလ ၁၈ ရက်နေ့တွင် ၎င်းတို့ က နေ ရပ် သို့ ပြန်လိုကြောင်း တင်ပြတောင်းဆိုလာသဖြင့် ၎င်းတို့၏ ဆန္ဒ အရ လမ်းစရိတ်အတွက် ငွေ ၅၀,၀၀၀ ကျပ်နှင့်အတူ လုံခြုံသည့်နေရာ တစ်ခု သို့ ကောင်းမွန်စွာ ပို့ဆောင်ပေးခဲ့ကြောင်း ပြည်သူ့ကာကွယ်ရေး တပ် - ဒီးမော့ ဆို (DMO-Local PDF)တပ်ဖွဲ့က ထုတ်ပြန်ထားသည်။
No comments:
Post a Comment