ပျော်ဘွယ်မြို့နယ်၊ ဒီးဒုတ်ကုန်းကျေးရွာမှ စစ်မှုထမ်းဆင့်ခေါ်ရေးနှင့် စစ်သားစုဆောင်းနေသူ အုပ်ချုပ်ရေးမှူး စိုးတင့်နှင့် ပေါင်းတည်မှ ပျူစောထီး နိုင်ကြီးတို့ ပစ်ခတ်ခံရပြီး သေဆုံး

 ပျော်ဘွယ်မြို့နယ်၊ ဒီးဒုတ်ကုန်းကျေးရွာမှ စစ်မှုထမ်းဆင့်ခေါ်ရေးနှင့် စစ်သားစုဆောင်းနေသူ အုပ်ချုပ်ရေးမှူး စိုးတင့်နှင့် ပေါင်းတည်မှ ပျူစောထီး နိုင်ကြီးတို့ ပစ်ခတ်ခံရပြီး သေဆုံး

ရန်ကုန်၊ မတ် ၃၁ 

မန္တလေးတိုင်း၊ ပျော်ဘွယ်မြို့နယ်၊ ဒီးဒုတ်ကုန်းကျေးရွာတွင် စစ်မှုထမ်းဆင့်ခေါ်ရေးနှင့် စစ်သားစုဆောင်းရေး လုပ်ကိုင်နေသူ အုပ်ချုပ်ရေးမှူး စိုးတင်ံနှင့် ပဲခူးတိုင်း၊ ပေါင်းတည်မှ ပျူစောထီး နိုင်ကြီးတို့ ပစ်ခတ်ခံရပြီး သေဆုံးသွားကြောင်း ဒေသတော်လှန်ရေး သတင်းရင်းမြစ်နှင့် ပြည်သူများက ပြောဆိုကြသည်။ 

မတ်လ ၃၀ ရက်နေ့ မွန်းလွဲ ၃ နာရီအချိန် ပျော်ဘွယ်မြို့နယ် ဒီးဒုတ်ကုန်းကျေးရွာ အုပ်ချုပ်ရေး စိုးတင့်သည် သေနတ်ဖြင့် ၅ ချက် ပစ်ခတ်ခံရပြီး သေဆုံးသွားကြောင်း၊ ၎င်းသည် စစ်မှုထမ်း ဆင့်ခေါ်ရေးနှင့် စစ်သားစုဆောင်းရေးအတွက် လုပ်ဆောင်နေစဉ် ပစ်ခတ်ခံရပြီး သေဆုံးသွားခြင်းဖြစ်ကြောင်း သိရှိရသည်။ 

"စစ်သားစုဆောင်းရေး လုပ်နေတုန်း ပစ်ခတ်ခံရပြီး အုပ်ကြီးစိုးတင့်ဆုံးတယ်။ အရှင်းခံရမယ့်စာရင်းမှာ ပါနေတာက ၅ ဦးလို့ပြောတယ်။ ကျန်တဲ့သူတွေက တော့ ရှောင်သွားပါတယ်" ဟု ဒေသပြည်သူတစ်ဦးက ဆိုသည်။ 

အလားတူ မတ်လ ၃၀ ရက်နေ့ ညနေ ၅ နာရီအချိန် ပဲခူးတိုင်း၊ပြည်ခရိုင်၊ပေါင်းတည်မြို့နယ်၊သစ်ပုတ်အုပ်စု၊သစ်ပုတ်ရွာနေ အကြမ်းဖက်စစ်ကောင်စီဒေါက်တိုင် ပျူစောထီး နိုင်ကြီးသည် ချီတက်ရွာမှသစ်ပုတ်ရွာသို့လှည်းဖြင့်ပြန်လာစဉ် ပြည်ခရိုင်ပြည်သူ့ကာကွယ်ရေးတပ်မတော် ၃၆၀၁ PPDFတပ်ရင်း တပ်ခွဲ ၁ နှင့်တပ်ခွဲ ၅ တို့က သေနတ်ဖြင့် ပစ်ခတ်ရှင်းလင်းရာ နေရာတွင်ပင် ပွဲချင်းပြီးသေဆုံးသွားကြောင်း သိရှိရသည်။ 

ပျူစောထီး နိုင်ကြီးသည် ပြည်သူ့ကာကွယ်ရေးတပ်ဖွဲ့ဝင်များ၏ထောင်ထားသောမိုင်းကွင်းများကိုလိုက်လံချောင်း မြောင်း၍ မိုင်းကွင်းများရှိရာကိုရှောင်တိမ်းသွားလာနိုင်စေရန်လမ်းပြပေးခြင်း၊ရွာထဲတွင်ပြည်သူ့ကာကွယ်ရေးတပ်ဖွဲ့ဝင်များ၏မိသားစုများ နေထိုင်၍ မရအောင် စစ်တပ်ထံသို့ သတင်းပို့ခြင်း၊ ဖမ်ဆီး စစ်ဆေးခိုင်းခြင်း၊ ကျေးရွာအုပ်ချုပ်ရေးမှူးနှင့်အတူစစ်မှုထမ်းရန်ကျေးရွာအတွင်လူငယ်များကိုအတင်းအဓ္မခေါ်ယူစုဆောင်းပေးနေသူလည်းဖြစ်ကြောင်း သိရှိရသည်။

ဖာပွန်မြို့နယ်ရှိ ခလရ ၁၉ တပ်ရင်း နှင့် စစ်လက်နက်ပစ္စည်းတပ်ရင်း(စစန) ၆၄၂ တို့ကို KNLA နှင့် PDF ပူးပေါင်းတပ်များက တိုက်ခိုက် သိမ်းပိုက်၊ လက် နက်ခဲယမ်းအမြောက်အမြားရရှိထား

 ဖာပွန်မြို့နယ်ရှိ ခလရ ၁၉ တပ်ရင်း နှင့် စစ်လက်နက်ပစ္စည်းတပ်ရင်း(စစန) ၆၄၂ တို့ကို KNLA နှင့် PDF ပူးပေါင်းတပ်များက တိုက်ခိုက် သိမ်းပိုက်၊ လက် နက်ခဲယမ်းအမြောက်အမြားရရှိထား

ရန်ကုန်၊ မတ် ၃၁ 

ကရင်ပြည်နယ်၊ KNU တပ်မဟာ ၅ နယ်မြေ၊ ဖာပွန်မြို့နယ်ရှိ ခလရ ၁၉ တပ် ရင်းနှင့် စစ်လက်နက်ပစ္စည်းတပ်ရင်း(စစန) ၆၄၂ တို့ကို KNLA နှင့် PDF ပူး ပေါင်းတပ်များက တိုက်ခိုက် သိမ်းပိုက်ရရှိထားကြောင်း တော်လှန်ရေး သတင်းရင်းမြစ်က ပြောဆိုသည်။ 

မတ်လ ၂၉ ရက်နေ့တွင် ခလရ ၁၉ နှင့် စစန ၆၄၂ တပ်ရင်းတို့ကို တိုက်ခိုက်သိမ်းပိုက်ရရှိခြင်းဖြစ်ပြီး စစ် လက်နက်ပစ္စည်းအမြောက်အမြား သိမ်းဆည်းရရှိကြောင်း၊ မကြာမီ သတင်းများကို တရားဝင် သတင်းထုတ်ပြန်ရန်ရှိနေကြာင်း တော်လှန်ရေး သတင်းရင်းမြစ်က ပြောဆိုသည်။

မတ်လ ၁၉ ရက်နေ့မှ စတင်ကာ အကြမ်းဖက်စစ်တပ်၏ စဗခ(၁)ရတခ လက်အောက်ခံတပ်ရင်းစခန်းများ တည်ရှိသည့် မယ်တရိုး၊ ဝေနောင်၊ တံခွန်တိုင်နှင့် ဝေဆာ၏ ကူးလူးဆက်သွယ်ရေးလမ်းများအားလုံးကို ပိတ်ဆို့ ဖြတ်တောက်လိုက်ခြင်း ဖြစ်ပြီး ကရင်အမျိုးသားလွတ်မြောက်ရေးတပ်မတော်နှင့် တော်လှန်ရေးပူးပေါင်းတပ်ဖွဲ့များ ပူးပေါင်းလုပ်ဆောင်ခဲ့ခြင်းဖြစ်ကြောင်း၊ မတ်လ ၂၈ ရက်နေ့တွင် ဖာပွန်မြို့ကို KNLA ၊ PDF အပါအဝင် တော်လှန်ရေး မဟာမိတ်တပ်များက သိမ်းပိုက်ထိန်းချုပ်လိုက်ပြီး မြို့ထဲတွင် စစ်ကောင်စီတပ်ဖွဲ့ဝင်များ လုံး၀ မရှိတော့ကြောင်း သိရှိရသည်။ 

ကရင်ပြည်နယ် ဖာပွန်မြို့ရှိ အကြမ်းဖက်စစ်တပ်၏ စစ်ဗျူဟာအခြေချ စဗခ (၁) ရတခ လက် အောက်ခံတပ်ရင်းစခန်းများ အားလုံး တည်ရှိ ကူးလူးသွားလာရာလမ်းများကို KNU တပ်မဟာ ၅ နှင့် တော် လှန်ရေးတပ်များအားလုံးက ဝိုင်း ဝန်း ပိတ်ဆို့ဖြတ်တောက်ထားကြောင်း KNU တပ်မဟာ ၅ က မတ်လ ၂၄ ရက်နေ့တွင် ကြေညာခဲ့သည်။

ကချင် တန်ပြန် ထိုးစစ် (၁)

 ကချင် တန်ပြန် ထိုးစစ် (၁)

မတ်လ (၇) ရက်နေ့ မနက်လင်းအားကြီးချိန် လိုင်ဇာဒေသမှာပေါ်ထွက်လာတဲ့ ဒရုန်းသံဟာ ကချင်လွတ်လပ်ရေး တပ်မတော် (KIA) နဲ့ ကချင်လူထုအတွက် သမိုင်းသစ်ကို ဆောင်ယူလာခဲ့တယ်။ အဲဒီနေ့ မနက်ပိုင်းမှာပဲ KIA ဌာနချုပ် လိုင်ဇာ နားက အဓိက စစ်စခန်းတွေ၊ ဗန်းမော်-မြစ်ကြီးနား တလျှောက်က စစ်စခန်းတွေ၊ ဖားကန့်၊ ဆွမ်ပရာဘွမ် နဲ့ ကချင် ဒေသ အသီးသီး စစ်စခန်းတွေကို KIA ပူးပေါင်း တပ်တွေက တပြိုက်နက်နီး ပါးဝင်ရောက် တိုက်ခိုက်ခဲ့ပါတယ်။ ၂၀၂၃ ခုနစ် ဇွန်လက စတင်တဲ့ လိုင်ဇာ ဒေသ ထိုးဖောက်ရေး အကြမ်းဖက် စစ်တပ်ရဲ့ စစ်ဆင်ရေး ကျရှံးသွားပြီးနောက် ယခုလို တန်ပြန်ထိုးစစ် ပေါ်ပေါက်လာခြင်းဖြစ်ပါတယ်။ ဒီထိုးစစ် နဲ့ ကချင်တန်ပြန် ထိုးစစ်ကြားမှာ ရှမ်းမြောက် ဒေသ နဲ့ မံစီ ဒေသ က ဗျူဟာကျတဲ့ စစ်စခန်းများစွာကို ကချင်လွတ်လပ်ရေး တပ်မတော်က သိမ်းပိုက်တာ၊ ဝိုင်းပတ် ပိတ်ဆို့ထားတာတွေ လုပ်ဆောင်ခဲ့ပါတယ်။ ကချင်တန်ပြန်ထိုးစစ် ကို လက်တလော စစ်ရေး အခြေအနေ နဲ့ မဟာဗျူဟာ တခုလုံး ပြန်လည် သုံးသပ်ခြင်းဆိုပြီး ၂ ပိုင်း ခွဲကြည့်နိုင်တယ်။

လတ်တလော စစ်ရေး အခြေအနေ

KIA စစ်ဌာနချုပ် လိုင်ဇာကို လက်နက်ကြီးတကမ်းကနေ ခြိမ်းခြောက်နေတဲ့ စစ်တပ်စခန်း အားလုံးကို သိမ်းပိုက်လိုက်ပြီးဖြစ်သလို မြစ်ကြီးနား-ဗန်းမော် ကားလမ်းပေါ်က တပ်ရင်း ဌာနချုပ်တွေ ကိုလဲ သိမ်းပိုက်နိုင်လိုက်ပြီ ဖြစ်ပါတယ်။ လိုင်ဇာဒေသမှာ စစ်တပ် ကင်းစင်သွားပြီ ဖြစ်ပြီး ဗန်းမော်မြို့ ကိုလဲ အရပ်လေးမျက်နှာက ပိတ်ဆို့နိုင်လိုက်ပြီလို့ ပြောလို့ရပါတယ်။ မတ်လ (၇) မနက်ပိုင်းက စတင်ပြီး မိုးမောက်၊ ဝိုင်းမော် မြို့နယ်ထဲမှာ ရှိတဲ့ စစ်စခန်း (၁၂) နေရာကို KIA တပ်ပေါင်းစုက တပြိုက်နက် ဝင်ရောက် တိုက်ခိုက်ပြီး ကချင် ဒေသ တန်ပြန် ထိုးစစ် စတင်ခဲ့ပါတယ်။ အဲဒီလို တိုက်ခိုက်နေမှု နဲ့ တပြိုင်နက်မှာ လိုင်ဇာ နဲ့ အနီးဆုံး လေတပ်စခန်းတွေဖြစ်တဲ့ မြစ်ကြီးနား နမ့်ပေါင် လေတပ် နဲ့ ဗန်းမော် မြို့ လေယာဉ်ကွင်း တွေကို KIA နဲ့ KPDF တပ်ဖွဲ့တွေ က ဒုံးကျည်တွေနဲ့ သွားရောက်ပစ်ခတ်ခဲ့ပါတယ်။ စစ်ဆင်ရေးစတင်ပြီး နောက်တရက် ဖြစ်တဲ့ မတ်လ (၈) ရက်နေ့မှာ မိုးမောက်မြို့နယ်၊ ဒေါ့ဖုန်းယန် ဒေသ က ခလရ (၁၄၂) တပ်ရင်း တခု လုံး အင်အား (၁၀၀) နီးပါး၊ မိသားစုဝင် (၁၀၀) ခန့် နဲ့ အတူ လက်နက်ချခဲ့ပါတယ်။ ဒါဟာ ကချင်ဒေသတွင်း ပထမဆုံး တပ်ရင်းလိုက် လက်နက်ချမှု အဖြစ် မှတ်တမ်းဝင်ခဲ့ပါတယ်။ မတ်လ (၉) ရက်နေ့မှာ လိုင်ဇာ ကို လက်နက်ကြီးနဲ့ မကြာခဏ ပစ်ခတ်ခြိမ်းခြောက်လက်ရှိတဲ့ ခါယာ တောင်စစ်စခန်းကို သိမ်းပိုက်နိုင်ခဲ့ပြီး လဂျားယန်ရွာကနေ လိုင်ဇာမြို့ အဝင် Masen Kawng စစ်စခန်းကိုလဲ သိမ်းပိုက်နိုင်လိုက်ပါတယ်။ အဲဒီ စခန်းဟာ လိုင်ဇာ မြို့အဝင် မုဒ်ဦး အကျော်လေးမှာ ရှိပြီး ၂၀၁၁ တကျော့ပြန် စစ်ပွဲအပြီးမှာ စခန်းကျထားခဲ့ကာ ဖြစ်ကာ ၂၀၂၄ ခုနစ် တန်ပြန်ထိုးစစ်မှာ ပြန်လည် သိမ်းပိုက်နိုင်လိုက်ပြီဖြစ်ပါတယ်။

တပ်မ (၈၈) တပ်မမှူး ကိုယ်တိုင် စခန်းထိုင်တယ်လို့ သတင်းပေါ်ထွက်နေတဲ့ ဘွမ်ရယ်ဘွမ် တပ်စခန်းကို မတ်လ (၁၅) ရက်နေ့မှာ သိမ်းပိုက်နိုင်ခဲ့ပါတယ်။ ခါယာစခန်း၊ ဖွန်းပျန်ဘွမ် စခန်းတွေကနေ ဆုတ်ခွာလာတဲ့ စစ်သား အများအပြား ဘွမ်ရယ်ဘွမ် စခန်းမှာ သွားရောက် စခန်းချခဲ့ကြပြီး ဘွမ်ရယ်ဘွမ်စခန်းကို သိမ်းပြီးတဲ့ အချိန်မှာ လိုင်ဇာအနီးက စစ်တပ်စခန်း အကြီးအားလုံး ကုန်စင်သွားပြီဖြစ်ပါတယ်။ ဘွမ်ရယ်စခန်းကို အမျိုးသားညီညွတ်ရေးအစိုးရ ကာကွယ်ရေးဝန်ကြီး ဦးရည်မွန် နဲ့ ကချင်လွတ်လပ်ရေး တပ်မတော် စစ်ဦးစီးချုပ် ဒုဗိုလ်ချုပ်ကြီး ခေါင်လွန်း (အမှတ် ၁ စစ်ဒေသမှူး) တို့ သွားရောက် စစ်ဆေးနေတဲ့ ပုံတွေ မတ်လ (၂၀) ရက်နေ့မှာ ကာကွယ်ရေး ဝန်ကြီးဌာနက ထုတ်ပြန်ခဲ့ပြီး သိမ်းပိုက်ရရှိတဲ့စခန်းတွင်း အမြောက်ကြီးတွေပါ တပ်ဆင်ထားတာ တွေ့ရှိရပါတယ်။ မတ်လ (၂၁) ရက်နေ့မှာ KIO/KIA ဌာချုပ်ဟောင်း ဖြစ်ပြီး လက်ရှိ မှာ စစ်တပ် အင်အား (၁၅၀) နဲ့ တပ်စွဲထားတဲ့ ပါဂျိုနားဖော့ စစ်စခန်းကို သိမ်းပိုက်နိုင်လိုက်ပါတယ်။ အဲဒါ ဌာနချုပ်နေရာဟာ ၁၉၈၆-၈၇ ခုနစ်တွေမှာ သိမ်းပိုက်ခံခဲ့ရတာဖြစ်ပြီး ၂၀၂၄ ခုနစ်မှာ ပြန်လည် သိမ်းယူနိုင်လိုက်ပြီ ဖြစ်ပါတယ်။

လိုင်ဇာ တောင်ပေါ်ဒေသမှာရှိတဲ့ စစ်စခန်းတွေကို သိမ်းယူလိုက်သလို လိုင်ဇာအနီး မြေပြန့် ဒေသ ကနေ ဝိုင်းပတ်ထားတဲ့ စစ်တပ် တပ်ရင်းဌာနချုပ်တွေကိုလဲ KIA နဲ့ ပူးပေါင်းတပ်တွေက တန်ပြန်ထိုးစစ်တွင်း တိုက်ခိုက် သိမ်းပိုက်လျက်ရှိပါတယ်။ မိုးမောက်မြို့ နဲ့ (၁၂) မိုင်အကွာ မှာ ရှိတဲ့ စကခ (၂၁) လက်အောက်ခံ ခလရ (၂၃၇) တပ်ရင်းကို မတ်လ (၁၄) ရက်နေ့မှာ သိမ်းယူလိုက်ပြီး လက်နက်မျိုးစုံ (၁၀၀) ကျော်သိမ်းယူနိုင်လိုက်ပါတယ်။ မြစ်ကြီးနား-ဗန်းမော် ကားလမ်း နွယ်လန့် ရှိ ခမရ (၄၃၈) တပ်ရင်း ကို မတ်လ (၂၁) ရက်နေ့၊ နွယ်လန့်ရှိ အမှတ် (၆၁၆) ဒုံးတပ်ရင်းဌာနချုပ်ကို မတ်လ (၂၁) ရက်နေ့၊ မိုးမောက်မြို့နယ်ရှိ အမြောက်တပ် အမတ (၃၇၀) ကို မတ်လ (၂၂) ရက်နေ့တို့တွင် သိမ်းပိုက်နိုင်ခဲ့ပါတယ်။ မိုးမောက် မြို့နယ်၊ မြို့သစ်မှာရှိတဲ့ ခမရ (၃၂၀) နဲ့ ခမရ (၃၈၇) တပ်ရင်းဌာနချုပ်ကို မတ်လ (၂၆) ရက်နေ့မှာ သိမ်းယူနိုင်ခဲ့ပါတယ်။ မြို့သစ်မှာ ရှိတဲ့ တပ်ရင်းဌာနချုပ် လေးခု ဖြစ်တဲ့ ခမရ (၃၂၀)၊ ခမရ (၃၈၇)၊ ခမရ (၄၃၈) နဲ့ အမတ (၃၇၀) လေးခု လုံးကို KIA ပူးပေါင်း တပ်ဖွဲ့က သိမ်းပိုက်နိုင်လိုက်ပြီ ဖြစ်ပါတယ်။ စကခ (၂၁) အခြေစိုက်တဲ့ ဗန်းမော် မြို့ နဲ့ မြို့သစ် မြို့ဟာ (၁၃) မိုင်လောက်ပဲ ကွာဝေးပြီး အဲဒီ က တပ်ရင်း ဌာနချုပ်တွေပါ သိမ်းပိုက်ခံထားရတာ ဖြစ်ပါတယ်။ လိုင်ဇာ မြို့ ပတ်ခြာလည်က စစ်စခန်း နဲ့ မြေပြန့်မှာ ရှိတဲ့ စစ်တပ်ရင်းဌာနချုပ်တွေကို တိုက်ခိုက်နေသလို ဧရာဝတီမြစ် အနောက်ဘက်ကမ်းမှာ ရှိတဲ့ ဆင်ဘိုမြို့ အနီးက ခလရ (၁၄၁) စစ်စခန်းကိုလည်း ပူးပေါင်းတပ်ဖွဲ့တွေက တိုက်ခိုက်လျက်ရှိပါတယ်။ ဝိုင်းမော်မြို့ အထွက် ရွှေညောင်ပင် ကနေ ဗန်းမော် မြို့ နားမှာရှိတဲ့ စစ်တပ်စခန်း နဲ့ တပ်ရင်းဌာနချုပ်တွေ အကုန်လုံး နီးပါးလောက်ကို မတ်လ နှောင်းပိုင်းမှာ KIA ပူးပေါင်း တပ်ဖွဲ့တွေက သိမ်းပိုက်နိုင်လိုက်ပြီ ဖြစ်ပါတယ်။

