NUG ပြည်ထဲရေးဝန်ကြီး ဦးလွင်ကိုလတ် ပဲခူးတိုင်းရှေ့တန်းစစ်မျက်နှာသို့ သွားရောက်ပြီး PDF များနှင့်တွေ့ဆုံ

NUG ပြည်ထဲရေးဝန်ကြီး ဦးလွင်ကိုလတ် ပဲခူးတိုင်းရှေ့တန်းစစ်မျက်နှာသို့ သွားရောက်ပြီး PDF များနှင့်တွေ့ဆုံ

ရန်ကုန်၊ 

NUG အမျိုးသားညီညွတ်ရေးအစိုးရ ပြည်ထဲရေးဝန်ကြီး ဦးလွင်ကိုလတ် ပဲခူး တိုင်းရှေ့တန်းစစ်မျက်နှာသို့ သွားရောက်ပြီး ရှေ့တန်းတိုက်ပွဲဝင် PDF များနှင့်တွေ့ဆုံကြောင်း Royal Peacock Columnက သတင်းထုတ်ပြန်သည်။ 

အမျိုးသားညီညွတ်ရေးအစိုးရ၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီး၊ပြည်သူ့ လုံခြုံရေးနှင့်ကာကွယ်ရေးကောင်စီအဖွဲ့ဝင် ဦးလွင်ကိုလတ်က မေလ ဒုတိယအပတ်မှာ ပဲခူးတိုင်းရှိ Royal Peacock Column ရှေ့ထွက်စစ် ကြောင်း ၏ရှေ့တန်း စစ်မြေပြင်သို့ သွားရောက်ပြီး ရဲဘော်များကို တွေ့ဆုံအားပေးစကား ပြောကြားခဲ့ကြောင်း သိရှိရသည်။ 

ပြည်ထောင်စုဝန်ကြီး ဦးလွင်ကိုလတ်နှင့် အဖွဲ့သည် ပဲခူးတိုင်းအတွင်းရှိ ကျေး ရွာ များသို့သွားရောက်ပြီး ပြည်သူလူထုနှင့်တွေ့ဆုံကာ အမျိုးသားညီညွတ်ရေးအစိုးရ၏ တော်လှန်ရေးဆောင်ရွက်နေမှုလုပ်ငန်းစဉ်တွေကို ရင်းနှီးပွင့်လင်းစွာ ဆွေနွေးခဲ့ကြကြောင်း၊ ခရီးစဉ်အတွင်းပြည်သူ့ကာကွယ်ရေးတပ်မတော် (PDF) တောင်ပိုင်းတိုင်းစစ်ဦးစီး စောယှားဖောင်ဝှါး၊အမှတ်(၂) စစ်ဒေသခွဲ ဒုစစ်ဒေသခွဲမှူး ဦးတင်ဦး၊ ဧရာဝတီတိုင်းကွပ်ကဲရေးတာဝန်ခံ ကောင်းကျော်တို့အတူ လိုက် ပါခဲ့ ကြောင်း သိရှိရသည်။ 

ဂန့်ဂေါမြို့နယ်တွင် စစ်တပ် စစ်ကြောင်းကို ကြားဖြတ် တိုက်ခိုက်မှု စစ်သား ၄ ဦးသေဆုံး

 ဂန့်ဂေါမြို့နယ်တွင် စစ်တပ် စစ်ကြောင်းကို ကြားဖြတ် တိုက်ခိုက်မှု စစ်သား ၄ ဦးသေဆုံး

ရန်ကုန်၊ မေ ၃၁

မကွေးတိုင်း၊ ဂန့်ဂေါမြို့နယ်၊ ကန်သာကျေးရွာနှင့် သာကောင်းကျေးရွာ အကြားတွင် အကြမ်းဖက် စစ်တပ် စစ်ကြောင်းကို ကြားဖြတ် တိုက်ခိုက်ခဲ့ရာ စစ်သား ၄ ဦးသေဆုံးခဲ့ကြောင်း ABSDF ကျောင်းသားတပ်မတော်မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

မေလ ၃၀ ရက် ညနေ ၄ နာရီခန့်တွင် ဂန့်ဂေါမြို့ ခ.လ.ရ ၅၀ မှ အင်အား ၁၀၀ ခန့်ဖြင့် မင်းကံဦးကုန်းမှ တဆင့် ဂန့်ဂေါမြို့နယ်မြောက်ပိုင်းသို့ ဆက်လက် စစ်ကြောင်းထိုး လာသည့် အကြမ်းဖက် စစ်တပ်ကို ဂန်ဂေါမြို့နယ် ကန်သာကျေးရွာနှင့် သာကောင်းကျေးရွာ အကြား၌ ဖြတ်တောက်တိုက်ခိုက်ခဲ့ရာ ၃ နာရီခန့် တိုက်ပွဲကြာမြင့်ခဲ့ပြီး စစ်သား ၄ ဦးသေဆုံးကာ အများအပြား ထိခိုက် ဒဏ်ရာရရှိခဲ့ကြောင်း သိရသည်။

“လက်ရှိတော့ စကစ စစ်ကြောင်းက သူတို့ အထိုင်ချထားတဲ့ ဂန့်ဂေါမြို့နယ်၊ ကံကျေးရွာထဲမှာရှိတဲ့ ရဲစခန်းကို ရောက်ရှိသွားပြီဖြစ်ပါတယ်ဗျ” ဟု ABSDF စစ်ကြောင်း ၃ မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

အဆိုပါ တိုက်ခိုက်မှုကို ABSDF စစ်ကြောင်း ၃ ၊ ယောဒေသရှိ ရဲဘော်များ၊ ဂန့်ဂေါခရိုင် PDF အမှတ် ၁ တပ်ရင်း ၊ အမှတ် ၁၂ တပ်ရင်း ၊ အမှတ် ၁၄ တပ်ရင်း ၊ ယောဒေသပြည်သူ့ကာကွယ်ရေးတပ် (YPDF)နှင့် နယ်မြေ ပ.က.ဖ များ ပူးပေါင်း တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်တစ်ဦး မစိုးရိမ်ရ ဒဏ်ရာရရှိခဲ့ကြောင်း သိရသည်။

မတ္တရာ၊ ပေါင်းတည်နှင့် စေတုတ္တရာ တို့တွင် တိုက်ပွဲဖြစ်ပွားပြီး စစ်ဗိုလ် ၁ ဦး အပါအဝင် စစ်သား ၁၀ ဦး သေဆုံးကာ သေနတ် ၁ လက် သိမ်းဆည်းရရှိ

 မတ္တရာ၊ ပေါင်းတည်နှင့် စေတုတ္တရာ တို့တွင် တိုက်ပွဲဖြစ်ပွားပြီး စစ်ဗိုလ် ၁ ဦး အပါအဝင် စစ်သား ၁၀ ဦး သေဆုံးကာ သေနတ် ၁ လက် သိမ်းဆည်းရရှိ

ရန်ကုန်၊ မေ ၃၀ 

မန္တလေးတိုင်း၊ မတ္တရာမြို့နယ်တွင် အကြမ်းဖက်စစ်တပ် ခြေလျင်စစ်ကြောင်းကို ဖြတ်တောက်တိုက်ခိုက် ခဲ့ရာ အကြမ်းဖက်စစ်သား ၄ ဦးသေဆုံးခဲ့ကြောင်း မြန္ဒာစစ်ဆင်ရး(မန္တလေး)မှ တာဝန်ရှိသူတစ်ဦးက ရန် ကုန်ခေတ်သစ်သတင်းဌာနထံသို့ ပြောကြားသည်။

ယနေ့မေလ ၃၀ ရက် နံနက် ၉ နာရီခန့်က မတ္တရာမြို့နယ်၊ မြောင်ဦးရွာသို့ ရောက်ရှိအထိုင်ချနေသော အကြမ်းဖက်စစ်သားများသည် လက်ဝဲရွာဘက်သို့ ခြေလျင်ထွက်လာစဉ် လက်ဝဲရွာအရောက် ကြားဖြတ် တိုက်ခိုက်ခဲ့ရာ အကြမ်းဖက်စစ်သား ၄ ဦးနေရာမှာပင် မျက်မြင်သေဆုံးပြီး ပြည်သူ့ကာကွယ်ရေး တပ်ဖွဲ့ ဝင် များအထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

“မြောင်ဦးရွာမှာ အထိင်ချထားတဲ့ အင်အား ၄၀ ၊ အဲရွာကနေ ထွက်လာတဲ့ စစ်ကြောင်းကို လက်ဝဲကြီး ရွာမှာ စောင့်ပစ်တာ၊ အရှည်နဲ့ရော စနိုက်ပါနဲ့ရော ပစ်တာ၊ ၄ ကောင်မျက်မြင်သေတယ်၊ ဒဏ်ရာရတဲ့ ကောင်တွေလဲ ရှိနိုင်တယ်၊ ပစ်ပြီးပြန် ဆုတ်လာခဲ့တာ၊ ပြန်ပစ်တာတော့ရှိတယ်၊ ပစ်ကွင်းရွေးပြီး အသာ စီးကနေ ပစ်ခဲ့ကြတာ၊” ဟု မြန္ဒာစစ်ဆင်ရေးအဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာန ထံသို့ ပြောကြားသည်။

 မြနန္ဒာစစ်ဆင်ရေးအနေဖြင့် လက်နက်ခဲယမ်းများနှင့် ရိက္ခာများအထူးလိုအပ်လျက်ရှိနေပြီး မိဘပြည် သူများ အနေဖြင့် ဆက်သွယ်လှူဒါန်းပေးကြပါရန် အထူးမေတ္တာခံထားသည်။

အလားတူ ပဲခူးတိုင်း၊ ပေါင်းတည်မြို့နယ်၊ သစ်ပုတ်ကျေးရွာအုပ်စု၊ နွားသိုးတဲတိုက်အနီး ပဲခူးရိုးမပေါ် ကျူးကျော်လာ သော စစ်တပ်စစ်ကြောင်းကို PDF များကတိုက်ခိုက်ရာ စစ်ဗိုလ်တစ်ဦး သေဆုံးကြောင်း ပေါင်းတည် PDF မှ သတင်းနှင့်ပြန်ကြားရေးတာဝန်ခံက ရန်ကုန်ခေတ်သစ်သတင်းဌာနထံသို့ ပြောဆိုသည်။ 

မေလ ၂၈ ရက်နေ့ မွန်းလွဲ ၂ နာရီအချိန် ပဲခူးရိုးမပေါ်သို့ စစ်ကြောင်းထိုးလာသော အင်အား ၄၁ ဦးပါ စစ်တပ် ၆၆ တပ်ရင်းကို ပေါင်းတည်မြို့နယ်ပြည်သူ့ကာကွယ်ရေးတပ်ဖွဲ့ (ပြည်ခရိုင်PDFတပ်ရင်း) ၃၆၀၁ PPDF တပ်ရင်းက ပစ်ခတ် တိုက်ခိုက်ခဲ့ကြောင်း၊ စစ်တပ်စစ်ကြောင်းမှ ဗိုလ်တစ်ဦး သေဆုံးသွားကြောင်း သိရှိရ သည်။ 

"သေဆုံးသွားတဲ့ စစ်ဗိုလ်အလောင်းကို မေလ ၂၉ ရက်နေ့ နံနက် ၂ နာရီအချိန် ၆၆ တပ်မထဲသို့ သယ်ဆောင် သွားပါ တယ်။ ကျနော်တို့ တော်လှန်ရေး အင်အားစုဘက်က အထိအခိုက်မရှိပါဘူး" ဟု ပေါင်းတည် PDF မှ သတင်းနှင့်ပြန်ကြားရေးတာဝန်ခံက ရန်ကုန်ခေတ်သစ်သတင်းဌာနထံသို့ ပြောဆိုသည်။

အလားတူ မကွေးတိုင်း၊ စေတုတ္တရာမြို့နယ်၊ စေတုတ္တရာမြို့တောင်ဘက် ၁၃ ကီလိုမီတာ အကွာရှိ မဏ္ဍပ်ကျေးရွာ အနီးတွင် အကြမ်းဖက်စစ်တပ် စစ်ကြောင်းကို တိုက် ခိုက် ခဲ့ရာ စစ်သား ၃ ဦးသေဆုံးပြီး ၄ ဦးဒဏ်ရာရရှိ ကာ သေနတ် တစ်လက်သိမ်းဆည်းရရှိခဲ့ကြောင်း PRA –Magway ထံမှ သိရသည်။

မေလ ၂၃ ရက် နေ့လည် ၁၁ နာရီခန့်က အဆိုပါအကြမ်းဖက်စစ်ကြောင်းကို လူတော်လှန်ရေး မဟာမိတ် အင်အားစု (PRA – Magway) နှင့် Z – Fighter အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ယင်းတိုက် ခိုက်မှုအတွင်း ပြည်သူ့ကာကွယ်ရေးတပ်ဖွဲ့ဝင်တစ်ဦး ကျဆုံးကာ တစ်ဦးဒဏ်ရာရရှိခဲ့သည်ဟု ဆိုသည်။

ထို့အပြင် စေတုတ္တရာမြို့နယ်၊ ကျွန်းတောလမ်းထိပ်ရှိ အကြမ်းဖက်စစ်တပ် ဂိတ်စခန်းကို Rocket များ ဖြင့် ပစ်ခတ်တို်ကခိုက်ခဲ့ရာ အကြမ်းဖက်စစ်သား ၂ ဦးသေဆုံးပြီး အများအပြားဒဏ်ရာရရှိခဲ့ကြောင်း သိရ သည်။

အဆိုပါတိုက်ခိုက်မှုများကို မဟာမိတ်အဖွဲ့များမှ ညှိနှိုင်းဆွေးနွေး၍ ဧရာဝတီမြစ် အနောက်ဘက်ခြမ်း ဒေသလွတ်မြောက်ရေး မဟာဗျူဟာ မြောက်တပြိုင်နက်တည်း တိုက်ခိုက်ခဲ့ခြင်းဖြစ်ကြောင်း သိရသည်။

စစ်တပ်ထောက်ခံပြီး ထိပ်တန်းစစ်ဗိုလ်ချုပ်များနှင့်ရင်းနှီးသူ၊ စစ်ကောင်စီ အတွက် အလုပ်လုပ်ပေးနေသူ မဘသနှင့်အမျိုးသားရေး အစွန်းရောက်အဖွဲ့ဝင် VIP လီလီနိုင်ကျော် ပစ်ခတ်ခံရပြီး ဆေးရုံတွင် အရေးပေါ် ကုသနေရ

 စစ်တပ်ထောက်ခံပြီး ထိပ်တန်းစစ်ဗိုလ်ချုပ်များနှင့်ရင်းနှီးသူ၊ စစ်ကောင်စီ အတွက် အလုပ်လုပ်ပေးနေသူ မဘသနှင့်အမျိုးသားရေး အစွန်းရောက်အဖွဲ့ဝင် VIP လီလီနိုင်ကျော် ပစ်ခတ်ခံရပြီး ဆေးရုံတွင် အရေးပေါ် ကုသနေရ

ရန်ကုန်၊ မေ ၃၀ 

ရန်ကုန်တိုင်း၊ ရန်ကင်းမြို့နယ်တွင် စစ်တပ်ထောက်ခံပြီး ထိပ်တန်း စစ်ဗိုလ် ချုပ် များနှင့်ရင်းနှီးသူ စစ်ကောင်စီအတွက် အလုပ်လုပ်ပေးနေသူ မဘသနှင့် အမျိုးသားရေး အစွန်းရောက် အဖွဲ့ဝင် VIP လီလီနိုင်ကျော် ပစ်ခတ်ခံရပြီး ဆေးရုံတွင် အရေးပေါ် ကုသနေရကြောင်း သိရှိရသည်။ 

 မေလ ၂၉ရက် ည ၇ နာရီအချိန် ရန်ကင်းမြို့နယ်၊ အမှတ်(၂)ရပ်ကွက်၊ ရန်အောင် လမ်း၊ တိုက်အမှတ်၂၆၅ နေထိုင်သူ စစ်တပ်ထောက်ခံသူ၊ မဘသနှင့် အမျိုးသားရေးအစွန်းရောက် အဖွဲ့ဝင် လီလီနိင်ကျော်ကို မြိုပြပျောက်ကြားတပ် ဖွဲ့က ပစ်ခတ်ခဲ့ကြောင်း၊ လီလီကျော်နိုင်သည် လီလီနိင်ကျော်သည် စစ်ကောင်စီ ၏ စစ်ခေါင်းဆောင်ပိုင်းများနှင့်ထဲထဲဝင်ဝင် ရင်းနှီးသူဖြစ်ပြီး တော်လှန်ရေးရဲဘော်များ၏ သတင်းအချက်လက်များနှင့် တော်လှန်ရေး လှုပ်ရှား မှုများကို စစ်တပ်အတွက် စုံစမ်းထောက်လှမ်းပေးသူဖြစ်ကြောင်း ရန်ကုန်မြို့ပြပျောက်ကျားတပ်ဖွဲ့က ပြောဆိုသည်။ 

"ပစ်တဲ့အချိန် မေးစေ့ဖောက်ထွက်ဒဏ်ရာနဲ့ ဒဏ်ရာပြင်းပြင်း ထန်ထန် ရသွား တယ်လို့သိရတယ်။ သေနိုင်တယ်လို့လည်းပြောတယ်" ဟု ဒေသ ပြည်သူ တစ်ဦးက ပြောသည်။

လီလီနိုင်ကျော်သည် ၂၀၂၁ ခုနှစ်၊ ဖေဖော်ဝါရီလအတွင်း နွေဦးတော်လှန် အရှိန်အဟုန်မြင့် စတင်ချိန်မှ စပြီး အေးချမ်းစွာဆန္ဒပြကြသည့်အများ ပြည်သူ လူထုများ၊ သပိတ်လူငယ်များ နှင့် ရပ်ကွက်အတွင်း သံပုံးတီးဆန့် ကျင် သည့် နေအိမ်များကို အာဏာသိမ်းစစ်တပ်က ဖမ်းဆီးစေရန် သတင်းပေး၍ ဖမ်းဆီး စေခြင်း၊ ရန်ကင်းမြို့နယ်အတွင်း ရန်ကင်း ၁၂လုံးတန်းမှ တော်လှန်ရေး လူငယ် များ အပါအ၀င် ရွှေအုန်းပင်မှ‌ တော်လှန်ရေးလူငယ်များ၏ သတင်းအချက် အလက်များကို စစ်ကောင်စီထံ သတင်းပေးခြင်းများ လုပ်ဆောင်ခဲ့သည့် သက်သေအထောက်အထားများရရှိထားကြောင်း သိရှိရသည်။ 

ထို့ပြင် လီလီနိုင်ကျော်သည် အကြမ်းဖက်စစ်ကောင်စီမှ ဒုတိယ ဗိုလ်ချုပ်မှူး ကြီးစိုးဝင်း၊ ဗိုလ်ချူပ် ဇော်မင်းထွန်းနှင့် တခြားသော စစ်ခေါင်းဆောင်တို့နှင့် ထိတွေ့ ဆက်ဆံနေသူဖြစ် သည့်အပြင် အကြမ်းဖက် စစ်ကောင်စီ၏ လက်ဝေခံ တယ်လီဂရမ် သတင်းချန်နယ် မီဒီယာများသို့ တော်လှန်ရေးရဲဘော်များ၏ အချက်လက်များကိုလည်း သတင်းပေးနေသူဖြစ်ကြောင်း၊ လီလီနိုင်ကျော်သည် ၇၈ နှစ်မြောက် တပ်မတော်နေ့အခမ်းအနားသို့လည်း VIP နံပါတ် ၉၇၄ လည်ဆွဲကတ် ဖြင့် တက်ရောက်ခဲ့ကြောင်း သိရှိရသည်။

ကရင်နီတိုက်ပွဲတွင် ဗိုလ်ကြီး မင်းခန့်ကျော် အပါအဝင် စစ်သားများ သေဆုံးပြီးနောက် ခလရ ၁ တပ်ရင်းမှူး ဒုဗိုလ်မှူးကြီး သူရိန် "စစ်မတိုက်နိုင်တော့" ဟု အမိန့်ဖီဆန်သဖြင့် အဖမ်းခံထားရ

 ကရင်နီတိုက်ပွဲတွင် ဗိုလ်ကြီး မင်းခန့်ကျော် အပါအဝင် စစ်သားများ သေဆုံးပြီးနောက် ခလရ ၁ တပ်ရင်းမှူး ဒုဗိုလ်မှူးကြီး သူရိန်  "စစ်မတိုက်နိုင်တော့" ဟု အမိန့်ဖီဆန်သဖြင့် အဖမ်းခံထားရ 

ရန်ကုန်၊ မေ ၂၉ 

ပဲခူးတိုင်း၊ မင်းလှမြို့နယ် စိန်ကန့်လန့်ရွာအခြေစိုက် အမှတ်(၁) ခြေလျင်တပ်ရင်းမှ တပ်ရင်းမှူး ဒုတိယဗိုလ်မှူးကြီး သူရိန်သည် ကရင်နီတိုက်ပွဲတွင် ပါဝင်တိုက်ခိုက်ရင်း စစ်မတိုက်နိုင်တော့ဟု အမိန့်ဖီဆန်သဖြင့် အဖမ်းခံထားရကြောင်း ဒေသသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ 

