တောင်သာမြို့နယ်ရှိ အင်အား ၄၀ ခန့်ရှိသော ကျွဲတလင်းကျေးရွာ ပျူစောထီးစခန်းကို ဝင်တိုက်မှု စစ်ကောင်စီတပ်ဖွဲ့ဝင် ၂ ဦးသေဆုံးပြီး ပျူစောထီး ၄ ဦးအရှင်မိ၊ လက်နက် ၁၀ လက်နှင့်ခဲယမ်းများသိမ်းဆည်းရရှိ
ရန်ကုန်၊ ဇူလိုင် ၁၅
မန္တလေးတိုင်း၊ တောင်သာမြို့နယ်ရှိ အင်အား ၄၀ ခန့်ရှိသော ကျွဲတလင်းကျေး ရွာ ပျူစောထီးစခန်းကို တော်လှန်ရေး မဟာမိတ်ပူးပေါင်းတပ်များက ဝင်ရောက်တိုက်ခိုက်ရာ ပျူစောထီး ၂ ဦးသေဆုံးပြီး ၄ ဦး အရှင်ဖမ်းဆီးရရှိကြောင်း တောင်သာမြို့နယ် ပြည်သူ့ကာကွယ်ရေးတပ်ဖွဲ့ မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဇူလိုင်လ ၁၁ ရက်နေ့ နံနက် ၅ နာရီဝန်းကျင်အချိန် တောင်သာမြို့နယ်၊ ကျွဲတလင်းကျေး ရွာ ပျူစောထီးစခန်းကို တော်လှန်ရေးမဟာမိတ် ပူးပေါင်းတပ်များက ဝင်ရောက်တိုက်ခိုက်ခဲ့ပြီး နံနက် ၈ နာရီအချိန်တွင် စခန်းသိမ်းနိုင်ခဲ့ကြောင်း၊ အဆိုပါ စခန်းတွင် လက်နက်ကိုင် ပျူစောထီး ၁၅ ဦးခန့်၊ အခြားအရန်အင်အား ပြည်သူ့စစ် (ခေါ်) ပျူစောထီးများ အပါအဝင် စုစုပေါင်း အင်အား ၄၀ ခန့်ရှိကြောင်း၊ တိုက်ခိုက်မှုကြောင့် ပျူစောထီး ၂ ဦး သေဆုံးပြီး ၄ ဦး အရှင်ဖမ်းမိကြောင်း ကျန်သူများမှာ ထွက်ပြေးတိမ်းရှောင်သွားကြောင်း၊ လက်နက် ၁၀ လက်နှင့် ခဲယမ်းများ သိမ်းဆည်းရရှိကြောင်း သိရှိရသည်။
“မနက်အစောပိုင်း ၄ နာရီခွဲလောက်က ပျူစခန်းကိုကပ်တယ်၊ ၅ နာရီလောက်မှာ ပူးပေါင်း မဟာမိတ်တွေက စတိုက်ကြတာ၊ ၆ နာရီခွဲ ၇ နာရီဝန်းကျင်လောက်မှာ သိမ်းနိုင်တယ်၊ တိုက်ပွဲချိန်က ၁ နာရီခွဲ ၂ နာရီလောက်ကြာတယ်။ သေတာက ၂ ကောင်သေတာ၊ ကျန်တဲ့သူတွေက လက်နက်ချပြီးထွက်ပြေးကြတာ၊ အဲဒီရွာရဲ့ ပတ် ပတ်လည်က တောင်တွေ၊တောင်တွေရိုးတွေကောင်းတော့ လိုက်ပြီမချေမှုန်းနိုင်လိုက်ဘူး။ သူတို့ ဆီ မှာ က လက်နက်တော့မပါသွားဘူး။ လက်နက် ၁၀ လက်နဲ့ခဲယမ်းတွေအမြောက် အများရခဲ့တယ်။ ဖမ်းမိတဲ့အထဲမှာ ပျူခေါင်းဆောင်ပါတယ်။ အဲဒီရွာက စစ်တပ်ထောက်ခံတဲ့သူတွေများတယ်၊ အဲဒီရွာ လူတွေက အခုလက်ရှိစစ်တပ်ထဲမှာကို စစ်ဗိုလ်တွေ၊ စစ်သားသားသမီးတွေများတယ်၊ ပျူခေါင်း ဆောင် က နေအိမ်ကနေ ပြန်လည်ခုခံလို့ လက် နက်ကြီးနဲ့ထုလိုက်တာမီးစွဲလောင်သွားတယ်၊ ကျန်တဲ့ အိမ်တွေတော့ မီးလောင်တာမရှိပါဘူး။ စစ်တပ်က ညနေလောက်မှ ရောက်လာပြီး ပြည်သူ့နေအိမ် ၂ လုံးကို ထပ်ပြီးမီးရှို့သွားတယ်။ အခုလက်ရှိအဲဒီရွာမှာက ပျူရော စစ်ခွေးရောမရှိတော့ဘူး” ဟု တောင်သာမြို့နယ်ပကဖ TTA PDF တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံ သို့ပြောကြားသည်။
အဆိုပါ ကျွဲတလင်းကျေးရွာ ပျူစောထီးစခန်းသည် အရေးပါသော စခန်းတစ်ခုဖြစ်ပြီး ပြည်သူ့ကာကွယ်ရေးတပ်များ၏ ထောက်ပို့လမ်းကြောင်းကို အနှောင့် အယှက်ပေးနေသော ကျေးရွာတစ်ခုဖြစ်ကြောင်း သိရှိရသည်။
စစ်ဆင်းရေးကို တောင်သာမြို့နယ်ပြည်သူ့ကာကွယ်ရေးတပ်ဖွဲ့၊ တောင်သာပလဖ၊ နေပြည်တော်၈၀၁ တပ်ရင်း ၊ ညောင်ဦးခရိုင်တပ်ရင်း ၁ ၊ မိတ္ထီလာပကဖ အပါ အဝင် မဟာမိတ်တပ်များက ပူးပေါင်းတိုက်ခိုက်ကြခြင်းဖြစ်ကြောင်း သိရှိရသည်။
Done✊
ReplyDelete