လိုင်ဇာ အနီးပတ်ခြာလည် စခန်းတွေ သိမ်းပိုက်ပြီးတဲ့နောက် မှာ မိုင်ဂျာယန်၊ စိန်လုံ နဲ့ ဗန်းမော် ကြား တိုက်ပွဲတွေ စတင်လာပါတယ်။ ဗန်းမော် နဲ့ မိုင်ဂျာယန်၊ လွယ်ဂျယ်ကြား တိုက်ပွဲတွေ မစတင်ခင်က‌နေ ဗန်းမော် မြို့ တောင်ဘက်က စစ်စခန်းကြီးတွေကို KIA ပူးပေါင်း တပ်ဖွဲ့တွေ တစတစ သိမ်းယူထားပြီး ဖြစ်ပါတယ်။ မတ်လ နှောင်းမှာ ပေါ်ပေါက်လာတဲ့ စစ်ရေးအခြေအနေ ကတော့ ဗန်းမော် မြို့ကို အဘက်ဘက်က ဝန်းရံ ပိတ်ဆို့လိုက်တဲ့ ပုံ ပေါ်လာပါတယ်။ မိုးမောက်-လွယ်ဂျယ် လမ်း၊ စိန်လုံတောင် နားက စစ်တပ်စခန်း (၄) ခု ကို မတ်လ (၂၇) ရက်နေ့ မနက်ပိုင်း က စတင်ပြီး KIA ပူးပေါင်း တပ်က တိုက်ခိုက်ဟာ ဗန်းမော်-လွယ်ဂျယ်-မိုင်ဂျာယန် စစ်မျက်နှာ စတင် ပေါ်ထွက်လာပါတယ်။ ယော်ယုံ၊ ရှန်တိုင်၊ ဖာလန်င်း နဲ့ ဘန်ယောင် စစ်စခန်းတွေမှာ တိုက်ပွဲ ဖြစ်ပွားနေပြီး ယောယုံ စခန်းကို မတ်လ (၂၈) ရက်နေ့မှာ သိမ်းယူနိုင်လိုက်ပါတယ်။ ဒီတိုက်ပွဲတွေဟာ မိုးမောက်၊ လွယ်ဂျယ်ဒေသမှာ ကချင် တန်ပြန်ထိုးစစ် နဲ့ အတူ ပေါ်ထွက်လာတဲ့ တိုက်ပွဲတွေ ဖြစ်ပါတယ်။ အဲဒီ မတိုင်ခင်ကတော့ ဗန်းမော် မြို့ အောက်ဘက် ဒေသတွေ ဖြစ်တဲ့ မံစီ မြို့နယ် ထဲက အရေးကြီး စစ်စခန်းတွေဖြစ်တဲ့ ကိုက်ထိပ်စခန်း၊ စီခမ်းကြီးစခန်း နဲ့ နမ့်ခမ်း မြို့နားက မံဝိန်းကြီး တို့ကို သိမ်းယူထားပြီး ဖြစ်ပါတယ်။ 

မံစီမြို့နယ်ထဲက ကိုက်ထိပ်စခန်းကို ဇန်နဝါရီ ၂၉ ရက်နေ့၊ အင်အား ၂၀၀ ကျော်တပ်စွဲထားတဲ့ စီခမ်းကြီး (ဂျယ်ခမ်း) ဗျူဟာ စခန်းကို ဖေဖော်ဝါရီလ (၁၉) ရက်နေ့၊ မံဝိန်းကြီး ကောင်းခန် အထိုင်စခန်း ကို ဇန်ဇဝါရီလ (၂၁) ရက်နေ့မှာ သိမ်းယူနိုင်လိုက်ပါတယ်။ မံစီ မြို့အောက်မှာ ရှိတဲ့ မဘိန်း မြို့ကို ဇန်နဝါရီလ (၂၁) ရက်နေ့ကတည်းက KIA နဲ့ ပူးပေါင်းတပ်တွေ သိမ်းပိုက်လိုက်ပြီးဖြစ်ပါတယ်။ အဲဒီ သိမ်းပိုက်မှုတွေကို ကြည့်ရင် ဗန်းမော်မြို့ဟာ မြောက်ဘက် လိုင်ဇာခြမ်း၊ အနောက်ဘက် လွယ်ဂျယ်၊ စိန်လုံဘက်ခြမ်း၊ တောင်ဘက် မံစီ ဘက်ခြမ်း တို့မှာ ဝန်းရံ ပိတ်ဆို့ခံလာရပြီး အရှေ့ဘက် ရွှေကူ မြို့နယ်ဘက်မှာပဲ လမ်းပွင့်နေတာ တွေ့နိုင်ပါတယ်။ KIA ပူးပေါင်းတပ်တွေရဲ့ တဖြည်းဖြည်းကွက်ပြည့်လာတဲ့ ပိတ်ဆို့မှု မဟာဗျူဟာအောက်မှာ စကခ (၂၁) နဲ့ ဗန်းမော် မြို့စောင့် တပ် လက်နက်ချ အညံ့ခံမလား၊ အသေခံ တိုက်မလား စောင့်ကြည့်ရပါမယ်။ 

လက်ရှိ ရေးသားမှုတွေဟာ လိုင်ဇာ နဲ့ ဗန်းမော် စစ်မျက်နှာကိုသာ ရေးသားမှု ကချင် ပြည်နယ်၊ စစ်ကိုင်းတိုင်း ဒေသတွေ မှာ တပြိုင်နက်နီးပါး ပေါ်ပေါက်ခဲ့တဲ့ စစ်ရေးလှုပ်ရှားမှုတွေကို ဖော်ပြထားခြင်း မရှိသေးပါဘူး။ ကချင်တန်ပြန်ထိုးစစ် နဲ့ မရှေးမနှောင်း မတ်လ (၂) ရက်နေ့ ကနေ (၁၂) ရက်နေ့ထိ မုံရွာ အနောက်မြောက်တိုင်း စစ်ဌာနချုပ် နားက ကနီ မြို့ကို ပြည်သူ့ကာကွယ်ရေး တပ်မတော် နဲ့ ပူးပေါင်း တပ်တွေ မြို့သိမ်းတိုက်ပွဲအဖြစ် ဝင်ရောက် တိုက်ခိုက်ပြီး ဆုတ်ခွာခဲ့ပါတယ်။ ကနီမြို့သိမ်း တိုက်ပွဲ ဟာ ကချင် တန်ပြန် ထိုးစစ် နဲ့ ချိတ်ဆက်မှု ရှိ မရှိ ဆိုတာ ရှင်းလင်းစွာ မသိရှိရသေးပေမယ့် အမှတ် (၁) စစ်ဒေသ နဲ့ KIA ကြားမှာတော့ အနီးကပ် ပူးပေါင်း လုပ်ဆောင်မှုတွေ ရှိပါတယ်။ ယင်းမာပင် ခရိုင်၊ ပုလဲ မြို့ပေါ်မှာရှိတဲ စစ်ရေးပစ်မှတ်တွေကို ယင်းမာပင် ခရိုင် တပ်ရင်း (၁၁)၊ ယင်းမာပင် ခရိုင် တပ်ရင်း (၁၂)၊ ပခုက္ကူ ခရိုင် အမှတ် (၁၅) တပ်ရင်း နဲ့ ဒေသခံ ကာကွယ်ရေး တပ်တွေ မတ်လ (၂၇) ရက်နေ့မျာ ပူးပေါင်း တိုက်ခိုက်ခဲ့ပါတယ်။ ကချင် ပြည်နယ်တွင်းမှာဆိုရင်လဲ ဖားကန့် မြို့ အနီးပတ်ခြာလည်က အရေးကြီး စစ်စခန်းတွေ၊ မြစ်ကြီးနား-ပူတာအို ကားလမ်း ကြားမှာရှိတဲ့ ဆွမ်ပရာဘွမ် မြို့ တို့ကို KIA က အဓိက ထား တိုက်ခိုက်ခဲ့တာတွေ့ရပြီး ကျန် ဒေသတွေမှာလဲ တိုက်ခိုက်မှုတွေ ပေါ်ပေါက်ခဲ့ပါတယ်။ 

ဒီ ဖြစ်စဉ်တွေကို ကြည့်မယ်ဆိုရင် ဌာနချုပ် လိုင်ဇာကို အနီးကပ် ခြိမ်းခြောက်နေတဲ့ စစ်စခန်းတွေ၊ ဗန်းမော် မြို့ နားက အချက်အခြာ စစ်စခန်းတွေ ကို တိုက်ခိုက်သိမ်းပိုက်လိုက်ပြီး ဖားကန့်၊ ဆွမ်ပရာဘွမ် နဲ့ စစ်ကိုင်းတိုင်း ဘက်မှာလဲ ဟန်ချက်ညီ စစ်ဆင်တိုက်ခိုက်မှုတွေ လုပ်ဆောင်လျက်ရှိတာ ကချင် တန်ပြန် ထိုးစစ် မှာ တွေ့ရပါတယ်။ 

စစ်တပ် အနေနဲ့ တပ်ရင်းဌာနချုပ်စခန်း၊ အမြောက်တပ်ရင်း၊ ဒုံးတပ်ရင်း၊ လေတပ်စခန်းတွေ တိုက်ခိုက် သိမ်းပိုက်ခံခဲ့ရပြီး ဒီလောက်များပြား တဲ့ လူအင်အားစုဖွဲ့မှု သတင်းကို ကြိုတင် မရရှိတာ၊ စစ်ဆင်ရေး ပြီးနောက် ပေါ်ထွက်လာတဲ့ တိုက်စစ်ကို တန်ပြန်ဖို့ အရန် အင်အား မရှိတာ၊ လေကြောင်း ပစ်ကူ ကို ထိထိရောက်ရောက် မပေးနိုင်တာ၊ တိုက်စွမ်းရည် မရှိတာ စတဲ့ အားနည်းချက်တွေပေါ်ထွက်လာပါတယ်။ ကချင်လွတ်လပ်ရေး တပ်မတော် နဲ့ ပူးပေါင်း တပ်တွေဘက်ကို ကြည့်ရင် အခိုင်အမာ စခန်းကြီးတွေကို တောင်တန်း နဲ့ မြေပြန့် ဒေသ၊ ဆက်သွယ်ရေး လမ်းမကြီးတွေ အနီးမှာပါ သိမ်းပိုက်နိုင်ခဲ့ပြီး စစ်ဆင်တိုက်ခိုက်မှုကို အလျင်အမြန် လုပ်ဆောင်နိုင်တာ၊ လိုအပ်တဲ့ အင်အား နဲ့ လက်နက်စုဖွဲ့မှု ကောင်းမွန်တာ ကို တွေ့ရှိရပါတယ်။ သေချာတာကတော့ ဗန်းမော်-မြစ်ကြီးနား ကားလမ်း ဧရာဝတီမြစ် အရှေ့ခြမ်းမှာ ခိုင်မာအားကောင်းတဲ့ လွတ်မြောက် ဒေသ တခု မကြာခင် ပေါ်ထွက်လာတော့မှာပါ။

လက်ရှိစစ်ရေးအခြေအနေကို ခြုံငုံသုံးသပ်နိုင်ဖို့ PDF Insight ကို ဖတ်ရှုပါ။

#PDFInsight

ပုဏ္ဏားကျွန်း ခမရ ၅၅၀ တပ်ရင်းမှ ဗျူဟာမှူး ဗိုလ်မှူးကြီး မျိုးမင်းကိုကို နှင့်ဗိုလ်မှူးစောထွေး၊ ခလရ ၂၀၈ တပ်ရင်းမှူး ဒုဗိုလ်မှူးကြီးဖြိုးသူအောင် အပါအဝင် စစ်သား ၂၀ ကျော်ကို အသေဖမ်းဆီးရရှိ

 ပုဏ္ဏားကျွန်း ခမရ ၅၅၀ တပ်ရင်းမှ ဗျူဟာမှူး ဗိုလ်မှူးကြီး မျိုးမင်းကိုကို နှင့်ဗိုလ်မှူးစောထွေး၊ ခလရ ၂၀၈ တပ်ရင်းမှူး ဒုဗိုလ်မှူးကြီးဖြိုးသူအောင် အပါအဝင် စစ်သား ၂၀ ကျော်ကို အသေဖမ်းဆီးရရှိ

ရန်ကုန်၊ မတ် ၃၀ 

ရက္ခိုင်ပြည်၊ ပုဏ္ဏားကျွန်းမြို့နယ်၊ ခမရ ၅၅၀ တပ်ရင်းမှ ဗျူဟာမှူး ဗိုလ်မှူးကြီး မျိုးမင်းကိုကိုနှင့် ဗိုလ်မှူးစောထွေး၊ ခလရ ၂၀၈ မှ တပ်ရင်းမှူး ဒုတိယဗိုလ်မှူးကြီး ဖြိုးသူအောင် အပါအဝင် ထွက်ပြေးသည့် စစ်သား ၂၀ ကျော်ကို အသေဖမ်းဆီးရရှိကြောင်း AA သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ 

မတ်လ ၄ ရက်နေ့တွင် ရက္ခိုင်ပြည်၊ ပုဏ္ဏားကျွန်းမြို့၊ ခမရ ၅၅၀ တပ်ရင်းမှ ဗျူဟာမှူးအပါဝင် အကြမ်းဖက်စစ်ကောင်စီတပ်ဖွဲ့ဝင် ၅၀ ကျော်သည် လက်နက်ချ အညံ့မခံဘဲထွက်ပြေးသောကြောင့် ရက္ခိုင့်တပ်တော်AA က လိုက်လံတိုက်ခိုက်ချေမှုန်းခဲ့ကြောင်း သိရှိရသည်။  

လက်နက်ချ အညံ့မခံဘဲ ထွက်ပြေးနေသော စစ်တပ်စစ်ကြောင်းက လက်နက်ကြီးပစ်ကူတောင်းရာ စစ်ကောင်စီ၏ စစ်တွေ ဒကစ နှင့် ရေတပ်က လက်နက်ကြီးများဖြင့် ပစ်ကူပေးကြောင်း၊ အဆိုပါ လက်နက်ကြီး ကျည်များသည် လယ်ကွင်းအတွင်းတွင် ကျရောက်ပေါက်ကွဲ မီးလောင်ခဲ့ပြီး ရေပေါက်ချောင်း နှင့် တန်းစွယ်ရွာအကြားတွင် ခမရ ၅၅၀ တပ်ရင်းမှ ဗျူဟာမှူး ဗိုလ်မှူးကြီး မျိုးမင်းကိုကို (နပခဗျူဟာ-၃၊ DSA-42) နှင့် ဗိုလ်မှူးစောထွး၊ ခလရ ၂၀၈ တပ်ရင်း၊ တပ်ရင်းမှူး ဒု-ဗိုလ်မှူးကြီး ဖြိုးသူအောင် တို့အပါအဝင် သေဆုံးနေသော စစ်ကောင်စီတပ်ဖွဲ့ဝင် ၂၀ ကျော်အလောင်းများ ရရှိခဲ့ကြောင်း၊ အချို့ကို အရှင်လက်ရဖမ်းဆီးရမိခဲ့ကြောင်း သိရှိရသည်။ 

မတ်လ ၄ ရက်နေ့တွင် ပုဏ္ဏားကျွန်းမြို့ရှိ “ခမရ ၅၅၀ ” ကို AA က အပြီးသတ်သိမ်းပိုက်နိုင်ခဲ့ကာ ပုဏ္ဏားကျွန်းမြို့နယ်တစ်ခုလုံးကို သိမ်းပိုက်နိုင်ပြီဖြစ်ကြောင်း ကြေညာခဲ့သည်။

လွယ်ဂျယ်မြို့ကို KIA ယနေ့ ဝိုင်းပတ်ပိတ်ဆို့ထားပြီးစစ်ကောင်စီနှင့် ဝန်ထမ်းများထွက်ခွာခွင့် တစ်ရက် အချိန်ပေး

 လွယ်ဂျယ်မြို့ကို KIA ယနေ့ ဝိုင်းပတ်ပိတ်ဆို့ထားပြီးစစ်ကောင်စီနှင့် ဝန်ထမ်းများထွက်ခွာခွင့် တစ်ရက် အချိန်ပေး

ဆန်အောင်/People’s Spring

မြန်မာ- တရုတ်နယ်စပ် လွယ်ဂျယ်မြို့ကို ကချင်လွတ်လပ်
ရေးတပ်မတော်(KIA)က ၀ိုင်းပတ်ပိတ်ဆို့ထားပြီး စစ်ကောင်စီတပ်နှင့် စစ်ကောင်စီ လက်အောက်ခံ ဝန်ထမ်းများ ထွက်ခွာခွင့်ပေးထားကြောင်း ကချင်စစ်ရေးသတင်းရင်းမြစ်က ပြောသည်။

ဗန်းမော်- လွယ်ဂျယ် လမ်းရှိ ယောယုံဗျူဟာစခန်းအပါ
အဝင် စစ်ကောင်စီ၏  တပ်စခန်း ၇ခုကို KIAက မတ်လ ၂၇ ရက်နှင့် ၂၈ ရက်တွင် တိုက်ခိုက်သိမ်းပိုက်ပြီးနောက် ယနေ့မနက်တွင် လွယ်ဂျယ်မြို့ကို ဝိုင်းပတ်ပိတ်ဆို့ထားခြင်းဖြစ်သည်။

“လွယ်ဂျယ်ကို ဝင်မသိမ်းသေးပါဘူး။စစ်တပ်နဲ့ အစိုးရ ဝန်ထမ်း(စစ်ကောင်စီတပ်ဖွဲ့နှင့် စစ်ကောင်စီ လက်အောက်ခံ ဝန်ထမ်းများ)တွေကို ထွက်ခွာခွင့် အချိန်ပေးထားတယ်။” စစ်ရေးသတင်းရင်းမြစ်က ပြောသည်။

လွယ်ဂျယ်မြို့ကို ဝိုင်းထားပြီး စစ်ကောင်စီ လက်အောက်ခံ တပ်ဖွဲ့နှင့် ဝန်ထမ်းများထွက်ခွာခွင့်ကို ယနေ့ ၁ ရက်အချိန်ပေးထားသည်ဟု သိရသည်။

စစ်ကောင်စီတပ်ဖွဲ့ဝင်များ တရုတ်ဘက် ဝင်ရောက်လာပါက တရုတ်ဘက်က နယ်စပ်ဂိတ်ဖွင့်ပေးမည့် အခြေအနေ ရှိသည်ဟုလည်း သတင်းရင်းမြစ်က ပြောပြသည်။

လွယ်ဂျယ်မြို့သည် မြန်မာ-တရုတ်နယ်စပ်ကုန်သွယ်​ရေး စခန်းရှိ​သော မြို့ ဖြစ်သည်။ အဆိုပါနယ်စပ်ကုန်သွယ်​ရေးစခန်းကို အဓိက ထိန်းချုပ်ထား​သော ​ယောယုံစခန်းကို KIA က ယမန်​နေ့က သိမ်းပိုက်ခဲ့သည်။

လွယ်ဂျယ်မြို့ အခြေအနေနှင့်ပတ်သက်၍ KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူထံ ဆက်သွယ်မေးမြန်းထားဆဲဖြစ်သည်။

လွယ်ဂျယ်တွင် တပ်စခန်းတစ်ခုသာကျန်ရှိပြီး အဆိုပါ တပ်ထံသို့ မြေပြင်မှ စစ်ကူလာရောက်ရန်လည်း မဖြစ်နိုင်တော့ဟု စစ်ရေးသတင်းရင်းမြစ်က ပြောသည်။

ယနေ့မနက်တွင် လွယ်ဂျယ်၌ ပစ်ခတ်မှု အချို့ရှိခဲ့သော်
လည်း တိုက်ပွဲဖြစ်ပွားမှု မရှိသေးဘဲ စစ်ကောင်စီဘက်က တစ်ဖက်သတ် ပစ်ခတ်ခြင်းသာဖြစ်ကြောင်း အခြား စစ်ရေးသတင်းရင်းမြစ်က ပြောပြသည်။