မေလ ၂၁ ရက်နေ့ ကရင်နီပြည်နယ်၊ ဒီးမော့ဆိုမြို့နယ်တွင် ဖြစ်ပွားသော တိုက်ပွဲတွင် ခလရ ၁ တပ်မှ ဗိုလ်ကြီးမင်းခန့်ကျော် အပါအဝင် စစ်သား ၅ ဦးသည် တပ်ရင်းမှူး ဒုတိယဗိုလ်မှူးကြီး သူရိန်၏ မျက်စိရှေ့တွင်ပင် သေဆုံးသွားခဲ့ကြောင်း၊ ထို့ပြင် တပ်ရင်းမှူး ဒုဗိုလ်မှူးကြီး  သူရိန်၏ အနီးသို့ လက်နက်ကြီးကျည် ကျရောက်ခဲ့ကြောင်း၊ ဒုတိယဗိုလ်မှူး‌ကြီးသူရိန်က စစ်မတိုက်လိုတော့ဟုဆိုကာ ထွက်ပြေးသွားခဲ့ကြောင်း၊ မေလ ၂၈ ရက်နေ့တွင် တပ်ရင်းမှူးကို စစ်ကောင်စီတပ်က ပြနလည် ဖမ်းဆီး‌ပြီးချုပ်နှောင်ထားကြောင်း သိရှိရသည်။ 

" မနေ့က ခလရ ၁ တပ်ရင်းမှူး ဒုဗိုလ်မှူးကြီးသူရိန်ကို ရှေ့တန်းမှာထွက်ပြေးလို့ စစ်တပ်ကပြန်ဖမ်းလိုက်တယ်။ 

မေလ ၂၁ ရက်နေ့က ကယား ဒီမောဆိုတိုက်ပွဲမှာ ခလရ၁တပ်က ဗိုလ်ကြီးမင်းခန့်ကျော်အပါအဝင် ၅ဦးသေတာကို ခလရ ၁ တပ်ရင်းမှူး ဒုဗိုလ်မှူးကြီး သူရိန်က သူ့ရှေ့တင်တွေ့ရလို့ကြောက်သွားတယ်။ အဲဒီနေ့တင်ပဲ တပ်ရင်းမှူး သူရိန်ဘေးကို RPGလာကျတာ။ လက်နက်ကြီးကမကွဲလို့သူမသေဘဲကံကောင်းသွားတယ်။ အဲဒီဖြစ်စဉ်တွေဖြစ်ပြီး တိုက်ပွဲက ပိုကြမ်းပြီး သူ့တပ်ကို ရှေ့ကိုတက်ဖို့ဖိအားပေးခံရတယ်။  အဲဒီမှာသူကသေမှာကြောက်ပြီး အသေတော့မခံနိုင်ဘူး ထွက်ပြေးဖို့ပဲချောင်းနေတော့တာ။ မနေ့က ထွက်ပြေးဖို့လုပ်တာကို တပ်မမှူးတွေ သိသွားပြီး ရှေ့တန်းတပ်မစခန်းမှာ ပြန်ဖမ်းခံရတာ။ သူကထောင်ပဲအကျခံမယ် တိုက်ပွဲတော့မတိုက်နိုင်ဘူးငြင်းနေတယ်လို့ တပ်ထဲကို အကြောင်းကြားလာပါတယ်။ သူ့ကိုရာထူးချထားပြီး လက်ရှိတော့ဖမ်းထားတယ်" ဟု ဒေသသတင်းရင်းမြစ်က ပြောသည်။

ဒုတိယဗိုလ်မှူးကြီး သူရိန် ခလရ ၁ တပ်ရင်းမှူး တာဝန်မယူခင်က တပ်ရင်းမှူးဟောင်း ဒုတိယဗိုလ်မှူးကြီး ကျော်ဇေယျမှာလည်း ကရင်နီတိုက်ပွဲတွင်ပင် လက်နက်ကြီးထိမှန်၍ ၂၀၂၁ ခုနှစ် ဒီဇင်ဘာလတွင် သေဆုံးသွားခဲ့ကြောင်း၊ ၂၀၂၂ ခုနှစ်၊ ဇန်နဝါရီလတွင် သေဆုံးသွားသော ဒုတိယဗိုလ်မှူးကြီး ကျော်ဇေယျ၏ နေရာကို ဒုတိယဗိုလ်မှူးကြီး သူရိန်က အစားထိုးဝင်ရောက်ခဲ့ခြင်းဖြစ်ကြောင်း၊ တပ်ရင်းမှူးအဖြစ် ပြောင်းရွှေ့ရာထူးတိုးပြီးနောက် ရှေ့တန်း ထွက်နေရပြီး ၁ နှစ်ခွဲကျော်လာသည်အထိ ဒုတိယဗိုလ်မှူးကြီး သူရိန် အိမ်ပြန်ခွင့်မရကြောင်း သိရှိရသည်။ 

ဒုတိယဗိုလ်မှူးကြီး သူရိန်တွင် ဇနီးနှင့်သားသမီး ၂ ဦးရှိပြီး လက်ရှိတွင် မိသားစုပါ တပ်ထဲတွင် အထိန်းသိမ်းခံထားရကြောင်း၊ ခလရ ၁ တွင် ကရင်နီတိုက်ပွဲတွင်း သေဆုံးသူ စစ်သား ၅၀ ကျော်ရှိပြီး တပ်ပြေးသူ ၁၀ ဦးကျော်ရှိကြောင်း သိရှိရသည်။

မြဝတီမြို့နယ်ရှိ စစ်စခန်း ၃ ခုကို တစ်ပြိုင်တည်း ဝင်ရောက်တိုက်ခိုက်မှု စစ်တပ်ဘက်မှ တပ်ရင်းမှူး ၁ ဦး အပါအဝင် ထိခိုက် သေဆုံးသူ များပြား

 မြဝတီမြို့နယ်ရှိ စစ်စခန်း ၃ ခုကို တစ်ပြိုင်တည်း ဝင်ရောက်တိုက်ခိုက်မှု စစ်တပ်ဘက်မှ တပ်ရင်းမှူး ၁ ဦး အပါအဝင် ထိခိုက် သေဆုံးသူ များပြား

ရန်ကုန်၊ မေ ၂၈

ကရင်ပြည်နယ်၊ မြဝတီမြို့ တောင်ပိုင်းရှိ အကြမ်းဖက် စစ်တပ်၏ စစ်စခန်း ၃ ခုကို တစ်ပြိုင်တည်း ဝင်ရောက်တိုက်ခိုက်မှု စစ်တပ်ဘက်မှ တပ်ရင်းမှူး ၁ ဦး အပါအဝင် ထိခိုက် သေဆုံးသူ များပြားကြောင်း KNDO တပ်ရင်း ၈ မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ပြောဆိုသည်။

မေလ ၂၃ ရက်နေ့တွင် မြဝတီမြို့ တောင်ပိုင်းရှိ အကြမ်းဖက် စစ်တပ်၏ ဝေါ်လေ ဗျူဟာကုန်း၊ မော်ခီး စခန်းနှင့် ကနဲလေး စခန်းတို့ကို KNU/KNLA ၂၀၁ တပ်ရင်း KNDO တပ်ရင်း ၈ နှင့် Federal Wings Drone အဖွဲ့တို့က ပူးပေါင်း တိုက်ခိုက်ခဲ့ပြီး အကြမ်းဖက် စစ်တပ် ဘက်မှ တပ်ရင်းမှူး ၁ ဦး အပါအဝင် ထိခိုက်သေဆုံးသူများပြားကြောင်းသိရသည်။

တိုက်ခိုက်မှု ဖြစ်ပွားပြီးနောက် အကြမ်းဖက် စစ်တပ်က မော်ခီး စခန်းအနီးရှိ ပနွယ်ဖိုးကလိုးရွာကို ဗုံးကျဲတိုက်ခိုက်ခဲ့ပြီး ခရစ်ယာန် ဘုရားရှိခိုးကျောင်း ထိမှန်ပျက်စီးခဲ့ကြောင်း သိရသည်။

"စစ်ခွေး သေစာရင်း အတိအကျတော့ မသိရသေးဘူး။ ပွဲက အခုထိ မပြီးသေးလို့ အနည်းဆုံး စခန်းတစ်ခုမှာ ၁၀ ဦး ထိခိုက်တယ်လို့ ကြားတယ်။ စစ်ခွေးတွေက အနီးအနားက ကျေးရွာတွေကို ၁၂၀ မမ ၈၁ မမ တွေနဲ့ ရမ်းပြီး ပစ်ခတ်နေတယ်" ဟု KNDO တပ်ရင်း ၈ မှ တာဝန်ရှိသူ တစ်ဦးက ပြောဆိုသည်။

ကလေးမြို့နယ်၊ ပေါက်ခုံကျေးရွာအနီး စစ်ကြောင်း မိုင်းဆွဲခံရမှုကြောင့် စစ် သား ၂၀ နီးပါး သေဆုံးမှုတွင် ဗိုလ်ကြီး တင်ကျော်ထွေးပါ သေဆုံး

 ကလေးမြို့နယ်၊ ပေါက်ခုံကျေးရွာအနီး စစ်ကြောင်း မိုင်းဆွဲခံရမှုကြောင့် စစ် သား ၂၀ နီးပါး သေဆုံးမှုတွင် ဗိုလ်ကြီး တင်ကျော်ထွေးပါ သေဆုံး 

ရန်ကုန်၊ မေ ၂၉ 

စစ်ကိုင်းတိုင်း၊ ကလေးမြို့နယ်တောင်ပိုင်း၊ ပေါက်ခုံကျေးရွာအနီး စစ်ကြောင်း မိုင်းဆွဲခံရမှုကြောင့် စစ်သား ၂၀ နီးပါး သေဆုံးမှုတွင် ဗိုလ်ကြီး တင်ကျော်ထွေးပါ သေဆုံးသွားခဲ့ကြောင်း သိရှိရသည်။ 

မေလ ၂၇ ရက်နေ့ နံနက် ၈ နာရီ ကျော်ခန့်အချိန် ကလေးမြို့ တောင်ပိုင်းသို့ ထွက်ခွာလာသည့် အင်အား ၈၀ ခန့်ပါ အကြမ်းဖက် စစ်တပ် စစ်ကြောင်းကို ပေါက်ခုံကျေးရွာအနီးတွင် တော်လှန်ရေး အင်အားစုများက မိုင်းဆွဲ တိုက်ခိုက်ခဲ့ပြီး စစ်သား ၂၀ ဦးနီးပါး သေဆုံးခဲ့ကြောင်း၊ မိုင်းထိသော စစ်ကြောင်းသည် ကလေးမြို့သို့ ပြန်လည် ဆုတ်ခွာလာစဥ် မွန်းလွဲ ၁၂ နာရီခန့်၌ တော်လှန်ရေး တပ်ဖွဲ့များက ထပ်မံမိုင်းဆွဲ တိုက်ခိုက်ခဲ့ပြီး စစ်သားများ ထိခိုက်သေဆုံးမှုများပြားကြောင်း၊ သေဆုံးသူများတွင် ဗိုလ်ကြီးတင်ကျော်ထွေး ပါဝင်သွားခြင်းဖြစ်သည်ဟု သိရှိရသည်။ 

ဗိုလ်ကြီးတင်ကျော်ထွေးသည် စစ်တက္ကသိုလ် အပတ်စဉ် ၅၀ ကျောင်းဆင်းဖြစ်ပြီး ရန်ကုန်၊ ဗဟန်းဇာတိဖြစ်ကြောင်း၊ အနောက်မြောက်ပိုင်းတိုင်းစစ်ဌာနချုပ်တာဝန်ကျနေစဉ် မိုင်းဆွဲခံရပြီး သေဆုံးခြင်းဖြစ်ကြောင်း သိရှိရသည်။

စစ်ကောင်စီတပ်၏ လက်ကိုင်တုတ်တပ် BGF များကို ရှောင်တခင် ဝင်ရောက်တိုက်ခိုက်ရာ လက်နက်ခဲယမ်းများ သိမ်းဆည်းရရှိ

 စစ်ကောင်စီတပ်၏ လက်ကိုင်တုတ်တပ် BGF များကို ရှောင်တခင် ဝင်ရောက်တိုက်ခိုက်ရာ လက်နက်ခဲယမ်းများ သိမ်းဆည်းရရှိ

https://www.tachileik.net/mm/news/32680

* * * * *

ကရင်ပြည်နယ် KNU တပ်မဟာ( ၅ )ထိန်းချုပ်နယ်မြေ၊ မူတြော်ခရိုင်အတွင်း လမ်းကင်းယူနေသည့် စစ်ကောင်စီတပ်၏ လက်ကိုင်တုတ်တပ်ဖြစ်သည့် BGF တပ်ကို ၂၀၂၃ခုနှစ်၊ မေလ ( ၂၆ )ရက်နေ့က တိုက်ခိုက်ခဲ့ရာ BGF တပ်သား( ၅ )ဦးသေပြီး လက်နက်ခဲယမ်းများ သိမ်းဆည်းရရှိခဲ့ကြောင်း သိရသည်။

KNLA တပ်ရင်း(၁၀၂) ရဲဘော်များက ဝါးဒူးနှင့် လယ်ကွဲကြားရှိဓာတ်ဆီဆိုင်တစ်နေရာ၌ လမ်းကင်းယူနေသည့် BGF-၁၀၁၃ တပ် အား ရှောင်တခင်ဝင်ရောက်တိုက်ခိုက်ရာ BGF တပ်သား (၅)ဦး သေပြီး လက်နက်မျိုးစုံသိမ်းဆည်းရရှိခဲ့သည်ဟု တပ်မဟာ ( ၅ )က မေလ( ၂၇ )ရက်နေ့က သတင်းထုတ်ပြန်သည်။

သိမ်းဆည်းရရှိသည့် လက်နက်ခဲယမ်းများမှာ M-16 AR (၄) လက်နှင့် ၎င်းကျည်(၃၂၀)တောင့်၊ M-79 လောင်ချာတစ်လက်၊၎င်းကျည်(၁၇)လုံး၊ ၉ မမ ပစ္စတိုတစ်လက်၊ စစ်ဝတ်တန်ဆာ (၄)စုံ၊ M-16 AR ကျည်ဘောက်(၄)ချပ်၊ စကားပြောစက်တစ် လုံးနှင့် ကျောပိုးအိတ်(၆)လုံးကို သိမ်းဆည်းရရှိခဲ့ကြောင်း သိရသည်။

#TachileikNewsAgency

Photo: ကေအဲန်ယူ-မူတြော် သတင်းစဉ်

မတ္တရာတွင် နေအိမ်သို့ ခွင့်မရဘဲ ခိုးပြန်လာသည့် ယာဉ်ထိန်းရဲတပ်ကြပ်ကြီး အောင်ကျော်မျိုး ပစ်ခတ်ခံရပြီး သေဆုံး

 မတ္တရာတွင် နေအိမ်သို့ ခွင့်မရဘဲ ခိုးပြန်လာသည့် ယာဉ်ထိန်းရဲတပ်ကြပ်ကြီး အောင်ကျော်မျိုး ပစ်ခတ်ခံရပြီး သေဆုံး

ရန်ကုန်၊ မေ ၂၈ 

မန္တလေးတိုင်း၊ မတ္တရာမြို့နယ်၊ ဆယ်ပယ်ရွာတွင် ယာဉ်ထိန်းရဲ တပ်ကြပ်ကြီး တစ်ဦးကို ပစ်ခတ်ရှင်းလင်း ခဲ့ရာ နေရာမှာပင်သေဆုံးသွားကြောင်း ယူနီကွန်း ပြောက်ကျားတပ်ဖွဲ့မှ တာဝန်ရှိသူတစ်ဦးက ရန်ကုန် ခေတ်သစ်သတင်း ဌာန ထံသို့ ပြောကြားသည်။

ယမန်နေ့မေလ ၂၇ ရက်နေ့ ညနေ ၄ နာရီခန့်က မတ္တရာမြို့ပေါ်တွင် တာဝန် ကျ နေသော ယာဉ်ထိန်း တပ် ကြပ်ကြီး အောင်ကျော်မျိုးသည် ဆယ်ပယ် ကျေးရွာရှိ ဇနီးဖြစ်သူထံသို့ မော်တော်ယာဉ်ဖြင့် ခွင့်မရဘဲ ခိုးပြန်လာ စဉ် ပြည်သူ့ကာကွယ်ရေးပူးပေါင်းတပ်ဖွဲ့က နေအိမ်အတွင်းသို့ သွားရောက်၍ သေနတ်ဖြင့် ၈ ချက်ပစ်ခတ် ခဲ့ရာမှ သေဆုံးသွားခြင်းဖြစ်ကြောင်း သိရသည်။

“မတ္တရာကနေ သူ့မိန်းမဆီ ခိုးပြီးပြန်လာတာ၊ အိမ်ထဲမှာ မိသားစုတွေလည်း အကုန်တွေ့တယ်၊ သေနတ် အတိုရှိတယ်သတင်းရပေမယ့် မတွေ့ခဲ့ဖူး၊ ဖုန်းတစ် လုံးပဲ သိမ်းဆည်းခဲ့တယ်၊ ကျန်တာ ဘာမှ မယူခဲ့ဘူး၊ မိသားစုတွေကိုလည်း ဘာမှ မလုပ်ခဲ့ပါဘူး၊ သူ့ဖုန်းထဲကနေ စစ်တပ်၊ ရဲနဲ့ပတ်သက်တဲ့မှတ်တမ်းတွေ၊ ဓာတ်ပုံ တွေ့ထားတယ်၊ “ ဟု ယူနီကွန်းပြောကျားတပ်ဖွဲ့မှ တာဝန်ရှိသူက ရန်ကုန်ခေတ်သစ်သတင်းဌာန ထံသို့ ပြောကြားသည်။

ပစ်ခတ်ခံရပြီး သေဆုံးသွားသော တပ်ကြပ်ကြီး အောင်ကျော်မျိုးအလောင်းကို အကြမ်းဖက်စစ်တပ်၊ လက်အောက်ခံ ရဲတပ်ဖွဲ့က ဖောကား ၂ စီးဖြင့် လာ ရောက် ပြီး အလောင်းကို သယ်ယူသွားကြောင်း၊ ကျေးရွာအတွင်း၌ အကြောင်းမဲ့ သေနတ်ဖြင့် ပစ်ဖောက်ခြိမ်းခြောက်သွားသဖြင့် ကျေးရွာနေ ပြည်သူ များမှာ ထွက်ပြေးတိမ်းရှောင်နေကြရကြောင်း သိရသည်။

၂ လကြာ တိုက်ပွဲအတွင်း BGF စခန်း ၃ ခု သိမ်းပိုက်နိုင်ပြီး အကြမ်းဖက်စစ်ကောင်စီ ၁၁၄ ယောက် သေဆုံး...

 ၂ လကြာ တိုက်ပွဲအတွင်း BGF စခန်း ၃ ခု သိမ်းပိုက်နိုင်ပြီး အကြမ်းဖက်စစ်ကောင်စီ ၁၁၄ ယောက် သေဆုံး... 

တော်လှန်ရေး ရဲဘော် ၁၁ ယောက် ကျဆုံးပြီး ၃၉ ယောက် ထိခိုက်ဒဏ်ရာရခဲ့သလို ဒရုန်း ၄ စင်း ပျက်စီးဆုံးရှုံးခဲ့...

