ကမ္ဘာကျော် ဂုတ်ထိပ်တံတားကို TNLA ပူးပေါင်းအဖွဲ့များ ထိန်းချုပ်

 ကမ္ဘာကျော် ဂုတ်ထိပ်တံတားကို TNLA ပူးပေါင်းအဖွဲ့များ ထိန်းချုပ်

ဧရာဝတီ၊ ဇူလိုင် ၅၊ ၂၀၂၄

ရှမ်းပြည်နယ်မြောက်ပိုင်း၊ နောင်ချိုမြို့နယ် မန္တလေး-လားရှိုး ရထားလမ်းပေါ်ရှိ ကမ္ဘာကျော် ဂုတ်ထိပ်တံတားကို တအာင်းအမျိုးသားလွတ်မြောက်ရေး တပ်မတော် (TNLA)နှင့် ပူးပေါင်းအဖွဲ့များက ထိန်းချုပ်ထားကြောင်း မြေပြင် စစ်ရေး သတင်းရင်းမြစ်များထံမှ သိရသည်။

ကျောက်မဲခရိုင် အထူးတိုက်ခိုက်ရေးအဖွဲ့ဝင်တဦးက “ဂုတ်ထိပ်ရယ် ဂုတ်တွင်းရယ်ကို TNLA အဖွဲ့ရယ် ကျနော်တို့ ကျောက်မဲခရိုင်အထူးတိုက်ခိုက်ရေးအဖွဲ့ရယ် ထိန်းချုပ်ထားတယ်၊ ဂုတ်ထိပ်ရဲ့ ဟိုဘက်ကမ်းကိုကျတော့ MDY PDF ရယ် ဓနုအဖွဲ့ရယ် TNLA ပေါ့ ထိန်းချုပ်ထားတယ်၊ လောလောဆယ် ၆၀၆ တပ် ကို တိုက်နေတဲ့အတွက်ကြောင့် ဒီဘက်ကို ခဏ ငြိမ်ထားတယ်”ဟု ပြောသည်။

ဂုတ်တွင်းကြီးထိပ်၌ တည်ဆောက်ထားသော တံတားဖြစ်သောကြောင့် ဂုတ်ထိပ်တံတားဟုခေါ်ဆိုပြီး နောင်ချိုဘူတာအလွန် ၇ မိုင်အကွာတွင် တည်ရှိကာ ယခုအခါ သက်တမ်း ၁၂၄ နှစ်ရှိပြီဖြစ်သည်။

TNLA သည် နောင်ချိုမြို့ကို ထိန်းချုပ်ထားပြီး ကျန်နေသည့် စစ်တပ်စခန်းများကို ဆက်လက် ထိုးစစ်ဆင် တိုက်ခိုက်နေ ကြောင်း သိရသည်။

ပုံစာ- ဂုတ်ထိပ်တံတားတွင် တော်လှန်ရေးတပ်ဖွဲ့ဝင်များအား တွေ့ရစဉ်  

#WhatsHappeningInMyanmar

#RejectMilitaryCoup 

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံးနှင့် အရည်အသွေးမီ သတင်းများကို ဖော်ပြစေနိုင်မည်။

Support The Irrawaddy: https://bit.ly/3btQYpR