KIA ၏ ရက်ပိုင်းအတွင်း စစ်ဆင်ရေး၌ ဗန်းမော်- လွယ်ဂျယ်လမ်းရှိ စစ်ကောင်စီတပ်စခန်းများ သိမ်းပိုက်နိုင်ပြီဖြစ်၍  အဆိုပါလမ်းပိုင်း၌ စိန်လုံဗျူဟာစခန်းကြီးတစ်ခုသာကျန်တော့သည်။

ယောယုံစစ်ကောင်စီဗျူဟာတပ်စခန်းကို KIA သိမ်းပိုက်

 ▪︎Breaking News 

ယောယုံစစ်ကောင်စီဗျူဟာတပ်စခန်းကို KIA သိမ်းပိုက်

▪︎လွန်ခဲ့သည့် ၃၉ နှစ်က ထိုးစစ်ဆင်တိုက်ခိုက်ခဲ့သော်

မသိမ်းနိုင်ခဲ့သည့်စခန်းကို KIAကသိမ်းပိုက်နိုင်ခဲ့ခြင်းဖြစ် 

ဟန်နွေ/People’s Spring

ကချင်ပြည်နယ် မိုးမောက်မြို့နယ် ဗန်းမော်- လွယ်ဂျယ် လမ်းရှိ ယောယုံစစ်ကောင်စီ ဗျူဟာစခန်းကို ကချင်လွတ်လပ်ရေးတပ်မတော်(KIA) ပူးပေါင်းတပ်က ယနေ့နေ့လည်ပိုင်း၌ တိုက်ခိုက်သိမ်းပိုက်နိုင်ပြီဟု စစ်ရေးသတင်းရင်းမြစ်က ပြောကြားသည်။

အမှတ်(၂၁) စစ်ဆင်ရေးကွပ်ကဲမှု ဌာနချုပ်(စကခ-၂၁) လက်အောက်ခံ ယောယုံဗျူဟာအား မတ်လ ၂၈ရက် မွန်း

တည့် ၁၂နာရီတွင် သိမ်းနိုင်ခဲ့ခြင်းဖြစ်သည်ဟုသိရသည်။

ယောယုံစခန်းအပြင် လော့ဒန်စခန်း၊ လွယ်ဂျယ်မြို့ အပေါ် စေတီကုန်းတန်းမှ ရှေ့တန်း ခလရ(၁၄၂) တပ်ရင်း ဖလန်ဘွမ် တပ်စခန်း တို့ကိုလည်း ယနေ့မနက်တွင် သိမ်းနိုင်ခဲ့သည်ဟု စစ်ရေးသတင်းရင်းမြစ်က ဆက်ပြောသည်။

KIAသည် ဗန်းမော် -မိုးမောက်- လွယ်ဂျယ်လမ်းရှိ စစ်ကောင်စီတပ်စခန်း ၇ခုကို မတ်လ ၂၇ရက်တွင် စတင်ထိုးစစ်ဆင် တိုက်ခိုက်ခဲ့ခြင်းဖြစ်သည်။ စစ်ဆင်ရေး ပထမရက်တွင် လော့မွန်၊ ဘန်ရောင်၊ ရှန်တိုင်းဘွမ် တပ်စခန်းများကို KIAက သိမ်းပိုက်ခဲ့ပြီး ယနေ့တွင် စစ်ရေးအရ အရေးပါသည့် ယောယုံဗျူဟာ အပါအဝင် တပ်စခန်း ၃ ခုကို ထပ်မံ သိမ်းနိုင်ခဲ့ခြင်းဖြစ်သည်။

အဆိုပါ ဗန်းမော်- လွယ်ဂျယ်လမ်းတွင် စိန်လုံ စစ်ကောင်စီတပ်စခန်း သာကျန်တော့ပြီးအဆိုပါ တပ်စခန်းကို ရှင်းနိုင်ပါက လမ်းကြောင်းရှင်းသွားပြီဖြစ်သည်ဟု စစ်ရေးသတင်းရင်းမြစ်က ပြောပြသည်။

ယောယုံဗျူဟာ စခန်း သိမ်းတိုက်ပွဲတွင် လက်နက်ချ သည့် စစ်ကောင်စီတပ်ဖွဲ့ဝင် ၁၀ဦး ဖမ်းဆီးရမိခဲ့ကြောင်းလည်း KIA စစ်ရေးသတင်းများ အဓိက ဖော်ပြသည့် 7Stars News က ဖော်ပြသည်။

၁၉၈၅ ခုနှစ် ဝန်းကျင်က နာမည်ကြီးတိုက်ပွဲ ဖြစ်သည့် ယောယုံဗျူဟာကုန်းကို သိမ်းပိုက်နိုင်ခဲ့ခြင်းဖြစ်ကြောင်း ကချင်စစ်ရေးသတင်းရင်းမြစ်တစ်ဦးက ပြောပြသည်။

“၁၉၈၅ မှာ KIAနဲ့ ဗကပ ရွှေရာအောင် စစ်ဆင်ရေးအမည်နဲ့ တိုက်ခဲ့လို့ နာမည်ကြီးတာ” ဟု ၎င်းက ပြောသည်။

 ယောယုံ တပ်စခန်းကို ၁၉၈၅ မတ်လ ၂၂ရက်တွင် ဗကပ နှင့် KIA ပူးပေါင်းတိုက်ခိုက်ခဲ့ရာ ထိုစဉ်က စခန်းသိမ်းမရဘဲ ဆုတ်ခဲ့ရဖူးကြောင်း လွန်ခဲ့သည့် ၃၉ နှစ်က ဆင်နွှဲခဲ့သည့် စစ်ဆင်ရေး၌ ပါဝင်ခဲ့သူ တစ်ဦးဖြစ်သည့် တိုင်းရင်းသားအရေးလေ့လာသူ ဦးမောင်မောင်စိုးကလည်း ၎င်း၏ အတွေ့အကြုံကို မတ် ၂၇ ရက်တွင်ရေးသား အသိပေးထားသည်။

 “ စိန်လုံကဘာနဲ့ ယောယုံတောင်ကြော‌ဆိုတာ မိုးမောက်နဲ့ လွယ်ဂျယ်ကြားက အရှေ့အနောက်တန်းနေတဲ့ တောင် ကြောကြီးလည်းဖြစ်တယ်။ အဲဒီတောင်ကြောပေါ်က အရေးပါသော တပ်စခန်းများဖြစ်တဲ့ ယောယုံ၊ ရှန်တိုင်၊ 

ဖာလန်င်း၊ ဘန်ယောင်၊ လော့မွန်နှင့် လော့ဒန်တပ်စခန်းများကို ယနေ့ မတ်လ (၂၇)ရက်နေ့ နံနက်ပိုင်းမှစ၍ KIA ပူးပေါင်းတပ်တို့မှ တပြိုင်တည်း တိုက်ခိုက်ခဲ့တယ်လို့သိရတယ်။ စိန်လုံကဘာတော့ မတိုက်သေးဘူးလို့သိရတယ်။ထိုးစစ်ဆင်တိုက်ခိုက်မှုစတင်ပြီးနောက် ရှန်တိုင်၊ ဖာလန်င်း၊ ဘန်ယောင်၊ လော့မွန်နှင့် လော့ဒန်တပ်စခန်းငယ်တွေကို သိမ်းပိုက်ထားနိုင်ခဲ့ပြီး ယခုအချိန်တွင် ယော်ယုံတပ်စခန်းကြီးအား ဆက်လက်ထိုးစစ်ဆင်တိုက်ခိုက်နေလျက်ရှိ

ဆဲလို့သိရတယ်။ ယောယုံစခန်းကလည်း မိုင်ဂျာယန်နဲ့ လွယ်ဂျယ်ကို လက်နက်ကြီးနဲ့ ပစ်ခတ်ခဲ့တယ်လို့ သိရတယ်” ဟု ဦးမောင်မောင်စိုးက ရေးသားထားသည်။

 အဆိုပါ ယောယုံတပ်စခန်းကို KIA ပူးပေါင်းတပ်က ၃၉နှစ်နှင့် ၅ရက်အကြာ၌ ပြန်လည်တိုက်ခိုက်ခြင်းဖြစ်သည်ဟုလည်း ၎င်းက တွက်ပြထားသည်။

 “၁၉၈၅ ခုနှစ် ယောယုံတိုက်ပွဲကာလက အခု ကေအိုင်အေမှာ ထိပ်တန်းခေါင်းဆောင်တွေဖြစ်နေကြတဲ့ စစ်ဦးစီးချုပ် ကိုခေါင်လွန်းတို့၊ ကေအိုင်စီ ဒုဥက္ကဌ ကိုဂွမ်မော်တို့တောင်ကေအိုင်တပ်ထဲတောင် မရောက်ကြသေးဘူး။ ၁၉၈၅ ယောယုံတိုက်ပွဲတုံးတက်ကြွခဲ့တဲ့ကျနော်တောင် အိုမင်း မစွမ်းဖြစ်နေပြီလေ။ အတော်ကို ရှည်ကြာ အတော်ကို ဇွဲခတ်တဲ့ ပြည်တွင်းစစ်ပါဘဲ။ လွန်ခဲ့တဲ့ ၃၉ နှစ်လောက်က ယောယုံတောင်ကုန်းမှာ တနေကုန်ရှူခဲ့ရတဲ့ သွေးညှိီနံ့ ဒီနေ့ပြန်ရတယ်” ဟု ဦးမောင်မောင်စိုးက ရေးသားထားသည်။

KIAသည် မတ်လ ၇ရက်မှစ၍ ထိုးစစ်အရှိန်မြှင့်တင်ပြီး စစ်ကောင်စီတပ်စခန်းများအား တပြိုင်နက် တိုက်ခိုက်သိမ်းပိုက်သည့် စစ်ဆင်ရေးကို ဆောင်ရွက်ခဲ့ရာ သုံးပတ်ကျော်အကြာတွင် စစ်ကောင်စီတပ်စခန်း ၅၀ ကျော်ကို သိမ်းပိုက်ထားပြီး ယင်းအနက် တပ်ရင်းဌာနချုပ် နှင့် ဗျူဟာစခန်းများလည်း ပါဝင်သည်။

ဖာပွန်မြို့ ကို KNU သိမ်းပိုက်

 || Breaking News ||

ဖာပွန်မြို့ ကို KNU သိမ်းပိုက်

▪︎ဖာပွန်မြို့ပေါ်ရှိ စစ်ကောင်စီတပ်ရင်းတပ်ဖွဲ့အားလုံး ဆုတ်ခွာသွားဟု KNU တပ်မဟာ(၅) အတည်ပြု

ထားမြတ်/People’s Spring

ကရင်ပြည်နယ် ဖာပွန်မြို့ပေါ်ရှိ စစ်ကောင်စီတပ်ရင်းတပ်ဖွဲ့များအားလုံး မြို့ကို စွန့်ခွာကာ မြို့အနီး ဗျူဟာကုန်း၌ စုစည်းနေကြောင်း ကရင်အမျိုးသားအစည်းအရုံး(KNU) တပ်မဟာ(၅) ပြောရေးဆိုခွင့်ရှိသူ ဗိုလ်မှူးကြီးစောကလယ်ဒိုက အတည်ပြုသည်။

ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅) နှင့် ပူးပေါင်းတပ်ဖွဲ့များကဖာပွန်မြို့ပေါ်ရှိ စစ်ကောင်စီတပ်များအား မတ်လ ၁၉ ရက်မှ စတင် ဝိုင်းရံပိတ်ဆို့ထားသည့် အခြေအနေတွင် ယနေ့ စစ်ကောင်စီတပ်များ ပြန်လည်ဆုတ်ခွာသွားခြင်းဖြစ်သည်ဟုသိရသည်။

“ မြို့ထဲမှာ ရှိတဲ့ တပ်ရင်းတပ်ဖွဲ့ကတော့ သူတို့ မနေတော့ဘူး။ ပြန်ဆုတ်လိုက်တယ် ပြောတယ်။ ဖာပွန်မြို့ပေါ်မှာကတော့ အခု အဲဒီမှာ ရှိတဲ့ တပ်ရင်းတပ်ဖွဲ့တွေပဲ သူတို့ လာပြီးတော့ စခန်းတွေ တည်ဆောက်ပြီးနေကြတာ။ ဒါပေမဲ့ အခုအခြေအနေအပေါ်မှာ သူတို့ အဲဒီမှာ မနေတော့ဘူး။ သူတို့ ပြန်ဆုတ်ပြီးတော့ သူတို့ တပ်ရင်းဌာနချုပ်ပေါ့နော် နောက်ပြီးတော့ ဗျူဟာကုန်း အဲဒီမှာ ပြန်ပြီး စုနေကြတယ်။ ရဲလည်း မရှိတော့ဘူး ရဲလည်း အဲဒီဘက်မှာပဲ သွားနေကြတယ်” ဟု ဗိုလ်မှူးကြီးစောကလယ်ဒိုက ပြောသည်။

စစ်ကောင်စီတပ်များ ဆုတ်ခွာသွားသည့် ဗျူဟာကုန်းသည် ဖာပွန်မြို့နှင့် ၃ မိုင်ခန့်သာ ကွာဝေးသည်ဟုသိရသည်။

KNLA အနေဖြင့် မတ်လ ၁၉ရက်က စတင်ပြီး စစ်ကောင်စီတပ်များ ဖယ်ရှားနိုင်ရေး ပိတ်ဆို့ထားသော်လည်း ကြီးမားသည့် ထိုးစစ်ဆင်မှု မျိုးမပြုလုပ်ဘဲ ပြောက်ကျားတိုက်ခိုက်မှု အချို့သာ ပြုလုပ်ခဲ့သည်။ စစ်ကောင်စီတပ်ကလည်း ဖာပွန်မြို့နှင့် ဒေသတွင်း ကျေးရွာများအား ဒရုန်းတိုက်ခိုက်မှု၊ လေကြောင်း တိုက်ခိုက်မှုများ ပြုလုပ်ခဲ့ရာ အရပ်သားပြည်သူသေဆုံးထိခိုက်မှု၊ နေအိမ်ပျက်စီးမှုများ ရှိခဲ့သည်။

(KNU/ KNLA တပ်မဟာ (၅) မှတပ်ဖွဲ့ဝင်များ/ ဖာပွန်မြို့အဝင်ဆိုင်းဘုတ် နှင့် ဖာပွန် မြို့ကို Google Map တွင်တွေ့ရမှု ။ဓါတ်ပုံ-KNU ၊CJ )

လေကြောင်းပစ်မှတ်များကို ချေမှုန်းခြင်း

 လေကြောင်းပစ်မှတ်များကို ချေမှုန်းခြင်း

ပြောက်ကျားတပ်တွေအနေနဲ့ လေတပ်ကို ချေမှုန်းဖို့ အကောင်းဆုံး အခွင့်အလမ်းဟာ မြေပြင်မှာ တိုက်ခိုက်ရေး ဖြစ်ပါတယ်။ လက်ရှိကာလမှာ စစ်တပ်ရဲ့ လေကြောင်းပစ်မှတ်တွေ ဖြစ်တဲ့ လေတပ်စခန်းတွေ၊ လေယာဉ်ဆီ တင်သင်္ဘောတွေ၊ လေတပ်အရာရှိ အိမ်ရာတွေကို ပစ်မှတ်ထား ဖောက်ခွဲမှုတွေ ပေါ်ထွက်လာပြီ ဖြစ်ပါတယ်။ 

သိသာထင်ရှားဆုံးက 

- ရန်ကုန်မြို့ စစ်တပ်ပိုင် MEC ထီးတန်း ဆိပ်ကမ်းမှာ ကပ်ထားတဲ့ လေယာဉ်ဆီတင် သင်္ဘောကို ရန်ကုန်တိုင်း ပကဖ ရေငုပ်အထူးတပ်ဖွဲ့က ဖေဖော်ဝါရီလ (၂၉) ရက်နေ့မှာ ဖောက်ခွဲ တိုက်ခိုက်နိုင်မှု၊ 

- လေယာဉ်ဆီ တင်သွင်းနေတဲ့ MEC အရာရှိတွေ နေထိုင်ရာ ရန်ကုန်မြို့ မြဝတီအရာရှိ ရိပ်သာ ကို ရန်ကုန်တိုင်း ပကဖ က မတ်လ (၁၀) ရက်နေ့မှာ ဖောက်ခွဲတိုက်ခိုက်ခဲ့မှုတွေပဲ ဖြစ်ပါတယ်။ 

ဒါ့အပြင် တောင်ငူလေတပ်စခန်းကိုလဲ Mountain Knights Civilian Defense Force က Brave Warriors for Myanmar အဖွဲ့ရဲ့ စီမံမှုနဲ့ ၁၀၇ မမ ဒုံး (၅) လုံး နဲ့ မတ်လ (၁၄) ရက်နေ့မှာ ပစ်ခတ်ခဲ့ပါတယ်။ ဒီဖြစ်စဉ်တွေဟာ ဒီရက်ပိုင်းမှာ ပေါ်လာတဲ့ လေတပ် ပစ်မှတ်တွေကို မြေပြင် နဲ့ ရေပြင်မှာ ဖောက်ခွဲတိုက်ခိုက်ခဲ့မှုတွေ ဖြစ်ပါတယ်။

 တိုင်းရင်းသားဒေသတွေမှာလဲ ရန်သူ့ လေတပ် လေယာဉ်တွေကို ဝေဟင်မှာပါ ပစ်ခတ် ချေမှုန်းလျက်ရှိပါတယ်။ 

- ရှမ်းမြောက် နဲ့ ရခိုင် စစ်ဆင်ရေး အတွင်း လေယာဉ်ပစ် စက်သေနတ်ကြီးတွေ အမြောက်အများ သိမ်းဆည်းရရှိခဲ့မှု၊ 

- တောင်ပိုင်း ဒေသမှာ လေယာဉ်ပစ် ပခုံးထမ်း ဒုံးတွေ ထုတ်ဖော်ပြသမှု၊ 

- ကချင်၊ ရခိုင် နဲ့ မြေပြန့် ဒေသ စစ်ဆင်ရေးတွေဟာ လေတပ်စခန်းတွေ အနားကို ပိုမို ရောက်ရှိလာမှုတို့နောက်မှာ လေတပ်ပစ်မှတ်တွေ ထပ်မံ ချေမှုန်းခံရနိုင်ပါတယ်။ 

မြို့ပြဒေသမှာလဲ လေယာဉ်ဆီ ထောက်ပို့လမ်းကြောင်း၊ လေတပ် အရာရှိတွေ သာမက လေယာဉ်ပြင်ထိန်း အမှုထမ်းတွေ၊ စစ်လေယာဉ်မှူးတွေကို ရှာဖွေ ရှင်းလင်းမှုတွေ ထပ်မံ ပေါ်ပေါက်လာပါတယ်။ နိုင်ငံတဝန်းက အရပ်သား ပြည်သူတွေကို လေကြောင်းက တဖက်သက် ဗုံးကြဲ သတ်ဖြတ်နေတဲ့ လေတပ် အရာရှိတွေ အနေနဲ့ တော်လှန်ရေး အင်အားစုတွေရဲ့ လက်စားချေ တိုက်ခိုက်မှုကနေ လွတ်နိုင်မှာ မဟုတ်ဘူးဆိုတာ လက်ရှိ ပေါ်ပေါက်နေတဲ့ လေတပ် ပစ်မှတ်တွေအပေါ် တိုက်ခိုက်မှုတွေက ဖော်ပြနေပါတယ်။

လက်ရှိ စစ်ရေးအခြေအနေကို ခြုံငုံသုံးသပ်နိုင်ဖို့ PDF Insight ကို ဖတ်ရှုပါ။ 

#PDFInsight

ဗန်းမော်- လွယ်ဂျယ်လမ်းရှိ စစ်ကောင်စီ စခန်း ၃ခုကို KIA ထပ်မံ သိမ်းပိုက်

 ဗန်းမော်- လွယ်ဂျယ်လမ်းရှိ စစ်ကောင်စီ စခန်း ၃ခုကို KIA ထပ်မံ သိမ်းပိုက်

-ဆန်အောင်/People's Spring

ကချင်ပြည်နယ် ဗန်းမော်- လွယ်ဂျယ်လမ်းရှိ စစ်ကောင်စီတပ်စခန်းများကို ကချင်လွတ်လပ်ရေးတပ်မတော်(KIA) ပူးပေါင်းတပ်များက ယနေ့ တိုက်ခိုက်သိမ်းပိုက်နိုင်ခဲ့ကြောင်း စစ်ရေးသတင်းရင်းမြစ်က ပြောသည်။

မတ်လ ၂၇ရက်မနက်တွင် အဆိုပါလမ်းပိုင်းရှိ စစ်ကောင်စီတပ်စခန်း ၇ ခုကို ထိုးစစ်ဆင်တိုက်ခိုက်ခဲ့ရာ မွန်းလွဲပိုင်းအချိန်ထိ တပ်စခန်း ၃ခု ကိုသိမ်းပိုက်ရထားပြီးဖြစ်သည်ဟုသိရသည်။

