တနင်္သာရီမြို့နယ်၊ ခမရ ၅၆၁ မှ တပ်သား ၁ ဦး လက်နက်နှင့်တကွ အလင်းဝင်
ရန်ကုန်၊ စက်တင်ဘာ ၁၇
တနင်္သာရီတိုင်း၊ မြိတ်ခရိုင်၊ တနင်္သာရီမြို့နယ် ၊ ညောင်ပင်ကွင်းရွာအခြေစိုက် အမှတ်(၅၆၁) ခြေမြန်တပ်ရင်းမှ စစ်သားတစ်ဦးသည် စက်တင်ဘာလ ၁၃ ရက် နေ့တွင် တနင်္သာရီမြို့နယ် ပြည်သူ့ကာကွယ်ရေးအဖွဲ့နှင့်ဆက်သွယ်လာပြီး လက်နက်နှင့်တကွ အလင်းဝင်လာကြောင်း သိရှိရသည်။
ခမရ ၅၆၁ မှ တပ်သား အောင်ဇော်မင်းသည် MA-3 ၁ လက်၊ ကျည်တောင့် ၃၀ ပါ ကျည်ဘောက် ၃ ခု၊ ၅.၅၆ ကျည် ၁၀၀ ဖြင့် တပ်မှ ထွက်ပြေးလွတ်မြောက် လာခဲ့ပြီး တနင်္သာရီမြို့နယ်၊ ပြည်သူ့ကာကွယ်ရေးအဖွဲ့ထံ လာရောက်ခို လှုံခဲ့ ခြင်း ဖြစ်ကြောင်း၊ လာရောက်အပ်နှံသည့် လက်နက်ခဲယမ်းများကို တနင်္သာရီ တိုင်း၊ ပြည်သူ့ကာကွယ်ရေးအဖွဲ့တာဝန်ခံမှ စနစ်တကျ လွှဲ ပြောင်း လက်ခံခဲ့ပြီး ဂုဏ်ပြုချီးမြှင့်ငွေပေးအပ်နိုင်ရန် ဆောင်ရွက်လျက်ရှိကြောင်း သိရှိရသည်။
တနင်္သာရီမြို့နယ်အတွင်း CDM ဝင်ရောက်လာသည့် စစ်သား ၃၅ ဦး နှင့် ရဲတပ်ဖွဲ့ဝင် ၄၉ ဦး စုစုပေါင်း ၈၄ ဦးရှိပြီး ပြည်တွင်း နှင့် ပြည်ပရှိ ဘေး ကင်းလုံ ခြုံရာတွင် ပို့ဆောင်ပေးထားပြီးဖြစ်ကြောင်း သိရှိရသည်။
No comments:
Post a Comment