+++++++++++++

မေ ၂၇ 

တော်လှန်ရေးပူးပေါင်းတပ်ဖွဲ့တွေဖြစ်တဲ့ တပ်မဟာ (၆) KNU/KNLA၊ ကော်ဘရာစစ်ကြောင်း ၁ ၊ ကော်ဘရာစစ်ကြောင်း ၂ ၊ ကျားသစ်နက်စစ်ကြောင်း၊ Golden Eagle ၊ Federal Wings ၊ ရောင်နီ တို့နဲ့အကြမ်းဖက်စစ်တပ်ဖက်က တပ်မ(၄၄)၊ မ(၂)၊ ခလရ(၂၇၅)၊ ခမရ(၃၅၅)၊ လ (၈)၊ BGF၁၀၁၉ တပ်ရင်း၊  ခမရ(၁၁၈)၊ သင်္ကန်းညီနောင်ဗျူဟာစတဲ့ စကစတပ်ဖွဲ့တွေ ၂ လကြာ ရင်ဆိုင်တိုက်ပွဲတွေ ပြင်းထန်စွာဖြစ်ပွားခဲ့တယ်လို့ Cobra Column က ဒီကနေ့မှာ ထုတ်ပြန်ပါတယ်။ 

အဲဒီ ၂  လကြာ တိုက်ပွဲတွေအတွင်းမှာ အကြမ်းဖက်စစ်ကောင်စီဘက်က အရာရှိတွေအပါအဝင် ၁၁၄ ယောက် သေဆုံးပြီး ၁၂၉ ယောက် ဒဏ်ရာရခဲ့သလို (၁၁)ယောက် အရှင်ဖမ်းဆီးရမိခဲ့တယ်လို့ ဆိုပါတယ်။

လက်နက်ခဲယမ်းတွေအနေနဲ့ ၆၀မမ ပြောင်းရှည် (၁)လက်၊ ၆၀မမပြောင်းတို (၁)လက်၊ ၄၀မမ (၁)လက် အပါအဝင် လက်နက်မျိုးစုံ စုစုပေါင်း (၄၁) လက် သိမ်းဆည်းရမိခဲ့တဲ့အပြင် စစ်ကောင်စီလက်အောက်ခံ BGFစခန်း (၃) ခုကိုပါ တိုက်ခိုက်သိမ်းပိုက်နိုင်ခဲ့တယ်လို့ ဖော်ပြထားပါတယ်။ ယ 

မြေပြင်မှာ အကျအဆုံး အထိအခိုက်တွေများတာကြောင့် အကြမ်းဖက်စစ်ကောင်စီဘက်က ၂ လတာအတွင်း လေကြောင်းတိုက်ခိုက်မှု ၂၂ ကြိမ်နဲ့ လက်နက်ကြီးပစ်ခတ်မှု ၁၀၈၁ ကြိမ် ပစ်ခတ်ခဲ့တယ်လို့ ထုတ်ပြန်ချက်အရ သိရပါတယ်။ 

အကြမ်းဖက်စစ်ကောင်စီဘက်က ရမ်းသမ်းပစ်ခတ်တဲ့ လက်နက်ကြီးတွေကြောင့် ပြည်သူ ၁ယောက်သေဆုံးခဲ့သလို ၂ ယောက် ဒဏ်ရာရရှိပြီး  ပြည်သူပိုင်အဆောက်အဦး ၄၁ လုံး ပျက်ဆီးခဲ့ကာ ကျွဲ၊ နွား တိရစ္ဆာန် ၁၀ ကောင်ထက်မနည်း သေဆုံးခဲ့တယ်လို့ သိရပါတယ်။ 

(၂)လတာ တိုက်ပွဲအတွင်းမှာ တော်လှန်ရေးပူးပေါင်းတပ်ဖွဲ့ဘက်က ရဲဘော် ၁၁ ဦး မြင့်မြတ်စွာ ကျဆုံးခဲ့ပြီး ၃၉ ယောက် ထိခိုက်ဒဏ်ရာရရှိခဲ့သလို Drone ၄ စင်း ပျက်စီး ဆုံးရှုံးခဲ့တယ်လို့ ထုတ်ပြန်ထားပါတယ်။

စစ်မီးဝိုင်းနေတဲ့ မန္တလေး

 💢စစ်မီးဝိုင်းနေတဲ့ မန္တလေးဟာ စကစရဲ့ နောက်ဆုံးခံတပ်ဖြစ်လာမယ်လို့ စစ်ရေးသုံးသပ်သူတွေရဲ့အဆိုဟာ ခိုင်မာသလောက်ရှိလာပါတယ်။

ဒါကို ဒီလတွေမှာ မန္တလေးတဝိုက်ခပ်စိတ်စိတ်

ကြားလာရတဲ့ တို-က်ပွဲတွေနဲ့ စကစကျရှုံးသတင်းတွေကသက်သေခံနေကြတယ်။

မန္တလေးအရှေ့ဘက် နောင်ချို၊ ကျောက်မဲ၊ မိုးကုတ်ကတို-က်ပွဲတွေ

မန္တလေးမြောက်ဘက် မတ္တရာ၊ သပိတ်ကျင်းဘက်ကတို-က်ပွဲတွေ

မန္တလေးတောင်ဘက် တံတားဦး၊ နွားထိုး၊မြင်းခြံက တို-က်ပွဲတွေ

မန္တလေးအနောက်ဘက် စစ်ကိုင်းမင်းဝံတောင်ရိုး

တကြောကတို-က်ပွဲတွေဟာ မန္တလေးနဲ့နေ့ချင်းပြန်သွားလို့ရတဲ့နေရာတွေမှာ အမှန်အကန်

ဖြစ်နေတဲ့ တို-က်ပွဲတွေပါ။

ဒီတို-က်ပွဲတွေကို ဦးဆောင်နေတဲ့ ပြည်သူ့တော်လှန်ရေးတပ်ပေါင်းစုတွေအားလုံးရဲ့ ဦးတည်ချက်ကတော့ မန္တလေးကိုသိမ်းပိုက်နိုင်ရေးပဲဖြစ်ပါတယ်။ မန္တလေး တံတားဦးလေတပ်က တက်လာတဲ့ စကစလေယာဉ်တွေကိုထိန်းချုပ်နိုင်ရင်၊ မန္တလေး နန်းတွင်းစစ်ကြောရေးက ပြည်သူတွေကို နှိပ်စက်နေတဲ့ စကစအလယ်ပိုင်းတိုင်းစစ်ဌာနချုပ်ဗဟိုကို တို-က်ခို-က်နိုင်ရင် ဒီတော်လှန်ရေးဟာ ဒီထက်အရှိန်ပိုမြှင့်သွားနိုင်မှာသေချာပါတယ်။

နန်းတွင်းစစ်တပ်ကိုသာ နောက်ဆုံးခံတပ်အနေနဲ့ ဗဟိုပြုလှုပ်ရှားနေရမယ့် စကစကို မြင်ယောင်ကြည့်ကြစမ်းပါ။ ဒုတိယကမ္ဘာစစ်တုန်းက မန္တလေးနန်းမြို့ရိုးကို ဒပ်ဖရင်ခံတပ်အဖြစ်နောက်ဆုံးကျားကန် ခုခံနေရတဲ့ အင်္ဂလိပ်စစ်တပ်လိုပဲ။ ဒီခံတပ်သာ ကျသွားရင် သူတို့မှာ ဆုတ်စရာလမ်းဆိုလို့ ေ-သလမ်းပဲရှိပါတော့မယ်။

ဒီတော့ နောက်ဆုံးခံတပ်ကို ရိုက်ချိုးနိုင်ရေးဟာ MDY-PDF နဲ့ တပ်ပေါင်းစုအားလုံးရဲ့ ပင်မပန်းတိုင်လည်းဖြစ်ပါတယ်။ ဒီပန်းတိုင်ရောက်ဖို့ဟာ ပြည်သူအားလုံးရဲ့ အင်အားနဲ့ဝိုင်းဝန်းကြဖို့လိုပါတယ်။ မန္တလေးနန်းတော်ဟာ မန္တလေးပြည်သူ၊ မြန်မာပြည်သူတွေရဲ့ နှလုံးဗဟိုသာဖြစ်နေရပါမယ်။

မန္တလေးဟာ ဒုတိယကမ္ဘာစစ်အလွန် ဒပ်ဖရင်ခံတပ်ကို အင်္ဂလိပ်တွေဆုတ်ခွာအပြီးမှာ အေဝမ်းဆရာညှာရဲ့ "ပြည်တော်ဝင်"သီချင်းကို မြို့မနဲ့အတူ ဖျော်ဖြေသီဆိုပြီး မြို့သူမြို့သားတွေပျော်ရွှင်စွာနဲ့ မြို့ထဲပြန်ဝင်လာကြဖူးတဲ့ သမိုင်းရှိတဲ့မြို့ပါ။

"အောင်စည်ရွမ်းသံ ကြားပြီထင့် ပြည်တော်ဝင်မယ်လေ" ဆိုတဲ့ သီချင်းစာသားလိုပဲ

အောင်စည်ရွမ်းသံတွေ မန္တလေးအနှံ့ကြားနိုင်ဖို့ 

"ပြည်တော်ဝင် campaign" မှာ အားလုံးဝိုင်းဝန်းပါဝင်ပေးကြပါလို့ တိုက်တွန်းလိုက်ပါရစေလား

ယဉ်ယဉ်နှောင်း

https://m.facebook.com/story.php?story_fbid=125004053928751&id=100092574694824&mibextid=Nif5oz

#ပြည်တော်ဝင်

#မန္တလေး

#MDYPDF

#ပိတောက်ဖူး

#Lucky2PDF

#SpringMyanmarSociety

#SMS

#CrdOrginalUploader

ရေဖြူမြို့နယ်တွင် တိုက်ပွဲ ၃ ကြိမ် ဖြစ်ပွားပြီး စစ်တပ်ဘက်မှ စစ်သား ၁၀ ဦးသေဆုံး

 ရေဖြူမြို့နယ်တွင် တိုက်ပွဲ ၃ ကြိမ် ဖြစ်ပွားပြီး စစ်တပ်ဘက်မှ စစ်သား ၁၀ ဦးသေဆုံး

ရန်ကုန်၊ မေ ၂၅

တနင်္သာရီတိုင်း၊ ရေဖြူမြို့နယ်တွင် တိုက်ပွဲ ၃ ကြိမ် ဖြစ်ပွားပြီး စစတပ်ဘက်မှ ၁၀ ဦး သေဆုံးခဲ့ကြောင်း လောင်းလုံးမြို့နယ် PDF မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

မေလ ၉ ရက်နေ့တွင် ရေဖြူမြို့နယ် အနောက်ဘက်ကမ်းရှိ ပုဂေါဇွန်းကျေးရွာ၊ ဝက်ချောင်းကျေးရွာနှင့် ခမောင်းချောင်းကျေးရွာသို့ စစ်ကြောင်းထိုး ဝင်ရောက်ခဲ့သည့် အကြမ်းဖက် စစ်တပ်သည် ည ၁၁ နာရီ ၄၅ မိနစ်ခန့်တွင် ခမောင်းချောင်းကျေးရွာမှ ပြန်လည်ထွက်ခွာလာစဥ် ရေဖြူ မြို့နယ်၊ နဘုလယ်ရေနက်ဆပ်ကမ်း လမ်းပိုင်း တစ်နေရာ၌ မိုင်းဆွဲ တိုက်ခိုက်ခဲ့ပြီး ထိတွေ့တိုက်ပွဲဖြစ်ပွားကာ စစ်တပ်ဘက်မှ စစ်သား ၁၀ ဦး ထက်မနည်းထသေဆုံးကာ အများအပြား ထိခိုက် ဒဏ်ရာရရှိခဲ့ကြောင်း သိရသည်။

မေလ ၁၄ ရက်နေ့တွင် ရေဖြူ မြို့နယ် နဘုလယ်ဒေသ ထားဝယ် ရေနက်ဆိပ်ကမ်း အထူးစီးပွါးရေးဇုန်သို့ လာသည့် စစ်ကား ၃ စီးကို နံနက် အစောပိုင်း ၄ နာရီ ၄၀ မိနစ်တွင် ကာကွယ်ရေးတပ်ဖွဲ့များက မိုင်းဆွဲ တိုက်ခိုက်ခဲ့ပြီး ထိတွေ့ တိုက်ပွဲ ၁ နာရီကြာ ဖြစ်ပွားခဲ့ကာ စစ်ကား ၂ စီး မိုင်းထိမှန် ပျက်စီး၍ တောင်စောင်းမှ နောက်ပြန်လှိမ့်ကျကာ စစ်သား အများအပြား ထိခိုက်သေဆုံးမှုရှိကြောင်း သိရှိရသည်။

အပြန်အလှန် ထိတွေ့ တိုက်ပွဲ ၁ နာရီအတွင်း ကာကွယ်ရေး တပ်ဖွဲ့များက ၈၁ မမ နှင့် ၇၉ မမ လက်နက်ကြီးများဖြင့် ပစ်ခတ် တိုက်ခဲ့ပြီး အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း၊ မွန်းလွဲ ၁ နာရီ ၃၀ မိနစ်တွင်လည်း ထပ်မံ၍ စစ်ကူဆင်းလာခဲ့သည့် စစ်ကား ၂ စီးကို ဆက်လက် မိုင်းဆွဲ တိုက်ခဲ့ကာ ၈၁မမ လက်နက်ကြီးများဖြင့် ပစ်ခတ် တိုက်ခိုက်ခဲ့ကြောင်း၊ ထိုတိုက်ခိုက်မှု အတွင်း စစ်တပ်ဘက်မှ ထိခိုက်သေဆုံးမှု အရေအတွက်ကို အတည်မပြုနိုင်သေးကြောင်းသိရသည်။

မေလ ၁၅ ရက်နေ့တွင် တိုက်ပွဲဖြစ်ပွားရာ နေရာကို တော်လှန်ရေး တပ်ဖွဲ့များက နယ်မြေ ရှင်းလင်းရေး ဝင်ရောက်ခဲ့ကာ ၆၀ မမ ဗုံးသီးများ ၊ ၇၉ ကျည်၊ အီနာဂါ၊ ၅၆ ကျည် ၄၀ နှင့် ကျောပိုးအိပ် ၁ လုံး စသည့် ခဲယမ်းအချို့ကို သိမ်းဆည်းနိုင်ခဲ့ပြီး စစ်သားများ ဆေးကုသမှု ခံယူထားသည့် နေရာတို့ကို တွေ့ရှိခဲ့ကြောင်း သိရှိရသည်။

မေလ ၁၆ ရက်နေ့တွင် ထားဝယ်စီးပွါးရေးဇုန် နဘုလယ်ရေနက် ဆိပ်ကမ်း အခြေချစခန်းသို့ စစ်ကူရောက်ရှိလာသော အင်အား ၁၀၀ ဦးပါ အကြမ်းဖက် စစ်တပ် စစ်ကြောင်းသည် စစ်သား အလောင်းများနှင့် ထိခိုက် ဒဏ်ရာ ရရှိထားသော တပ်သားများကို တင်ဆောင်ပြီး အဆိုပါ အခြေချစခန်းမှ မူးဒူး ကျေးရွာဘက်ကို နံနက် ၇:၀၀ နာရီတွင် ပြန်လည်ထွက်ခွာလာကြောင်း သိရသည်။

ယင်း စစ်ကြောင်းသည် မူးဒူးတွင် နေ့လည်စာစားပြီး မူးဒူးရွာမှ သပြေဘက်အထွက် လမ်းပိုင်း တစ်နေရာတွင် မွန်းလွဲ ၁ နာရီခန့်၌ တော်လှန်ရေး ရဲဘော်များက မိုင်းဆွဲတိုက်ခိုက်ပြီး လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း၊ ထို့ပြင် နဘုလည် ရေနက်ဆိပ်ကမ်းကိုလည်း ၈၁ မမ လက်နက်ကြီးများဖြင့် စစ်ကြောင်းခွဲ၍ တိုက်ခိုက်ခဲ့ကြောင်း သိရသည်။

မူးဒူးနှင့်သပြေ ကျေးရွာ လမ်းပိုင်း တစ်နေရာတွင် စစ်ကြောင်းကို မိုင်းဆွဲ တိုက်ခိုက် ပစ်ခတ်မှုများကြောင့် စစ်တပ်က ပြန်လည် ပစ်ခတ်စဥ် PDF ရဲဘော်များထွက်ပေါက်ပိတ်၍ အဝိုင်းခံနေရသည့်ချိန်တွင် နောက်တန်းမှ လက်နက်ကြီး စစ်ကူဖြင့် ပစ်ခတ်ကာ ကယ်ထုတ်နိုင်ခဲ့ကြောင်း အဆိုပါ တိုက်ပွဲအတွင်း စစ်တပ်ဘက်မှ ထိခိုက်သေဆုံးမှု အရေအတွက်ကို အတည်မပြုနိုင်ကြောင်း သိရသည်။

" စစ်ခွေး ၁၀ ကောင်က ၉ ရက်နေ့ကတည်းက သေတာ ကျန်တဲ့ တိုက်ပွဲတွေကတော့ စုံစမ်းဆဲမို့ မသိရသေးဘူး။ ၁၄ ရက်နေ့ကဆို မိုင်းဆွဲတာ ကား ၂ စီးတောင် ပက်လက်လှန် မှောက်တယ်။ အပြန်လှန်ပစ်တာ နံနက်လင်းတဲ့ အထိပဲ အဲပွဲမှာ စစ်ခွေးတွေ ဆုတ်သွားတဲ့အချိန် နယ်မြေရှင်းတာ ၆၀ မမ တွေရတယ်။ စစ်ခွေး သေစာရင်းကတော့ အတိအကျ မသိရသေးဘူး။ ဒီထက်မက ပွဲတွေ များများ ကဖို့ပဲ ရှိတော့တာမို့ ပြည်သူများအားမလျော့ဘဲ နိုင်တဲ့ နေရာကနေ ပါဝင်ပေးကြဖို့ တိုက်တွန်းလိုပါတယ်" ဟု လောင်းလုံးမြို့နယ် PDF မှ တာဝန်ရှိသူ တစ်ဦးကပြောဆိုသည်။

အဆိုပါ တိုက်ခိုက်မှုကို "ဗထူးစစ်ကြောင်း" ဖြစ်သည့် လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့-LLPDF (လောင်းလုံး-ပကဖ) ၊ Guerilla Revolutionary Force - DGRF (ထားဝယ်-ပကဖ)၊ ရေဖြူမြို့နယ်ပြည်သူ့ကာကွယ်ရေးအဖွဲ့(ရေဖြူ-ပကဖ)၊ နှင့် YPPDF (ရေဖြူပြည်သူ့ကာကွယ်ရေးတပ်ဖွဲ့) တို့က ပူးပေါင်းလုပ်ဆောင်ခဲ့ခြင်း ဖြစ်ကြောင်း သိရသည်။

ငွေအသွင်းအထုတ်များပြားပြီး မသင်္ကာသော ကမ္ဘာဇဘဏ် K Pay အကောင့်များကို စစ်ကောင်စီက ပိတ်ပင်၊ ငွေကြေးဆုံးရှုံးသူများပြားသော်လည်း ဘဏ်က တာဝန်မယူဘဲ အထက်ခိုင်း၍ လုပ်သည်ဟုဆို

 ငွေအသွင်းအထုတ်များပြားပြီး မသင်္ကာသော ကမ္ဘာဇဘဏ် K Pay အကောင့်များကို စစ်ကောင်စီက ပိတ်ပင်၊ ငွေကြေးဆုံးရှုံးသူများပြားသော်လည်း ဘဏ်က တာဝန်မယူဘဲ အထက်ခိုင်း၍ လုပ်သည်ဟုဆို

ရန်ကုန်၊ မေ ၂၅ 

အကြမ်းဖက်စစ်ကောင်စီက ငွေအသွင်းအထုတ်များပြားပြီး မသင်္ကာသော ကမ္ဘာဇဘဏ် K Pay အကောင့်များကို ယခုရက်ပိုင်းအတွင်း ပိတ်ပင်နေကြောင်း K Pay သုံးစွဲသူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ 

မေလ ၂၄ ရက်နေ့မှစတင်၍ K Pay အကောင့် အတော်များများကို ကမ္ဘောဇဘဏ်က ပိတ်ပင်လာသဖြင့် ဆက်သွယ်မေးမြန်းရာ ဗဟိုဘဏ်က ပိတ်ပင်ခိုင်း၍ ပိတ်ပင်ရကြောင်း၊ K Pay အကောင့်များ ပြန်လည် ဖွင့်စေလိုပါက သက်ဆိုင်ရာ ဗဟိုဘဏ်ကို ဆက်သွယ်ဆောင်ရွက်ရန် ပြောဆိုလာကြောင်း K Pay သုံးစွဲသူများက ပြောဆိုသည်။ 

"ကျနော်အပါအဝင် မိတ်ဆွေ အတော်များများရဲ့ K payအကောင့်တွေအပိတ်ခံလိုက်ရတယ်။ K pay centerကလည်းတာဝန်ယူမှုမရှိဘူး။ ဖြေရှင်းမပေးဘူး။ လူအများစု အပိတ်ခံရတယ်။ K payထဲထည့်ထားတဲ့ငွေပမာဏတွေဆုံးရှုံးခဲ့ရတယ်။ ဘယ်လိုမှတာဝန်ယူမှုမရှိဘူး။ KBZ payလူအများအပြားအဲလိုဖြစ်နေတယ်" ဟု ရန်ကုန်မြို့မှ ပြည်သူတစ်ဦးက ပြောသည်။ 

ကမ္ဘောဇဘဏ်က သုံးစွဲသူများကို ပြောဆိုရာတွင် K Pay အကောင့်များကို ပိတ်ပင်ခြင်းသည် ၎င်းတို့ လုပ်ဆောင် ခြင်း မဟုတ်ဘဲ ဗဟိုဘဏ်က ခိုင်းစေမှုကြောင့် လုပ်ဆောင်ရခြင်းဖြစ်၍ K Pay အကောင့်အတွင်းမှ ငွေများ ပြန်လည် ရယူလိုပါက ဗဟိုဘဏ်၏ ခွင့်ပြုချက်လိုအပ်ကြောင်း၊ အပိတ်ခံရသူများအနေဖြင့် သက်ဆိုင်ရာ ဗဟိုဘဏ်ကို သွားရောက် မေးမြန်း စုံစမ်းစေလိုကြောင်း၊ ဗဟိုဘဏ်၏ ခွင့်ပြုချက်ရရှိလျှင် ပြန်လည်ဖွင့်လှစ်ပေးမည်ဖြစ်ကြောင်း ပြောဆိုသည်ဟု သိရှိရသည်။ 

သို့ရာတွင် K Pay သုံးစွဲသူများမှာ အကောင့်အပိတ်ခံရသည်နှင့် ဖမ်းဆီးခံရမည်ကို စိုးရိမ်နေကြပြီး ငွေကြေးဆုံးရှုံးမှုလည်း များပြားကြောင်း သိရှိရသည။ 

"ကျနော်ရဲ့ K Pay အကောင့် နဲ့မုံရွာက မိတ်ဆွေ သူငယ်ချင်း ကုန်စည်ဒိုင် K Pay နှစ်ခုလုံး အပိတ်ခံရတယ်။ ဘဏ်ကို ဆက်သွယ်တော့လည်း အထက်ကပိတ်ခိုင်းတာလို့ပြောပါတယ်" ဟု မုံရွာမှ ပြည်သူတစ်ဦးက ပြောဆိုသည်။

မိုးမိတ်၊ ကျောက်မော ရဲကင်း စခန်းကို ABSDF ကျောင်းသား တပ်မတော်က ဝင်ရောက် တိုက်ခိုက်မှု ရဲ ၄ ဦးသေဆုံးပြီး သေနတ် ၆ လက် သိမ်းဆည်းရမိ

 မိုးမိတ်၊ ကျောက်မော ရဲကင်း စခန်းကို ABSDF ကျောင်းသား တပ်မတော်က ဝင်ရောက် တိုက်ခိုက်မှု ရဲ ၄ ဦးသေဆုံးပြီး သေနတ် ၆ လက် သိမ်းဆည်းရမိ