“ဒီမနက် ၇နာရီမှာ ဗန်းမော်- လွယ်ဂျယ်လမ်း တစ်လျှောက် တိုက်ပွဲပြင်းထန်နေပါတယ်။ စကစ စခန်း ၇ခု ကို KIA ပူးပေါင်းတပ်ဖွဲ့များ တစ်ချိန်တည်း ထိုးစစ်ဆင် တိုက်ခိုက်နေပါတယ်။စခန်း ၃ခုတော့ သိမ်းလိုက်ပြီ” ဟု စစ်ရေးသတင်းရင်းမြစ်က ပြောသည်။

ဗန်းမော်-မိုးမောက် - လွယ်ဂျယ် လမ်းဘေး ယောယုံတောင်

ကုန်းရှိ တပ်စခန်းများကို စခန်းသိမ်းတိုက်ပွဲ ဆင်နွှဲနေခြင်းဖြစ်ပြီး သိမ်းပိုက်ရရှိပြီး တပ်စခန်းများ အခြေအနေ ၊ စခန်းသိမ်းတိုက်ခိုက်မှု ဖြစ်စဉ်များကို လူထုနွေဦးက ဆက်လက်စုံစမ်းနေဆဲဖြစ်သည်။

 

KIAသည် မြစ်ကြီးနား -ဗန်းမော်လမ်းဘေးရှိ စစ်ကောင်စီတပ်စခန်းများကို မတ်လ ၇ရက်မှ စတင်ထိုးစစ်ဆင်တိုက်ခိုက်သိမ်းပိုက်ခဲ့ရာ သုံးပတ်အတွင်း တပ်ရင်းဌာနချုပ်များ အပါအဝင် အဆိုပါ မြစ်ကြီးနား - ဗန်းမော်လမ်းရှိ စခန်းအားလုံးနီးပါးကို သိမ်းပိုက်ရရှိခဲ့သည်။ KIA၏ စစ်ဆင်ရေး သုံးပတ်တာ အတွင်း မြစ်ကြီးနား- ဗန်းမော်လမ်းရှိ တပ်စခန်းများအပါအဝင် တပ်စခန်း ၅၀ ခုနီးပါးကို သိမ်းနိုင်ခဲ့ခြင်းလည်းဖြစ်သည်။ ထိုသို့သိမ်းပိုက်ပြီးနောက် ဗန်းမော် -လွယ်ဂျယ်လမ်းရှိ စစ်ကောင်စီတပ်စခန်းများကို ယနေ့မတ်လ ၂၇ရက်မှစ၍ ထပ်မံ ထိုးစစ်ဆင် တိုက်ခိုက်နေခြင်းဖြစ်သည်။

(စစ်ကောင်စီတပ်စခန်းတစ်ခုကို သိမ်းပိုက်ပြီးနောက် KIA တပ်ဖွဲ့ဝင်များကိုတွေ့ရစဥ်။ဓါတ်ပုံ-CJ )

ကော့ကရိတ်မြိုနယ်ရှိ စစ်ကောင်စီ၏ ထီးကပလယ် စခန်းကို တိုက်ခိုက်သိမ်းပိုက်ရန် KNLA ၊ KTLA ၊ PDF အပါအဝင် ပူးပေါင်းတပ်များ ထိုးစစ်ဆင် တိုက်ခိုက်နေ

 ကော့ကရိတ်မြိုနယ်ရှိ စစ်ကောင်စီ၏ ထီးကပလယ် စခန်းကို တိုက်ခိုက်သိမ်းပိုက်ရန် KNLA ၊ KTLA ၊ PDF အပါအဝင် ပူးပေါင်းတပ်များ ထိုးစစ်ဆင် တိုက်ခိုက်နေ

ရန်ကုန်၊ မတ် ၂၇ 

ကရင်ပြည်နယ်၊ ကရင်အမျိုးသားအစည်းအရုံး KNU တပ်မဟာ ၆ နယ်မြေ၊ မြဝတီမြို့နှင့် ကော့ကရိတ်မြို့နယ် အစပ် ဝေါလေဒေသရှိ စစ်တပ်၏ ထီးကပလယ် တပ်စခန်းကို KNLA၊ ကော်သူးလေတပ်မတော် (KTLA )၊ PDF တပ်များ အပါအဝင် ပူးပေါင်းတပ်များ ထိုးစစ်ဆင် တိုက်ခိုက်နေပြီး တိုက်ပွဲ ပြင်းထန်နေကြောင်း KTLA သတင်းနှင့် ပြန်ကြားရေးအဖွဲ့က ရန်ကုန်ခေတ်သစ်သတင်းဌာနထံသို့ ပြောဆိုသည်။ 

မတ်လ ၁၂ ရက်နေ့မှစတင်၍ အဆိုပါ ထီးကပလယ် စခန်းကို KTLA အပါအဝင် မဟာမိတ်ပူးပေါင်းတပ်ဖွဲ့များက ဝင်ရောက်တိုက်ခိုက်နေခြင်းဖြစ်ပြီး စခန်းသိမ်းတိုက်ပွဲ ဆင်နွှဲနေသည်မှာ ယနေ့အချိန်အထိ (၁၅) ရက် ကြာမြင့်ပြီ ဖြစ်ကြောင်း၊ ယင်း စခန်းကို သိမ်းပိုက်နိုင်ရေး တိုက်ခိုက်နေရာတွင် စစ်ကောင်စီတပ်က လေကြောင်းဖြင့် လာရောက်ပစ်ခတ်မှုများရှိသည့်အပြင် ဝေါ်လေဗျူဟာကုန်းမှ လက်နက်ကြီးများဖြင့် ပစ်ခတ်မှုလည်းရှိသည်ဟု KTLA သတင်းနှင့် ပြန်ကြားရေးအဖွဲ့က ပြောဆိုသည်။ 

KTLA သတင်းနှင့် ပြန်ကြားရေး တာဝန်ရှိသူတစ်ဦးက “ လေယာဉ် ပစ်ကူ ၂ ရက် လာတယ် ပထမ တစ်ရက်မှာ နှစ်ကြိမ် ပစ်တယ်။ ဒုတိယ တစ်ရက်မှာ ၃ ကြိမ် တိတိ ဗုံးကြဲ တိုက်ခိုက်တယ်။ စစ်ကောင်စီက ဒုတိယနေ့မှာ ပေါင် ၅၀၀ အားဗုံးတွေ သုံးတယ် “ ဟု KTLA သတင်းနှင့် ပြန်ကြားရေးအဖွဲ့က ပြောဆိုသည်။ 

 

အဆိုပါ စခန်းသိမ်းတိုက်ပွဲကာလအတွင်း ကော်သူးလေတပ်မတော် ပူးပေါင်းတပ်ဖွဲဝင်များက စခန်းကုန်းပေါ်ထိ တက်ရောက်တိုက်ပွဲဆင်နွှဲနိုင်ခဲ့သော်လည်း ဝေါ်လေဗျူဟာကုန်းတွင် အထိုင်ချထားသော တပ်ဖွဲ့ဝင်များက ၁၂၂ မမ ဟောင်ဝစ်ဇာအမြောက်ကြီးဖြင့် ပစ်ကူပေးနေခြင်း၊ လေကြောင်းတိုက်ခိုက်မှု (၅) ကြိမ်တိုင်ပြုလုပ်ခဲ့ခြင်းများကြောင့် အပြီးသတ် သိမ်းပိုက်နိုင်ရန် ခက်ခဲသော အနေအထား၌ ရှိနေဆဲဖြစ်ကြောင်း သိရှိရသည်။ 

ထိုစခန်းသိမ်းတိုက်ပွဲတွင် ကော်သူးလေတပ်မတော်မှ Black Rainbow တပ်ရင်း၊ Tiger တပ်ရင်း၊ ကဆောဝါးတပ်ရင်း၊ KTLA အထူးကွန်မန်ဒို တပ်ရင်း ၊ Karen Special Black Forces တပ်ရင်းနှင့် ဗဟိုဌာနချုပ် ဗျူဟာစစ်ကြောင်း (၂) ကြောင်းနှင့် KNLA (၁၀၃) တပ်ရင်း၊ DKBA ခွဲထွက်အဖွဲ့များ ပူးပေါင်းတိုက်ခိုက်နေခြင်း ဖြစ်ကြောင်း သိရှိရသည်။

Breaking News- မောင်တောမြို့နယ်၊ တမန်းသားရဲကင်းစခန်းမှ စစ်ကောင်စီတပ်ဖွဲ့ဝင် ၁၀၀ ဦးခန့်လက်နက်ချအညံ့ခံ

 Breaking News- မောင်တောမြို့နယ်၊ တမန်းသားရဲကင်းစခန်းမှ စစ်ကောင်စီတပ်ဖွဲ့ဝင် ၁၀၀ ဦးခန့်လက်နက်ချအညံ့ခံ

■ လက်နက်မချဘဲ ထွက်ပြေးသူများကို လိုက်လံတိုက်ခိုက်ရာ စစ်သား ၂၀ ကျော်သေဆုံး

ရန်ကုန် ၊ မတ် ၂၆  

ရက္ခိုင့်တပ်တော် AA က လနဲ့ချီဝိုင်းရံပိတ်ဆို့ဖြတ်တောက်ထားတဲ့ ရခိုင် ပြည်နယ်၊ မောင်တောမြို့နယ်၊ တမန်းသားရဲကင်းစခန်းမှ တပ်ဖွဲ့ဝင် အင်အား ၁၀၀ ဦးခန့် မတ်လ ၂၅ ရက်နေ့မှာ လက်နက်ချ အညံ့ခံလာတယ်လို့ ရက္ခိုင့်တပ်တော် စစ်ရေးသတင်းရင်းမြစ်က ပြောပါတယ်။

မောင်တောမြို့နယ်ထဲက တမန်းသားရဲကင်းစခန်းကို ရက္ခိုင့်တပ်တော်က ၁ လနီးပါး ပိတ်ဆို့ဖြတ် တောက်ဝိုင်းရံထားပြီးနောက် ထိုးစစ်ဆင်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၁၀၀ ခန့်ဟာ မတ်လ ၂၅ ရက်နေ့မှာ လက် နက်ချ အညံ့ခံလာတယ်လို့ သိရပါတယ်။ 

အဆိုပါ တမန်းသား ရဲကင်းစခန်းမှ လက်နက်ချ အညံ့ခံခြင်းမရှိဘဲ ထွက်ပြေးခဲ့တဲ့ စစ်ကောင်စီတပ်ဖွဲ့ဝင်တွေကို လိုက်လံရှင်းလင်းခဲ့ရာ စစ်သားအလောင်း ၂၀ ကျော်၊ လက်နက်ခဲယမ်းတွေကို AA က သိမ်းဆည်းရရှိခဲ့ပါတယ်။

ဓာတ်ပုံ- AA က ဥပဒေနှင့်အညီ ထိန်းသိမ်းစောင့်ရှောက်ထားသော လက်နက်ချ အညံ့ခံသည့် စစ်ကောင်စီတပ်ဖွဲ့ဝင် ၁၀၀ ဦးဝန်းကျင်ကို တွေ့ရစဉ်။

ကုန်းလောမြို့အခြေစိုက် ခမရ(၃၈၇) တပ်ရင်းကို KIA သိမ်းပိုက်

 ကုန်းလောမြို့အခြေစိုက် ခမရ(၃၈၇) တပ်ရင်းကို KIA သိမ်းပိုက်

ထားမြတ်/People’s Spring

ကချင်ပြည်နယ် မိုးမောက်မြို့နယ်ရှိ ကုန်းလောမြို့ အခြေစိုက် ခမရ(၃၈၇)တပ်ရင်းကို ကချင်လွတ်လပ်ရေးတပ်မတော်(KIA)က ယနေ့မနက်တွင် သိမ်းပိုက်လိုက်ပြီဖြစ်ကြောင်း စစ်ရေးသတင်းရင်းမြစ်က ပြောသည်။

ခမရ(၃၈၇) တပ်ရင်းဌာနချုပ်စခန်းကို မတ်လ ၂၆ရက် နံနက် ၇နာရီ ၄၀မိနစ်တွင် သိမ်းနိုင်ခဲ့ခြင်းဖြစ်ပြီး စစ်ကောင်စီတပ် သေဆုံးထိခိုက်မှု၊ လက်နက်ခဲယမ်းသိမ်းဆည်းရရှိမှုအပါအဝင် အခြေအနေများကို ဆက်လက်စုံစမ်းနေဆဲဖြစ်သည်။

KIAသည် မတ်လ ၂၁ရက်ကလည်း မြစ်ကြီးနား - ဗန်းမော်လမ်းရှိ နွမ့်လန်အခြေစိုက် ခမရ(၄၃၈) တပ်ရင်း၊ အမှတ်(၆၁၆) ဒုံးတပ်ရင်းတို့ကို သိမ်းပိုက်ခဲ့ပြီး မတ်လ ၂၃ရက်တွင် နောင်ကောန်အခြေစိုက် အမြောက်တပ်(၃၇၀)တပ်ရင်းကို သိမ်းပိုက်နိုင်ခဲ့သည်။

KIAသည် မတ်လ ၇ရက်မှစ၍ စစ်ကောင်စီတပ် စခန်းအများအပြားကို တိုက်ခိုက်သိမ်းပိုက်နေခြင်းဖြစ်ပြီး လက်ရှိတွင် ဆွမ်ပရာဘွမ် စစ်ကောင်စီစခန်းရရှိရေး ဆက်လက်ထိုးစစ်ဆင်လျက်ရှိသည်။ ဆွမ်ပရာဘွမ်စခန်းကို မတ်လ ၁၃ရက်က စတင်ထိုးစစ်ဆင်နေခြင်းဖြစ်ပြီး စစ်ကောင်စီက လေကြောင်းပစ်ကူများဖြင့် ခုခံလျက်ရှိသည်။ 

ထို့ပြင် မြစ်ကြီးနားမြို့နယ် ဆင်ဘိုမြို့အနီး ခလရ(၁၄၁) စစ်ကောင်စီတပ်ရင်းကိုလည်း KIAက ထိုးစစ်ဆင်လျက်ရှိသည်။

မတ်လအတွင်း ဖားကန့်၊ မံစီ၊ လိုင်ဇာ၊ ဝိုင်းမော်၊ မိုးမောက်၊ တနိုင်း၊ ဆွမ်ပရာဘွမ်ဒေသများရှိ စစ်ကောင်စီတပ်စခန်း ၄၀ကျော်ကို KIAက သိမ်းပိုက်ထားပြီး မံစီမြို့နယ်နှင့် မချမ်းဘောမြို့နယ်တို့တွင်လည်း KIAက မတိုက်ခိုက်ရဘဲ စစ်ကောင်စီတပ်များ စခန်းစွန့် ထွက်ပြေးသည့် တပ်စခန်း အနည်းဆုံး ၆ခုထိရှိသည်ဟု စစ်ရေးသတင်းရင်းမြစ်အချို့က အသိပေးထားသည်။

(ကုန်းလောမြို့အခြေစိုက် ခမရ(၃၈၇) တပ်ရင်းအား တွေ့ရစဉ်)

ကော့ဘိန်းရဲစခန်း အလံဖြူထောင် လက်နက်ချအညံ့ခံ

 ကော့ဘိန်းရဲစခန်း အလံဖြူထောင် လက်နက်ချအညံ့ခံ

  

ကော့ဘိန်း ၊ မတ် ၂၅

ကရင်ပြည်နယ် ကော့ကရိတ်မြို့နယ်ရှိ ကော့ဘိန်းနယ်မြေရဲစခန်းကို တော်လှန်ရေးအင်အားစုပူးပေါင်းတပ်ဖွဲ့တွေက ဒီနေ့ မွန်းလွဲပိုင်းမှာ အပြီးသတ်သိမ်းပိုက်နိုင်ခဲ့တယ်လို့ စစ်မြေပြင်သတင်းရင်းမြစ်တွေရဲ့ ပြောပြချက်အရ သိပါတယ်။

စစ်ကောင်စီတပ်နဲ့ရဲတပ်ဖွဲ့ဝင်တွေ တပ်စွဲနေထိုင်နေတဲ့ ကော့ဘိန်းရဲစခန်းကို မနေ့ မတ် ၂၇ ရက်နေ့ မနက် ၇ နာရီအချိန်ကစပြီး မွန်၊ ကရင်နဲ့ PDF တော်လှန်ရေးအင်အားစုပူးပေါင်းတပ်ဖွဲ့တွေက ဝင်ရောက်စီးနင်းတိုက်ခိုက်ခဲ့တာပါ။

အချိန်တစ်ရက်ကျော်ကြာ တိုက်ခိုက်ခဲ့တဲ့ ကော့ဘိန်းရဲစခန်းကို ဒီနေ့ မတ် ၂၅ ရက်နေ့ မွန်းလွဲ ၂ နာရီအချိန်ခန့်မှာ တော်လှန်ရေးအင်အားစုပူးပေါင်းတပ်ဖွဲ့တွေက အပြီးသတ်သိမ်းပိုက်နိုင်ခဲ့တာပါ။

မြေပြင်သတင်းရင်းမြစ်တွေရဲ့ ပြောပြချက်အရ စစ်ကောင်စီတပ်နဲ့ ရဲတပ်ဖွဲ့ဝင် ၂၃ ဦး အလံဖြူထောင် လက်နက်ချ အညံ့ခံခဲ့အတွက် စခန်းတစ်ခုလုံး အပြီးသတ်သိမ်းပိုက်နိုင်ခဲ့တာ ဖြစ်တယ်လို့ သိရပါတယ်။

 

စခန်းသိမ်းတိုက်ပွဲအတွင်း စစ်ကောင်စီထံကနေ လက်နက်ခဲယမ်းတွေအပါအဝင် စစ်အသုံးဆောင် ပစ္စည်းတွေကိုလည်း တော်လှန်ရေးအင်အားစုပူးပေါင်းတပ်ဖွဲ့တွေက သိမ်းဆည်းရမိခဲ့ပါတယ်။

ကော့ဘိန်းရဲစခန်းသိမ်းတိုက်ပွဲအတွင်း စစ်ကောင်စီဘက်က လေကြောင်းနဲ့ အဆက်မပြတ် ပစ်ကူပေးခဲ့သလို ဂျိုင်းမြစ်မှာ ရှိနေတဲ့ စစ်သင်္ဘောကလည်း ပစ်ကူပေးခဲ့တာပါ။

စစ်ကောင်စီရဲ့ ပစ်ခတ်တိုက်ခိုက်မှုတွေကြောင့် အရပ်သားပြည်သူ ၅ ဦးထက်မနည်း ထိခိုက်ဒဏ်ရာရရှိခဲ့ပြီး အရပ်သားနေအိမ်နဲ့ ဘုန်းကြီးကျောင်း ၊သီလရှင်ကျောင်း စတဲ့ ဘာသာရေးအဆောက်အအုံတချို့ ထိခိုက်ပျက်စီးတာတွေလည်း ရှိနေတယ်လို့ သိရပါတယ်။

ကော့ဘိန်းရဲစခန်းသိမ်း တိုက်ပွဲကို မွန်ပြည်သစ်ပါတီ AD အပါအဝင် မွန်ပြည်လွတ်မြောက်ရေးတပ်တော် MLA နဲ့ ကရင်အမျိုးသားအစည်းအရုံး KNU လက်အောက်ခံ တပ်ဖွဲ့တွေ ကျားဖြူနဲ့ ဂဠုန်စစ်ကြောင်းတို့လည်း ပါဝင်တိုက်ခိုက်ခဲ့တာ ဖြစ်ပါတယ်။

သတင်း - သံလွင်တိုင်းမ်

ဓာတ်ပုံ - Social Media

အနောက်ပိုင်းတိုင်းစစ်ဌာနချုပ်တည်ရှိရာ အမ်းမြို့နယ်ရှိ စစ်ကောင်စီတပ်များကို AA က တိုက်ခိုက်နေပြီး စစ်တပ်က Mi35နှင့်တိုက်လေယာဉ်များအသုံးပြု ဗုံးကျဲနေ

 အနောက်ပိုင်းတိုင်းစစ်ဌာနချုပ်တည်ရှိရာ အမ်းမြို့နယ်ရှိ စစ်ကောင်စီတပ်များကို AA က တိုက်ခိုက်နေပြီး စစ်တပ်က Mi35နှင့်တိုက်လေယာဉ်များအသုံးပြု ဗုံးကျဲနေ

 

ရန်ကုန်| မတ် ၂၅

ရခိုင်ပြည် အမ်းမြို့နယ်တွင် စစ်ကောင်စီတပ်နှင့် ရက္ခိုင့်တပ်တော် AA တို့ ယမန်နေ့ မတ်လ ၂၄ ရက်နေ့က နှစ်ဖက်ထိတွေ့တိုက်ပွဲဖြစ်ပွားမှုရှိခဲ့ကြောင်း ဒေသတွင်းနေထိုင်သူများက ပြောသည်။

