မင်္ဂလာဒုံရဲစခန်းအနီး ဗုံးပေါက်ကွဲပြီး ရဲတပ်ဖွဲ့ဝင်တချို့ ထိခိုက်ဒဏ်ရာရ
++++++++++++++
ဇူလိုင် ၂၇
ရန်ကုန်တိုင်း၊ မင်္ဂလာဒုံမြို့နယ်၊ မင်္ဂလာဒုံရဲစခန်းအနီး ဒီနေ့ညပိုင်း ဗုံးပေါက်ကွဲပြီး ရဲတပ်ဖွဲ့ဝင်တချို့ ထိခိုက်ဒဏ်ရာရရှိတယ်လို့ ဒေသခံပြည်သူများဆီက သိရပါတယ်။
ဇူလိုင်လ ၂၇ ရက်နေ့ ည ၇ နာရီ ၁၀ မိနစ်အချိန် မင်္ဂလာဒုံရဲစခန်းနဲ့ ခရေပင် လမ်းခွဲအနီး ဗုံးပေါက်ကွဲတာဖြစ်ပြီး ဗုံးပေါက်ကွဲမှုကြောင့် ရဲတပ်ဖွဲ့ဝင်တချို့ ထိခိုက်ရာရရှိသလို သယ်ဆောင်သွားမှုများ မြင်တွေ့ရတယ်လို့ ဒေသခံပြည်သူတစ်ဦးက ရှင်းပြပါတယ်။
"ဒီည ၇နာရီ ၁၀မိနစ်လောက်ကမင်္ဂလာဒုံရဲစခန်းနား ပေါက်ကွဲသံကြား ရပြီးတော့ ရဲခွေးတွေထိတယ်။ ရဲတွေနဲ့ စစ်သားတွေ ပြာယာခတ်နေတာပဲ" လို့ ဒေသပြည်သူတစ်ဦးက ပြောပါတယ်။
ရန်ကုန်မြို့မှာ အခုဇူလိုင်လနှောင်းပိုင်းမှာ ရက်အတော်ကြာ ပေါက်ကွဲမှုများမဖြစ်ပွားဘဲ ငြိမ်သက်နေရာက ဒီနေ့ ဇူလိုင်လ ၂၇ ရက်နေ့မှာ မင်္ဂလာဒုံ ရဲစခန်းအနီး ဗုံးပေါက်ကွဲမှု ဖြစ်ပွားတာဖြစ်တယ်လို့ သိရပါတယ်။
ဓာတ်ပုံ- ရန်ကုန်မှာ ညပိုင်း လုံခြုံရေးစောင့်ကြပ်နေတဲ့ အကြမ်းဖက် ရဲတပ်ဖွဲ့ဝင်တချို့။ (ပုံဟောင်း)
Dawn of Yangon 🤜🤛
ReplyDelete