ရန်ကုန်၊ မေ ၂၅

ရှမ်းပြည်နယ်၊ မြောက်ပိုင်း မိုးမိတ်မြို့နယ် ကျောက်မောရွာရှိ ရဲကင်းစခန်းကို မေလ ၂၄ ရက်နေ့တွင် ABSDF ကျောင်းသား တပ်မတော် မှ ဝင်ရောက် ပစ်ခတ်စီးနင်း ခဲ့ရာ ရဲတပ်ကြပ်ကြီး အပါအဝင် ရဲ ၄ ဦး သေဆုံးပြီး သေနတ် ၆ လက် သိမ်းဆည်းရမိခဲ့ကြောင်း ABSDF ရှမ်းမြောက် ပြန်ကြားရေးမှ ABSDF ပြန်ကြားရေးဌာန မှ ရဲဘော် အာကာ က ရန်ကုန်ခေတ်သစ် မီဒီယာသို့ ပြောဆိုသည်။

ကျောက်မောရွာတွင် အထိုင်ချ ထားသည့် ရဲကင်း ကို ABSDF ကျောင်းသားတပ်မတော် မှ မေလ ၂၄ ရက်နေ့ နံနက် ၆ နာရီ ၁၅ မိနစ် အချိန် မှ စ၍ ပစ်ခတ် တိုက်ခိုက်ခဲ့ပြီး နံနက် ၆ နာရီ ၄၅ မိနစ်တွင် စခန်းကို ဝင်ရောက် စီးနင်း သိမ်းပိုင်နိုင်ခဲ့ကြောင်း၊ တိုက်ပွဲအတွင်း ရဲတပ်ကြပ်ကြီး အပါအဝင် ရဲ ၄ ဦး သေဆုံးခဲ့ကြောင်း သိရသည်။

အဆိုပါ တိုက်ပွဲအတွင်း BA- 63 (G-3) ၄ လက်၊ BA-64 (G-4)၁ လက်၊ BA-93 Uzi ၁ လက် ၊ကျည်ကဒ် ၉ ကဒ် ၊ကျည် ၆၅၀ နဲ့ လက်ပစ်ဗုံး ၃ လုံး အပါအဝင် ရဲ အသုံးအဆောင်ပစ္စည်း များကို သိမ်းဆည်းရမိခဲ့ပြီး စခန်း အတွင်းရှိ အမျိုး သမီး ၃ ဦးနှင့် ကလေး ၂ ဦး ကို ပြန်လွှတ်ပေးခဲ့ကြောင်း ABSDF ပြန်ကြားရေးဌာန မှ ရဲဘော် အာကာ က ပြောဆိုသည်။

ကျောက်မောဂိတ်ရှိတဲ့ ရဲများနှင့် စစ်သားများသည် ဖြတ်သွားဖြတ်လာ ယာဥ်များနှင့် အနီးအနားရှိ လုပ်ငန်းရှင်များထံမှ ပိုက်ဆံတောင်းခြင်း၊ ရိက္ခာအတင်း တောင်းယူခြင်းများ ပြုလုပ်လေ့ရှိကြောင်း၊ ABSDF ကျောင်းသားတပ်မတော် အနေဖြင့် မြန်မာနိုင်ငံ ဒေသအသီးသီးတွင် တွင် အကြမ်းဖက် စစ်တပ်ကို တော်လှန် တိုက်ခိုက်နေပြီး စစ်ကိုင်းတိုင်း အင်းတော်ဒေသတွင် တိုက်ပွဲများ ပြင်းထန်လျက်ရှိကြောင်း ABSDF ပြန်ကြားရေးဌာန မှ ရဲဘော် အာကာက ဆက်လက်ပြောဆိုသည်။

ဒေါလျားခူ နှင့် တနီးလာလဲ တောင်ပေါ်တစ်ကြော ဖြစ်ပွားခဲ့သော တိုက်ပွဲအခြေအနေ စစ်ရေးသတင်းထုတ်ပြန်ခြင်း။

 ဒေါလျားခူ နှင့် တနီးလာလဲ တောင်ပေါ်တစ်ကြော ဖြစ်ပွားခဲ့သော တိုက်ပွဲအခြေအနေ စစ်ရေးသတင်းထုတ်ပြန်ခြင်း။

စာအမှတ် - KNDF/၁/၂၀၂၃ (၀၁၄)

၂၀၂၃ခုနှစ်၊ မေလ၊ (၂၄)ရက်။

ကရင်နီပြည်နယ်၊ ဒီးမော့ဆိုမြို့နယ် အရှေ့ဖက်ခြမ်းရှိ တနီးလာလဲကျေးရွာတောင်ပေါ်မှ ဒေါလျားခူ ကျေးရွာ တောင်ပေါ်ဖက်သို့ အင်အားအလုံးအရင်းဖြင့် စစ်ကြောင်းထိုးလာသော စစ်ကောင်စီတပ်ဖွဲ့များအား မေလ (၁၄)ရက်နေ့မှစ၍ မိမိတို့ကရင်နီပူးပေါင်းတပ်များမှ တန်ပြန်ချေမှုန်းတိုက်ခိုက်ခဲ့ပါသည်။

ဒေါလျားခူကျေးရွာ၏ အရှေ့ဖက်တောင်ပေါ်သို့ အင်အားအလုံးအရင်းဖြင့် စစ်ကြောင်းထိုးလာသော စစ်ကောင်စီ၏ ခမရ(၄၂၅)၊ ခမရ(၅၁၇)၊ ခလရ(၂၈၇) တပ်ရင်းများအား မေလ(၁၄)ရက်နေ့မှစ၍ ကရင်နီတပ်မတော်(KA)၊ KNDF စစ်ဗျူဟာအမှတ်(၆)၊ KNDF စစ်ဗျူ ဟာအမှတ်(၄)၊ KNDF-ETD၊ KNDF-UAV နှင့် Loikaw PDF တို့ ပူးပေါင်း၍ တန်ပြန်ထိုးစစ်ဆင်ကာ မေလ(၂၃)ရက်နေ့ အထိ ချေမှုန်းတိုက်ခိုက်ခဲ့ပါသည်။

မေလ(၁၄)ရက်နေ့မှစ၍ စစ်ကောင်စီတပ်ဖွဲ့များအား ဒေါလျားခူကျေးရွာ၏ အရှေ့ဖက်တောင်ပေါ်မှ မိမိတို့ပူးပေါင်းတပ်များမှ အပြင်းအထန် တန်ပြန်ထိုးစစ်ဆင် တိုက်ခိုက်ခဲ့ပြီး အဆိုပါရက်ရှည်တိုက်ပွဲအတွင်း စစ်ကောင်စီမှ အထိနာကာ အထိအခိုက်များစွာဖြင့် တနီးလာလဲကျေးရွာ၏ အရှေ့ဖက် တောင်ကြောပေါ်သို့ တဖြည်းဖြည်းဆုတ်ခွာခဲ့ပြီးယနေ့ထိ မိမိတို့ပူးပေါင်းတပ်များ မှ လိုက်လံတိုက်ခိုက်ချေမှုန်းလျက်ရှိပါသည်။

(၁၀)ရက်နီးပါး ဖြစ်ပွားခဲ့သော ထိတွေ့တိုက်ပွဲများအတွင်း စစ်ကောင်စီဖက်မှ ဗိုလ်ကြီးအဆင့်ရှိသူ(၁)ဦး၊ဗိုလ်အဆင့်ရှိသူ(၂)ဦး အပါအဝင် စစ်ကောင်စီတပ်သား(၄၀)နီးပါး သေဆုံးခဲ့ပြီး ဗိုလ်ကြီးအဆင့်ရှိသူအပါအဝင် ထိခိုက်ဒဏ်ရာရရှိသူလည်းများပြားခဲ့ပါသည်။ ထို့အပြင် ၄င်းတို့အား ဦးဆောင်နေသည့် တပ်ရင်းမှူး နှင့် ယာယီတပ်ရင်းမှူးတစ်ဦးတို့သည် တိုက်ပွဲများအတွင်း ထိခိုက်ဒဏ်ရာများဖြင့် အနောက်သို့ပြန်ပြေး၍ ဆုတ်ခွာလာကြသော တပ်ဖွဲ့ဝင်များအား လုံးဝဆုတ်ခွာခွင့်မပေးဘဲ ရှေ့သို့အတင်းအကြပ်တက်ခိုင်း၍ လူသားမဆန်သော အမိန့်အာဏာများအား အနောက်မှ

နေ၍အမိန့်ပေးစေခိုင်းပြီး မြေပြင်တိုက်ပွဲများအတွင်း ငယ်သားဗိုလ် နှင့် တပ်သားများအား အသေခံခိုင်းနေသည့် အခြေအနေများကို စစ်ကောင်စီ၏ သက်ဆိုင်ရာ နောက်တန်းတပ်မိသားစုများအား သိရှိစေလိုပါသည်။

တိုက်ပွဲများအတွင်း စစ်ကောင်စီ၏ လွိုင်ကော်၊ ငွေတောင် နှင့် ဖရူဆိုအခြေစိုက်တပ်များမှ နေ့စဉ် လက်နက်ကြီးများ အလွန်အကျွံအသုံးပြု၍ ပစ်ကူပေးခဲ့ပြီး ဂျက်ဖိုက်တာ(Jet Fighter) များဖြင့် အကြိမ်​ ရေ စုစုပေါင်း(၆၀) ထက်မနည်းဗုံးကြဲခြင်း၊ ပစ်ခတ်ခြင်းများပြုလုပ်ခဲ့ပါသည်။ (၉)ရက်တာတိုက်ပွဲများအတွင်း စစ်ကောင်စီတပ်များထံမှ MA-1 (၈)လက်၊ MA-2(၁)လက်၊ MA-3 (၃)လက်၊ MA-4 (၁)လက်၊ 9mm Pistol (၁)လက်၊ RPG (၂)လက် နှင့် ဆက်စပ်ခဲယမ်းမီးကျောက်များ၊ ဆက်သွယ်ရေးပစ္စည်းများ နှင့် စစ်အသုံးအဆောင်အမြောက်အများ သိမ်းစည်းရရှိခဲ့ပြီး ရန်သူသုံ့ပန်း (၂)ဦး အားအရှင်ဖမ်းဆီးနိုင်ခဲ့ပါသည်။

ဒေါလျားခူ၊ တနီးလာလဲ ကျေးရွာများ၏ တောင်ပေါ်တိုက်ပွဲများအတွင်း KNDF/B01 မှရဲဘော်(၁)ဦး ၊ KNDF/B07 မှ ရဲဘော်(၂)ဦး၊ KNDF/B09 မှ ရဲဘော်(၃)ဦး၊ KNDF/B10 မှ ရဲဘော်(၁)ဦး နှင့် ကရင်နီတပ်မတော်(KA) မှ ရဲဘော်(၁)ဦးမြင့်မြတ်စွာ ကျဆုံးခဲ့ရပြီး ကျဆုံးသွားသော ရဲဘော်များအား အာဇာနည်သူရဲကောင်းများအဖြစ် မိမိတို့ KNDF မှ အစဉ်အမြဲလေးစားမှတ်တမ်းတင်သွားမည်ဖြစ်သည်။

ဒီးမော့ဆိုအရှေ့ဖက်ခြမ်းရှိ ဒေါစဲ၊ ဒေါတငူး နှင့် တနီးလာလဲ ကျေးရွာများဖက်သို့ စစ်ကြောင်းထိုးလျက်ရှိသော စစ်ကောင်စီတပ်ဖွဲ့များနှင့် ၂၀၂၃ခုနှစ်၊ မတ်လမှစတင်၍ ထိတွေ့တိုက်ပွဲများ နေ့စဉ်ဖြစ်ပွားနေပြီး ယနေ့  မတ်လ(၂၄)ရက်နေ့အထိ တနီးလာလဲကျေးရွာ၏ အရှေ့ဖက်တောင်ပေါ်တွင် စစ်ကောင်စီတပ်ဖွဲ့များနှင့် မိမိတို့ပူးပေါင်းတပ်များကြား ထိတွေ့တိုက်ပွဲများ ဆက်၍ ဖြစ်ပွားနေသောကြောင့် အဆိုပါနေရာများအနီးသို့ ပြည်သူများအနေဖြင့် ဖြတ်သန်းသွားလာခြင်းများကို တတ်နိုင်သမျှမပြုလုပ်ပါရန် အထူးအလေးပေးတိုက်တွန်းအပ်ပါသည်။

KNDF ဗဟိုသတင်းနှင့်ပြန်ကြားရေးဌာန။

ဆက်သွယ်ရန် - ၀၉ ၇၈၈ ၅၄၅ ၂၇၃ ၊ ၀၉ ၇၈၃ ၄၇၄ ၆၅၂ ၊ ၀၉ ၄၂၅ ၅၁၇ ၅၉၄ ၊ ၀၉ ၄၅၇ ၂၉၆ ၄၈၇

ပခုက္ကူ -ရေစကြိုလမ်းမှာ Non CDM ဆရာ၊ဆရာမ ၆၀ ကျော်ကို PDF တွေ ဖမ်းမိ၊ပျူရွာမှာ နေထိုင်သူတွေပါဝင်ခဲ့ပေမယ့် နောက်ဆုံးအကြိမ် သတိပေးဆုံးမကာ ပြန်လွှတ်ပေးခဲ့

ပခုက္ကူ -ရေစကြိုလမ်းမှာ Non CDM ဆရာ၊ဆရာမ ၆၀ ကျော်ကို PDF တွေ ဖမ်းမိ၊ပျူရွာမှာ နေထိုင်သူတွေပါဝင်ခဲ့ပေမယ့် နောက်ဆုံးအကြိမ် သတိပေးဆုံးမကာ ပြန်လွှတ်ပေးခဲ့

မေ ၂၄၊၂၀၂၃

မကွေးတိုင်း၊ ရေစကြိုမြို့နယ် ပခုက္ကူ -ရေစကြိုကားလမ်းမှာ အကြမ်းဖက်စစ်အုပ်စု လက်အောက်ခံ ဆရာ၊ဆရာမ ၆၀ ကျော်ကို PDF တပ်ဖွဲ့က ဖမ်းမိခဲ့ပြီး ပျူရွာတွေမှာ နေထိင်သူတွေပါဝင်ခဲ့ပေမယ့် နောက်ဆုံးအကြိမ်အဖြစ် သတိပေးဆုံးမကာ ပြန်လွှတ်ပေးခဲ့တယ်လို့ Young Force (UG)က မနေ့က ထုတ်ပြန်ပါတယ်။

ပခုက္ကူ -ရေစကြိုကားလမ်းကို ဖြတ်သန်းသွားလာနေတဲ့ ယာဉ်တွေကို တော်လှန်ရေးတပ်ဖွဲ့တွေက စစ်ဆေးရာမှာ မေ ၁၈ရက် ညနေပိုင်းက ကားသုံးစီးနဲ့ လိုက်ပါလာတဲ့ စစ်အုပ်စု လက်အောက်ခံဝန်ထမ်းတွေဖြစ်တဲ့ Non CDM ဆရာ၊ဆရာမ အယောက် ၆၀ကျော်ဖမ်းမိခဲ့တယ်လို့ ဆိုပါတယ်။

"ထိန်းသိမ်းဖို့ခက်ခဲတာနဲ့ နေရာအခက်အခဲကြောင့် ဖမ်းမိတဲ့ Non CDM ဆရာ၊ဆရာမတွေကို သတိပေးဆုံးမပြီး ပြန်လွှတ်ပေးခဲ့ပါတယ်။ ဒါပေမယ့် သူတို့ရဲ့ ကားသုံးစီးနဲ့ ဖုန်းတွေ သိမ်းယူခဲ့တယ်"လို့ Young Force (UG)ကဆိုပါတယ်။

ကားသုံးစီးနဲ့ပါလာတဲ့ အကြမ်းဖက်စစ်အုပ်စုရဲ့ ယန္တရား လည်ပတ်စေဖို့ ပါဝင်ပေးနေတဲ့ Non CDM ဆရာ၊ဆရာမ အယောက် ၆၀ကျော်ကို ခေတ္တထိန်းသိမ်းထားခဲ့ပြီးလူများတာရယ်၊ ထိန်းသိမ်းထားဖို့နေရာ အခက်ခဲကြောင့်ခေတ္တထိန်းသိမ်းပြီး ပြန်လွှတ်ပေးခဲ့တာပါ။

အဲဒီဆရာ၊ဆရာမတွေကို လက်ရှိ ဖြစ်ပေါ်နေတဲ့ မတရားအာဏာလုယူခံရမှုနဲ့ဆရာ ဆရာမတို့ထောက်ခံနေတဲ့ အကြမ်းဖက်စစ်တပ်ဟာ ကျေးရွာ‌တွေကိုအကြောင်းမဲ့ စစ်ကြောင်းထိုး မီးရှို့ဖျက်စီးနေကြောင်းကိုလည်း PDFတပ်ဖွဲ့ဝင်တွေက ရှင်းပြလိုက်တယ်လို့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် အကြမ်းဖက်စစ်တပ်ဟာ CDM ဆရာ၊ဆရာမတွေကို ဖမ်းဆီးနှိပ်စက်ငွေညှစ်တာတွေပြုလုပ်နေကြောင်းနဲ့ နိုင်ငံရေးအသိပညာတွေကို ပြောဆိုဆုံးမပြီးတော့ ပထမဆုံးအကြိမ်နဲ့ နောက်ဆုံးအကြိမ် သတိပေးပြီး ပြန်လွှတ်ပေးခဲ့ကာကျောင်းသုံးဆက်စပ်ပစ္စည်းတွေနဲ့ ကားသုံးစီးကိုသိမ်းယူပြလိုအပ်တဲ့နေရာတွေမှာအသုံးပြုသွားမှာ ဖြစ်တယ်လို့ ဆိုပါတယ်။

"ကျောင်းသုံးဆက်စပ်ပစ္စည်းများကိုတော့ လိုအပ်တဲ့ စာသင်ကျောင်းတွေကို ပြန်လည် ခွဲဝေပေးခဲ့ပြီးဖြစ်ပါတယ်။ ရွှေထည်ပစ္စည်းများ လုံးဝသိမ်းယူခဲ့ခြင်း မရှိဘူး "လို့ Young Force UGအဖွဲ့က ပြောပါတယ်။

ဖမ်းမိတဲ့စစ်အုပ်စု လက်အောက်ခံ ဝန်ထမ်းဆရာ ဆရာမတွေထဲမှာ ပျူရွာအဖြစ်သတ်မှတ်ထားတဲ့ ရွာတွေက ဆရာ ဆရာမတွေပါဝင်ပေမယ့် နောက်ဆုံးအကြိမ်အဖြစ် သက်ညှာပေးကာ ပြန်လွှတ်ပေးခဲ့တယ်လို့ ဆိုပါတယ်။

မတရားမှု့ကိုဆန့်ကျင်ပြီး CDM ပြုလုပ်လိုပါက စိစစ်လက်ခံနေဆဲဖြစ်ပြီး လက်နက် ခဲယမ်းတွေ ယူဆောင်လာနိုင်ပါက ထိုက်တန်တဲ့ ဆုငွေလည်း ပေးအပ်သွားမှာဖြစ်တယ်လို့ Young Force (UG) ပခုက္ကူမြို့နယ်(ပကဖ)က သိရပါတယ်။

 #SpringRevolution

#PVTV

#PVTVNews

#PVTV Telegram Channel -

https://t.me/pvtvmyanmar

#PVTV ၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။ 

ရွှေဘိုမြို့နယ်ရှိ စစ်ဘေးရှောင် စာသင်ကျောင်းကို Solar power station များ လှူဒါန်း

ရွှေဘိုမြို့နယ်ရှိ စစ်ဘေးရှောင် စာသင်ကျောင်းကို Solar power station များ လှူဒါန်း

ရန်ကုန်၊ မေ ၂၄

ရွှေဘိုမြို့နယ်ရှိ စစ်ဘေးရှောင် စာသင်ကျောင်းတွင် တက်ရောက်နေသော ကျောင်းသားကျောင်းသူများကို S&C မီးဘေး စစ်ဘေး ပညာရေး ကူညီစောင့်ရှောက်ရေး အဖွဲ့က Solar power station များ လှူဒါန်းခဲ့ကြောင်း သိရသည်။ 

KNU တပ်မဟာ ၅ နယ်မြေတွင် BGF နယ်ခြားစောင့် တပ်စခန်းကို KNLA က တိုက်ခိုက်သိမ်းပိုက်မှု တပ်ခွဲမှူးစောဘာယို အပါအဝင် BGF ၅ ဦးသေဆုံးပြီး ကားတစ်စီးကို ရှင်းလင်းဖျက်ဆီး

KNU တပ်မဟာ ၅ နယ်မြေတွင် BGF နယ်ခြားစောင့် တပ်စခန်းကို KNLA က တိုက်ခိုက်သိမ်းပိုက်မှု တပ်ခွဲမှူးစောဘာယို အပါအဝင် BGF ၅ ဦးသေဆုံးပြီး ကားတစ်စီးကို ရှင်းလင်းဖျက်ဆီး

ရန်ကုန်၊ မေ ၂၄ 

ကရင်အမျိုးသားအစည်းအရုံး KNU တပ်မဟာ ၅ နယ်မြေတွင် စစ်ကောင်စီ လက် အောက် ခံ BGF နယ်ခြားစောင့် တပ်စခန်းကို KNLA တပ်က တိုက်ခိုက် သိမ်းပိုက် ခဲ့ရာ BGF ၅ ဦးသေဆုံးပြီး ကားတစ်စီးကို ရှင်းလင်း ဖျက်ဆီးနိုင် ခဲ့ကြောင်း KNU မူတြော်သတင်းစဉ်က သတင်းထုတ်ပြန်သည်။ 