တိုက်ပွဲမှာ စစ်ကောင်စီစစ်ကြောင်းကို AA မှ ကြားဖြတ်တိုက်ခိုက်ရာမှ ဖြစ်ပွားခဲ့ခြင်းဖြစ်ပြီး စစ်ကောင်စီဖက်မှ အကျဆုံးရှိခဲ့ကြောင်း AA နှင့် နီးစပ်သူတစ်ဦးက ပြောသည်။

" အမ်း အကျော် ရိုး ဖက်မှာဖြစ်တာပါ။ ကြားဖြတ်တိုက်တာလို့ သိရတယ်။ စစ်ကြောင်းအင်အားတော့ အတိကျမသိဘူး။ စစ်ကောင်စီဖက်က အကျဆုံးတွေရှိတယ် " ဟု ပြောသည်။

ယင်းအပြင် ယမန်နေ့ မတ်လ ၂၄ ရက်နေ့တွင်ပင် အမ်းမြို့နယ် လုံးကျေးရွာအနီးရှိ နတ်စင်တောင်ဘက်ကို စစ်ကောင်စီဖက်မှ တပ်သားအင်အား ၁၀၀ ခန့်ရှိ စစ်ကြောင်းထွက်ခွာမှုရှိခဲ့ကာ အဆိုပါ အနီးတဝိုက်ကို လက်နက် ကြီးငယ်များ ပစ်ခတ်မှုပြုလုပ်ခဲ့ကြောင်း အမ်းဒေသခံတစ်ဦးက ဆိုသည်။

" မနေ့က နေ့လယ်လောက်မှာ အမ်းအနောက်ပိုင်းတိုင်းစစ်ဌာနချုပ်နဲ့ တစ်မိုင်အကွာက နတ်စင်တောင်ဘက်ကို အင်အား ၁၀၀ လောက်စစ်ကြောင်းထွက်တယ်။ အဲ့နားတစ်ဝိုက်မှာ လက်နက်ကြီး လေယာဥ်တွေနဲ့ ပစ်တာတွေရှိတယ်။ တိုက်ပွဲတော့မဖြစ်ဘူး" ဟု ပြောသည်။

စစ်ကောင်စီတပ်မှ လေကြောင်းအသုံးပြုကာ အမ်းမြို့အနီးတစ်ဝိုက် တောင်ကုန်းတောင်တန်းများကို လက် နက်ကြီးများဖြင့်ပစ်ခတ်ခြင်း၊ လေကြောင်းမှ ဗုံးကြဲတိုက်ခိုက်ခြင်းတို့ကို အမြဲပြုလုပ်လျှက်ရှိနေသည်။

ယနေ့ မတ်လ ၂၅ ရက်နေ့တွင်လည်း စစ်ကောင်စီတပ်မှ MI 35 တိုက်လေယာဥ်ဖြင့် တောင်ကုန်းတောင်တန်းများ တစ်လျှောက်ကို ဗုံးကြဲလျှက်ရှိနေသည်ဟု အမ်းဒေသခံများကပြောသည်။

အမ်းမြို့ရှိ စစ်ကောင်စီတပ်သားများမှာ အမ်းမြို့တစ်ဝိုက် စစ်ရေးလှုပ်ရှားမှုများ ယခုရက်ပိုင်းအတွင်း ပိုလုပ်ဆောင်လျှက်ရှိနေပြီး ခံစစ်အတွက်ပြင်ဆင်ရန် မွတ်ဆလင်အကျည်းသားများကို ဝါးဆူးများ လုပ်ခိုင်းသည်များလည်းရှိကြောင်း အမ်းဒေသခံများက ဆိုသည်။

လတ်တလော ရသေ့တောင်၊ ဘူးသီးတောင်ဘက်တို့တွင် နှစ်ဖက်တိုက်ပွဲများ ပြင်းထန်စွာဖြစ်ပွားနေပြီး အမ်းအပါအဝင် တောင်ကုတ်၊ ကျောက်ဖြူ၊ သံတွဲနှင့် စစ်တွေဘက်တို့တွင် စစ်ရေးတင်းမာလျှက် ရှိနေကြဆဲဖြစ်သည်။

(Western News သည် ရန်ကုန်ခေတ်သစ်၏ မဟာမိတ်ဖြစ်သည်။)

မန္တလေးတိုင်းရဲတပ်ဖွဲ့မှ ဒုတိယရဲမှူးကြီး ကျော်ဇင်မြင့် စစ်ကြောင်းထွက်စဉ် မိုင်းဆွဲခံရပြီး သေဆုံး

 မန္တလေးတိုင်းရဲတပ်ဖွဲ့မှ ဒုတိယရဲမှူးကြီး ကျော်ဇင်မြင့် စစ်ကြောင်းထွက်စဉ် မိုင်းဆွဲခံရပြီး သေဆုံး

ရန်ကုန်၊ မတ် ၂၅ 

မန္တလေးတိုင်းရဲတပ်ဖွဲ့မှ ဒုတိယရဲမှူးကြီးကျော်ဇင်မြင့်သည် မြင်းခြံဘက်သို့ စစ် ကြောင်းထွက်စဉ် မိုင်းဆွဲခံရပြီး သေဆုံးသွားကြောင်း နေပြည်တော် စစ်ဘက်သတင်းရင်းမြစ်က ပြောဆိုသည်။ 

ယခုမတ်လ ဒုတိယအပတ်တွင် မန္တလေးတိုင်းရဲတပ်ဖွဲ့မှ ဒုတိယရဲမှူးကြီး ကျော်ဇင်မြင့်သည် မြင်းခြံ-မြို့သာ ကားလမ်းတွင် စစ်ကြောင်းထွက်စဉ် မိုင်းဆွဲခံရပြီး ဒဏ်ရာရရှိကြောင်း၊ ရရှိသော ဒဏ်ရာဖြင့် မန္တလေးဆေးရုံသို့ တင်ပို့ခဲ့သော် လည်း ရရှိသောဒဏ်ရာဖြင့် သေဆုံးသွားခဲ့ကြောင်း သိရှိရသည်။ 

"မြင်းခြံဘက်ကို စစ်ကြောင်းထွက်တုန်းမှာ မိုင်းမိတယ်။ မန္တလေး ဆေးရုံပြန်ပို့ပေမယ့် ရရှိတဲ့ဒဏ်ရာနဲ့ ဆုံးသွားပါတယ်" ဟု နေပြည်တော်စစ်ဘက်သတင်းရင်းမြစ်က ပြောဆိုသည်။ 

ဒုတိယရဲမှူးကြီး ကျော်ဇင်မြင့်သည် သေဆုံးချိန်တွင် အသက် ၅၃ နှစ်ရှိနေပြီဖြစ်ပြီး သားသမီး ၂ ဦး ကျန်ရစ်ကြောင်း သိရှိရသည်။

ကရင်နီပြည်နယ်ရှိ နယ်မြေ ၉၀ ရာခိုင်နှုန်းကို တော်လှန်ရေးတပ်ဖွဲ့များ ထိန်းချုပ်ထားပြီး စစ်ကောင်စီတပ် စခန်းပေါင်း ၆၅ ခုကို သိမ်းပိုက်နိုင်

 ကရင်နီပြည်နယ်ရှိ နယ်မြေ ၉၀ ရာခိုင်နှုန်းကို တော်လှန်ရေးတပ်ဖွဲ့များ ထိန်းချုပ်ထားပြီး စစ်ကောင်စီတပ် စခန်းပေါင်း ၆၅ ခုကို သိမ်းပိုက်နိုင်

ဧရာဝတီတိုင်းမ်
(ကရင်နီ)၊ မတ် ၂၃ ရက်

ကရင်နီပြည်နယ်အတွင်းရှိ နယ်မြေ ၉၀ ရာခိုင်နှုန်းကို ကရင်နီတော်လှန်ရေး ပူးပေါင်းတပ်ဖွဲ့များက ထိန်းချုပ်ထားပြီဖြစ်ကြောင်းသိရသည်။

စစ်ကောင်စီသည် ကရင်နီရှိ ကျန် ၁၀ ရာခိုင်နှုန်းကိုသာ ထိန်းချုပ်ထားနိုင်ကာ  ထိုင်း-ကရင်နီနယ်စပ်တစ်လျှောက်နှင့် သံလွင်အရှေ့ခြမ်းရှိ စစ်ကောင်စီစခန်းများကို လက်လွှတ်ခဲ့ရပြီ ဖြစ်ကြောင်း ယနေ့ မတ် ၂၃ ရက်နေ့တွင် ကရင်နီတော်လှန်ရေး တပ်ပေါင်းစုက ထုတ်ပြန်သည်။

ကရင်နီပြည်နယ်အတွင်း တော်လှန်ရေးတပ်ဖွဲ့များက မယ်စဲ့၊ ရှားတော၊ မော်ချီး၊ ဒီးမော့ဆို၊ နန်းမယ်ခုံ၊ ရွာသစ်၊ မိုးဗြဲ မြို့ ခုနစ်မြို့ကို ထိန်းချုပ်ထားနိုင်ပြီး မြို့နယ် ကိုး ခုမှ စစ်တပ်စစ်ခန်းပေါင်း ၆၅ ခုကို စခန်း သိမ်းပိုက်ထားနိုင်ကြောင်းလည်း သိရသည်။

"မြို့နယ်တွေအားလုံးရဲ့ ၉၀ ရာခိုင်နှုန်းကို ထိန်းချုပ်ထားတယ်ပေါ့နော်။ စစ်ကောင်စီ တပ်က သူတို့အခြေစိုက်တဲ့ ဧရိယာတွေလောက်ပဲ ထိန်းချုပ်နိုင်တယ်။ ဥပမာ ဘောလခဲ ဆို ဘောလခဲတပ်ရှိတဲ့နေရာလောက်ပဲ ထိန်းနိုင်တယ်။ ဖရူဆိုဆိုလည်း သူ့တပ်စခန်းရှိတဲ့ နေရာတွေလောက်ပဲ ထိန်းထားနိုင်တယ်။ ဒီးမော့ဆို၊ လွိုင်ကော်စသဖြင့် အဲ့ဒီမှာလည်း အဲ့လိုမျိုးထိန်းထားနိုင်တဲ့ အခြေအနေမျိုးကိုဆိုလိုတယ်။ ရှားတော့မြို့ကိုတော့ အပြီး သတ်သိမ်းထားလိုက်နိုင်ပါပြီ" ဟု ကရင်နီအမျိုးသားများ ကာကွယ်ရေးတပ်(KNDF) ပြန်ကြားရေး တာဝန်ရှိသူက ဧရာဝတီတိုင်းမ်ကို ပြောသည်။

ကရင်နီတော်လှန်ရေးပူး‌ပေါင်း တပ်ဖွဲ့များ၏ နယ်မြေစိုးမိုးနိုင်မှု ပိုမိုကျယ်ပြန့် လာသည် နှင့်အမျှ ကရင်နီပြည်နယ်တဝန်းလုံးကို တပ်ဖြန့်လာနိုင်သဖြင့် စစ်ကောင်စီတပ်များ အနေဖြင့် ၄င်းတို့ တပ်ရင်းများတည်ရှိရာနေရာ အနည်းငယ်တွင်သာ နယ်မြေ စိုးမိုးနိုင်တော့ကြောင်း သိရသည်။

"လောလောဆယ်မှာတော့ လွိုင်ကော်မြို့မှာ စစ်ကောင်စီနဲ့ တော်လှန်ရေးတပ်ဖွဲ့တွေ အပြန်အလှန် တိုက်ခိုက်နေကြပါတယ်။ စစ်ကောင်စီဘက်က လွိုင်ကော်မြို့ကို ပြန်လည်ထိန်းချုပ်နိုင်ဖို့အတွက် ပြန်လည်တိုက်ခိုက်တာတွေ ရှိနေတယ်။ လွိုင်ကော်မြို့ရဲ့ ငါးဆယ်ရာခိုင်နှုန်းလောက်ကို တော်လှန်ရေးတပ်ဖွဲ့တွေ ထိန်းချုပ်ထားတာဖြစ်ပါတယ်" ဟု KNDF ပြန်ကြားရေးတာဝန်ရှိသူ က ဆက်လက်ပြောသည်။

စစ်ကောင်စီသည်  "၁၁၁၁ စစ်ဆင်ရေး" အရှိန်ဖြင့် ကရင်နီပြည်နယ်ရှိ မြို့နယ်များ နှင့် ရှေ့တန်းစခန်းအချို့ကို လက်လွတ်ခဲ့ရသည်။

ထို့ပြင် သံလွင်အရှေ့ဘက်ကမ်းရှိ ရှေ့တန်း စခန်းကုန်းများ၊ နယ်စပ်စခန်းများကို တော် လှန်ရေးတပ်ဖွဲ့များမှ  ဆက်လက်တိုက်ခိုက်သိမ်းပိုက်ခဲ့ရာ စစ်ကောင်စီဘက်မှ ထပ်မံ ဆုတ်ခွာခဲ့ကြရပြီး ကရင်နီဒေသအတွင်း သံလွင်အရှေ့ဘက်ခြမ်းနှင့် မယ်စဲ့မြို့နယ်၊ ရှား တောမြို့နယ်များသည် စစ်ကောင်စီကင်းစင်သည့် ဒေသများဖြစ်လာကြောင်း သိရသည်။

ဓာတ်ပုံ - KNDF

#ကရင်နီ #မြို့သိမ်း #ထိန်းချုပ် #၉၀ရာခိုင်နှုန်း #စစ်ကောင်စီစခန်းဆုတ်ခွာ #တော်လှန်ရေးပူးပေါင်းတပ်ဖွဲ့ #Ayeyarwaddy_Times

မံစီ မိုင်းခေါင်ရွာသစ်က စစ်ကောင်စီတပ်သားများ စခန်းကိုစွန့်ခွာထွက်ပြေးလို့ KIA ကအလွယ်တကူ သိမ်းပိုက်ရရှိ

 မံစီ မိုင်းခေါင်ရွာသစ်က စစ်ကောင်စီတပ်သားများ စခန်းကိုစွန့်ခွာထွက်ပြေးလို့ KIA ကအလွယ်တကူ သိမ်းပိုက်ရရှိ

+++++++++++++++

မတ်၊ ၂၄၊ ၂၀၂၄

ကချင်ပြည်နယ် မံစီမြို့နယ်၊ မိုင်းခေါင်ရွာသစ် က စစ်ကောင်စီ အခြေစိုက် စခန်းမှဒုတပ်ရင်းမှူး ဦးဆောင်တဲ့ အင်အား ၅၀လောက်ဟာ စခန်းကို စွန့်ခွာထွက်ပြေးသွားလို့ KIA က သိမ်းပိုက်ရရှိသွားပြီဖြစ်ကြောင်း သတင်းရရှိပါတယ်

 ခလရ ၁၂၁ မှ ဗိုလ်မှူးဦးစီးတဲ့ အင်အား ၅၀ ပါ တပ်ဖွဲ့က KIAနဲ့ တော်လှန်ရေးတပ်များ စခန်းအနီး ချဉ်းကပ်လာစဉ် ချက်ချင်း တပ်စခန်းကို စွန့်ခွာထွက်ပြေးသွားခြင်းဖြစ်တယ်လို့ သိရပါတယ်။

စခန်းမှစစ်ကောင်စီတပ်ရဲ့ လက်နက်ကြီး ၊ လက်နက်ငယ် မျိုးစုံ အများအပြားနဲ့ ခဲယမ်း၊ ကျည်၊ မိုင်း အများအပြားကိုလည်း ရရှိခဲ့ပါတယ်။

 ကချင်ပြည်နယ်အတွင်းက ဒေသအချို့ကို KIA က မြို့သိမ်းတိုက်ပွဲနဲ့ စခန်းသိမ်းတိုက်ပွဲတွေ ဆင်နွဲလျက်ရှိရာ မံစီမြို့နယ်ရှိ မံဝိန်းကြီး၊ စီခန်းကြီး၊ ကိုက်ထိပ်၊ မဂျီဂုံစသည့် ဗျူဟာမြောက်စခန်းများအပါအဝင် စစ်ကောင်စီစခန်းများကို KIAက တိုက်ခိုက်သိမ်းပိုက်ထားပြီး ဖြစ်ပါတယ်။

မဲသရောထစခန်းသိမ်းတိုက်ပွဲတွင် လက်နက်ကြီး လက်နက်ငယ် (၆၁) လက်နှင့်ခဲယမ်းများ သိမ်းဆည်းရမိ

 မဲသရောထစခန်းသိမ်းတိုက်ပွဲတွင် လက်နက်ကြီး လက်နက်ငယ် (၆၁) လက်နှင့်ခဲယမ်းများ သိမ်းဆည်းရမိ

RNA_မတ်(၂၀)၊၂၀၂၄ခုနှစ်။ 

ကရင်ပြည်နယ်၊ ကျိုက်ဒုံမြို့နယ်ရှိ အကြမ်းဖက် စစ်ကောင်စီ၏ မဲသရောထစခန်းကုန်းသိမ်း တိုက်ပွဲအတွင်း စစ်ကောင်စီလက်အောက်ခံ အလောင်း (၅) လောင်းနှင့် လက်နက်ကြီး လက်နက်ငယ် (၆၁) လက်နှင့် ခဲယမ်းများ သိမ်းဆည်းရမိကြောင်း အထူးစစ်ဆင်ရေးတပ်ဖွဲ့ - SOF ကယနေ့ ထုတ်ပြန်ထားသည်။ 

"တိုက်ပွဲတွင် ရန်သူသေဆုံးရုပ်အလောင်း ၅ လောင်းနှင့် လက်နက်ကြီးလက်နက်ငယ် စုစုပေါင်း (၆၁) လက်နှင့် ခဲယမ်းများစွာ သိမ်းဆည်းရမိခဲ့သည်။ ကျန်ရှိနေသာ စစ်ကောင်စီတပ်သား (၅၀) ဦးခန့်မှာ ထိုင်းနိုင်ငံဘက်ခြမ်း ပိုင်ခလိုင်ရွာဘက်သို့ ထိခိုက်ဒဏ်ရာများစွာဖြင့် ဆုတ်ခွာထွက်ပြေးခဲ့သည်။ KNLA နှင့် SOF မှရဲဘော်များ အထိအခိုက်မရှိပဲ နယ်မြေရှင်းလင်းရေးလုပ်ငန်းများ ဆက်လက်ဆောင်ရွက်ခဲ့ပြီး ၄င်းမြန်မာနိုင်ငံဘက်ခြမ်း နယ်စပ်တလျှောက်အား နယ်မြေစိုးမိုးထားကြောင်း ပြည်သူသို့ လေးစားစွာ အသိပေးထုတ်ပြန်အပ်ပါသည်” ဟု ထုတ်ပြန်ချက်တွင် ဖော်ပြထားသည်။ 

KNLA နှင့် အမျိုးသားညီညွတ်ရေးအစိုးရ၊ တောင်ပိုင်းစစ်ဒေသ၊ အထူးစစ်ဆင်ရေးတပ်ဖွဲ့ - SOF တို့ ပူးပေါင်းကာ မတ်လ (၁၉) ရက်နေ့က KNU တပ်မဟာ (၆) နယ်မြေအတွင်းရှိ စကခ (၁၉) လက်အောက်ခံ ခမရ ၅၅၇/၅၅၈ တပ်သားများအထိုင်ချတပ်စွဲထားသော မဲသရောထ စခန်းကုန်းအား တိုက်ခိုက်သိမ်းပိုက်ခဲ့ချိန် စစ်ကောင်စီလက်အောက်ခံများ ထွက်ပြေးသွားကြကြောင်း၊ ရန်သူများထပ်မံအချေချတပ်စွဲထားသည့် ဂျိုးဖြူချက်ပွိုင့် တောင်ကုန်းအားပိတ်ဆို့၍ ထပ်မံတိုက်ခိုက်ချေမှုန်းခဲ့ရာ တနေကုန်တိုက်ပွဲပြင်းထန်ခဲ့ပြီး ညနေပိုင်းတွင် စခန်းကုန်းအား သိမ်းဆည်းနိုင်ခဲ့ကြောင်း သိရသည်။

#RedNewsAgency

Website - https://rednewsagency.com/

Youtube- https://www.youtube.com/@rednewsmm/

Telegram- https://t.me/rednewsagency/ 

YouTube-subscribers : https://www.youtube.com/@rednewsmm/?sub_confirmation=1

KIA နှင့်မဟာမိတ်တို့ သိမ်းပိုက်ထားသည့် လိုင်ဇာအနီးမှ စစ်တပ်စခန်းသို့ NUG ကာကွယ်ရေးဝန်ကြီး သွားရောက်

 KIA နှင့်မဟာမိတ်တို့ သိမ်းပိုက်ထားသည့် လိုင်ဇာအနီးမှ စစ်တပ်စခန်းသို့ NUG ကာကွယ်ရေးဝန်ကြီး သွားရောက်

--------------

ပြီးခဲ့သည့် သတင်းပတ် သောကြာနေ့ (မတ်၁၅) က ကချင်လွတ်လပ်ရေးတပ်မတော် KIA နှင့် မဟာမိတ်တပ်များက သိမ်းပိုက်ရရှိခဲ့သည့် ဘွမ်ရေဘွမ့် ရှေ့တန်းစစ်စခန်းကို အမျိုးသားညီညွတ်ရေးအစိုးရ NUG ၏ ကာကွယ်ရေးဝန်ကြီး သွားရောက်ခဲ့သည့် သတင်းဓာတ်ပုံများကို NUG ကာကွယ်ရေးဝန်ကြီးဌာနက ယနေ့တွင် ထုတ်ပြန်လိုက်သည်။

