မြ၀တီမြို့နယ်ရှိ စစ်ရေးဗျူဟာ အရအရေးပါလှသည့် စစ်ကောင်စီတပ်၏ လက်ခတ်တောင် တာဝါတိုင်စခန်းကုန်းကို တိုက်ခိုက်သိမ်းပိုက်၊ စစ်တပ်ဘက်မှ သေဆုံးမှုများပြားပြီး လက်နက်ခဲယမ်းများ သိမ်းဆည်းရရှိ
ရန်ကုန်၊ ဇူလိုင် ၂၁
ကရင်ပြည်နယ်၊ မြ၀တီမြို့နယ်ရှိ စစ်ရေးဗျူဟာ အရအရေးပါလှသည့် စစ်ကောင် စီ တပ်၏ လက်ခတ်တောင် တာဝါတိုင်စခန်းကုန်းကို တိုက်ခိုက်သိမ်း ပိုက် လိုက်ကြောင်း ကော်ဘရာစစ်ကြောင်းက ယနေ့ ည သတင်းထုတ်ပြန် သည်။
ဇူလိုင်လ ၂၀ ရက်နေ့ နံနက် ၆ နာရီအချိန်မှစတင်၍ KNU တပ်မဟာ ၆ KNLA ကော်ဘရာစစ်ကြောင်း ၁ ၊ ကျားသစ်နက်၊ Federal Wings မဟာမိတ်ပူးပေါင်းတပ်များက လက်ခတ်တောင် တာဝါတိုင်စခန်းကုန်းကို ဝင်ရောက်စီးနင်း တိုက် ခိုက်ခဲ့ရာ ဇူလိုင်လ ၂၁ ရက်နေ့ နံနက် ၅ နာရီအချိန်တွင် လက်ခတ်တောင်ကြော တစ်ခုလုံးကို သိမ်းပိုက်နိုင်ခဲ့ကြောင်း ၊အဆိုပါတိုက်ပွဲတွင် စစ်ကောင်စီတပ်ဘက်မှ ခမရ ၁၁၈ ၊ လ ၈ တို့ပါဝင်ပြီး ရန်သူထိခိုက်သေဆုံးမှုများရှိကြောင်း သိရှိရသည်။
စစ်ကောင်စီတပ်ဘက်မှ သေဆုံးမှု အရေအတွက်ကို စိစစ်နေဆဲဖြစ်ပြီး သိမ်းဆည်းရမိသော လက်နက်/ခဲယမ်းများမှာ ဆက်သွယ်ရေးစက် ၁ လုံး၊ 60mm ၁၆ လုံး၊ ရှေ့ထွက်မိုင်း ၆ လုံး၊ ကားမိုင်း ၉ လုံး၊ Jammerစက် ၂ လုံး၊ မိုင်းရှာစက် ၂ လုံး၊ စက်လက်ပြောင်း ၁ ပြောင်း၊ ကွန်မန်ဒို60mmပြောင်း ၂ လက်၊ 40mm ၉ လုံး၊ G3ကျည်ဘောက် ၄ ခု၊ MAကျည်ဘောက် ၂ ဘောက်၊ စစ်ခမောက် ၈ လုံး၊ RPGပို့ယမ်း ၃ တောင့်၊ RPGသီး ၁ လုံး၊ 7.62ကျည် ၁၈၈၀ တောင့်၊ 5.56ကျည် ၃၀၂ တောင့် တို့ဖြစ်ကြောင်း သိရှိရသည်။
No comments:
Post a Comment