မေလ ၂၀ ရက်နေ့ ၊ ညနေ ၃ နာရီ ၃၀ မိနစ်အချိန် KNU တပ်မဟာ ၅ နယ်မြေ တွင် KNLA တပ်ရင်း ၁၀၂ နှင့် တပ်ခွဲများ စုပေါင်းကာ ကတဲတိနှင့် ထီးက ဆောမဲ အကြားတွင်စခန်းချဆက်ကြေးတောင်းယူနေသည့် စစ်ကောင်စီ လက် အောက်ခံ BGF စခန်းကို ဝင်ရောက်စီးနင်းတိုက်ခိုက်ရာ BGF တပ်မှ ၅ ဉီး သေဆုံး ကြောင်း၊ သေဆုံးသူ ၅ ဦးတွင် BGF တပ်ခွဲမှူး စောဘာယိုပါဝင်ပြီး ၎င်းတို့ပိုင်သည့် ကားတစ်စီးကို လည်းမီးရှို့ဖျက်ဆီးနိုင်ခဲ့ကြောင်း သိရှိရသည်။ 

စစ်ကောင်စီလက်အောက်ခံ BGF များက ပြည်သူလူထုကို ပစ်မှတ်ထား တိုက်ခိုက်မှုများရှိနေရာ မေလ ၁၉ ရက်နေ့နံ နက် ၁၀ နာရီ ၄၀ မိနစ်အချိန် BGF-1013တပ်ရင်းမှူး မောင်လှကြိုင်၏ အမိန့်ပေးစေခိုင်းချက်အရ ဖိုဃဲထာ ကျေးရွာအတွင်းသို့ အမြောက်ကျည်ဖူးများပစ်ချခဲ့ရာ အရပ်သားပြည်သူ အသက် ၂၁ နှစ်အရွယ် စောကျော်ခူ၏ညာဖက်ညို့သကြီးနှင့် ညာဖက်နို့အုံကို ထိမှန်ကြောင်း၊ လက်နက်ကြီးကျည်သည် စောဖါးကျော်နှင့် စောဖူးမယ်ပါး တို့၏ အိမ် ၂ လုံးကိုပါထိမှန်ပျက်စီးသွားကြောင်း သိရှိရသည်။

BGF နယ်ခြားစောင့်တပ်နှင့် အကြမ်းဖက်စစ်ကောင်စီတို့က KNU တပ်မဟာ ၅ နယ်မြေ မူတြော်ခရိုင်အတွင်းရှိပြည်သူများ၏အသက်အိုးအိမ်စည်းစိမ်များကို နေ့စဉ်နှင့်အမျှခိုးဆိုးလုယူစားသောက်ကာ အပြစ်မဲ့ပြည်သူများကို သတ်ဖြတ် လျက်ရှိကြောင်း၊ ခရိုင်အတွင်းရှိအပြစ်မဲ့ပြည်သူများ၏ အသက် အိုးအိမ် စည်း စိမ် အားကာကွယ်စောင့်ရှောက်ရန်အတွက် KNLA ကရင်အမျိုးသား တပ်မ တော်၊ အမှတ်(၅)တပ်မဟာလက်အောက်ရှိ တပ်ရင်း၊ တပ်ခွဲများသည် အကြမ်း ဖက် စစ်ကောင်စီတပ်နှင့် ၎င်းတို့၏ခါးပိုက်ဆောင်BGFတပ်များနှင့် နေ့စဉ်လိုလို တိုက်ပွဲဖြစ်ပွားလျက်ရှိကြောင်း သိရှိရသည်။ 

ပခုက္ကူမြို့နယ်ရှိ စစ်တပ် ဂိတ်စခန်းကို ပစ်ခတ် တိုက်ခိုက်၊ ကန့်ဘလူမြို့နယ်တွင် တိုက်ပွဲဖြစ်ပွား

ပခုက္ကူမြို့နယ်ရှိ စစ်တပ် ဂိတ်စခန်းကို ပစ်ခတ် တိုက်ခိုက်၊ ကန့်ဘလူမြို့နယ်တွင် တိုက်ပွဲဖြစ်ပွား

ရန်ကုန်၊ မေ ၂၃ 

မကွေးတိုင်း၊ ပခုက္ကူမြို့နှင့် အရှေ့ချောက်ကန်ကြား ယောင်းမစွန်းဆီဆိုင်အနီး၌ ဂိတ်ဖွင့်ကာ ဆတ်ကြေး ကောက်နေသော အကြမ်းဖက်စစ်သား ၄ ဦးကို ဝင်ရောက်ပစ်ခတ်တိုက်ခိုက်ခဲ့ရာ စစ်သား ၂ ဦး အပြင်း အထန်ဒဏ်ရာရရှိခဲ့ကြောင်း Chauk Guerill Force (CGF)မှ တာဝန်ခံဘကွန်းက ရန်ကုန်ခေတ်သစ် သ တင်းဌာနထံသို့ ပြောကြားသည်။

ယမန်နေ့ မေလ ၂၂ ရက် နေ့လည် ၁ နာရီခွဲခန့်က ပခုက္ကူ- မြိုင်လမ်းမပေါ် ပခုက္ကူမြို့အထွက် လမ်းပေါ် တွင် ပြည်သူလူထုထံမှ မတရားအဓမ္မ ငွေကြေးတောင်းခံနေသော အကြမ်းဖက်စစ်သား ၄ ဦးကို အလစ် အငိုက်ဝင်ရောက်ပစ်ခတ်တိုက်ခိုက်ခဲ့ရာ စစ်သား ၂ ဦးအပြင်းအထန်ဒဏ်ရာရရှိခဲ့ကြောင်း၊ ပြည်သူ့ကာ ကွယ်ရေးတပ်ဖွဲ့ဝင်များအထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

“အနီးနားမှာရှိနေတဲ့ ၃ ဘီးဆိုင်ကယ်က စစ်ခွေးတွေအတွက် အကာအကွယ်ပုံစံမျိုးဖြစ်သွားတာ၊ အပြန် အလှန်ပစ်ခတ်မှုက ၈ မိနစ်လောက်ပဲ ကြာခဲ့တယ်၊ ပခုက္ကူမြို့နဲ့လည်းနီးတယ်၊ အနီးအနားမှာလဲ တပ်ရှိ တယ်၊ ကျနော်တို့ ဆုတ်လာပြီးတော့ စစ်ကူထပ်ရောက်လာတယ်လို့ သိရတယ်” ဟု Chauk Guerill Force (CGF)မှ တာဝန်ခံ ဘကွန်းက ရန်ကုန်ခေတ်သစ်သတင်းဌာနထံသို့ ပြောကြားသည်။

အဆိုပါတိုက်ခိုက်မှုကို King Fighter KF People Defence Force ၊ MRP Revolution Force (မြိုင်) နှင့် Chauk Guerilla Force -Chauk (ချောက်မြို့နယ်ပြောက်ကျားတပ်ဖွဲ့) တို့် ပူးပေါင်းကာ တိုက်ခိုက်ခဲ့ခြင်း ဖြစ်ပြီး မိဘပြည်သူများအနေဖြင့် အကြမ်းဖက်စစ်သား၊ ရဲများနှင့် အနီးကပ်နေထိုင်သွားမပြုကြရန် မေတ္တာရပ်ခံထားသည်။

ထို့ပြင် စစ်ကိုင်းတိုင်း၊ ကန့်ဘလူမြို့နယ်အတွင်း လှည်ပတ်မီးရှို့နေသော အကြမ်းဖက် စစ်တပ်နှင့် PDF တပ်ဖွဲ့များ တိုက်ပွဲ ဖြစ်ပွား ခဲ့ကြောင်း Kanbalu Undergroung Warriors တပ်ဖွဲ့ထံမှ သိရသည်။

မေလ ၁၉ ရက် နံနက် ၁၀ နာရီခန့်က ဇီးကုန်းတိုက်နယ်တအွင်းရှိ ဘုတ်ကုန်းရွာ၌ ယာယီအထိုင်ချ တပ်စွဲ ထားသော အင်အား ၁၅၀ ခန့်ပါ ခမရ ၃၆၈ အကြမ်းဖက်စစ်ကြောင်းကို တိုက်ခိုက်ခဲ့ရာ ၁ နာရီခန့်အကြာ တိုက်ပွဲပြင်းထန်ခဲ့ကြောင်း၊ အလားတူ မေလ ၂၀ ရက် ဘုတ်ကုန်းရွာမှ ထွက်ခွာစဉ် နောက်ချန်အကြမ်း ဖက်စစ်သားများအား ပြည်သူ့ကာကွယ်ရေးတပ်ဖွဲ့များမှ ဝင်ရောက်ပစ်ခတ်စဉ် အကြမ်းဖက်စစ်သားများ အထိနာပြီး ရှေ့ဆက်မတိုးတော့ပဲ ဘုတ်ကုန်းကျေးရွာအတွင်း ပြန်ဝင်ခဲ့ကြောင်း သိရသည်။

အဆိုပါ တိုက်ခိုက်မှုကို Underground Warriors ၊ မြေပြင်လှုပ်ရှားညီနောင်များအဖွဲ့ ၊ MPF-U 18၊ လင်း ယုန်နီ ၊ နယ်မြေခံ ပ က ဖ အဖွဲ့များပူးပေါင်းကာ တိုက်ခိုက်ခဲ့ခြင်းဖြစ်သည်။

ထို့နောက် ဘုတ်ကုန်းကျေးရွာအတွင်း၌ အင်အားထပ်ဖြည့်ပြီး ဘုတ်ကုန်းရွာမှ ထပ်မံ ထွက်ခွာစဉ် ပြည် သူ့ကာကွယ်ရေးတပ်ဖွဲ့များမှ လက်နက်ကြီး၊ လက်နက်ငယ်များဖြင့် ရွာအတွင်းသို့ ထပ်မံပစ်ခတ် တိုက် ခိုက်ခဲ့ရာ အကြမ်းဖက်စစ်သားများ အထိနာပြီး ဘုတ်ကုန်းကျေးရွာကို မီးရှို့ဖျက်ဆီးခဲ့ကြောင်း၊ မေလ ၂၁ ရက် နံနက် ၈ နာရီ မိနစ် ၅၀ ခန့်တွင် ဘုန်းကုန်းကျေးရွာမှ အနောက်တောင်ဘက်သို့ ထွက်ခွာ သွားပြီး မင်းရွာတောကျေးရွာ၌ ယာယီစခန်းချနားနေသည်ဟု ဆိုသည်။

ယင်းအကြမ်းဖက်စစ်သားများသည် မေလ ၁၈ ရက်နေ့နှင့် ၁၉ ရက်နေ့တွင် ကန့်ဘူမြို့နယ်၊ ကျန်ကျည်း ကုန်းရွာနှင့် ဆူးတပ်ရွာကို မီးရှိုခဲ့ပြီး ဘုတ်ကုန်းရွာအတွင်းဝင်ရောက်တပ်စွဲခဲ့ခြင်းဖြစ်ကြောင်း သိရသည်။ 

မုံရွာတွင် သာစည် ရဲစခန်းမှ ကွမ်းယာ ထွက်ဝယ်သည့် ရဲ ၂ ဦး ပစ်ခတ်ခံရပြီး ၁ ဦးသေဆုံး

မုံရွာတွင် သာစည် ရဲစခန်းမှ ကွမ်းယာ ထွက်ဝယ်သည့် ရဲ ၂ ဦး ပစ်ခတ်ခံရပြီး ၁ ဦးသေဆုံး

ရန်ကုန်၊ မေ ၂၂

စစ်ကိုင်းတိုင်း၊ မုံရွာမြို့နယ်တွင် သာစည်ရဲစခန်းမှ ကွမ်းယာဝယ်ရန် ထွက်လာသည့် ရဲနှစ်ဦးကို ပစ်ခတ် တိုက်ခိုက်ခဲ့ရာ ၁ ဦးသေဆုံးသွားကြောင်း ပုဏ္ဏကပြောက်ကျားတပ်ဖွဲ့မှ တာဝန်ရှိသူတစ်ဦးက ရန်ကုန် ခေတ်သစ်သတင်းဌာနထံသို့ ပြောကြားသည်။

မေလ ၂၀ ရက် နေ့လည် ၁၂ နာရီခန့်က သာစည်ရဲစခန်းမှ အရပ်ဝတ်ဖြင့် ထွက်လာပြီး ကွမ်းယာဝယ်နေ သော ရဲနှစ်ဦးကို ပုဏ္ဏက ပြောက်ကျား တပ်ဖွဲ့၊ မုံရွာခရိုင်တပ်ရင်း ၂၄ တပ်ခွဲ ၁ ၊ မုံရွာခရိုင် တပ်ရင်း၂၅ တပ်ခွဲ ၄ တို့ပူးပေါင်းကာ အလစ်အငိုက်ဝင်ရောက်တိုက်ခိုက်ခဲ့ခြင်းဖြစ်ကြောင်း၊ ရဲ တစ်ဦး ထိမှန်ပြီး ထွက်ပြေးသွားရာ ရဲစခန်းအရောက်သေဆုံးသွားပြီး ကျန်ရဲတစ်ဦးမှ ထိမှန်ခြင်းမရှိပဲ လွတ်မြောက် သွား ကြောင်း သိရသည်။

“ခွေးတွေက နေ့တိုင်းကွမ်းယာထွက်နေကျ၊ အရင်က အခုစားတဲ့ဆိုင်မဟုတ်ဘူး၊ အခုစားတဲ့ဆိုင်ရှေ့က ဆိုင်မှာ ဝယ်နေကြ၊ တစ်ယောက်ကတော့ အတိုပါတယ်ထင်တယ်၊ ကျနော်တို့လဲမြင်ရော သင်္ကာဖြစ်လို့ အစီအစဉ်မကျပဲပစ်ခတ်ခဲ့ရတာ၊ စခန်းကလည်းနီးနေတော့၊ ကျနော်တို့ပစ်လို့ ထိတဲ့တစ်ကောင်ဆိုရင် ကုန်းပြီးပြေးတာ၊ သိပ်တောင်မပြေးနိုင်ဘူး၊ စခန်းရောက်တော့ သေသွားတယ်” ဟု ပုဏ္ဏက ပြောက်ကျား တပ်ဖွဲ့မှ တာဝန်ရှိသူတစ်ဦးက ရန်ကုန် ခေတ်သစ်သတင်းဌာနထံသို့ ပြောကြားသည်။

ထိုသို့တိုက်ခိုက်မှုအတွင်း အကြမ်းဖက်စစ်တပ်လက်အောက်ခံရဲများမှ ပြန်လည်ပစ်ခတ်တိုက်ခိုက်နိုင်မရှိ ပဲ ပြည်သူ့ကာကွယ်ရေးတပ်ဖွဲ့ဝင်များ ပြန်လည် ဆုတ်ခွာပြီးနောက် ရွာထဲသို့ လှည့်ပတ်ဆဲဆိုသောင်း ကျန်းကာ ရွာကို မီးရှို့မည်ဟု ခြိမ်းခြောက်ခဲ့ကြောင်း သိရသည်။ 

မိုင်းပွန် ခမရ ၅၁၇ တပ်မက ဗိုလ်ကြီး မျိုးသီဟ ကရင်နီပြည်နယ် တိုက်ပွဲမှာ သေဆုံး...

မိုင်းပွန် ခမရ ၅၁၇ တပ်မက ဗိုလ်ကြီး မျိုးသီဟ ကရင်နီပြည်နယ် တိုက်ပွဲမှာ သေဆုံး... 

မင်္ဂလာဆောင် အပြီး ၅ လအကြာ တိုက်ပွဲမှာ သေဆုံးခဲ့တာဖြစ်ပြီး အလောင်းပြန်မရ 

++++++++++++

မေ ၂၂ 

ရှမ်းပြည်နယ်တောင်ပိုင်း၊ မိုင်းပွန်မြို့အခြေစိုက် ခြေမြန်တပ်ရင်း ၅၁၇ တပ်က ဗိုလ်ကြီးမျိုးသီဟဟာ ကရင်နီပြည်နယ်အတွင်း တိုက်ပွဲမှာ သေဆုံးသွားပြီး အလောင်း ပြန်မရဘူးလို့ မိသားစုနဲ့နီးစပ်တဲ့ သတင်းရင်းမြစ်ဆီက သိရပါတယ်။ 

မေလ ၂၀ ရက်နေ့ မနက် ၅ နာရီအချိန် ကရင်နီပြည်နယ်အတွင်း တိုက်ပွဲမှာ ဗိုလ်ကြီးမျိုးသီဟ သေဆုံးသွားတာဖြစ်ပြီး အလောင်းပြန်မရဘဲ နေအိမ်ကိုသာ စစ်တပ်က အကြောင်းကြားလာသလို ဗိုလ်ကြီး မျိုးသီဟဟာ အခုနှစ် ဖေဖော်ဝါရီလအတွင်း မင်္ဂလာဆောင်ခဲ့ပြီးနောက် ၅ လအကြာ မေလ ၂၀ ရက်နေ့မှာ တိုက်ပွဲကျတာဖြစ်တယ်လို့ သိရပါတယ်။ 

"သိရသလောက်တော့ မင်္ဂလာဆောင်ပြီးတော့ ခွင့်တောင် သိပ်မရလိုက်ဘူး။ ရှေ့တန်း ထွက်ခိုင်းတာလို့သိရတယ်။ အခု နာရေးကတော့ တပ်ထဲမှာ အလောင်း ပြန်မရဘူး။ မိုင်းပွန် ခမရ ၅၁၇ က ဗိုလ်ကြီးမျိုးသီဟ။ သူ့အမျိုး သမီးဆို ရင်တွေကွဲပေါ့။ မိုင်းပွန်နယ်မှာ အဲဒီ တပ်တစ်ခုပဲရှိတာ" လို့ မိသားစုနဲ့နီးစပ်သူ မိတ်ဆွေက ပြောပါတယ်။ 

လက်ရှိ ရှမ်းပြည်နယ်တောင်ပိုင်းက တပ်များအားလုံးကို ကရင်နီပြည်နယ်ထဲရော၊ ကရင်နီပြည်နယ်နဲ့ ရှမ်းပြည်နယ်အစပ်မှာပါ အင်အားအလုံးအရင်းနဲ့ ချထားကာ စစ်ကောင်စီတပ်က ထိုးစစ်ဆင်နေပေမယ့် စစ်ကောင်စီတပ်ဘက်က သေဆုံးမှု အင်မတန်များပြားနေပြီး တပ်ရင်းမှူး၊ ဗျူဟာမှူးကစလို့ အရာရှိများအပါအဝင် စစ်သားများသေဆုံးနေကြတာဖြစ်တယ်လို့ သိရပါတယ်။ 

Breaking News- ဒဂုံဆိပ်ကမ်းမှ နာမည်ဆိုးဖြင့်ကျော်ကြားသော စစ် ကောင် စီ ခန့် ၈၈ ရပ်ကွက် အုပ်ချုပ်ရေးမှူး တောက်တဲ့(ခ) ဇော်လွင် နှင့်ရာအိမ် မှူး ၂ ဦး ပစ်ခတ်ခံရပြီးသေဆုံး၊ စစ်တပ်က ဒဂုံဆိပ်ကမ်းမြို့နယ်တစ်ခုလုံးကို ပိတ် ဆို့စစ်ဆေးနေ

 Breaking News- ဒဂုံဆိပ်ကမ်းမှ နာမည်ဆိုးဖြင့်ကျော်ကြားသော စစ် ကောင် စီ ခန့် ၈၈ ရပ်ကွက် အုပ်ချုပ်ရေးမှူး တောက်တဲ့(ခ) ဇော်လွင် နှင့်ရာအိမ် မှူး ၂ ဦး ပစ်ခတ်ခံရပြီးသေဆုံး၊ စစ်တပ်က ဒဂုံဆိပ်ကမ်းမြို့နယ်တစ်ခုလုံးကို ပိတ် ဆို့စစ်ဆေးနေ

ရန်ကုန်၊ မေ ၂၂ 

ရန်ကုန်တိုင်း၊ ဒဂုံဆိပ်ကမ်းမြို့နယ်မှ နာမည်ဆိုးဖြင့် ကျော်ကြားသော စစ် ကောင် စီခန့် ၈၈ ရပ်ကွက်အုပ်ချုပ်ရေးမှူး တောက်တဲ့ (ခ) ဇော်လွင်နှင့် ရာအိမ်မှူး ၂ ဦးတို့ ပစ်ခတ်ခံရပြီး သေဆုံးသွားကြောင်း သိရှိရသည်။

မေလ ၂၂ ရက်နေ့ နံနက် ၁၀ နာရီ ၂၅ မိနစ်အချိန် ဒဂုံဆိပ်ကမ်းမြို့နယ်၊ စစ်ကောင်စီခန့် ၈၈ ရပ်ကွက်အုပ်ချုပ်ရေးမှူး တောက်တဲ့ (ခ) ဇော်လွင်နှင့် ရာအိမ်မှူး ၂ ဦးတို့ ကြက်တိုက်ရန်အသွားတွင် သေနတ်သမားများက ပစ်ခတ် ရာမှ သေဆုံးသွားခြင်းဖြစ်ကြောင်း၊ သေနတ်သံ အချက် ၂၀ ကျော် ထွက်ပေါ် ခဲ့ကြောင်း သိရှိရသည်။ 

