Saturday 24 June 2023
မယ်စဲ့မြို့နယ်တွင် စစ်တပ်၏ ပင်မအခြေစိုက် စစ်စခန်းကို တိုက်ခိုက်သိမ်းပိုက်လိုက်ပြီး မယ်စဲ့မြို့ နေရာတချို့ကို တော်လှန်ရေး မဟာမိတ်အင်အားစုများက စတင်ထိန်းချုပ်
မယ်စဲ့မြို့နယ်တွင် စစ်တပ်၏ ပင်မအခြေစိုက် စစ်စခန်းကို တိုက်ခိုက်သိမ်းပိုက်လိုက်ပြီး မယ်စဲ့မြို့ နေရာတချို့ကို တော်လှန်ရေး မဟာမိတ်အင်အားစုများက စတင်ထိန်းချုပ်
■ မြို့တော် လွိုင်ကော်ရှိ စစ်တပ်နှင့် ဝန်ထမ်းမိသားစုဝင်များ နေရာပြောင်းရွှေ့နေပြီး စစ် အင်အားများ တိုးမြှင့်ခေါ်နေ
ရန်ကုန်၊ ဇွန် ၂၄
ကရင်နီ ပြည်နယ်၊ မယ်စဲ့မြို့နယ်တွင် စစ်ကောင်စီတပ်၏ ဗဟိုအချက်အချာကျသော ပင်မ တပ်စခန်းကို တော်လှန်ရေးအင်အားစုများက တိုက်ခိုက် သိမ်းပိုက်လိုက်ကြောင်း KNDF တပ်ရင်း ၉ တာဝန်ရှိသူတစ်ဦးက ရန်ကုန်ခေတ်သစ် သတင်း ဌာနထံသို့ ပြောကြားသည်။
ယမန်နေ့ ဇွန်လ ၂၃ ရက်နေ့ နံနက် ၅ နာရီခွဲခန့်က အကြမ်းဖက်စစ်တပ် အခြေစိုက်စခန်းကို KA ၊ KNDF ပူးပေါင်းတပ် ဖွဲ့က သိမ်းပိုက်ရရှိခဲ့ပြီး နံနက် ၆ နာရီခန့်တွင် အကြမ်းဖက်စစ်တပ်က လေယာဉ် ၄ စီးဖြင့် ဗုံးကျဲတိုက်ခိုက်ခဲ့ကြောင်း၊ ယင်းစခန်းသည် မယ်စဲ့မြို့နယ်အတွင်း ရှိစစ်ကောင်စီတပ်၏ ပင်မအထိုင်စခန်းဖြစ်ပြီး ၅ ခု မြောက် သိမ်းပိုက်နိုင်ခဲ့သော စခန်းဖြစ်ကြောင်း ၊ မယ့်စဲမြို့၏ နေရာတချို့ကို တော်လှန်ရေးတပ်များက စတင်ထိန်းချုပ်လိုက်ပြီဖြစ်ကြောင်း သိရသည်။
“ဇွန်လ ၁၃ ရက်နေ့ကစပြီး ဇွန်လ ၂၄ ရက်နေ့ အခုထိ စခန်း ၅ ခု သိမ်းထားနိုင်ပြီပေါ့၊ နယ်စပ်ဘက်တော့ ကျန်သေးတယ်ဗျ၊ စခန်း သိမ်းပြီးတော့ ဗုံးကျဲခံရတာရှိတယ်၊ ဇွန်လ ၁၃ ရက်နေ့က စပြီး မယ့်စဲ့ရဲစခန်း၊ တောင်လှစခန်း၊ မယ်တနွယ်စခန်းနှင့် ထိုင်းနယ် စပ်ရှိ နမ့်ပေါင်စခန်းကို တိုက်ခိုက်သိမ်းပိုက်ခဲ့ပြီး ပင်မအခြေစိုက်စခန်းကို မနေ့မှာ သိမ်းပိုက်နိုင်ခဲ့တယ်" ဟု KNDF တပ်ရင်း ၉ တာဝန်ရှိသူက ပြောဆိုသည်။
စခန်းသိမ်းပိုက်ခံရပြီးနောက် အကြမ်းဖက်စစ်တပ်က မယ်စဲ့မြို့နယ်အတွင်း ရဟတ်ယာဉ်ဖြင့် အင် အားဖြည့်တင်းနေပြီး အကြမ်းဖက်စစ်ကောင်စီအတွက် အရေးကြီးသည့် တပ်စခန်းဖြစ်သည့် အတွက် ပြည်လည်ရယူနိုင်ရန် လေကြောင်း ကုန်းကြောင်းမှ အင်အားဖြည့်တင်းကာ ပြန်လည် ရယူနိုင်ရန် ကြိုး စားနေကြောင်း သိရသည်။
