စစ်ကောင်စီတပ်သားတစ်ဦး CNDF ထံ ခဲယမ်းများနဲ့အတူအလင်းဝင်လာ
==============
EC/စက်တင်ဘာ ၃၀၊ ၂၀၂၃
Zalen
ချင်းပြည်နယ်၊ ဖလမ်းမြို့နယ်၊ ကလေး-ဖလမ်းကားလမ်းမပေါ်ရှိ ထင်းရူးစခန်းတွင် တပ်စွဲထားတဲ့ စစ်ကောင်စီစခန်းကနေ တပ်သား ပြည့်ဖြိုးအောင် (၁၇နှစ်)ဟာ စက်တင်ဘာ ၂၆ ရက်တွင် CNDF ထံ ခဲယမ်းများနဲ့အတူ အလင်းဝင်လာတယ်လို့ သတင်းရရှိပါတယ်။
မောင်ပြည့်ဖြိုးအောင်ဟာ ၎င်းနဲ့အတူ M1 ကျည်ဆံ ၃၄၅ ထောင့်၊ လက်ပစ်ဗုံး ၂ ခု၊ ၄၀ မမဗုံး ၂ လုံးနဲ့ အတူ အလင်းဝင်လာတာဖြစ်တယ်။
မောင်ပြည့်ဖြိုးအောင်က “သေနတ်မယူလာနိုင်တာက ကင်းတာဝန်ကျတဲ့သူတွေကိုပဲ သေနတ်ပေးကိုင်တယ်။ ကျန်တဲ့သူတွေအားလုံးကတော့ သေနတ်မကိုင်ခိုင်းဘူး။ ဘာလို့လဲဆို သေနတ်နဲ့ ထွက်ပြေးတဲ့သူများတာကြောင့်”လို့ပြောပါတယ်။
၎င်းဟာ ကလေးမြို့နယ်၊ သာစည်ကျေးရွာဇာတိဖြစ်ပြီး ၂၀၂၂ ခုနှစ် အောက်တိုဘာ (၁၅)ရက်တွင် စစ်ကောင်စီတပ်ရဲ့ ဖမ်းဆီးခံရကာ အတင်းအဓမ္မ စစ်သားလုပ်ကိုင်ခြင်းခံရတယ်လို့သိရတယ်။
No comments:
Post a Comment