လားရှိုးမြို့နယ် ခလရ ၆၈ ကို MNDAA က တိုက်ခိုက်သိမ်းပိုက်ရရှိထားပြီး ခမရ ၅၀၇နှင့် လွယ်ပြေစခန်းတို့တွင် လည်း တိုက်ပွဲများ ပြင်းထန်နေ
ရန်ကုန်၊ ဇူလိုင် ၁၄
ရှမ်းပြည်နယ်မြောက်ပိုင်း၊ လားရှိုးမြို့နယ်ရှိ ခလရ ၆၈ တပ်ကို MNDAA က တိုက်ခိုက်သိမ်းပိုက်လိုက်ပြီဖြစ်ကြောင်း စစ်ဘက်နှင့် တော်လှန်ရေးသတင်းရင်းမြစ်တချို့ထံမှ သိရှိရသည်။
လားရှိုးမြို့အဝင် ရပ်ကွက် ၁၂ အေတီတံတားအကျော်တွင်ရှိနေသော ခလရ ၆၈ တပ်မှာ လွန်ခဲ့သော ရက်အနည်းငယ်အတွင်းကပင် တပ်ရင်းစခန်းတစ်ခုလုံး အဆက်အသွယ်ပြတ်တောက်ပြီး ဆုတ်ခွာလာသော တပ်တချို့ အရှေ့မြောက်တိုင်းစစ်ဌာနချုပ်ထဲသို့ ပြန်လည်ရောက်ရှိလာကြောင်း စစ်တပ်သတင်းရင်းမြစ်က ဆိုသည်။
"ဆုတ်ခွာလာတဲ့ တပ်တချို့ ပြန်ပေါင်းတယ်။ အဖမ်းခံရတဲ့သူတွေလည်းများတယ်။ ခလရ ၆၈ က ကျပြီလို့ ပြောလို့ရတယ်" ဟု စစ်ဘက်သတင်းရင်းမြစ်က ဆိုသည်။
တော်လှန်ရေး သတင်းရင်းမြစ်တချို့ကလည်း ခလရ ၆၈ ကို MNDAA က သိမ်းပိုက်ရရှိထားပြီဟု ကြားသိထားသော်လည်း MNDAA ဘက်က ထုတ်ပြန်မှသာလျှင် အတည်ပြုနိုင်မည်ဖြစ်ကြောင်း၊ အသေးစိတ်အခြေအနေများကို မသိရှိကြောင်း၊ လားရှိုးတိုက်ပွဲတွင် MNDAA တပ်ပေါင်းစုက နေရာပေါင်းစုံမှ တိုက်ခိုက်နေပြီး မြို့တွင်းအထိ တိုက်ပွဲများရှိနေကြောင်း ပြောဆိုသည်။
လတ်တလော ခမရ ၅၀၇ ရှိနေသော အထက်မန်အိုင်နှင့် လွယ်ပြေတောင်စစ်စခန်းတို့တွင် ယမန်နေ့တစ်နေ့ လုံး မှ ယနေ့အထိ တိုက်ပွဲများ အပြင်းအထန်ဖြစ်ပွားလျက်ရှိကြောင်း သိရှိရသည်။
Done✊
ReplyDelete