"၈၈ ရပ်ကွက်ရဲ့ ၃ ဆက်မြောက် အုပ်ချုပ်ရေးမှူး ပျူစောထီးခေါင်းဆောင် တောက် တဲ့ ၎င်းအိမ်အနီးမှာ ပစ်ခတ်ခံရပါတယ်။ သူက ကြက်တိုက်ရတာ ဝါသနာပါတော့ ကြက်ဝိုင်းသို့ အသွား အပစ်ခံရတာ။ ပစ်ခံရတာမှာ သူနဲ့အတူ 

ရာအိမ်မှူး ၂ကောင်ပါ သေပါတယ်။ စုစုပေါင်း သေဆုံးတာက ၃ ဦးပါ။ ကျည် ဆန် အချက် ၂၀ကျော် ကြားရတယ်" ဟု ဒေသပြည်သူတစ်ဦးက ပြောဆိုသည်။ 

သေဆုံးသွားသော အုပ်ချုပ်ရေးမှူး တောက်တဲ့သည် သေနတ်ဖြင့် ပစ်ခံရ၍ သေသွားသော ဒဂုံဆိပ်ကမ်းမြို့နယ် အမှတ် ၈၈ ရပ်ကွက်၏ တတိယမြောက် အုပ်ချုပ်ရေးမှူးဖြစ်ပြီး အာဏာသိမ်းပြီး ပထမအုပ်ချုပ်ရေးမှူး ခင်ဦး၊ ဒုတိယ အုပ်ချုပ်ရေးမှူး သိန်းဇော်တို့ ၂ ဦးမှာလည်း သေနတ်ဖြင့် အပစ်ခံရ၍ သေဆုံး သွားခဲ့ကြခြင်းဖြစ်သည်။ 

တောက်တဲ့(ခ) ဇော်လွင်သည် သေနတ်ဖြင့် အပစ်ခံခဲ့ရသော်လည်း လွတ် မြောက် ခဲ့ သူဖြစ်ကြောင်း၊ ၂၀၂၂ ခုနှစ် အောက်တိုဘာ ၅ ရက်နေ့တွင်လည်း ဒဂုံဆိပ်ကမ်းမြို့နယ်မှ ၈၈ ရပ်ကွက် အုပ်ချုပ်ရေးမှူး ပျူစောထီးခေါင်းဆောင် ဇော်လွင်(ခ) တောက်တဲ့၏ နေအိမ်ကို ပျောက်ကျားတပ်ဖွဲ့တချို့က ဝင်ရောက် ပစ်ခတ်ရာ တောက်တဲ့(ခ) ဇော်လွင် လွတ်မြောက်ခဲ့ကြောင်း သိရှိရသည်။ 

ဒဂုံဆိမ်ကမ်းမြို့နယ်မှ အမှတ် ၈၈ ရပ်ကွက် အုပ်ချုပ်ရေးမှူး တောက်တဲ့သည် လူငယ်များ၏ ဖုန်းကို လိုက်လံစစ်ဆေးပြီး နိုင်ငံရေးပို့စ်တွေ့ရှိပါက စစ်တပ်ထံ အပ်နှံခြင်းများ လုပ်ဆောင်ကြောင်း၊ ရပ်ကွက်တွင် ဧည့်စာရင်း ကြေး အလွန်မြင့် မားစွာတောင်းပြီး အိမ်ရှင်-အိမ်ငှားများထံမှလည်း အိမ်ငှား စာချုပ်တစ်စောင် လျှင် ငွေကျပ် ၅၀၀၀ မှ စတင်၍ တောင်းယူကြောင်း သိရှိရသည်။ 

"ရပ်ကွက် လူကြီး တောက်တဲ့က ဇူလိုင်လတုန်းက လူငယ်လေး ၂ ဦးရဲ့ဖုန်း ကိုစစ်ပြီး တစ်ယောက်ရဲ့ဖုန်းမှာ နိင်ငံရေး ပို့စ်တွေ‌ရှိလို့ဆိုပြီး စစ်တပ်လက်အပ် လိုက်ပါတယ်။ အဲဒါ ရိုက်နှက် ထိုးကြိတ်သေးတာ။ အိမ်ရှင်-အိမ်ငှားတွေကို အိမ်ငှား စာချုပ် လုပ်ခိုင်းပြီး တစ်စောင် ၅၀၀၀တောင်းတယ်။ အိမ်ငှား သမားတွေ ရဲ့ ဓာတ်ပုံ တောင်းတယ်။ ၅/ တွေ ဆို အိမ်ငှားစာချုပ်ကို တစ် စောင် ၂သောင်းတောင်းတယ်။ ဧည့်စာရင်းတိုင်ခဆိုရင်လည်း သူကြိုက် သ လောက် တောင်းတာ" ဟု ဒေသခံတစ်ဦးက ရန်ကုန်ခေတ်သစ်ထံသို့ ပြောဆိုသည်။

လက်ရှိတွင် စစ်တပ်က ဒဂုံဆိပ်ကမ်းမြို့နယ်၊ ၈၈ ရပ်ကွက်၊ ၉၀ ရပ်ကွက်နှင့် ၉၁ ရပ်ကွက် အပါအဝင် မြို့နယ်တစ်ခုလုံးကို ပိတ်ဆို့ စစ်ဆေးနေကြောင်း သိရှိရသည်။

စစ်ကိုင်းမြို့နယ်၊ ပဒူရွာတွင် တိုက်ပွဲ ၃ ကြိမ်ဖြစ်ပြီး အကြမ်းဖက်စစ်သားများ ထိခိုက်သေဆုံးမှုရှိ၊ ရွာ ၈ ရွာမှ ပြည်သူထောင်ချီ စစ်ဘေးရှောင် ထွက်ပြေးနေရ

စစ်ကိုင်းမြို့နယ်၊ ပဒူရွာတွင် တိုက်ပွဲ ၃ ကြိမ်ဖြစ်ပြီး အကြမ်းဖက်စစ်သားများ ထိခိုက်သေဆုံးမှုရှိ၊ ရွာ ၈ ရွာမှ ပြည်သူထောင်ချီ စစ်ဘေးရှောင် ထွက်ပြေးနေရ 

ရန်ကုန်၊ မေ ၂၁

စစ်ကိုင်းတိုင်း၊ စစ်ကိုင်းမြို့နယ်၊ ပဒူရွာအနီးတွင် တိုက်ပွဲ ၃ ကြိမ်ဖြစ်ပြီး အကြမ်း ဖက်စစ်သားများ ထိခိုက် သေဆုံးမှုရှိကြောင်း ဒေသပြည်သူ့ ကာကွယ် ရေးတပ်ဖွဲ့ခေါင်းဆောင်တစ်ဦးက ရန်ကုန်ခေတ်သစ်သတင်း ဌာနထံသို့ ပြောကြားသည်။

ယနေ့ မေလ ၂၁ ရက် နံနက် ၅ နာရီခန့်က စစ်ကိုင်းတပ်မှ ၃၃ မှ အင်အား ၁၀၀ ခန့်ဖြင့် ပဒူကျေးရွာ ဘက်သို့ ထွက်ခွာလာသော အကြမ်းဖက်စစ်ကြောင်းကို နံနက် ၁၁ နာရီခန့်မှ စတင်ပြီး ပြည်သူ့ကာ ကွယ် ရေး တပ်ဖွဲ့များက တိုက် ခိုက်ခဲ့ရာ အပြင်းအထန်တိုက်ပွဲ ၃ ကြိမ်ဖြစ်ခဲ့ပြီး အကြမ်းဖက်စစ်သား အများ အပြားထိခိုက်သေဆုံးမှုရှိကြောင်း သိရသည်။ 

“တိုက်ပွဲက ပဒူရွာတောင်ဘက် ‌ရွှေတိဂုံဘုရားအနီးမှာ တိုက်ပွဲကဖြစ်ကြတာ။ ကျနော်တို့ဘက်ကနေ ခွေး တွေကို လက်နက်ကြီးတွေနဲ့ပစ်တယ်၊ လက်နက် ငယ်တွေ နဲ့လည်း ထိပ်တိုက်ပစ်ခတ်တယ်။ ဝေဟင် က နေ လည်းဒရုန်း အသုံးပြုပြီး တိုက်ခိုက်ခဲ့တယ်။ခွေးတွေဘက်ကတော့ အထိခိုက်များနိုင်မယ်။အ‌ရေအ တွက် အတိကျတော့ မသိရသေးဘူး။ ကိုယ်ဘက်ကတော့ ရဲဘော် ၃ ဦး မစိုးရိမ်ရဒဏ်ရာရရှိခဲ တယ်။ အ ခု တော့ ဆေးကုသမှုပေးထားလို့ အခြေ အနေ တော်တော်သက်သာနေပြီ” ဟု ဒေသကာကွယ်ရေးအဖွဲ့ ခေါင်းဆောင် တစ်ဦး က ရန်ကုန်ခေတ်သစ်သတင်းဌာနထံသို့ ပြောကြားသည်။

ပဒူကျေးရွာသည် အိမ်ခြေ ၁၃၀၀ ခန့်ရှိသော ကျေးရွာတစ်ရွာဖြစ်ပြီး တိုက်ပွဲ အတွင်းသို့ ပဒူနယ်မြေရဲ စခန်းမှလည်း စစ်ကူပေးတိုက်ခိုက်ခဲ့ကြောင်း၊ အကြမ်း ဖက် စစ်တပ်က စစ်ကြောင်းထိုးဝင်ရောက်မှု ကြောင့် စစ်ကိုင်း မြို့နယ်မြောက် ခြမ်းရှိ ကျေးရွာများဖြစ်သော စာရေး အရှေ့ရွာ၊ စာရေး အနောက်ရွာ၊ ကျောက် ပနန် ကျေးရွာ၊ ကံကြီးကုန်းကျေးရွာ၊ ရွာသစ်ကျေးရွာ၊ ပဒူကျေးရွာ၊ ခက်ခ အရှေ့ရွာ၊ ခက်ခ အနောက်ရွာတို့မှ ပြည်သူများ ထွက်ပြေးတိမ်းရှောင် နေရ ကြောင်း သိရသည်။

ဓာတ်ပုံ- စစ်ကိုင်းတိုင်း၊ ပဒူတိုက်နယ်မှ ထွက်ပြေးနေရသော စစ်ဘေးရှောင် ပြည်သူများ။ 

Photo- ပေးပို့။ 

ခင်ဦးမြို့နယ်တွင် စစ်တပ် ထုတ်ကုန် ငွေကျပ် သိန်း ၄၀၀ ကျော် တန်ဖိုးရှိ အရက်၊ ဘီယာများကို ဖမ်းဆီးဖျက်ဆီး

 ခင်ဦးမြို့နယ်တွင် စစ်တပ် ထုတ်ကုန် ငွေကျပ် သိန်း ၄၀၀ ကျော် တန်ဖိုးရှိ အရက်၊ ဘီယာများကို ဖမ်းဆီးဖျက်ဆီး

ရန်ကုန်၊ မေ ၂၁ 

စစ်ကိုင်းတိုင်း၊ ခင်ဦးမြို့နယ်တွင် စစ်တပ် ထုတ်ကုန် ငွေကျပ် သိန်း ၄၀၀ ကျော် တန်ဖိုးရှိ အရက်၊ ဘီယာများကို ဖမ်းဆီးပြီး ဖျက်ဆီးခဲ့ကြောင်း ခင်ဦးမြို့ နယ် အခြေစိုက် ဒေသကာကွယ်ရေးတပ်များထံမှ သိရှိရသည်။ 

ခင်ဦးမြို့နယ် ပြည်သူ့အုပ်ချုပ်ရေးအဖွဲ့ (မြို့နယ် ပအဖ)၏ လမ်းညွှန်မှုဖြင့် မြို့နယ် ပကဖ နှင့် LDF များက စစ်ကောင်စီ အကြမ်းဖက်အုပ်စုနှင့် မိသား စုများ၊ ၄င်းတို့၏ (ဒေါက်တိုင်) အကျိုးတူစီးပွား လုပ်ငန်းရှင်များ ပိုင်ဆိုင်သော စစ်တပ် ထုတ် Dagon အမှတ်တံဆိပ် အရက်၊ ဘီယာများ သယ် ဆောင် လာသည့် ကား ၃ စီးကို ဖမ်းဆီးခဲ့ကြောင်း သိရှိရသည်။ 

ကား ၃ စီးက တင်ဆောင်လာသော စစ်တပ် ထုတ် ကုန် အရက်ဘီယာများ စုစုပေါင်း ကာလ တန်ဖိုး သိန်း လေးရာ နှစ်ဆယ် လေးသိန်း ရှစ်သောင်းကျပ် တန်ဖိုးရှိသော စစ်တပ်ထုတ် ဘီယာ ဂျပ်ဖာပေါင်း ၅၄၀ ဖာ၊ ဗူးပေါင်း ၁၁၀၄၀ ဗူး၊ ပုလင်းပေါင်း ၇၈၀ ပုလင်း၊ သိမ်းဆည်းခဲ့ကြောင်း၊ ထိုသိမ်းဆည်းရမိ ပစ္စ ည်း များ အားလုံးကို တော်လှန်ရေးအင်အားစုများက အများပြည်သူရှေ့တွင် မှတ်တမ်းများနှင့်တကွ ဖျက်ဆီးခဲ့ကြကြောင်း သိရှိရသည်။ 

အကြမ်းဖက် စစ်ကောင်စီနှင့် မိသားစုများ၊ ၄င်းတို့နှင့် အကျိုးတူ စီးပွားဘက် ဖြစ်သော စစ်တပ်ဒေါက်တိုင်များ၏ ထုတ်ကုန်ပစ္စည်းများမှ ရရှိသော အမြတ် အစွန်း၊ ငွေကြေးများသည် ပြည်သူလူထုနှင့် တော်လှန်ရေး အင်အားစုများ၏ အသက်၊ အိုးအိမ်၊ စည်းစိမ်များကို ဆိုးရွားစွာ ဖျက်ဆီး စေနိုင်သည့် လုပ်ရပ်များ ဖြစ်စေနိုင်သည့်အတွက် စစ်တပ် ထုတ်ကုန်ပစ္စည်းများကို သပိတ်မှောက်ကြရန် ခင်ဦးမြို့နယ် ပြည်သူ့အုပ်ချုပ်ရေးအဖွဲ့က မေတ္တာရပ်ခံ၍ နှိုးဆော်တိုက်တွန်း ထားသည်။

နတ်မောက်မြို့တွင် PDF တပ်ခွဲမှူးကို လာဖမ်းသည့် စစ်သားများကို မိုင်းဆွဲ တိုက်ခိုက်မှု ၄ ဦးသေဆုံး၊ ကောလင်းတွင် စစ်ကြောင်းကို မိုင်းဆွဲ တိုက်ခိုက်မှု ၆ ဦးသေဆုံး

နတ်မောက်မြို့တွင် PDF တပ်ခွဲမှူးကို လာဖမ်းသည့် စစ်သားများကို မိုင်းဆွဲ တိုက်ခိုက်မှု ၄ ဦးသေဆုံး၊ ကောလင်းတွင် စစ်ကြောင်းကို မိုင်းဆွဲ တိုက်ခိုက်မှု ၆ ဦးသေဆုံး

ရန်ကုန်၊ မေ ၂၀

မကွေးတိုင်း၊ နတ်မောက်မြို့တွင် PDF တပ်ခွဲမှူးကို လာဖမ်းသည့် စစ်သားများကို မိုင်းဆွဲ တိုက်ခိုက်ရာ ၄ ဦးသေဆုံးခဲ့ကြောင်း နတ်မောက် ဂဠုန် PDF မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။ 

ယနေ့ မေလ ၂၀ ရက်နေ့ နံနက် ၁၀ နာရီ ၁၅ မိနစ်တွင် နတ်မောက်မြို့နယ်၊ မြင်းတဲကြီးလမ်းဆုံ ဖူးပွင့်ဝေစားသောက်ဆိုင်တွင် ခေါက်ဆွဲကြော်လာစားသည့် နတ်မောက် ဂဠုန် PDF တပ်ခွဲမှူး ဗိုလ်အောင်ဒင်ကို အကြမ်းဖက် စစ်တပ်က လာရောက်ဖမ်းဆီးစဥ် ဆိုင်ကယ်ထဲရှိ ဆွဲမိုင်းဖြင့် ဖောက်ခွဲတိုက်ခိုက်ခဲ့ပြီး စစ်သား ၄ ဦး သေဆုံးကာ ၅ ဦး အပြင်းအထန် ဒဏ်ရာ ရခဲ့ကြောင်း သိရသည်။ 

"ခွေးအုပ်စုက လာဝိုင်းတာ။ တပ်ခွဲမှူးက လွတ်အောင်ပြေးထွက်န်ိုင်ခဲ့ပြီး တပ်ခွဲမှူးဆိုင်ကယ်ကို ဝိုင်းနေတုန်း တပ်ခွဲမှူးက ဆိုင်ကယ်ထဲက ဆွဲမိုင်းကို ခွဲလိုက်တာ ။ လူလွတ်သွားလို့ ဆိုင်ကယ်ကိုဝင်စစ်ချိန် တပ်ခွဲမှူးက ခွဲလိုက်တာ။ သေတာက စုတ်ပြတ်သွားတယ် ပြောတယ်။အောင်သူနဲ့ ဇော်မျိုးလို့သိရတယ်။ သူတို့ရာထူးတွေတော့ မသိဘူး။ အခုထိ လာတောင် မသယ်သေးဘူး ကြားတယ်။ ၄ ကောင်တောင်တဲ့ သေတာ။အခုလောလောဆယ် ခြေတွေ အတော်ရှုတ်နေတယ် ခွေးတွေ"ဟု ဒေသပြည်သူ တစ်ဦးက ရန်ကုန်ခေတ်သစ်သတင်းဌာနသို့ ပြောကြားသည်။ 

ထို့ပြင် စစ်ကိုင်းတိုင်း၊ ကန့်ဘလူခရိုင်၊ ကိုးတောင်ဘို့မှ ထွက်လာသည့် အကြမ်းဖက် စစ်တပ် စစ်ကြောင်းကို ကောလင်း-ကိုးတောင်ဘို့ လမ်းမကြီးတစ်နေရာ၌ မေလ ၁၈ ရက်နေ့ နံနက် ၆ နာရီ ကျော်တွင် မိုင်းဆွဲတိုက်ခိုက်ခဲ့ရာ စစ်သား ၆ ဦး သေဆုံးကာ အများအပြားဒဏ်ရာရရှိခဲ့ကြောင်း Kawlin Revolution-KR မှ သိရှိရသည်။

တိုက်ခိုက်မှုကို THE SECRET WARRIOR KAWLIN ၊ KB2 ပ.က.ဖ နှင့် ကောလင်းမြို့နယ် ပ.က.ဖ အဖွဲ့မှ ပူးပေါင်းလုပ်ဆောင်ခဲ့ခြင်း ဖြစ်ပြီး မိုင်းဆွဲပြီးချိန်တွင် စစ်ကောင်စီဝင်များမှ စက်သေနတ်များဖြင့် ရမ်းသမ်းပစ်ခတ်ခဲ့ကြောင်း Kawlin Revolution-KR ထံမှ သိရှိရသည်။ 

ရေးမြို့နယ်အတွင်း စစ်တပ်က စစ်ကြောင်းထိုး စီးနင်းမှုကြောင့် တိုက်ပွဲဖြစ်ပွားနေ၊ မြိုင်တွင် စစ်တပ် ယာဥ်တန်းကို မိုင်းဆွဲ တိုက်ခိုက်

ရေးမြို့နယ်အတွင်း စစ်တပ်က စစ်ကြောင်းထိုး စီးနင်းမှုကြောင့် တိုက်ပွဲဖြစ်ပွားနေ၊ မြိုင်တွင် စစ်တပ် ယာဥ်တန်းကို မိုင်းဆွဲ တိုက်ခိုက်

ရန်ကုန်၊ မေ ၂၀

မွန်ပြည်နယ်၊ ရေးမြို့နယ်အတွင်း အကြမ်းဖက် စစ်တပ်က စစ်ကြောင်းထိုး စီးနင်းမှုကြောင့် တိုက်ပွဲဖြစ်ပွားနေကြောင်း Albino Tiger Company-1 ထံမှ သိရသည်။

မေလ ၂၀ ရက်နေ့ နံနက် ၈ နာရီ ၁၅ ခန့်တွင် ရေးမြို့နယ် မြောက်ပိုင်း ဝါဘသဲကျေးရွာ အနီးသို့ စစ်ကြောင်းထိုးလာသည့် အကြမ်းဖက် စစ်တပ်နှင့် ကျားဖြူစစ်ကြောင်း ၂ ၊ နယ်မြေ ကာကွယ်ရေး ပူးပေါင်း တပ်ဖွဲ့များ အကြား တိုက်ပွဲ ဖြစ်ပွား လျက်ရှိကြောင်း သိရသည်။ 

ထို့ပြင် မကွေးတိုင်း၊ မြိုင်မြို့နယ်တွင် အကြမ်းဖက် စစ်တပ် ယာဥ်တန်းကို မိုင်းဆွဲ တိုက်ခိုက်ခဲ့ကြောင်း မြိုင်ပကဖ အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

မေလ ၁၉ ရက်နေ့ ၉ နာရီဝန်းကျင် ခန့်တွင် စက်မှု ၂ စစ်တပ်ကို လျှပ်စစ်ပေးနေသည့် ဓာတ်အားလိုင်းအား ပြင်ဆင်ရန်လာသည့် အကြမ်းဖက် စစ်တပ် ယာဥ်တန်းကို သရက်ကန် ပျူစောထီးစခန်းနှင့် တွင်းမ ပျူစောထီးစခန်း အကြားတွင် မိုင်းဆွဲတိုက်ခိုက်ခဲ့ရာ စစ်ကားမှာ ပျက်စီး ရပ်တန့်သွားပြီး စစ်သားများ ထိခိုက်သေဆုံးမှု အရေအတွက်ကို အတည်မပြုနိုင်သေးကြောင်း သိရသည်။