ဘွမ်ရေဘွမ့်စခန်းသည် KIO/KIA ဌာနချုပ် လိုင်ဇာအနီးမှ စစ်ကောင်စီ၏ တပ်စခန်းတစ်ခုဖြစ်သည်။ စစ်ကောင်စီက ထိုစစ်စခန်းကို ၂၀၁၂ တွင် KIA ထံမှ သိမ်းပိုက်ထားခြင်းဖြစ်သည်။

NUG က ထုတ်ပြသည့် ထိုစစ်စခန်း၏ဓာတ်ပုံများတွင် ကချင်လွတ်လပ်ရေးအဖွဲ့ (KIO) ဥက္ကဋ္ဌ ဗိုလ်ချုပ်ကြီး အင်ဘန်လ၏ နေအိမ်ကို ပစ်မှတ်ထားပစ်ခတ်မည့် အမြောက်တပ်ဖွဲ့၏ ပစ်မှတ်အညွှန်းကိုလည်း တွေ့ရသည်။

NUG ကာကွယ်ရေးဝန်ကြီးဝန်ကြီး ဦးရည်မွန်နှင့်အတူ KIA စစ်ဦးစီးချုပ် (အမှတ် ၁ စစ်ဒေသမှူး) ဒုဗိုလ်ချုပ်ကြီးခေါင်လွန်းလည်း ထိုစခန်းသို့ သွားရောက်ခဲ့သည်ဟု NUG က ဆိုသည်။

ကချင်လွတ်လပ်ရေးတပ်မတော် KIA နှင့် မဟာမိတ်တပ်များက စစ်သည်အင်အား ထောင်ဂဏန်းသုံးပြီး မတ်လ ၇ ရက် နံနက်ပိုင်းမှစတင်ကာ ကချင်ပြည်နယ်အတွင်းရှိ စစ်ကောင်စီတပ်စခန်းများကို တစ်ပြိုင်နက်ဝင်ရောက်တိုက်ခိုက်ပြီး စစ်ကောင်စီကို စစ်မျက်နှာသစ်ဖွင့်လှစ်ခဲ့သည်။

ထိုစစ်ပွဲတွင် KIA နှင့်အတူ ရက္ခိုင့်တပ်တော် (AA) ၊ ဒေသတွင်းလက်နက်ကိုင်တပ်ဖွဲ့များ၊ NUG လက်အောက်မှ ကချင်ဒေသ ပြည်သူ့ကာကွယ်ရေးတပ် (KPDF)၊ ပြည်သူ့ကာကွယ်ရေးတပ်မတော် (PDF) များပါဝင်ကြသည်။

#MyanmarNow #Kachin #NUG #Laiza #လိုင်ဇာ

သင်္ကန်းညီနောင်အခြေစိုက် ခမရ -၃၅၆ ကိုသိမ်းပိုက်

 သင်္ကန်းညီနောင်အခြေစိုက် ခမရ -၃၅၆ ကိုသိမ်းပိုက်

ကေအဲန်ယူ - ကရင်အမျိုးသားအစည်းအရုံး ဒူးပလာယာခရိုင် ကော့ကရိတ်မြို့နယ် မြ၀တီ/ သင်္ကန်းညီနောင် အ‌ ခြေစိုက် အာဏာသိမ် စစ်ကောင်စီတပ် ခမရ (၃၅၆) တပ်ရင်းအား KNU - တပ်မဟာ (၆) KNLA - ကရင်အမျိုးသားလွတ်မြောက်ရေးတပ်မတော် နှင့် တော်လှန်ရေးပူးပေါင်းတပ်ဖွဲ့တို့မှ ၂၀၂၄ ခုနှစ် မတ်လ ၁၅ ရက်နေ့ ညနေ (၃း၀၀) နာရီမှ စတင်၍ ၀င်ရောက်တိုက်ခိုက်ချေမှုန်းရာ ညနေ (၁၉း၀၀) နာရီတွင် စခန်းတစ်ခုလုံးအား အပြီးသတ် တိုက်ခိုက် သိမ်းပိုက်နိုင်ခဲ့သည်။ 

အဆိုပါ စခန်းသိမ်းတိုက်ပွဲတွင် အာဏာသိမ် စစ်‌ကောင်စီတပ်မှ (၁၁) ဦး သေဆုံးခဲ့ပြီး အများအပြားသေဆုံးမှုစာရင်းအား ပြန်လည်စီစစ်ဆဲ ဖြစ်သည်။ 

ထိုစခန်းအတွင်း သိမ်းဆည်းရမိ လက်နက်ခဲယမ်းများမှာ - 

(၁) MA-1 - ၄ လက်

(၂) MA-3 - ၄ လက်

(၃) ငါးကြင်းမြီး စက်လက် - ၁ လက်

(၄) ငါးကြင်းမြီးပြောင်းတို - ၁ လက်

(၅) 81 MM (ဗုံးသီး) - ၄၂ လုံး

(၆) 60 MM (ဗုံးသီး) - ၁၇ လုံး

(၇) 81 MM (နောက်ပွင့်‌ဗုံးသီး) - ၂၆ လုံး

(၈) နင်းမိုင်း ‌(အသေး) - ၂၅ လုံး

(၉) အီနာဂါ - ၆ လုံး

(၁၀) MA ကျည်ဘောက် - ၇ ဘောက်

(၁၁) MA ကျည်တောင့် - ၁၂၀၀ တောင့် 

(၁၂) လက်ပစ်ဗုံး - ၃ လုံး 

(၁၃) RPG အသီး - ၃ လုံး

(၁၄) နင်းမိုင်း (အကြီး) - ၂၇ လုံး စသည့် လက်နက်ခဲယမ်းများ သိမ်းဆည်း ရမိခဲ့သည်။

ထိုစခန်းသမ်းတိုက်ပွဲအတွင်း KNLA - ကရင်အမျိုးသား လွတ်‌‌‌မြောက်ရေး တပ်မတော် နှင့် တော်လှန််ရေး ပူးပေါင်းတပ်ဖွဲ့တို့မှလည်း (၅) ဦး ဒဏ်ရာရပြီး (၁) ဦးမှာ တိုင်းပြည်နှင့် ဖက်ဒရယ် ဒီမိုက‌ရေစီရရှိရေးအတွက် မြင့်မြတ်စွာ အသက်ပေးလှူသွားခဲ့ရသည်။ 

ကေအဲန်ယူ - ကရင်အမျိုးသားအစည်းအရုံး ဒူးပလာယာခရိုင် တပ်မဟာ (၆) အတွင်း အာဏာသိမ်း စစ်ကောင်စီတပ် စခန်းများအား စခန်းသိမ်းတိုက်ပွဲအဖြင့် သော်လည်းကောင်း ဖော်ဆောင်လျှက်ရှိနေပြီး နေ့စဉ်နှင့်အမျှ တိုက်ပွဲများ ပြင်းထန်လျှက် ရှိနေသည်။ နောက်ထပ် တိုက်ခိုက်သိမ်းပိုက်ရရှိသော အာဏာသိမ်း အကြမ်းဖစ် စစ်ကောင်စီတပ်၏ စခန်းများအား ဒူးပလာယာခရိုင် သတင်းနှင့် ပြန်ကြားရေးမှ ပြန်လည်ထုတ်ပြန်ပေးသွားမည် ဖြစ်သည်။

ဓာတ်ပုံ - ခမရ (၃၅၆) တပ်ရင်းမှ သိမ်းဆည်းရမိ လက်နက်ခဲယမ်းများ။ 

ဒူးပလာယာခရိုင် - သတင်းနှင့် ပြန်ကြားရေး။

မင်းအောင်လှိုင် ဖြုတ်ချရေးနှင့် မြန်မာ့နိုင်ငံရေး ဖြစ်ပေါ်တိုးတက်မှုတဆင့်မြှင့်တင်ရေး

 မင်းအောင်လှိုင် ဖြုတ်ချရေးနှင့် မြန်မာ့နိုင်ငံရေး ဖြစ်ပေါ်တိုးတက်မှုတဆင့်မြှင့်တင်ရေး

နွေဦးတော်လှန်ရေးကာလအတွင်းမှာ မင်းအောင်လှိုင်ဦးဆောင်တဲ့ စစ်အုပ်စုကို ဖြုတ်ချနိုင်လိုက်မှုဟာ စစ်အာဏာရှင် စနစ်ကို အလဲထိုးနိုင်မှု ဖြစ်သလို မြန်မာနိုင်ငံရဲ့ နိုင်ငံရေး ဖြစ်ပေါ်တိုးတက်မှု ဖြစ်စဉ်ကြီးကို တဆင့်မြှင့်တင်ပေးနိုင်လိုက်မှုလဲ ဖြစ်ပါတယ်။ အမျိုးသားညီညွတ်ရေးအစိုးရ နဲ့ တော်လှန်ရေး အင်အားစု အများစုရဲ့ နိုင်ငံရေး ရည်မှန်းချက်ဟာ ဖက်ဒရယ် ဒီမိုကရေစီ ထူထောင်ရေး ဖြစ်ပါတယ်။ တနည်းအားဖြင့် ပြောရရင် လစ်ဘရယ်ဒီမိုကရေစီထူထောင်ရေး ဖြစ်ပါတယ်။ လက်တွေ့အားဖြင့် လစ်ဘရယ် ဒီမိုကရေစီ ထူထောင်ရေး လမ်းကြောင်းပေါ်ကို နွေဦးတော်လှန်ရေးက ရောက်ရှိသွားပြီဆိုရင်ကို မြန်မာနိုင်ငံရဲ့ နိုင်ငံရေး ဖြစ်ပေါ်တိုးတက်မှု ဟာ ရှေ့တဆင့်ကို သိသိသာသာရောက်ရှိသွားမှု ဖြစ်ပါတယ်။ 

လက်ရှိမှာတော့ မြန်မာနိုင်ငံရဲ့ တော်လှန်ရေး အင်အားစု အသီးသီးရဲ့ နိုင်ငံရေး ဖြစ်ပေါ်တိုးတက်မှု နဲ့ စစ်ရေးဖြစ်ပေါ်တိုးတက်မှုဟာ တညီတည်းဖြစ်နေပါဘူး။ တောင်တန်းဒေသ နဲ့ မြေပြန့် ဒေသ ဆိုပြီး သိသိသာသာ ပုံစံကြီး (၂) ခု ကွဲထွက်နေပါတယ်။ ဒါဟာ အဲဒီဒေသ (၂) ခု ရဲ့ နိုင်ငံရေး လွတ်လပ်ခွင့်၊ စီးပွားရေး ဖြစ်ပေါ်တိုးတက်မှု နဲ့ လူလတ်တန်းစား ပေါ်ထွန်းမှု၊ ပဋိပက္ခ ပေါ်ပေါက်မှုတို့ နဲ့ ဆိုင်နေပါတယ်။ ယေဘုယျ ပြောရရင် တောင်တန်း ဒေသ ဟာ စစ်ရေး ဖြစ်ပေါ်တိုးတက်မှုမှာ ရှေ့ရောက်နေပြီး နိုင်ငံရေး ဖြစ်ပေါ်တိုးတက်မှုမှာ အဆင့်တဆင့်မှာပဲ ရှိနေသေးပါတယ်။ အဲဒီ အဆင့် နဲ့ ကိုက်ညီစွာပဲ ဖက်ဒရယ် အရေးဆိုပြီး တော်လှန်ရေးမှာ တောင်းဆိုသံ တခု ပါဝင်လာတာပါ။ မြေပြန့်ဒေသကတော့ စစ်ရေးဖြစ်ပေါ်တိုးတက်မှုမှာ နောက်ရောက်နေပြီး နိုင်ငံရေး ဖြစ်ပေါ်တိုးတက်မှုမှာ နှိုင်းရအားဖြင့် ရှေ့ကို ရောက်ရှိနေပါတယ်။ အဲဒီရဲ့ တောင်းဆိုချက်ကတော့ ဒီမိုကရေစီ ရေးဖြစ်ပါတယ်။ နွေဦး တော်လှန်ရေးကြီးမှာတော့ တောင်တန်း နဲ့ မြေပြန့် ဒေသရဲ့ လိုလားချက် (၂) ခု လုံးကို ဖက်ဒရယ် ဒီမိုကရေစီရေး ဆိုပြီး တောင်းဆိုလိုက်ပါတယ်။ တော်လှန်ရေးသမားတွေရဲ့ လိုလားချက်ဖြစ်တဲ့ တရားမျှတမှု၊ တန်းတူရည်တူဖြစ်မှု၊ ကိုယ့်ကံကြမ္မာကိုယ်ဖန်တီးခွင့်၊ တဦးချင်းလွတ်လပ်ခွင့် စတာတွေ လက်တွေ့အကောင်အထည်ဖော်နိုင်ရေး အတွက်ဆိုရင် စစ်အာဏာရှင် စနစ်ကို ဖြိုချဖို့လိုပါတယ်။ လက်ရှိ စစ်အာဏာရှင် စနစ်ကို ကိုယ်စားပြုနေတာကတော့ မင်းအောင်လှိုင် အုပ်စုပဲ ဖြစ်ပါတယ်။ ဒီ့အတွက် တောင်တန်း အင်အားစုတွေ နဲ့ မြေပြန့် အင်အားစုတွေရဲ့ ဘုံ ပစ်ကွင်းဟာ မင်းအောင်လှိုင် ကို အလျော့မပေးစတန်း ချေမှုန်းရေး ဖြစ်သင့်ပါတယ်။ စစ်အုပ်စုကို တနိုင်ငံလုံး အတိုင်းအတာ ဖြိုချဖို့လိုပါတယ်။

မြန်မာနိုင်ငံရဲ့ ခေတ်သစ် သမိုင်းကို ကြည့်လိုက်ရင် ၁၉၄၈ ခုနစ် လွတ်လပ်ရေး ကာလ ကနေ ၁၉၆၂ ခုနစ် အာဏာမသိမ်းခင် ကာလ ထိပဲ ဒီမိုကရေစီ အဖြစ် တည်ရှိခဲ့တာပါ။ ဒါတောင်မှ ပြည်တွင်းစစ်တွေ၊ စစ်ဘောင်ကျယ်မှုတွေ၊ ဒီမိုကရေစီ အခွင့်အရေး ကန့်သတ်ခံရမှုတွေ ကြုံတွေ့ခဲ့ရပါတယ်။ ၂၀၁၀ ခုနစ် အပေါ် ယံအသွင်ကူးပြောင်းမှု ကာလ မှာ ဒီမိုကရေစီ အခွင့်အရေး တချို့ ရရှိခဲ့ပြီး ၂၀၁၅ ရွေးကောက်ပွဲ အပြီး မှာတော့ ဒီမိုကရေစီ အခွင့်အရေး ပိုမို ရရှိလာခဲ့ပါတယ်။ ၂၀၂၁ ခုနစ် အာဏာသိမ်းမှု အပြီးမှာတော့ ဒီမိုကရေစီ အခွင့်အရေး လုံးဝ ဆိတ်သုန်းသွားပြီး စစ်အာဏာရှင်စနစ်ပဲ အလုံးစုံ ကြီးစိုးသွားပါတယ်။ ဒီလိုနဲ့ မြန်မာ နိုင်ငံရဲ့ နိုင်ငံရေး ဖြစ်ပေါ်တိုးတက်မှုဟာ နောက်ကို ဆုတ်သွားပါတယ်။ နွေဦးတော်လှန်ရေး အောင်ပွဲ ခံရရင် ဒီမိုကရေစီ လမ်းကြောင်းပေါ်ကို ပြန်လည် ရောက်ရှိလာမှာ ဖြစ်ပြီး မြန်မာနိုင်ငံရဲ့ နိုင်ငံရေး ဖြစ်ပေါ်တိုးတက်မှု ရှေ့ကို ပြန်ရောက်လာမှာ ဖြစ်ပါတယ်။

လက်ရှိ ကမ္ဘာမှာလဲ ကွန်မြူနစ် အာဏာရှင်စနစ်၊ ဘာသာရေး အစွန်းရောက် အုပ်ချုပ်မှု၊ အလုံးစုံ ထိန်းချုပ်ရေး အာဏာရှင်စနစ်၊ အယောင်ဆောင် ဒီမိုကရေစီ စနစ်တို့ အားနည်းလာပြီး လစ်ဘရယ် ဒီမိုကရေစီ နိုင်ငံသာ အများစု ဖြစ်လာပါတယ်။ အနည်းဆုံး အဲဒီ လမ်းကြောင်းပေါ်မှာ ရှိနေပါတယ်။ အာဏာရှင်တွေ ကြီးစိုးတဲ့ အရှေ့အလယ်ပိုင်း နဲ့ အာဖရိက ထိပ်ပိုင်း ဒေသ နိုင်ငံတွေမှာတောင် အာရပ် နွေဦး အပြီးမှာ ဒီမိုကရေစီ လမ်းကြောင်းပေါ် ကို ရောက်ရှိလာခဲ့ပြီ ဖြစ်ပါတယ်။

မြန်မာနိုင်ငံမှာလဲ တရားမျှတမှု၊ ကိုယ့်ကံကြမ္မာကိုယ် ဖန်တီးမှု၊ တန်းတူရည်တူဖြစ်မှု၊ တဦးချင်း လွတ်လပ်ခွင့်တွေ အာမခံမယ့် နိုင်ငံရေး စနစ်သစ် ပေါ်ပေါက်လာရေး အတွက် ပထမဆုံး တင်ကြို လိုအပ်ချက် အဖြစ် မင်းအောင်လှိုင်ရဲ့ စစ်အာဏာရှင် စနစ်ကို ဦးစွာ ချေမှုန်းဖို့လိုပါတယ်။ အဲဒီနောက်မှာတော့ မြန်မာနိုင်ငံရဲ့ နိုင်ငံရေး ဖြစ်ပေါ်တိုးတက်မှု ဟာ အဆင့် တခု ကို ရောက်လာပြီ လို့ ပြောလို့ရပါတယ်။

လက်ရှိစစ်ရေးအခြေအနေကို ခြုံငုံသုံးသပ်နိုင်ဖို့ PDF Insight ကို ဖတ်ရှုပါ။ 

#PDFInsight

နယ်စပ်အနီးတိုက်ပွဲမှာ စစ်ကောင်စီတပ်ဖွဲ့ဝင် ၅၀ နီးပါး ထိုင်းဘက်ခြမ်းဝင်ပြေး

 နယ်စပ်အနီးတိုက်ပွဲမှာ စစ်ကောင်စီတပ်ဖွဲ့ဝင် ၅၀ နီးပါး ထိုင်းဘက်ခြမ်းဝင်ပြေး

ထိုင်စစ်တပ်က လက်နက်ဖြုတ်သိမ်းပြီး စစ်ကောင်စီတပ်ဖွဲ့ဝင်တွေကို ထိန်းသိမ်းထား

နိုင်ပကောင်း/People's Spring

ထိုင်း − မြန်မာ နယ်စပ်အနီး ကရင်ပြည်နယ် ၊ ကြာအင်းဆိပ်ကြီးမြို့နယ်ထဲမှာ ဒီနေ့ မတ်လ ၁၉ ရက် နေ့လယ်ပိုင်းက KNU တပ်မဟာ ၆ နဲ့ ဖြစ်ပွားတဲ့ တိုက်ပွဲမှာ စစ်ကောင်စီတပ်ဖွဲ့ဝင် ၅၀ နီးပါး ထိုင်းဘက်ခြမ်းထဲ ထွက်ပြေးသွားတယ်လို့ စစ်ရေးသတင်းရင်းမြစ်ကအသိပေးပါတယ်။

ကြာအင်းဆိပ်ကြီးမြို့နယ် ၊ ပိုင်ခလိုရွာဟောင်းအနီး ဖြစ်ပွားတဲ့တိုက်ပွဲမှာ စစ်ကောင်စီတပ်ဖွဲ့ဝင် ၄၈ ဦးဟာ ထိုင်းနိုင်ငH ၊ အုန်းဖန်မြို့ ၊ ပိုင်ခလန်ရွာထဲ ထွက်ပြေးသွားတာလို့ စစ်ရေးသတင်းရင်းမြစ်က ပြောပါတယ်။

ဒီလိုထွက်ပြေးသွားတဲ့စစ်ကောင်စီတပ်ဖွဲ့ဝင်တွေဟာ နယ်စပ်အနီးရှိ ရေတလျောက်စခန်းနဲ့ မဲသရောခီးစခန်းတွေက တပ်ဖွဲ့ဝင်တွေ ဖြစ်တယ်လို့ သိရပါတယ်။

ထွက်ပြေးလာတဲ့ စစ်ကောင်စီတပ်ဖွဲ့ဝင် တွေကို ထိုင်းစစ်တပ်က လက်နက်ဖြုတ်သိမ်းပြီး ထိန်းသိမ်းထားတယ်လို့သိရပါတယ်။

