စစ်ကောင်စီတပ်၏ လက်ကိုင်တုတ်တပ် BGF များကို ရှောင်တခင် ဝင်ရောက်တိုက်ခိုက်ရာ လက်နက်ခဲယမ်းများ သိမ်းဆည်းရရှိ
https://www.tachileik.net/mm/news/32680
* * * * *
ကရင်ပြည်နယ် KNU တပ်မဟာ( ၅ )ထိန်းချုပ်နယ်မြေ၊ မူတြော်ခရိုင်အတွင်း လမ်းကင်းယူနေသည့် စစ်ကောင်စီတပ်၏ လက်ကိုင်တုတ်တပ်ဖြစ်သည့် BGF တပ်ကို ၂၀၂၃ခုနှစ်၊ မေလ ( ၂၆ )ရက်နေ့က တိုက်ခိုက်ခဲ့ရာ BGF တပ်သား( ၅ )ဦးသေပြီး လက်နက်ခဲယမ်းများ သိမ်းဆည်းရရှိခဲ့ကြောင်း သိရသည်။
KNLA တပ်ရင်း(၁၀၂) ရဲဘော်များက ဝါးဒူးနှင့် လယ်ကွဲကြားရှိဓာတ်ဆီဆိုင်တစ်နေရာ၌ လမ်းကင်းယူနေသည့် BGF-၁၀၁၃ တပ် အား ရှောင်တခင်ဝင်ရောက်တိုက်ခိုက်ရာ BGF တပ်သား (၅)ဦး သေပြီး လက်နက်မျိုးစုံသိမ်းဆည်းရရှိခဲ့သည်ဟု တပ်မဟာ ( ၅ )က မေလ( ၂၇ )ရက်နေ့က သတင်းထုတ်ပြန်သည်။
သိမ်းဆည်းရရှိသည့် လက်နက်ခဲယမ်းများမှာ M-16 AR (၄) လက်နှင့် ၎င်းကျည်(၃၂၀)တောင့်၊ M-79 လောင်ချာတစ်လက်၊၎င်းကျည်(၁၇)လုံး၊ ၉ မမ ပစ္စတိုတစ်လက်၊ စစ်ဝတ်တန်ဆာ (၄)စုံ၊ M-16 AR ကျည်ဘောက်(၄)ချပ်၊ စကားပြောစက်တစ် လုံးနှင့် ကျောပိုးအိတ်(၆)လုံးကို သိမ်းဆည်းရရှိခဲ့ကြောင်း သိရသည်။
#TachileikNewsAgency
Photo: ကေအဲန်ယူ-မူတြော် သတင်းစဉ်
No comments:
Post a Comment