အဆိုပါ လမ်းပိုင်းသည် အကြမ်းဖက် စစ်တပ်၏ ထောက်ပို့လမ်းကြောင်းဖြစ်ပြီး လမ်းပိုင်းမှာလဲ ပျက်စီးသွားကြောင်း၊ စစ်တပ်၏ ထောက်ပို့လမ်းကြောင်း ဖြစ်သောကြောင့် စစ်ကြောင်းအကာအကွယ်ဖြင့် လုံခြုံရေးယူကာ ချက်ချင်း ပြန်လည် ပြင်ဆင်သွားကြောင်း သိရသည်။

ယင်း တိုက်ခိုက်မှုကို မြိုင်မြိုနယ် ပြည်သူ့ကာကွယ်ရေးတပ်ဖွဲ့ တပ်ရင်း ၁ › တပ်ခွဲ-၁ ၊ တပ်ခွဲ - ၂ (ဂဠုန်) ၊ အလင်းတန်းပြောက်ကျားတပ်ဖွဲ့(မြိုင်) ၊ KMDF(ကမ္မဒေသကာကွယ်ရေးတပ်ဖွဲ့) ၊ ဘီလုံးငှက်တပ်ဖွဲ့ စသည့် ပကဖ ပူပေါင်းတပ်ဖွဲ့များမှ ပူးပေါင်း ဆောင်ရွက်ခဲ့ကြောင်း သိရသည်။ 

အထူးစစ်ဆင်ရေးတပ်ဖွဲ့ - S.O.F ၏ စနိုက်ပါ အထူး လက်ဖြောင့် မွန်းမံ သင်တန်း အောင်မြင်စွာ ပြီးစီး

 အထူးစစ်ဆင်ရေးတပ်ဖွဲ့ - S.O.F ၏ စနိုက်ပါ အထူး လက်ဖြောင့် မွန်းမံ သင်တန်း အောင်မြင်စွာ ပြီးစီး 

ရန်ကုန်၊ မေ ၁၉ 

KNU တပ်မဟာ ၆ နယ်မြေအတွင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ တောင်ပိုင်းစစ်ဒေသကွပ်ကဲရေး၊ အထူးစစ်ဆင်ရေးတပ်ဖွဲ့ - S.O.F ၏ စနိုက်ပါ အထူး လက်ဖြောင့် မွန်းမံသင်တန်းကို ယနေ့ မေလ ၁၉ ရက်နေ့တွင် အောင်မြင်စွာ ပြီးစီးခဲ့ကြောင်း သိရသည်။

အထူးလက်ဖြောင့် မွန်းမံ သင်တန်းတွင် အထူးစစ်ဆင်ရေးတပ်ဖွဲ့ - S.O.F၊ နဂါးနီစစ်ကြောင်း၊ ရေးဘီလူးတပ်ဖွဲ့၊ MSRF မှ အတွေ့အကြုံရှိ ထူးချွန် စနိုက်ပါရဲဘော်များအား သီးခြားစုဆောင်း၍ စာတွေ့ လက်တွေ့နှင့် လက်နက်မျိုးစုံ၊ ပုံစံမျိုးစုံကို အချိန်တစ်လ ကြာသည်အထိ လက်တွေ့ လေ့ကျင့် ပစ်ခတ်ခြင်းဖြစ်ပြီး တပ်ဖွဲ့အချင်းချင်း ပူးပေါင်းစစ်ဆင်ရေးများဆောင်ရွက်နိုင်ရန်နှင့် စစ်ဆင်ရေးတိုင်းတွင် စနိုက်ပါများအား အထူးကဏ္ဍအနေဖြင့် ဗျူဟာကျကျ ပိုမိုဆောင်ရွက်နိုင်ရန် ရည်ရွယ်ခြင်းဖြစ်သည်။

မွန်းမံသင်တန်းပြီးမြောက်ခဲ့သော အထူးလက်ဖြောင့်ရဲဘော် (၃၀) ဦးအား KNU တပ်မဟာ (၆)၊ တပ်မဟာ (၄) နယ်မြေရှိ တပ်ရင်းတပ်ဖွဲ့အသီးသီးနှင့် စစ်ကြောင်းများတွင် စစ်ဆင်ရေးတာဝန်များ ပေးအပ်ဆောင်ရွက်သွားမည်ဖြစ်သည်။

မုံရွာ သပိတ်ခေါင်းဆောင် ကိုဝေမိုးနိုင်ကို နိုင်ငံတော် သစ္စာဖောက်ဖျက် ပုန်ကန်မှု ပုဒ်မ ၁၂၂ ဖြင့် ဖက်ဆစ်စစ်တပ်လက်အောက်ခံ မတရားရုံးမှ ထောင်ဒဏ် အနှစ်(၂၀) ထပ်မံချမှတ်၊ စုစုပေါင်း (၅၂) နှစ်ထိ ရှိလာ

မုံရွာ သပိတ်ခေါင်းဆောင် ကိုဝေမိုးနိုင်ကို နိုင်ငံတော် သစ္စာဖောက်ဖျက် ပုန်ကန်မှု ပုဒ်မ ၁၂၂ ဖြင့် ဖက်ဆစ်စစ်တပ်လက်အောက်ခံ မတရားရုံးမှ ထောင်ဒဏ် အနှစ်(၂၀) ထပ်မံချမှတ်၊ စုစုပေါင်း (၅၂) နှစ်ထိ ရှိလာ

=================================

မုံရွာသပိတ်ခေါင်းဆောင် ကိုဝေမိုးနိုင်ကို ဖက်ဆစ် စစ်တပ် လက်အောက်ခံ မတရားရုံးမှ နိုင်ငံတော် သစ္စာဖောက်ဖျက်ပုန်ကန်မှု ပုဒ်မ ၁၂၂ ဖြင့် နောက်ထပ် ထောင်ဒဏ် နှစ်(၂၀) ချမှတ်လိုက်ကြောင်း သိရပါသည်။

ပုဒ်မ ၅၀၅-က ဖြင့် ငါးမှု - (၁၀) နှစ်၊ သဘာဝဘေး ပုဒ်မ ၂၅ ဖြင့် (၂) နှစ်၊ ပုဒ်မ ၃၉၅၊ ၃၉၇ တို့ဖြင့် အနှစ် (၂၀) မတရား ချမှတ်ထားရာ ယခု ပုဒ်မ ၁၂၂ ဖြင့် အနှစ် (၂၀) ဆိုလျှင် စုစုပေါင်း (၅၂) နှစ်ထိ ရှိလာပြီ ဖြစ်ပြီး မတရားစွပ်စွဲထားသည့် လူသတ်မှုမှာ တရားရင်ဆိုင်နေရဆဲ ဖြစ်ပါသည်။

"နိုင်ငံတော် သစ္စာဖောက်ဖျက် ပုန်ကန်မှု ၁၂၂ ကို ဥပဒေ ရှုထောင့်အရ ဖြစ်စေ၊ နိုင်ငံရေး ရှုထောင့်အရ ဖြစ်စေ မည်သည့်ရှုထောင့်က ကြည့်သည်ဖြစ်စေ အမှန်တကယ် ဖောက်ဖျက်ကျူးလွန်သည်မှာ မင်းအောင်လှိုင် ဦးဆောင်သည့် စစ်ကောင်စီအဖွဲ့ဝင်များသာ ဖြစ်ပါသည်။"

ဖက်ဆစ်စစ်တပ် လက်အောက်ခံ တရားရုံးများမှ နိုင်ငံရေး အကျဥ်းသားအားလုံးအပေါ် ယခုကဲ့သို့ မတရားစွပ်စွဲ အမိန့်ချမှတ်နေခြင်းကို မုံရွာလူထုသပိတ်တိုက်ပွဲဦးဆောင်ကော်မတီမှ ပြင်းပြင်းထန်ထန် ကန့်ကွက် ရှုတ်ချပါသည်။ 

တော်လှန်ရေးကာလအတွင်း ဖက်ဆစ်စစ်တပ်နှင့် စစ်တပ်လက်အောက်ခံ တရားရုံးများ အပါအဝင် စစ်တပ်နှီးနွယ် အဖွဲ့အစည်းများကြောင့် ဆုံးရှုံးနစ်နာခဲ့ရသည့် ရဟန်းရှင်လူ ကျောင်းသား ပြည်သူလူထု အပါအဝင် နိုင်ငံရေးအကျဥ်းသားအားလုံးအတွက် တရားမျှတမှု ဆောင်ကြဥ်းပေးနိုင်ရေးနှင့် အသွင်ကူးပြောင်းရေးကာလ တရားမျှတမှု ရရှိရေးသည် အလွန်အရေးကြီးသည့် နိုင်ငံရေးလုပ်ငန်းစဥ်(ဝါ) အသွင်ကူးပြောင်းရေး လုပ်ငန်းစဥ်အဖြစ် ခိုင်ခိုင်မာမာ တည်ရှိနေရမည် ဖြစ်ပါသည်။

"ကိုဝေမိုးနိုင်အပါအဝင် နိုင်ငံရေး အကျဥ်းသားအားလုံး ချက်ချင်းလွှတ်"

#မုံရွာလူထုသပိတ်တိုက်ပွဲဦးဆောင်ကော်မတီ 

KNU တပ်မဟာ ၃ နယ်မြေ၌ ဒဏ်ရာရ စစ်သားများကို ကားဖြင့်သယ်ဆောင်စဉ် စနိုက်ပါဖြင့် ပစ်ခတ်မှု ၂ ဦးသေဆုံး သေနတ် ၃ လက် သိမ်းဆည်းရရှိ

 KNU တပ်မဟာ ၃ နယ်မြေ၌ ဒဏ်ရာရ စစ်သားများကို ကားဖြင့်သယ်ဆောင်စဉ်  စနိုက်ပါဖြင့် ပစ်ခတ်မှု ၂ ဦးသေဆုံး သေနတ် ၃ လက် သိမ်းဆည်းရရှိ

ရန်ကုန်၊ မေ ၁၉ 

KNU တပ်မဟာ ၃ စစ်ရေးနယ်မြေအတွင်း၌ ဒဏ်ရာရ အ ကြမ်း ဖက်စစ်သားများကို ကားဖြင့် သယ် ဆောင်နေစဉ် စနိုက်ပါဖြင့် ချောင်းမြောင်းပစ်ခတ်ခဲ့ရာ စစ်သား ၂ ဦးသေဆုံးပြီး သေနတ် ၃ လက်သိမ်း ဆည်းရရှိခဲ့ကြောင်း Royal Peacock Column ထံမှ သိရသည်။

ဧပြီလ ၂၂ ရက် နေ့လည် ၁၂ နာရီခန့်က စစ်ရေးနယ်မြေအ တွင်းသို့ ထိုးဖောက်ဝင်ရောက်လာ သော အကြမ်းဖက်စစ်သားများ တိုက်ခိုက်ခံရပြီးနောက် ဒဏ်ရာရ စစ်သားများကို အရပ် သားသုံး Like Truck ကားဖြင့် သယ်ဆောင်နေစဉ် စနိုက်ပါဖြင့် ပစ်ခတ်တိုက်ခိုက်ခဲ့ရာ ၃ ဦးထိမှန်ပြီး တစ်ဦးထွက် ပြေး သွားကာ ယင်းကားပေါ်မှ MA 3 ၂ လက်၊ MA 4 ၁ လက် ၊ လက်ပစ်ဗုံး ၁ လုံး၊ အီနာဂါဗုံးသီး ၁ လုံး၊ ကျည်ဘောက် ၁၅ ဘောက်၊ ၅ ဒသမ ၅၆ ကျည်အတောင့် ၃၀၀ ခန့်သိမ်းဆည်းနိုင်ခဲ့ကြောင်း သိရသည်။

စနိုက်ပါဖြင့် ပစ်ခတ်မှုအတွင်း ဒဏ်ရာရရှိကာ ထွက်ပြေးသွားသော အကြမ်း ဖက် စစ်သားကို လိုက်လံ ချေမှုန်းစဉ် နောက် ထပ် တိုက်ပွဲတစ်ကြိမ်ဖြစ်ခဲ့ကြောင်း Royal Peacock Column က ထုတ်ပြန်ထား သည်။

တောင်ငူထောင်တွင် သေဒဏ်ကျ နိုင်ငံရေးအကျဉ်းသူ ၁ ဦးအပါအဝင် နိုင်ငံရေးအကျဉ်းသား ၁၀ ဦးက ထောင်တံခါးကို ခြေဖြင့်ကန် တိုးထွက် သေနတ်လုယူ ထွက် ပြေးခဲ့ပြီး ၉ ဦး လွတ်မြောက် နယ်မြေ ရောက်ရှိ

 တောင်ငူထောင်တွင် သေဒဏ်ကျ နိုင်ငံရေးအကျဉ်းသူ ၁ ဦးအပါအဝင် နိုင်ငံရေးအကျဉ်းသား ၁၀ ဦးက ထောင်တံခါးကို ခြေဖြင့်ကန် တိုးထွက် သေနတ်လုယူ ထွက် ပြေးခဲ့ပြီး ၉ ဦး လွတ်မြောက် နယ်မြေ ရောက်ရှိ

■ ထောင်ဖောက်ခဲ့သူ နိုင်ငံရေးအကျဉ်းသား ၁ ဦး ပြန်ဖမ်းမိပြီး သေဆုံး

ရန်ကုန်၊ မေ ၁၉

ပဲခူးတိုင်း၊ တောင်ငူထောင်တွင် စစ်သား ၁ ဦးသေဆုံးပြီး လက်နက် ၄ လက်ရရှိခဲ့သော တောင်ငူထောင် ဖောက်ပြေးခဲ့သော သေဒဏ်ကျ နိုင်ငံရေးအကျဉ်းသူ အပါအဝင် အကျဉ်းသား ၁၀ ဦး အနက်မှ ၉ ဦး လွတ်မြောက်နယ်မြေရောက်ရှိကြောင်း နယ်မြေခံ တော်လှန်ရေး သတင်းရင်းမြစ်များက ပြောသည်။

မေလ ၁၈ ရက်နေ့ မွန်းလွဲ ၂ နာရီ ၅၅ မိနစ်အချိန် တောင်ငူအကျဉ်းထောင်အတွင်းမှ အချုပ်ခံထားရသည့် နိုင်ငံရေးအကျဉ်းသား ၇ ဦး၊ သေဒဏ်ကျ နိုင်ငံရေးအကျဉ်းသူ ၁ ဦး ၊ သေဒဏ်ကျ နိုင်ငံရေး အကျဉ်းသူ ၂ ဦး တို့က ရုတ်တရက် အချုပ်ခန်းတံခါးကို ခြေထောက်ဖြင့် ကန် အတင်းတိုးထွက်ပြီး စစ်ကောင်စီတပ်များထံမှ လက်နက်များ လုယူ ထွက်ပြေးခဲ့ကြကြောင်း ၊ ဒုရဲအုပ် အေးသော် ထံမှ ခြောက်လုံးပြူး ၁ လက်၊ ရဲတပ်သား အောင်သူဝင်းထံမှ G-3 တစ် ၁ လက်ကို ယူဆောင်၍ တောင်ငူအကျဉ်းထောင်အတွင်းမှ ထွက်ပြေးခဲ့ကြောင်း သိရှိရသည်။

စစ်တပ်က ထွက်ပြေးသွားသော အကျဉ်းသား ၁၀ ဦးကို လိုက်လံဖမ်းဆီးရာ အပြန်အလှန် ပစ်ခတ်မှု ဖြစ်ပွားပြီး တပ်ကြပ်ကြီး မောင်မျိုး သေဆုံးပြီး တပ်သား ၁ ဦး၏ ကာဘိုင် ၁ လက်၊ မောင်းပြန် သေနတ် ၁ လက် ထပ်မံပါသွားကြောင်း သိရှိရသည်။

"၉ ဦးကတော့ လွတ်မြောက်နယ်မြေ ရောက်ရှိသွားပြီ။ ၁ ဦးကတော့ ပြန်ဖမ်းမိပြီး သေဆုံးသွားပါတယ်" ဟု နယ်မြေခံသတင်းရင်းမြစ်က ပြောသည်။

တောင်ငူထောင်တွင် ဒုအရာခံ ရွှေဗျိုင်းက ဦးဆောင်ပြီး ပျူစောထီးများနှင့် ပြည်သူ့စစ်များက စစ်တပ်နှင့်အတူပူးတွဲ လုံခြုံရေး ယူနေခြင်းဖြစ်ပြီး သမ္မတဦးဝင်းမြင့်ကို ချုပ်နှောင်ထားသော ထောင်တစ်ခုဖြစ်ကြောင်း၊ စစ်တပ် အင်အား မရှိ၍ ပြည်သူ့စစ်နှင့် ပျူစောထီးများ၊ စစ်သားဟောင်းများကို တာဝန်ချထားခြင်းဖြစ်ကြောင်း သိရှိရသည်။

"လွတ်မြောက်သူတွေက စစ်တပ်က အကြမ်းဖက်ဥပဒေနဲ့ မတရားဖမ်းဆီးခံထားရသူတွေဖြစ်ပါတယ်" ဟု ဖရဲသီး သတင်းရင်းမြစ်က ပြောဆိုသည်။

Breaking News- သမ္မတဦးဝင်းမြင့်ကို စစ်တပ်က ဖမ်းဆီးချုပ်နှောင်ထား‌သော တောင်ငူထောင်တွင် ပစ်ခတ်မှုဖြစ်ပြီး နိုင်ငံရေးပုဒ်မဖြင့် အမှုဖွင့်ထားသော အကျဉ်းသား များအပါအဝင် ၁၀ ဦးလွတ်မြောက်

 Breaking News- သမ္မတဦးဝင်းမြင့်ကို စစ်တပ်က ဖမ်းဆီးချုပ်နှောင်ထား‌သော တောင်ငူထောင်တွင် ပစ်ခတ်မှုဖြစ်ပြီး နိုင်ငံရေးပုဒ်မဖြင့် အမှုဖွင့်ထားသော အကျဉ်းသား များအပါအဝင် ၁၀ ဦးလွတ်မြောက်

■ လက်နက် ၄ လက် ယူဆောင်နိုင်ခဲ့ပြီး ပစ်ခတ်မှုတွင် စစ်သား ၁ ဦး သေဆုံး

ရန်ကုန်၊ မေ ၁၈ 

သမ္မတဦးဝင်းမြင့်ကို စစ်တပ်က ဖမ်းဆီးချုပ်နှောင်ထား‌သော တောင်ငူထောင်တွင် ပစ်ခတ်မှုဖြစ်ပြီး နိုင်ငံရေးပုဒ်မဖြင့် အမှုဖွင့်ထားသော အကျဉ်းသား များအပါအဝင် အကျဉ်းသား ၁၀ ဦးလွတ်မြောက်ခဲ့ကြောင်း စစ်ဘက်သတင်းရင်းမြစ်က အတည်ပြု ပြောဆိုသည်။ 

 မေလ ၁၈ ရက်နေ့ မွန်းလွဲ ၂ နာရီ ၅၅ မိနစ်အချိန် တောင်ငူအကျဉ်းထောင်အတွင်း တရားရုံးထုတ်၍ အချုပ်ခန်းချိန်းစဉ် အကျဉ်းသား ၁၀ ဦးက ဒုရဲအုပ် အေးသော် ထံမှ ခြောက်လုံးပြူး ၁ လက်၊ ရဲတပ်သား အောင်သူဝင်းထံမှ G-3 တစ် 

၁ လက်ကို ယူဆောင်၍ တောင်ငူအကျဉ်းထောင်အတွင်းမှ ထွက်ပြေးခဲ့ကြောင်း သိရှိရသည်။ 

စစ်တပ်က ထွက်ပြေးသွားသော အကျဉ်းသား ၁၀ ဦးကို လိုက်လံဖမ်းဆီးရာ အပြန်အလှန် ပစ်ခတ်မှု ဖြစ်ပွားပြီး တပ်ကြပ်ကြီး မောင်မျိုး သေဆုံးပြီး တပ်သား ၁ ဦး၏ ကာဘိုင် ၁ လက်၊ မောင်းပြန် သေနတ် ၁ လက် ထပ်မံပါသွားကြောင်း သိရှိရသည်။ 

တောင်ငူထောင်တွင် ဒုအရာခံ ရွှေဗျိုင်းက ဦးဆောင်ပြီး ပျူစောထီးများနှင့် ပြည်သူ့စစ်များက စစ်တပ်နှင့်အတူပူးတွဲ လုံခြုံရေး ယူနေခြင်းဖြစ်ပြီး သမ္မတဦးဝင်းမြင့်ကို ချုပ်နှောင်ထားသော ထောင်တစ်ခုဖြစ်ကြောင်း၊ စစ်တပ် အင်အား မရှိ၍ ပြည်သူ့စစ်နှင့် ပျူစောထီးများ၊ စစ်သားဟောင်းများကို တာဝန်ချထားခြင်းဖြစ်ကြောင်း သိရှိရသည်။ 

"လွတ်မြောက်သူတွေက စစ်တပ်က အကြမ်းဖက်ဥပဒေနဲ့ မတရားဖမ်းဆီးထားသူတွေဖြစ်ပါတယ်။ အခု လွတ် မြောက်သူတွေကို ဓာတ်ပုံတွေ နာမည်တွေနဲ့ ဖြန့်ကျက်ပြီး ရှာဖွေနေတာမို့ အမြန်ဆုံး လွတ်မြောက်အောင် ရှောင်ကြဖို့ တိုက်တွန်းချင်ပါတယ်" ဟု ဖရဲသီး သတင်းရင်းမြစ်က ပြောဆိုသည်။