ကြာအင်းဆိပ်ကြီးမြို့နယ် က ကျိုက်ဒုံမြို့နယ်ခွဲအခြေစိုက် စစ်ကောင်စီ ဗျုဟာစခန်းကို KNU ဦးစီးတဲ့ ပူးပေါင်းတပ်တွေက ပြီးခဲ့တဲ့ရက်ပိုင်းက တိုက်ယူခဲ့ပါတယ်။

အဲဒီနောက် ကျိုက်ဒုံမြို့အနီးနဲ့ နယ်စပ်ကျေးရွာတွေ စစ်ကောင်စီတပ်နဲ့ KNU ပူးပေါင်းတပ်တွေကြား စစ်ရေးတင်းမာနေပြီး တိုက်ပွဲတွေ ဆက်ဖြစ်နေတာပါ။

ကလေးမြို့အနီး၌ စစ်ကောင်စီအဖွဲ့အား တိုက်ခိုက်ရာ လက်နက်ငယ် (၁၉) လက် သိမ်းဆည်းရ

 ကလေးမြို့အနီး၌ စစ်ကောင်စီအဖွဲ့အား တိုက်ခိုက်ရာ လက်နက်ငယ် (၁၉) လက် သိမ်းဆည်းရ

မတ်လ (၁၇) ရက် 

          စစ်ကိုင်းတိုင်း၊ ကလေးမြို့နယ်၊ ကလေးမြို့အနီး၌ စစ်ကောင်စီ တပ်ဖွဲ့ဝင်များနှင့် ကလေးခရိုင် တပ်ပေါင်းစုအဖွဲ့တို့ မတ်လ (၁၆) ရက်နေ့တွင် တိုက်ပွဲများ ဖြစ်ပွားခဲ့ရာ လက်နက်ငယ် (၁၉) လက် သိမ်းဆည်းရသည်။ 

          အထူးလှုပ်ရှား တပ်ရင်း (၂၊ ၆)၊ ကလေးခရိုင် လှုပ်ရှားတပ်ဖွဲ့၊ ကလေးမြို့နယ် ပကဖ၊ CDF-KKG၊ RKDF၊ RCDF၊ EFDF၊ HNB နှင့် ဒေါင်းသွေးရာဇာ ပူးပေါင်းအဖွဲ့တို့မှ ပျူစောထီးရွာများဖြစ်သည့် အောင်မြင်သာရွာနှင့် ကျောင်းတိုက်ရွာအား တိုက်ခိုက်ခဲ့ကြခြင်းဖြစ်ပြီး ကလေးခရိုင် မြို့ပြစစ်ဆင်ရေးတပ်ဖွဲ့မှလည်း မင်းလှရွာအား ဖြတ်တောက်ရေးတာဝန် ယူပေးခဲ့သည်။ 

          အောင်မြင်သာရွာ၌ ဗိုလ်ကြီး ကျော်လင်းမောင် ဦးစီးသော စစ်ကောင်စီ ထုတ်နုတ်အင်အား (၂၂) ဦးနှင့် ပျူစောထီး ပူးပေါင်းအင်အား (၄၀) ဦး အခြေချနေထိုင်ပြီး ကျောင်းတိုက်ရွာ၌ ဗိုလ် ဖြိုးသန့် ဦးစီးသော စစ်ကောင်စီ ထုတ်နုတ်အင်အား (၂၇) ဦးနှင့် ပျူစောထီး ပူးပေါင်းအင်အား (၅၉) ဦး အခြေချ နေထိုင်သည်။

          ၎င်းတိုက်ပွဲတွင် စစ်ကောင်စီဝင် (၆) ဦး သေဆုံးပြီး (၅) ဦး ထိခိုက်ဒဏ်ရာရသည်။ မိမိတို့ဘက်မှ ကျောင်းတိုက်ရွာအား အောင်မြင်စွာ တိုက်ခိုက် သိမ်းပိုက်နိုင်ခဲ့ပြီး ကျောင်းတိုက်ရွာမှ ရန်သူများ ဆည်တော်ဦးရွာနှင့် အောင်မြင်သာရွာသို့ ဆုတ်ခွာသွားသည်။ ကျောင်းတိုက်ရွာသို့ ကလေးမြို့မှ တက်လာသော Mi-35 ဖြင့် လေကြောင်းတိုက်ခိုက်မှု (၂) ကြိမ် ပြုလုပ်ခဲ့သည်။

           မိမိတို့ဘက်မှ ရဲဘော် (၂) ဦး မြင့်မြတ်စွာ ကျဆုံးခဲ့ရသည်။ ရန်သူ့ထံမှ MA-15 (ငါးကြင်းမြှီး)နှင့် MA-10 (RPG-7) အပါအဝင် လက်နက်ငယ် (၁၇) လက်၊ ကျည်မျိုးစုံ (၁၃၀၀) ကျော်၊ ဗုံးသီးမျိုးစုံ အလုံး (၁၀) ကျော်၊ ကျည်အိမ် (၃၀) ကျော်နှင့် စစ်သုံးပစ္စည်းအချို့ သိမ်းဆည်းရသည်။

          ဒါ့အပြင် နန်းစောင်းပုရွာသစ်၌ ကံသာယာရွာသို့ စစ်ကြောင်းထိုးလာသော တပ်မ-၂၂ လက်အောက်ခံ စစ်ကောင်စီ ထုတ်နုတ်အင်အားနှင့် ပျူစောထီး ပူးပေါင်းအင်အား (၁၃၀) ခန့်အား အထူးလှုပ်ရှား တပ်ရင်း (၂၊ ၅)၊ ကလေးခရိုင် ဒရုန်းတပ်ဖွဲ့၊ ကလေးခရိုင် တပ်ရင်း (၂၊ ၄၊ ၅)၊ ကလေးမြို့နယ် ပကဖ၊ RKDF၊ HNB၊ EFDF၊ ဒေါင်းသွေးရာဇာ၊ S2UG၊ GRF၊ TCDF ပူးပေါင်းအဖွဲ့တို့မှ ပစ်ခတ် တိုက်ခိုက်ခဲ့ကြသည်။ 

          ၎င်းတိုက်ပွဲတွင် စစ်ကောင်စီဘက်မှ ဒရုန်းများဖြင့်လည်း တိုက်ခိုက်ခဲ့ကြသည်။ ရန်သူ့ဘက်မှ ဗိုလ်ကြီး (၁) ဦးနှင့် ဒု-တပ်ကြပ် (၁) ဦး၏ အလောင်း (၂) လောင်း ရရှိသည်။ ရန်သူ့ထံမှ လက်နက်ငယ် (၂) လက်၊ MA ကျည် (၁၇) တောင့်နှင့် ကျည်အိမ် (၂) ခု သိမ်းဆည်းရသည်။ 

          စစ်ကောင်စီဘက်မှ ကလေးမြို့ အနီးဝန်းကျင်ရှိ တိုက်ပွဲမဖြစ်ပွားသော နေရာများသို့လည်း လက်နက်ကြီးများဖြင့် မီးလောင်ဗုံးအပါ ဗုံးအလုံး (၂၀၀) ကျော် ပစ်ခတ် တိုက်ခိုက်ခဲ့သောကြောင့် ပြည်သူ့နေအိမ်အချို့မီးလောင်ပြီး ပြည်သူအချို့ ထိခိုက်ဒဏ်ရာရသည်ဟု ကနဦး သတင်းရရှိသည်။

အမှတ် (၁) စစ်ဒေသ

ရသေ့တောင်မြို့နယ်ကို AA သိမ်းပိုက်

 ရသေ့တောင်မြို့နယ်ကို AA သိမ်းပိုက်

---------

မြို့နယ် ၁၇ မြို့နယ်ဖြင့် ဖွဲ့စည်းထားသည့် ရခိုင်ပြည်နယ်တွင် ၈ မြို့နယ်သည် AA ထိန်းချုပ်မှုအောက် ရောက်သွားပြီဖြစ်သည်။

Myanmar Now 

ရခိုင်ပြည်နယ်၊ ရသေ့တောင်မြို့နယ်အခြေစိုက် စစ်ကောင်စီတပ်၏ ခြေမြန်တပ်ရင်းများကို အပြီးသတ် သိမ်းပိုက်လိုက်ပြီဖြစ်ကြောင်း ရက္ခိုင့်တပ်တော် (AA) က ယနေ့ (မတ်လ ၁၈) နံနက်တွင် သတင်းထုတ်ပြန်လိုက်သည်။

ရသေ့တောင်မြို့နယ်အတွင်း နောက်ဆုံးကျန်ရှိသည့် စစ်ကောင်စီတပ်စခန်းများဖြစ်ကြသည့် ခြေမြန်တပ်ရင်း အမှတ် (၅၃၆)၊ (၅၃၇)၊ (၅၃၈) တို့ကို သတင်းနှစ်ပတ်ခန့် ထိုးစစ်ဆင်ပြီးနောက် ယမန်နေ့ ( မတ် ၁၇) ညနေ ၄ နာရီခန့်တွင် အပြီးသတ်သိမ်းပိုက်နိုင်ခဲ့သည်ဟု ထုတ်ပြန်ချက်က ဆိုသည်။

“ဤစခန်းများအတွင်းမှ ရန်သူအင်အား နှစ်ရာခန့်သည် စစ်သင်္ဘောများဖြင့် ကိုယ်လွတ်ရုန်း ထွက်ပြေးလွတ်မြောက်သွားသော်လည်း စစ်မှုထမ်းဥပဒေအား ခုတုံးလုပ်ပြီး စစ်ကောင်စီမှ လောလောလတ်လတ် စစ်သင်တန်းပေးထားသော ဘင်္ဂလီအချို့၏ အလောင်းများ၊ ရန်သူစစ်ကောင်စီ၏ အလောင်းများ၊ လက်နက်ခဲယမ်း၊ စစ်အသုံးအဆောင်ပစ္စည်းများကို သိမ်းဆည်းရမိခဲ့သည်” ဟု AA ၏ထုတ်ပြန်ချက်တွင် ပါရှိသည်။

ရသေ့တောင်မြို့နယ်သည် စစ်တွေခရိုင်အတွင်း ပါဝင်သော မြို့နယ်ဖြစ်သည်။

အထွေထွေအုပ်ချုပ်ရေးဦးစီးဌာန၏ ၂၀၁၉ ခုနှစ် အချက်အလက်များအရ မြို့နယ်ဧရိယာ စတုရန်းမိုင် ၄၃၇.၇၆၁ မိုင် ကျယ်ဝန်းပြီး လူဦးရေ ၁၃၀၀၀၀ ကျော် နေထိုင်သည်။

မြို့ပေါ်တွင် လူဦးရေ ၈ ထောင်ကျော်သာ နေထိုင်ပြီး ကျန်လူဦးရေမှာ ကျေးလက်ဒေသများတွင် နေထိုင်ကြသည်ဟု ဖော်ပြထားသည်။

စစ်တွေခရိုင်တွင် စစ်တွေ၊ ပုဏ္ဏားကျွန်း၊ ပေါက်တော၊ ရသေ့တောင်မြို့နယ်တို့ရှိရာ AA က ခရိုင်တစ်ခုလုံးကို သိမ်းယူရန် စစ်တွေမြို့နယ်သာ ကျန်ရှိတော့သည်။ မြို့နယ် ၁၇ မြို့နယ်ဖြင့် ဖွဲ့စည်းထားသည့် ရခိုင်ပြည်နယ်တွင် ၈ မြို့နယ်သည် AA ထိန်းချုပ်မှုအောက် ရောက်သွားပြီဖြစ်သည်။

AA က ရသေ့တောင်မြို့နယ်ရှိ စစ်ကောင်စီတပ်စခန်းများကို ပြီးခဲ့သည့်နှစ် နိုဝင်ဘာ ၁၃ ရက်နေ့တွင် စတင်ထိုးစစ်ဆင်ခြင်းဖြစ်သည်။ ရခိုင်ပြည်နယ်တွင် ၁၀၂၇ စစ်ဆင်ရေး စတင်သည့် နိုဝင်ဘာ ၁၃ ရက်နေ့တွင်ပင် AA က ရသေ့တောင်မြို့နယ်ရှိ ဒုံးပိုက်နယ်ခြားစောင့်စခန်းကို ပွဲဦးထွက် သိမ်းပိုက်သည်။

နောက်တစ်ရက် နိုဝင်ဘာ ၁၄ တွင် ချိန်ခါလီနယ်ခြားစေင့်စခန်းကို ထပ်သိမ်းသည်။

ဇန်နဝါရီလအတွင်း တိုက်ပွဲများဖြစ်ထန်လာပြီး ရသေ့တောင်မြို့နယ်အတွင်းရှိ နယ်ခြားစောင့်စခန်းများနှင့် အခြေစိုက်တပ်စခန်းအများအပြားမှ စစ်ကောင်စီတပ်သားများ လက်နက်ချသူချ၊ စခန်းစွန့်သူစွန့်သွားကြပြီးနောက် ထိုစခန်းများကို AA သိမ်းပိုက်ရရှိသွားသည်။

နောက်ဆုံးလက်ကျန်နယ်ခြားစောင့်စခန်းဖြစ်သည့် ကိုးတန်ကောက်နယ်ခြားစောင့်စခန်းကို ဖေဖော်ဝါရီလ ၉ ရက်နေ့တွင် ထပ်မံသိမ်းပိုက်လိုက်ရာ မြို့ဧရိယာနှင့် ကပ်လျက်ရှိနေသည့် ခမရ ၅၃၆၊ ၅၃၇၊ ၅၃၈ တပ်ရင်း ၃ ရင်းသာ စစ်ကောင်စီတပ်စခန်းများအဖြစ် ရသေ့တောင်မြို့နယ်အတွင်း ကျန်နေခြင်းဖြစ်သည်။

ရခိုင်ပြည်နယ် ၁၀၂၇ စစ်ဆင်ရေး ၄ လကျော်အတွင်း AA က ချင်းပြည်နယ် ပလက်ဝမြို့နယ်၊ ပြည်နယ်မြောက်ပိုင်းမှ ကျောက်တော်၊ မြောက်ဦး၊ မင်းပြား၊ ပေါက်တော၊ မြေပုံ၊ ပုဏ္ဏားကျွန်း၊ ရသေ့တောင်၊ တောင်ပိုင်းမှ ရမ်းဗြဲ စုစုပေါင်း ၉ မြို့နယ်ကို သိမ်းပိုက်ထားပြီဖြစ်သည်။

မြောက်ပိုင်းတွင် ကျန်ရှိနေသည့် ဘူးသီးတောင်နှင့် မောင်တောမြို့နယ်တို့မှ လက်နက်ချအညံ့မခံသော တပ်စခန်းများကို သိမ်းပိုက်ရရှိရေး AA က ဆက်လက်ထိုးစစ်ဆင်နေသည်။

ဘူးသီးတောင်မြို့အတွင်းရှိ စကခ (၁၅) လက်အောက်ခံ ခမရ (၅၅၂) တပ်ရင်းကို အပြီးသတ်သိမ်းပိုက်နိုင်ရေး ထိုးစစ်မြှင့်တိုက်ခိုက်လျက်ရှိသည်ဟု ယနေ့ထုတ်ပြန်ချက်တွင် ဖော်ပြထားသည်။

#MyanmarNow #Rakhine #rathaedaung #ရသေ့တောင်

စစ်ကောင်စီ၏ ဗျူဟာမှူး ဗိုလ်မှူးကြီးအောင်ကျော်စိုး အပါအဝင် စစ်သား ၆၀ ကျော် လက်နက်ချသော ကျိုက်ဒုံဗျူဟာစခန်းမှ ၁၂၀ မမ လက်နက်ကြီး၊ ပွိုင့်ဖိုက်၊ ငါးကြင်းမြီး၊ RPG လက်နက်ကြီးများအပါအဝင် လက်နက် ၉၀ ကျော်သိမ်းဆည်းရရှိ

 စစ်ကောင်စီ၏ ဗျူဟာမှူး ဗိုလ်မှူးကြီးအောင်ကျော်စိုး အပါအဝင် စစ်သား ၆၀ ကျော် လက်နက်ချသော ကျိုက်ဒုံဗျူဟာစခန်းမှ  ၁၂၀ မမ လက်နက်ကြီး၊ ပွိုင့်ဖိုက်၊ ငါးကြင်းမြီး၊ RPG လက်နက်ကြီးများအပါအဝင် လက်နက် ၉၀ ကျော်သိမ်းဆည်းရရှိ

ရန်ကုန်၊ မတ် ၁၇ 

ကရင်ပြည်နယ်၊ ကော့ကရိတ်မြို့နယ်၊ ကျိုက်ဒုံဗျူဟာစခန်းကုန်းကို တိုက်ခိုက်သိမ်းပိုက်ခဲ့ရာ ၁၂၀ မမ လက်နက်ကြီး၊ ပွိုင့် ဖိုက်၊ ငါးကြင်းမြီး၊ RPG လက် နက်ကြီးများအပါအဝင် လက်နက် ၉၀ ကျော် သိမ်းဆည်းရရှိခဲ့ကြောင်း KNLA ဗဟိုက ထုတ်ပြန်သည်။

မတ်လ ၁၃ ရက် နံနက် ၆ နာရီ မိနစ် ၅၀ အချိန်မှစ၍ ကော့ကရိတ်မြို့နယ်၊ ကျိုက်ဒုံတွင် အခြေချ တပ်စွဲထားသည့် စကခ ၁၃ လက်အောက်ခံ ကျိုက်ဒုံဗျူဟာစခန်းကုန်းကို တက်ရောက်တိုက်ခိုက် ချေမှုန်းခဲ့ရာ မတ်လ ၁၄ ရက် ညနေ ၄ နာရီ မိနစ် ၃၀ အချိန်တွင် အပြီးအပိုင် သိမ်းပိုက်နိုင်ခဲ့ကြောင်း သိရသည်။

ယင်းအကြမ်းဖက်စစ်တပ်စခန်းကို ကရင်အမျိုးသားလွတ်မြောက်ရေးတပ်မ တော် တပ်မဟာ ၆ ဦးဆောင်သောတော်လှန်ရေးပူးပေါင်းတပ်ဖွဲ့များကဇန်နဝါရီလ ၂၇ ရက်နေ့မှစ၍ ဝိုင်းပတ် တိုက်ခိုက် ပိတ်ဆို့ထားပြီးနောက် မတ်လ ၁၄ ရက်နေ့ တွင် အပြီးအပိုင် သိမ်းပိုက်လိုက်ခြင်းဖြစ်ကြောင်း သိရသည်။

အကြမ်းဖက်စစ်ကောင်စီ၏ ကျိုက်ဒုံဗျူဟာစခန်းအတွင်းမှ RPG ၊ ပွိုင့်5 ၊ ငါး ကြင်းမြီး စက်သေနတ် အပါအဝင် လက်နက်ငယ်ပေါင်း ၈၆ လက် ၊ ၆၀ မမ ၄ လက် ၊ ၈၁ မမ ၂ လက် ၊ ၁၂၀ မမ ၁ လက် ၊ Drone Gun ၂ လက် ၊ ခဲယမ်းကျည်များ နှင့်စစ်အသုံးအဆောင်ပစ္စည်းမြောက်များစွာတို့ကို သိမ်း ဆည်း ရရှိခဲ့ကြောင်း သိရသည်။

 KNU တပ်မဟာ ၆ နယ်မြေ အတွင်းရှိ ကျိုက်ဒုံ ဗျူဟာ စစ်တပ်စခန်းမှ ဗျူဟာမှူး ဗိုလ်မှူးကြီး အောင်ကျော်စိုး ဦးဆောင်သော အင်အား ၆၀ ဝန်းကျင်ပါ တပ်ဖွဲက KNLA ထံတွင် အလံဖြူထောင်၍ လက်နက်ချ အညံ့ခံခဲ့ကြောင်း၊  မတ်လ ၁၄ ရက်နေ့ ညနေ ၄ နာရီ ၂၀ မိနစ်အချိန်တွင် KNLA ဦးဆောင်သော တော်လှန် ရေးမဟာမိတ်တပ်များထံတွင် ဗျူဟာမှူး ဗိုလ်မှူးကြီးအောင်ကျော်စိုး ဦးဆောင်သော တပ်များက လက်နက်ချ အညံ့ခံခြင်းဖြစ်ကြောင်း သိရှိရသည်။

ဆွမ်ပရာဘွမ်မြို့ကို KIAထိန်းချုပ်ထားပြီး စစ်ကောင်စီဗျူဟာစခန်းကို ဆက်လက်ထိုးစစ်ဆင်နေ

 ဆွမ်ပရာဘွမ်မြို့ကို KIAထိန်းချုပ်ထားပြီး စစ်ကောင်စီဗျူဟာစခန်းကို ဆက်လက်ထိုးစစ်ဆင်နေ

ဆန်အောင်/People’s Spring

ကချင်ပြည်နယ် ဆွမ်ပရာဘွမ်မြို့ကို ကချင်လွတ်လပ်ရေးတပ်မတော်(KIA)က ထိန်းချုပ်ထားပြီး စစ်ကောင်စီ ဗျူဟာစခန်းကို ဆက်လက်ထိုးစစ်ဆင်နေကြောင်း စစ်ရေးသတင်းရင်းမြစ်က ပြောသည်။

