ထားဝယ်မြို့မှာ သုံးဘီးနဲ့ လမ်းကင်းထွက်လာတဲ့ စကစတပ်ဖွဲ့ကို ကြားဖြတ်တိုက်ခိုက်ရာ စကစ ၅ ဦးသေဆုံး၊ သေနတ် ၅ လက် သိမ်းဆည်းရရှိ

 ◼️‌ထားဝယ်မြို့မှာ သုံးဘီးနဲ့ လမ်းကင်းထွက်လာတဲ့ စကစတပ်ဖွဲ့ကို ကြားဖြတ်တိုက်ခိုက်ရာ စကစ ၅ ဦးသေဆုံး၊ သေနတ် ၅ လက် သိမ်းဆည်းရရှိ

၁၉ နိုဝင်ဘာ ||| နွေဦးအသံ |||

တနင်္သာရီဒေသ၊ ထားဝယ်မြို့မှာ သုံးဘီးယာဉ်နဲ့ လမ်းကင်းထွက်လာတဲ့ အကြမ်းဖက်စစ်ကောင်စီတပ်ဖွဲ့ဝင်တွေကို တော်လှန်ရေးတပ်ဖွဲ့တွေက နိုဝင်ဘာ ၁၈ ရက်၊ မနက် ၉ နာရီခန့်မှာ ကြားဖြတ်တိုက်ခိုက်ခဲ့ရာ စကစတပ်ဖွဲ့ဝင် ၅ ဦး သေဆုံး၊ ၂ ဦးထိခိုက်ပြီး သေနတ် ၅ လက် သိမ်းဆည်းရရှိခဲ့တယ်လို့ သိရပါတယ်။

သုံးဘီးယာဉ်နဲ့ လမ်းကင်းထွက်လာတဲ့ စကစတပ်ဖွဲ့ကို အိမ်ရှေ့ပြင်ရပ်ကွက်နဲ့ ဆင်ဆိပ်ရပ်ကွက်ကြားအရောက်မှာ ကြားဖြတ်တိုက်ခိုက်ခဲ့ရာ ၁၅ မိနစ်ခန့်အပြန်အလှန်ပစ်ခတ်ခဲ့ပြီးနောက် စကစတပ်ဖွဲ့ဝင် ၅ ဦး သေဆုံး၊ ၂ ဦး ဒဏ်ရာရရှိပြီး ထွက်ပြေးသွားကြောင်းနဲ့ MA1 ၃ လက်၊ MA3 ၁ လက်၊ MA2 စက်ကလေး ၁ လက်၊ ကျည်ဘောက် ၁၅ ခု၊ Equipment ၁ ခုနဲ့ ခဲယမ်းဆက်စပ်ပစ္စည်းတွေ သိမ်းဆည်းရရှိခဲ့တယ်လို့ ဆိုပါတယ်။

ရေဖြူပြည်သူ့ကာကွယ်ရေးတပ်ဖွဲ့ YPPDF နဲ့ ဓဝယ်အမျိုးသားလွတ်မြောက်ရေးတပ်တော် DNLA တို့က ပူးပေါင်းတိုက်ခိုက်ခဲ့တာဖြစ်ပြီး မိဘပြည်သူတွေအနေနဲ့ စစ်ရေးအထူး သတိပြု သွားလာနေထိုင်ကြဖို့နဲ့ စစ်ကောင်စီတပ်ဖွဲ့ဝင်တွေ အနေနဲ့ ပြည်သူ့ရင်ခွင်ခိုလှုံပြီး အမြန်ဆုံးပူးပေါင်းကြဖို့ တိုက်တွန်းဖိတ်ခေါ်အပ်တယ်လို့ YPPDF က သတင်းထုတ်ပြန်ထားတာ တွေ့ရပါတယ်။

သတင်းတွေကို ပုံမှန်ဖတ်ရှုနိုင်ဖို့

Telegram : https://t.me/VOStelegram

YouTube : https://youtube.com/c/TheVoiceOfSpringTV

ကို Subscribe လုပ်ထားနိုင်ပါတယ်။

©The Voice of Spring

#thevoiceofspring 

#WhatsHappeningInMyanmar

#RejectMilitaryCoup

✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။