◼️ပြည်သူလူထုထိတ်လန့်မှု မရှိအောင် မြန်ဆန်စွာ ဆောင်ရွက်ခဲ့ဟုဆို
၂၆ စက်တင်ဘာ ||| နွေဦးအသံ |||
ဖားကန့်မြို့နယ်၊ ဆိုင်းတောင်ရွာကို အိမ်စီးကားနဲ့ ဆေးခန်းလာပြစဉ် ပစ်ခတ်ခံခဲ့ရပြီး အသက်မသေဘဲ ဆေးရုံတက်နေတဲ့ အကြမ်းဖက်စစ်ကောင်စီရဲ့ (စရဖ)မှ ဗိုလ်မှူးစိုးနိုင်ဝင်းနဲ့ ရဲနှစ်ဦးကို စက်တင်ဘာ ၂၅ ရက်မှာ မြို့တွင်းစစ်ဆင်ရေးအဖွဲ့က ထပ်မံပစ်ခတ်ခဲ့ရာ သုံးဦးစလုံး ဇီဝိန်ချုပ်ခဲ့တယ်လို့ သိရပါတယ်။
ဖားကန့်ဆေးရုံကို သွားရောက်ပစ်ခတ်ခဲ့တာဖြစ်ပြီး ပြည်သူလူထု ထိတ်လန့်မှုမရှိအောင် မြန်မြန်ဆန်ဆန် စစ်ဆင်ရေးဆောင်ရွက်ခဲ့တယ်လို့ မြို့တွင်းစစ်ဆင်ရေးအဖွဲ့မှ အဖွဲ့ဝင်တဦးရဲ့ ပြောကြားချက်ကို Myanmar Now မှာ ဖော်ပြထားပါတယ်။
"ငါတို့ အလှည့်လာပြီ ဆိုတာ ဒါအစစ်၊ ဆန္ဒပြရုံနဲ့ ပစ်ခတ်ခံရလို့ ဆေးလာကုတုန်းက ဒဏ်ရာရနေတဲ့သူတွေကိုပါ လိုက်ပြီး ပစ်ခဲ့တဲ့ ကောင်တွေလေ၊ အဲဒါကို မမေ့ပါနဲ့၊ အခု ငါတို့အလှည့်" လို့ တော်လှန်ရေး ရဲဘော်တဦးက မှတ်ချက်ပြုပါတယ်။
ပြီးခဲ့တဲ့ စက်တင်ဘာ ၂၁ ရက်က ဆေးခန်းလာပြစဉ် အိမ်စီးကားကို ပစ်ခတ်မှုမှာ စကစ ရဲ ၂ ဦးသာ နေရာတွင်ပဲ ဇီဝိန်ချုပ်ခဲ့ပြီး အသက်မသေဘဲ ဒဏ်ရာရရှိခဲ့တဲ့ စရဖအရာရှိ ဗိုလ်မှူးစိုးနိုင်ဝင်းနဲ့ ရဲ ၂ ဦးကို ဖားကန့်ဆေးရုံမှာ တက်ရောက်ကုသနေစဉ် ထပ်မံသွားရောက်ပြီး ပစ်ခတ်ခဲ့တာဖြစ်ပါတယ်။
သတင်းတွေကို ပုံမှန်ဖတ်ရှုနိုင်ဖို့
Telegram : https://t.me/VOStelegram
YouTube : https://youtube.com/c/TheVoiceOfSpringTV
ကို Subscribe လုပ်ထားနိုင်ပါတယ်။
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
No comments:
Post a Comment