NUG အမျိုးသားညီညွတ်ရေးအစိုးရက ရခိုင်ပြည်နယ်ပြန်လည်ထူထောင်ရေး အသုံးပြုရန် AA ထံသို့ သိန်း ၁၀၀၀ လှူဒါန်း

 NUG အမျိုးသားညီညွတ်ရေးအစိုးရက ရခိုင်ပြည်နယ်ပြန်လည်ထူထောင်ရေး အသုံးပြုရန် AA ထံသို့ သိန်း ၁၀၀၀ လှူဒါန်း

■ KIO က သိန်း ၃၀၀၀ နှင့် MNDAA ကိုးကန့်တပ်ဖွဲ့က သိန်း ၁၀၀၀ စီလှူဒါန်း

ရန်ကုန်၊ မေ ၁၈ 

ရခိုင်ပြည်နယ်တွင် မေလ ၁၄ ရက်နေ့ တိုက်ခတ်ခဲ့သော အင်အားပြင်း မိုခါဆိုင်ကလုန်း မုန်တိုင်းကြောင့် ပျက်စီး ဆုံးရှုံးမှု ကြီးမားနေသော ရခိုင်ပြည်သူလူထု ပြန်လည် ထူထောင်ရေးအတွက် အမျိုးသားညီညွတ်ရေးအစိုးရ NUG က AA ထံသို့ သိန်း ၁၀၀၀ လှူဒါန်းကြောင်း AA ၏ ထုတ်ပြန်ချက်အရ သိရှိရသည်။ 

NUG အစိုးရက ရခိုင်တွင် ကြုံတွေ့နေရသည့် မုန်တိုင်းနောက်ဆက်တွဲ အရေးပေါ် ကူညီကယ်ဆယ်ရေးလုပ်ငန်းများတွင် အသုံးပြုရန် လူသားချင်းစာနာထောက်ထားမှုဖြင့် လှူဒါန်းလာသည့် ငွေကျပ် သိန်း ၁၀၀၀ ကို ကောင်းမွန်စွာ လက်ခံရရှိကြောင်း၊ ရခိုင်ပြည်သူများ ဒုက္ခရောက်နေသည့်အချိန်တွင် ယခုကဲ့သို့ မိတ်ဆွေ ပီသစွာ ပံ့ပိုးကူညီမှုများအပေါ် ရခိင်အမျိုးသားအဖွဲ့ချုပ်အနေဖြင့် လှိုက်လှဲစွာ ကျေးဇူးတင်တင်ရှိကြောင်း AA စစ်ဦးစီးချုပ်နှင့် ရခိုင်အမျိုးသားအဖွဲ့ချုပ်ဥက္ကဋ္ဌ ဗိုလ်ချုပ်ထွန်းမြတ်နိုင်က ကျေးဇူးတင်လွှာတွင် ရေးသားထားသည်။ 

အလားတူ ကေအိုင်အိုက ငွေကျပ် သိန်း ၃၀၀၀ နှင့် MNDAA ကိုးကန့်က ငွေကျပ် သိန်း ၁၀၀၀ စီ မုန်တိုင်းဒဏ်သင့် ရခိုင်ပြည်သူများ ပြန်လည် ထူထောင်ရေး လှူဒါန်းမှုအတွက် များစွာ ကျေးဇူးတင်ကြောင်း AAက ထုတ်ပြန်ထားသည်။

မြဝတီမြို့နယ် တိုက်ပွဲအတွင်း စစ်တပ်ထံမှ သေနတ် ၁ လက် သိမ်းဆည်း ရမိ၊ မော်လိုက်တွင် ၅ ရက်ကြာ တိုက်ပွဲပြင်းထန်နေ

 မြဝတီမြို့နယ် တိုက်ပွဲအတွင်း စစ်တပ်ထံမှ သေနတ် ၁ လက် သိမ်းဆည်း ရမိ၊ မော်လိုက်တွင် ၅ ရက်ကြာ တိုက်ပွဲပြင်းထန်နေ

ရန်ကုန်၊ မေ ၁၇

ကရင်ပြည်နယ်၊ မြဝတီမြို့နယ်အတွင်း ဖြစ်ပွားခဲ့သော တိုက်ပွဲ၌ စစ်တပ်ထံမှ သေနတ် ၁ လက် သိမ်းဆည်း ရမိခဲ့ကြောင်း ကော်ဘရာစစ်ကြောင်း ထံမှ သိရသည်။

ယနေ့ မေလ ၁၇ ရက်နေ့၌ မြဝတီမြို့နယ်အတွင်း အကြမ်းဖက် စစ်တပ်က နံနက် ၃ နာရီ ၃၆ မိနစ်မှ နံနက် ၃ နာရီ ၄၀ မိနစ် အထိ လေကြောင်းဖြင့် ၃ ကြိမ် တိုက်ခိုက်မှု ပြုခဲ့ပြီး ၁၂၀ မမ လက်နက်ကြီး၊ ၁၂၂ မမလက်နက်ကြီးတို့ဖြင့် အဆက်မပြတ်ပစ်ခတ်ခဲ့ကြောင်းသိရသည်။

တော်လှန်‌ရေးပူးပေါင်း တပ်ဖွဲ့များ ဖြစ်သည့် တပ်မဟာ ၆ KNU/KNLA၊ ကော်ဘရာ စစ်ကြောင်း ၁ ၊ ကျားသစ်နက် ၊Golden Eagle၊ Federal Wings တို့ လုံခြုံရေး ယူထားသော နယ်မြေများကို အကြမ်းဖက် စစ်တပ်က စစ်ကြောင်းထိုးတက်လာခြင်းကြောင့် ရင်ဆိုင် တိုက် ပွဲဖြစ်ပွားခဲ့ခြင်း ဖြစ်ကြောင်း သိရသည်။ 

တိုက်ပွဲအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှု အရေအတွက်ကို အတည်မပြုနိုင်သေးဘဲ MA1 ၁ လက်၊ MA ကျည်ဘောက် ၅ ဘောက်၊ ကပစကျည် ၁၀၅ တောင့်၊ အီနာဂါ ၁ လုံး၊ 60 mm ၃ လုံး တို့အား သိမ်းဆည်း ရမိခဲ့ကြောင်း ကော်ဘရာစစ်ကြောင်းက ထုတ်ပြန်ထားသည်။

ထို့ပြင် စစ်ကိုင်းတိုင်း၊ မော်လိုက်မြို့နယ်၊ တောင်အင်ကျေးရွာအနီးတွင် ၅ ရက်ကြာတိုက်ပွဲပြင်းထန်နေပြီး အကြမ်းဖက်စစ်တပ်က လက်နက်ကြီးများဖြင့် ရမ်းသမ်းပစ်ခတ်နေကြောင်း မော်လိုက်မြို့နယ်နေ ပြည်သူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

မေလ ၁၂ ရက်နေ့စတင်၍ ကလေးမြို့မှ တက်လာသော အကြမ်းဖက်စစ်သားများနှင့် မော်လိုက်မြို့နယ် တွင်းရှိ ကင်းတပ်၊ ဇီးကုန်းစသည့် ပျူစောထီးများနှင့် ပူးပေါင်းထားသော အကြမ်းဖက်စစ်ကြောင်းသည် မော်လိုက်မြို့နယ်၊ တောင်တွင်းကျေးရွာနှင့် တောင်အင်းကျေးရွာကြားသို့ စစ်ကြောင်းထိုးဝင်ရောက်ခဲ့ရာ မော်လိုက်မြို့နယ်၊ ဖောင်းပြင်မြို့နယ်၊ ဟုမ္မလင်းမြို့နယ်ပူးပေါင်းထားသော ပြည်သူ့ကာကွယ်ရေးတပ်ဖွဲ့ များမှ ပူးပေါင်းခုခံတိုက်ခိုက်ခဲ့ရာ ၅ ကြာတိုက်ပွဲပြင်းထန်နေခြင်းဖြစ်ကြောင်း သိရသည်။

“မိုခါမုန်တိုင်းမစခင်ကတည်းက ဖြစ်နေတာ၊ ဒီနေ့အထိဖြစ်နေတုန်းဗျ၊ မြေပြင်အခြေအနေက စစ်ခွေး တွေဘယ်လောက်ကျတယ် ဆိုတာတော့ အတိအကျစုံစမ်းလို့မရဘူးဗျ၊ မနက်ကတည်းက စဖြစ်တာ၊ အတော်လေးပြင်းထန်တယ်၊ ဒီနေ့ ညနေ ၂ နာရီ ၃ နာရီလောက်မှာ လက်နက်ကြီးနဲ့ ထုတာ၊ ရွာသူ၊ ရွာသားတွေကတော့ ကြောက်လန့်ပြီး ပြေးလွှားနေကြရတယ်၊ နောက်နေ့တွေလည်း တိုက်ပွဲက ဆက် တိုက်ပြင်းထန်ဖို့ပဲရှိနိုင်တယ်၊ ဒီကောင်တွေက မဆုတ်သေးဘူးဆိုတော့” ဟု မော်လိုက်မြို့နယ်နေ ပြည်သူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

မော်လိုက်မြို့အနောက်ဘက် ဒီပင်္ကရာဘုရားတောင်ပေါ်၌ တပ်စွဲထားသော အကြမ်းဖက်စစ်တပ်က လက်နက်ကြီးဖြင့် ၈ ချက်ရမ်းသမ်းပစ်ခတ်ခဲ့ကြောင်း၊ ယမန်နေ့ မေလ ၁၆ ရက်နေ့ကလည်း ကလေး မြို့မှ အကြမ်းဖက်စစ်ကား ၃ စီးဖြင့် အမျိုးသမီးစစ်သည်မေများပါ စစ်ကူလာခဲ့ကြောင်း၊ ထို့ပြင် ရဟတ် ယာဉ်ဖြင့် လာရောက် ပျံဝဲကြည့်ရှုသွားခဲ့ပြီး ဗုံးကြဲခြင်း၊ ပစ်ခတ်တိုက်ခိုက်ခြင်းမရှိကြောင်း သိရသည်။

အကြမ်းဖက်စစ်တပ်၏ လက်နက်ကြီးဖြင့် ပစ်ခတ်တိုက်ခိုက်မှုကြောင့် တောင်တွင်းရွာ၊ မှန်ပြင်ရွာ၊ တောင်အင်အစရှိသည့် ကျေးရွာနေပြည်သူများမှာ ထွက်ပြေးတိမ်းရှောင်နေရကြောင်း သိရသည်။

ဒီးမော့ဆိုတွင် တပ်စွဲထားသော စစ်သားများကို ဝင်ရောက် တိုက်ခိုက်မှု ၁ ဦးသေဆုံး၊ တနင်္သာရီတွင် စစ်ကြောင်းကို မိုင်းဆွဲ တိုက်ခိုက်

 ဒီးမော့ဆိုတွင် တပ်စွဲထားသော စစ်သားများကို ဝင်ရောက် တိုက်ခိုက်မှု ၁ ဦးသေဆုံး၊ တနင်္သာရီတွင် စစ်ကြောင်းကို မိုင်းဆွဲ တိုက်ခိုက်

ရန်ကုန်၊ မေ ၁၇ 

ကယားပြည်နယ်၊ ဒီးမော့ဆိုမြို့နယ်၊ သေးဆူလဲကျေးရွာ၌ တပ်စွဲထားသော အကြမ်းဖက် စစ်သားများကို ရှောင်တခင် ဝင်ရောက် တိုက်ခိုက်ခဲ့ရာ စစ်သား ၁ ဦးသေဆုံးခဲ့ကြောင်း KNDF တပ်ရင်း ၅ ထံမှ သိရသည်။

မေလ ၁၄ ရက် နေ့က အကြမ်းဖက်စစ်သားများ အခြေအနေ ကင်းထောက်ရင်း သေးဆူလဲကျေးရွာတွင် တပ်စွဲထားသော အကြမ်းဖက်စစ်သားများကို ရှောင်တခင်ဝင်ရောက် ပစ်ခတ်တိုက်ခိုက်ခဲ့ခြင်းဖြစ်ပြီး အကြမ်းဖက်စစ်သား ၁ ဦးသေဆုံးကာ ၂ ဦးထက်မနည်း ဒဏ်ရာရရှိခဲ့ကြောင်း သိရသည်။

အလားတူ ယမန်နေ့ မေလ ၁၆ ရက် နေ့ကလည်း သေးဆူလဲကျေးရွာ၌ တပ်စွဲထားသော အကြမ်းဖက်စစ် သားများကို ထပ်မံဝင်ရောက်တိုက်ခိုက်ခဲ့ရာ ၂ နာရီခန့် ကြာမြင့်ခဲ့ပြီး အကြမ်းဖက်စစ်သားများ ထိခိုက် သေဆုံးမှုရှိကာ KNDF တပ်ရင်း ၅ တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရ သည်။

ထို့ပြင် တနင်္သာရီတိုင်း၊ တနင်္သာရီမြို့နယ်၊ ၄၃၃ တောင်ကြားတွင် အကြမ်းဖက်စစ်တပ် ခြေလျင်စစ်ကြောင်း မိုင်းဆွဲတိုက်ခိုက်ခံရပြီး ထိခိုက်သေဆုံးမှုရှိကြောင်း ဒေသတွင်း သတင်းရင်းမြစ်ထံမှ သိရသည်။

ယနေ့မေလ ၁၇ ရက် နံနက် ၉ နာရီခန့်က တနင်္သာရီမြို့နယ်အတွင်း ဖုန်း၊ အင်တာနက်လိုင်းများ ဖြတ်တောက်ပြီး တနင်္သာရီမြို့နယ်၊ ဘန်းလမွတ်ရွာဘက်မှ ရမ်းဖိုရွာဘက်သို့ ခြေလျင်စစ်ကြောင်းထိုး လာစဉ် ၄၃၃ တောင်ကြားအရောက် မိုင်းဆွဲတိုက်ခိုက်ခဲ့ရာ အကြမ်းဖက်စစ်သား ၁၀ ဦးထက်မနည်း ထိခိုက်ဒဏ်ရာရရှိခဲ့ကြောင်း သိရသည်။

အလားတူ ယနေ့ မေလ ၁၇ ရက် နံနက် ၈ နာရီခန့်ကလည်း သကျက်ရွာဘက်ကနေ သိန္ဓောရွာဘက်သို့ တက်လာသော အကြမ်းဖက် စစ်တပ်ခြေလျင်စစ်ကြောင်းကို ဘန်းပြည့်ကျေးရွာ အနောက်ဘက် အင်း ချောင်း၌ ပြည်သူ့ကာကွယ်ရေးပူးပေါင်းတပ်ဖွဲ့မှ တိုက်ခိုက်ခဲ့သည်ဟု ဆိုသည်။

တနင်္သာရီမြို့နယ်၊ လယ်သစ်ကျေးရွာအုပ်စု၊ တကူကျေးရွာအုပ်စုနှင့် ဘန်းလမွတ်ကျေးရွာအုပ်စုများတွင် အင်တာနက်ဖုန်းလိုင်းများ ဖြတ်တောက်ထားပြီး စစ်ကြောင်းထိုးနေခြင်းဖြစ်ကြောင်း သိရသည်။

ပေါက်မြို့နယ်တွင် မုန်တိုင်းကြောင့် ပြိုကျပျက်စီးခဲ့သည့် စစ်ရှောင်တဲများကို PRF တပ်ဖွဲ့မှ ရဲဘော်များက ပြန်လည် ရှင်းလင်း တည်ဆောက်ပေး

 ပေါက်မြို့နယ်တွင် မုန်တိုင်းကြောင့် ပြိုကျပျက်စီးခဲ့သည့် စစ်ရှောင်တဲများကို PRF တပ်ဖွဲ့မှ ရဲဘော်များက ပြန်လည် ရှင်းလင်း တည်ဆောက်ပေး 

ရန်ကုန်၊ မေ ၁၇

မကွေးတိုင်း ပေါက်မြို့နယ်တွင် မေလ ၁၄ ရက်နေ့က တိုက်ခတ်ခဲ့သည့် မိုခါမုန်တိုင်းကြောင့် စစ်ဘေးရှောင်များ၏ ယာယီတဲများ ပြိုကျပျက်စီးဆုံးရှုံးရမှုကို ပြည်သူ့တော်လှန်ရေးတပ်ဦး - PRF မှ ရဲဘော်များမှ ဝိုင်းဝန်းကူညီရှင်းလင်း ပြန်လည် တည်ဆောက်ပေးခဲ့ကြောင်း ပြည်သူ့တော်လှန်ရေးတပ်ဦး-PRF မှ ရန်ကုန်ခေတ်သစ်သတင်းဌာနသို့ပြောကြားသည်။ 

ဒေသပြည်သူများသည် အကြမ်းဖက်စစ်တပ်၏ အင်အားအလုံးအရင်းဖြင့် စစ်ကြောင်းထိုးကာ ကျေးရွာများအတွင်း ဝင်ရောက်၍ မီးရှို့ဖျက်ဆီးမှုကြောင့် နေရပ်မှ ထွက်ပြေးတိမ်းရှောင် စစ်ဘေးရှောင်ကာ တောတောင်ထဲတွင် ယာယီနေအိမ်တဲတိုက်များ ဆောက်လုပ်နေထိုင်နေရခြင်း ဖြစ်ကြောင်း သိရှိရသည်။ 

“ နေအိမ် ၄၀ ၊ ၅၀လောက်ကူညီပေးဖြစ်ပါတယ်။ မိုခါမုန်တိုင်းကြောင့် ပြိုလဲပျက်စီးသွားတဲ့ အိုးအိမ်အဆောက်အအုံတွေကို ရှင်းလင်းပေးတာတွေ၊ အသုံးဆောင်ပစ္စည်းစုစည်း၊ ခွဲခြမ်းစိတ်ဖြာနေရာချပေးတာတွေ ပြုလုပ်ပေးနေပါတယ်။ နောက်ထပ် အဓိကတစ်ခုကတော့ လူထုရဲ့ စိတ်ပေါ့။‌ စစ်‌မီးဘေးသင့်လို့ စစ်ရှောင်နေရချိန်မှာပဲ အခုလို ရေဘေးသင့်တော့ ဒုက္ခမျိုးစုံကို ခါးစည်းခံ‌နေရတဲ့ အဖိနှိပ်ခံပြည်သူလူထု စိတ်ဓာတ်မကျအောင် အားပေးစကားပြောပြီး အလုပ်လုပ်ရင်း ကူညီပြီး နှစ်သိမ့်ပေးနေတာတွေလည်း လုပ်ဆောင်ခဲ့ကြပါတယ်” ဟု ပြည်သူ့တော်လှန်ရေးတပ်ဦး - PRF မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနသို့ ပြောကြားသည်။ 

မုန်တိုင်းကြောင့် စစ်ရှောင်ပြည်သူများ၏ ယာယီတဲများပြိုကျပျက်စီးရုံသာမက ဒေသထွက်စိုက်ပျိုးသီးနှံများ၊ သိုလှောင်ရိက္ခာအချို့နှင့် အသုံးအဆောင်ပစ္စည်းများစွာ ဆုံးရှုံးခဲ့ရကြောင်းလည်း သိရှိရသည်။ 

ပြည်သူ့တော်လှန်ရေးတပ်ဦး PRF မှ ရဲဘော်များအနေနှင့် ပြည်သူ့ ဒုက္ခ ကိုယ့်ဒုက္ခမှတ်ယူ၍ နိုင်ရာ ဝန်ထမ်းကာ ပြိုကျပျက်စီးသွားသည့် ပြည်သူ့နေအိမ်များကို ဝိုင်းဝန်းရှင်းလင်း ကူညီပေးခဲ့ကြခြင်းဖြစ်ကြောင်းလည်း ပြည်သူ့တော်လှန်ရေးတပ်ဦး - PRF မှ ပြောကြားသည်။ 

“ အကြမ်းဖက်စစ်တပ်က စစ်ကြောင်းထိုးတဲ့အခါမှာ နေအိမ်တွေ မီးရှို့ဖျက်ဆီးခံခဲ့ရလို့ ဘေးလွတ်ရာ တိမ်းရှောင်‌နေရသလို စစ်မီးအကြွင်းအကျန် ကျန်ရှိတာလေးနဲ့ ရပ်တည်နေထိုင်နေကြတာကိုမှ အခုလို မိုခါ လေဘေးရိုက်ခတ်ခံရတော့ ဒီဒေသက ပြည်သူလူထုအနေနဲ့ လူရောကိုယ်ပါဒုက္ခမျိုးစုံ ခံစားနေရပါတယ်”ဟု ပြည်သူ့တော်လှန်ရေးတပ်ဦး - PRF မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနသို့ ပြောကြားသည်။ 

အကြမ်းဖက်စစ်ကောင်စီ၏ စစ်ကြောင်းထိုးကာ နေအိမ်များကို မကြာခဏ မီးရှို့မှုကြောင့် စစ်ဘေးသင့်ခဲ့ရပြီး မုန်တိုင်းကြောင့်လည်း ရေဘေး လေဘေးသင့်ခဲ့ရသည့် ပြည်သူများမှာ လူဦးရေ ၈၀၀ ဝန်းကျင် ရှိပြီး အိမ်ခြေ ၁၀၀ ကျော်လောက် အခက်အခဲတွေ့နေရခြင်းဖြစ်ကြောင်း ပြည်သူ့တော်လှန်ရေးတပ်ဦး - PRF ထံမှ သိရှိရသည်။