ထို့ပြင် ကရင်နီပြည်နယ် ၏ မြို့တော်လွိုင်ကော်တွင် စစ်တပ်မိသားစုများ၏ အရေးကြီး စာရွက်စာတမ်း များအကုန်ယူ၊ သိမ်းခိုင်းပြီး နေရာပြောင်းရွှေ့ခိုင်းနေကြောင်း၊ ဌာနဆိုင်ရာ ဝန်ထမ်းများကိုလည်း ပြောင်းရွှေ့ခိုင်းနေကြောင်း၊ အခြားတစ်ဖက်တွင်လည်း စစ်သား အင်အားအများအပြားကို လေကြောင်းမှ တစ်ဆင့် ခေါ်ယူ တိုးမြှင့်နေကြောင်း သိရှိရသည်။
"လွိုင်ကော်လေဆိပ်ကနေ ၂၆၁ ကနေရော၊ နောင်ယားက တိုက် ခြောက် လုံးနား ကနေ ကောပဲ၊ နေရာ ရွှေ့နေကြပြီ။ ဘယ်ကိုရွှေ့ထားတဲ့တော့ နေရာ အတိအကျမသိဘူး။ မနေ့က လွိုင်ကော်မှာ လေယာဉ် ၆ ခါ ဆင်းတယ်၊ ၁ စီးပဲ ခရီးသည်ပါတယ်၊ ကျန်တဲ့ ၅ စီးက စစ်ခွေးတွေ အပြည့်ပဲ၊ အခု ညနေ လွိုင် ကော် မြို့က မှတ်တိုင် အဟောင်း တိုက် ၆ လုံးနားက ခြံဝန်းထဲမှာ ရောက် နေတယ်၊” ဟု KNDF တပ်ရင်း ၉ မှ တာဝန်ရှိသူ တစ် ဦး က ရန်ကုန်ခေတ်သစ် သတင်းဌာနထံသို့ ပြောကြားသည်။
ဓာတ်ပုံ- ကရင်နီပြည်နယ် တိုက်ပွဲများတွင် စစ်တပ်ထံမှ သိမ်းဆည်းရမိသည့် ၁၂၀ မမ အမြောက် အပါအဝင် လက်နက်များ။
Subscribe to:
Post Comments (Atom)
ပခုက္ကူမြို့နယ်၊ အင်ပင်ကျေးရွာမှ မိသားစုကို ပြန်လာခေါ်သည့် တပ်ကြပ်ကြီး ၁ ဦးကို PDF တပ်ဖွဲ့က အရှင်ဖမ်းမိ
ပခုက္ကူမြို့နယ်၊ အင်ပင်ကျေးရွာမှ မိသားစုကို ပြန်လာခေါ်သည့် တပ်ကြပ်ကြီး ၁ ဦးကို PDF တပ်ဖွဲ့က အရှင်ဖမ်းမိ ရန်ကုန်၊ စက်တင်ဘာ ၈ ပခုက္ကူမြို့နယ...
![](https://blogger.googleusercontent.com/img/b/R29vZ2xl/AVvXsEhwsdb-TQ90txoPSR0KMjJGuVl_sdsTWiv-krktouaFZZTrbqkU0YJb8W35LDeQESm_ZczopFwLnb0RzSeqqYHK4qkUNf7H4TALMinrKRceuGOjGrzGJMbCJpO7DBaSgSc1DTw3IkM6PbXw1B58YQgEmrksnclcBpwpk-YjCmu-f3Ct2Oq3vGKOXwVUkptT/s320/IMG_20240909_073259_569.jpg)
-
MNDAA က တုန်းရှမ်းဒေသ ကြွယ်ပါးနေရာရှိ တပ်စခန်းကို သိမ်းပိုက်၊ ညီနောင်မဟာမိတ် ၃ ဖွဲ့က စစ်ကောင်စီတပ်စခန်း ၁၅၈ ခု သိမ်းပိုက်ထား နိုဝင်ဘာ ၂၁၊ ၂...
-
တောင်ငူမြို့ ၊ ၄ မိုင်ရှိ အမှတ် ၃၉ ခြေလျင်တပ်ရင်းကို တော်လှန်ရေးတပ်များ ဝင်ရောက်တိုက်ခိုက်နေပြီး စစ်တပ်က တိုက်လေယာဉ်များ၊ ရဟတ်ယာဉ်များဖြင့်...
-
ပြင်းထန်နေဆဲ ဗန်းမော်စစ်မျက်နှာနှင့် ဟိန်းထနေသေးသော မြောက်ပိုင်းရှိ စစ်တပ်များ (စစ်ရေးသတင်းဆောင်းပါး) အဂမ် မဇ္ဈိမ။ ။ ကချင်ပြည်နယ်၏တောင်...
No comments:
Post a Comment