ဆွမ်ပရာဘွမ်မြို့နယ်ရှိ စစ်ကောင်စီတပ်စခန်းအချို့ကို KIAက မတ်လ ဒုတိယပတ်တွင် သိမ်းပိုက်ပြီးနောက် ရဲစခန်းမှစခန်းမှူးဦးဆောင်သည့် အဖွဲ့သည် KIAထံ လက်နက်ချ အလင်းဝင်ခဲ့သည်။ ထို့နောက် ဆွမ်ပရာဘွမ်မြို့နယ်အတွင်း ကျန်နေသည့် စစ်ကောင်စီတပ်စခန်းကို မတ်လ ၁၄ရက်မှ စတင် ထိုးစစ်ဆင်နေခြင်းဖြစ်သည်။

"စကစ တပ်စခန်းကို ဆက်လက်ထိုးစစ်ဆင်နေဆဲပါ။ မြို့ကိုတော့ ငါတို့ ထိန်းချုပ်ထားတယ်"ဟု စစ်ရေး သတင်းရင်းမြစ်က ယနေ့ မတ်လ ၁၇ရက်နံနက်တွင် ပြောသည်။

ဆွမ်ပရာဘွမ် စစ်ကောင်စီဗျူဟာကုန်းကို သိမ်းပိုက်ပြီးဖြစ်ကြောင်း သတင်းများနှင့်ပတ်သက်ပြီး ယခုကဲ့သို့ ပြောပြခြင်းဖြစ်သည်။

အခြား စစ်ရေးသတင်းရင်းမြစ်တစ်ဦးကလည်း အပြင်းအထန် တိုက်နေဆဲဟု ဆွမ်ပရာဘွမ် တိုက်ပွဲ အခြေအနေကို ယနေ့နံနက်တွင် ပြောပြသည်။

KIAက ဆွမ်ပရာဘွမ်စစ်ကောင်စီစခန်း သိမ်းတိုက်ပွဲဆင်နွှဲနေဆဲဖြစ်ကြောင်း KIA သတင်းပြန်ကြားရေးက ယမန်နေ့ညပိုင်း၌ အသိပေးထားသည်။ စစ်ကောင်စီဘက်ကလည်း လေကြောင်းပစ်ကူသုံးခုခံနေကြောင်း ဖော်ပြသည်။

KIAအနေဖြင့် မတ်လ ၇ရက်မှစ၍ ဌာနချုပ်လိုင်ဇာအနီးရှိ စစ်ကောင်စီ တပ်စခန်းများကို တိုက်ခိုက်သိမ်းပိုက်မှု စစ်ဆင်ရေးလုပ်ဆောင်နေသကဲ့သို့ အခြား တပ်မဟာနယ်မြေအသီးသီး၌လည်း စစ်ကောင်စီတပ်နှင့် တိုက်ပွဲများ ဖြစ်နေကြောင်း KIA  အသိပေးထားသည်။

လိုင်ဇာကို ခြိမ်းခြောက်နိုင်သည့် ခရာတောင်၊ ဘွမ်ရယ်တောင် စစ်ကောင်စီတပ်စခန်းများအပါအဝင် ဒေသတွင်း တပ်စခန်းအားလုံးကို စစ်ဆင်ရေး ၁၀ရက်အတွင်း အပြီးသတ် သိမ်းပိုက်ထားပြီး အခြား ဒေသရှိတပ်ရင်းနှင့် တပ်စခန်းများကိုလည်း သိမ်းပိုက်ထားသည်။

ကနီမြို့ ၁၁ ရက်အကြာတိုက်ပွဲတွင် စစ်တပ်ဘက်မှ ၄၇ ဦး သေဆုံးပြီး လက် နက် ၁၁ လက်နှင့် ခဲယမ်းများ သိမ်းဆည်းရရှိ၊ PDF ရဲဘော် ၁၁ ဦးကျဆုံး

 ကနီမြို့ ၁၁ ရက်အကြာတိုက်ပွဲတွင် စစ်တပ်ဘက်မှ ၄၇ ဦး သေဆုံးပြီး လက် နက် ၁၁ လက်နှင့် ခဲယမ်းများ သိမ်းဆည်းရရှိ၊ PDF ရဲဘော် ၁၁ ဦးကျဆုံး

 ရန်ကုန်၊ မတ် ၁၆ 

စစ်ကိုင်းတိုင်း၊ ယင်းမာပင်ခရိုင်၊ ကနီမြို့သို့ ဝင်ရောက်တိုက်ခိုက်မှုများအတွင်း အကြမ်းဖက် စစ် ကောင်စီတပ် သား ၄၇ ဦးသေဆုံးကာ စစ်ကောင်စီတပ်သား အလောင်း ၁၁ လောင်းနှင့်လက်နက် ၁၁ လက်နှင့်ခဲယမ်းများ သိမ်းဆည်းရရှိခဲ့ကြောင်း အမှတ် ၁ စစ်ဒေသက ထုတ်ပြန်သည်။

 

မတ်လ ၂ ရက်နေ့မှ စတင်၍ ၁၂ ရက်နေ့အထိ ကနီမြို့ ရဲစခန်း၊ ထွေအုပ်ရုံး၊ ဘုရားကုန်း၊ ဆေးရုံ၊ စာသင် ကျောင်းတို့ တွင် အခြေချနေသော ခလရ ၈၇၊ ၈၉၊ ၂၂၂ ၊ ခမရ-၃၁၃ ပူးပေါင်း စစ်သား အင်အား ၁၀၀ ကျော်၊ ပုလဲမြို့နယ်၊ အင်မထီးရွာမှ လေကြောင်းဖြင့် ပို့ဆောင်သည့် စစ်ကူ အင်အား ၁၂၀ ခန့် နှင့် ရေဦးမြို့မှ စစ်ကူလာသော ဘီလူးစစ်ကြောင်း အင်အား ၈၀ ခန့်တို့ကို ယင်းမာပင်ခရိုင် ပြည်သူ့ကာကွယ်ရေးတပ်ပေါင်းစုက တိုက်ခိုက်ခဲ့ကြောင်း သိရသည်။

ထို့သို့ ဝင်ရောက်တိုက်ခိုက်မှုအတွင်း အကြမ်းဖက်စစ်ကောင်စီတပ်သား ၄၇ ဦးသေဆုံးကာ ၂၀ ကျော် ထိခိုက်ဒဏ်ရာရရှိခဲ့ပြီး စစ်ကောင်စီတပ်သား အလောင်း ၁၁ အလောင်းမျက်မြင်တွေ့ရှိခဲ့ကြောင်း၊ ၎င်းတို့ထံမှ ၈၁ မမ လက်နက်ကြီးအပါအဝင် လက်နက်မျိုးစုံ ၁၁ လက်၊ ဗုံးသီးမျိုးစုံ အလုံး ၅၀ ကျော်၊ ကျည် မျိုးစုံ အတောင့် ၁၃၀၀ ကျော်၊ မီးကျည် အတောင့် ၂၀ ခန့်၊ ရှေ့ထွက်မိုင်း ၃ ခု၊ ကျည်အိမ်ကတ် ၂၀ ကျော်နှင့် Jammer ၂ ခု သိမ်းဆည်းရရှိခဲ့ကြောင်း သိရသည်။  

ယင်းတိုက်ပွဲအတွင်း အကြမ်းဖက်စစ်ကောင်စီတပ် လေကြောင်းမှ Mi-35 နှင့် Jet Fighter တို့ ဖြင့် လေကြောင်းတိုက်ခိုက်မှုပေါင်း ၅၄ ကြိမ် တိုက်ခိုက်ခဲ့ပြီး Y-12 ဖြင့် ဗုံးသီးအလုံး ၁၀၀ ကျော်ကျဲ ချ တိုက်ခိုက်ခဲ့ကြောင်း သိရသည်။  

အဆိုပါ တိုက်ခိုက်မှုကို ယင်းမာပင်ခရိုင် ကွပ်ကဲရေး၊ ယင်းမာပင်ခရိုင် တပ်ရင်း ၁၊ ၂၊ ၆၊ ၉၊ ၁၇၊ ၁၈၊ ၂၁၊ ၂၂၊ ၂၃၊ ၂၅၊ ၂၇၊ ၃၀၊ ၃၂ ၊ LPDF၊ ဆားလင်းကြီးစစ်ကြောင်း၊ Alpha စစ်ကြောင်း၊ ဒရုန်းတပ်ဖွဲ့ များနှင့် ကနီမြိုနယ် ပအဖ၊ ပကဖ တို့ ပူးပေါင်းကာ တိုက်ခိုက်ခဲ့ကြခြင်း ဖြစ်ပြီး ပြည်သူ့ကာကွယ်ရေး တပ်ဖွဲ့ဝင် ၁၁ ဦး မြင့်မြတ်စွာကျဆုံးကာ ၃၅ ဦး ထိခိုက်ဒဏ်ရာရရှိခဲ့ရကြောင်း သိရသည်။

ကနီမြို့ကို အောင်မြင်စွာ တိုက်ခိုက် သိမ်းပိုက်နိုင်ခဲ့သော်လည်းအကြမ်းဖက် စစ်ကောင်စီတပ်က စစ်ကူအင်အား အများအပြားပို့ဆောင်ခြင်း၊ လေကြောင်းတိုက်ခိုက်မှု အများအပြား အသုံးပြုနေခြင်း တို့ ကြောင့် ပြည်သူ့ကာကွယ်ရေးပူးပေါင်းတပ်ဖွဲ့က မတ်လ ၁၂ ရက်နေ့တွင် ပြန်လည်ဆုတ်ခွာခဲ့ရ ကြောင်း သိရသည်။

Breaking News- စစ်ကောင်စီဘက်မှ ကျိုက်ဒုံ ဗျူဟာမှူး ဗိုလ်မှူးကြီးအောင်ကျော်စိုး ဦးဆောင်သော အင်အား ၆၀ ပါ တပ်ဖွဲ့က အလံဖြူထောင် လက်နက် ချ၊ ကျိုက်ဒုံဗျူဟာစခန်း တစ်ခုလုံးကို KNLA က သိမ်းပိုက်

 Breaking News- စစ်ကောင်စီဘက်မှ ကျိုက်ဒုံ ဗျူဟာမှူး ဗိုလ်မှူးကြီးအောင်ကျော်စိုး ဦးဆောင်သော အင်အား ၆၀ ပါ တပ်ဖွဲ့က အလံဖြူထောင် လက်နက် ချ၊ ကျိုက်ဒုံဗျူဟာစခန်း တစ်ခုလုံးကို KNLA က သိမ်းပိုက်

■ လက်နက် ရာချီရရှိပြီး ခဲယမ်းမြောက်မြားစွာ ရရှိကာ လက်နက်ချသူများကို ကောင်းမွန်စွာစောင့် ရှောက်ထား

ရန်ကုန်၊ မတ် ၁၅ 

ကရင်ပြည်နယ်၊ ကြာအင်းဆိပ်ကြီးမြို့နယ်၊ KNU တပ်မဟာ ၆ နယ်မြေ အတွင်းရှိ ကျိုက်ဒုံ ဗျူဟာ စစ်တပ်စခန်းမှ ဗျူဟာမှူး ဗိုလ်မှူးကြီး အောင်ကျော်စိုး ဦးဆောင်သော အင်အား ၆၀ ဝန်းကျင်ပါ တပ်ဖွဲ့က KNLA ထံတွင် အလံဖြူထောင်၍ လက်နက်ချ အညံ့ခံလိုက်ကြောင်း KNU နှင့် ပြည်သူ့ကာကွယ်ရေးတပ်မတော် သတင်းရင်းမြစ်များက အတည်ပြု ပြောဆိုသည်။ 

မတ်လ ၁၄ ရက်နေ့ ညနေ ၄ နာရီ ၂၀ မိနစ်အချိန်တွင် KNLA ဦးဆောင်သော တော်လှန်ရေးမဟာမိတ်တပ်များထံတွင် ဗျူဟာမှူး ဗိုလ်မှူးကြီးအောင်ကျော်စိုး ဦးဆောင်သော တပ်များက လက်နက်ချ အညံ့ခံခြင်းဖြစ်ပြီး ညနေ ၆ နာရီအချိန်တွင် နယ်မြေရှင်းလင်းလုပ်ဆောင်ပြီးစီးခဲ့ကြောင်း၊ လက်နက်ခဲယမ်းများ သိမ်းဆည်းရရှိကြောင်း သိရှိရသည်။ 

"ကျိုက်ဒုံ ဗျူဟာက မနေ့ ညနေ ၄ နာရီ ၂၀ မိနစ် မှာ ရတယ်၊ ညနေ ၆ နာရီမှာအားလုံးရှင်းလင်းပြီးတယ်၊ ဗျူဟာမှူး ဗိုလ်မှူးကြီး အောင်ကျော်စိုး ဦးဆောင်ပြီး အားလုံး အလံဖြူထောင်ပြီး လက်နက်ချတယ်၊ စစ်သားအရေအတွက် ၆၀ ဝန်းကျင်ရှိပါတယ်" ဟု မြေပြင် စစ်ရေးသတင်းရင်းမြစ်က ပြောဆိုသည်။ 

 

အဆိုပါ ကျိုက်ဒုံဗျူဟာစခန်းကုန်းကို ဇန်နဝါရီလ ၂၇ ရက်နေ့မှစတင်၍ KNLA ဦးဆောင်သော တပ်များက စတင်တိုက်ခိုက်ခဲ့ခြင်းဖြစ်ပြီး ရိက္ခာနှင့် စစ်ကူ မလာနိုင်စေရန် ပိတ်ဆို့ တိုက်ခိုက်ခဲ့ခြင်းဖြစ်ကြောင်း၊ မတ်လ ၁၄ ရက်နေ့တွင် ဗျူဟာမှူး ဦးဆောင် လက်နက်ချလာသဖြင့် အပြီးသတ် သိမ်းပိုက်ရရှိခြင်းဖြစ်ကြောင်း သိရှိရသည်။ 

"စတိုက်တာက ဇန်နဝါရီလ ၂၇ ရက်နေ့လောက်ကစတိုက်တယ်၊ မတ်လ ၁၃ ရက်နေ့မှာ တက်ရောက်ချေမှုန်းတယ်။ မတ်လ ၁၄ ရက်နေ့ညနေမှာ အားလုံးရတယ်။ လက်နက်အများအပြား ရာနဲ့ချီပြီးရပါတယ်၊ ကိုယ့်လူ ကျဆုံး သုံးယောက်၊ ဒဏ်ရာရတာတော့များတယ်၊ လေယာဥ်ဗုံးကျဲလို့ အနားနီးရွာကပြည်သူတွေ ထိခိုက်မှုများတယ်" ဟု KNU တပ်မဟာ ၆ ရှိ စစ်ရေးသတင်းရင်းမြစ်က ပြောဆိုသည်။

သက်န်းညီနောင် ၃၅၇ တပ်ရင်းကိုတိုက်ခိုက်သိမ်းပိုက်၊ကျိုက်ဒုံမြို့စစ်ကောင်စီဗျူဟာကုန်းတစ်ခုသိမ်းပိုက်ရရှိ။

 သက်န်းညီနောင် ၃၅၇ တပ်ရင်းကိုတိုက်ခိုက်သိမ်းပိုက်၊ကျိုက်ဒုံမြို့စစ်ကောင်စီဗျူဟာကုန်းတစ်ခုသိမ်းပိုက်ရရှိ။

Salween Press 

မတ်လ ၁၄ရက်၂၀၂၄

မြဝတီမြို့၊သက်န်းညီနောင်ရှိ စစ်ကောင်စီအခြေစိုက် ၃၅၇ တပ်စခန်းကိုKNLA/PDFပူးပေါင်းတပ်ဖွဲ့မှမတ်လ၁၄ရက်နေ့တွင်တိုက်ခိုက်သိမ်းပိုက်နိုင်ခဲ့တယ်လို့KNUနဲ့နီးစပ်သည့်သတင်းရင်းအြစ်ထံမှသိရှိရပါတယ်။

ဒါ့အပြင် ကြာအင်းဆိပ်ကြီးမြို့နယ်ခွဲ ကီုက်ဒုံမြို့ အခြေစိုက်စစ်ကောင်စီဗျူဟာကုန်းတစ်ခုကိုဒီညနေမှာKNLAပူးပေါင်းတပ်ဖွဲ့မှတိုက်ခိုက်သိမ်းပိုက်နိုင်ခဲ့တယ်လို့အဆိုပါသတင်းရင်းမြစ်ကပြောပါတယ်။

ကျိုက်ဒုံမြို့စခန်းကိုသိမ်းပိုက်ရာမှာ စခန်းမှူးပါအရှင်ဖမ်းစီးမိတယ်လို့ထိုသတင်းရင်းမြစ်ကပြောပါတယ်။

စခန်းသိမ်းပိုက်ရရှိရာမှာလက်နက်ခဲ့ယမ်းများလည်းသိမ်းဆည်းရမိတယ်လို့ဆိုပါတယ်။

ပုံေဟာင်း 

#Salweenpress

မိုးမောက်မြို့နယ် ဒါဆိုင်းအခြေစိုက် ခလရ(၂၃၇)တပ်ရင်း၏ အဓိကနေရာများကို KIA သိမ်းပိုက်

 မိုးမောက်မြို့နယ် ဒါဆိုင်းအခြေစိုက် ခလရ(၂၃၇)တပ်ရင်း၏ အဓိကနေရာများကို KIA သိမ်းပိုက်

ဟန်နွေ/People’s Spring

ကချင်ပြည်နယ် မိုးမောက်မြို့နယ် ဒါဆိုင်းကျေးရွာအခြေစိုက် စစ်ကောင်စီတပ်ရင်းကို ကချင်လွတ်လပ်ရေးတပ်မတော်(KIA) ပူးပေါင်းတပ်က ယနေ့တွင် ဝင်ရောက်စီးနင်းသိမ်းပိုက် ထားကြောင်း စစ်ရေးသတင်းရင်းမြစ်က ပြောသည်။

မတ်လ ၇ရက်မှ စတင်ပြီး KIAက မိုးမောက်၊ ဝိုင်းမော်မြို့နယ်များအတွင်းရှိ စစ်ကောင်စီတပ်စခန်းနှင့် တပ်ရင်းဌာနချုပ်များကို တိုက်ခိုက် သိမ်းပိုက် လျက်ရှိရာ မတ်လ ၁၄ရက်တွင် နောက်ထပ် တပ်ရင်းတစ်ခုသိမ်းနိုင်မည့် အခြေအနေဖြစ်သည်။

" ဒါဆိုင်းတပ်က ခလရ(၂၃၇) ဟုတ်တယ်။ သူတို့ တပ်ဝန်းတော့ တော်တော်လည်းကျယ်တယ်။ သူတို့ တပ်ဝန်းက ဧက ၂၀၊ ၃၀လောက်ရှိမယ်ထင်တယ်။ အခု အဓိကပွိုင့်ကျတဲ့နေရာတွေကိုတော့ အကုန်လုံးသိမ်းလိုက်ပြီ။ သူတို့ တပ်မိသားစုတွေ နေတဲ့အဆောင်ဘက်ပဲ ကျန်တော့တယ်။ သူတို့ဘက်က အဲဒီဘက်မှာ စုနေတာ"ဟု စစ်ရေးသတင်းရင်းမြစ်က ပြောသည်။

ဒါဆိုင်း အခြေစိုက် ခလရ(၂၃၇)တပ်အား စီးနင်းသိမ်းပိုက်မှုနှင့်ပတ်သက်ပြီး KIA သတင်းပြန်ကြားရေးဌာန ဗိုလ်မှူးကြီးနော်ဘူထံသို့ ဆက်သွယ်မေးမြန်းထားဆဲဖြစ်ပြီး အခြား သတင်းရင်းမြစ်များထံသို့လည်းမေးမြန်းထားသည်။

The 74 Media၏ ဖော်ပြချက်တွင် ဒါဆိုင်း တပ်စခန်းကို KIAကသိမ်းပိုက်ခဲ့ရာ စစ်ကောင်စီတပ်ဖွဲ့ဝင် အများအပြားသေဆုံးကာ ဖမ်းဆီးခံရသူများလည်းရှိကြောင်း ဖော်ပြထားသည်။

KIA အနေဖြင့် မိုးမောက်မြို့နယ် ဒေါ့ဖုန်းယန်မြို့နယ်ခွဲအခြေစိုက် စစ်ကောင်စီတပ် ခလရ (၁၄၂) တပ်ရင်းကိုလည်း မတ်လ ၈ရက်တွင် သိမ်းပိုက်နိုင်ခဲ့သည်။ 

ခလရ(၁၄၂)တပ်က လက်နက်ချခဲ့ခြင်းဖြစ်ပြီး စစ်အင်အား ၁၀၀ခန့်၊ တပ်မိသားစုဝင် ၁၀၀ခန့် ပါဝင်သည်ဟု သတင်းရင်းမြစ်တစ်ဦးက ပြောသည်။

KIA၏ တပ်စခန်းအများအပြား ထိုးစစ်ဆင်မှုကို စစ်ကောင်စီက လေကြောင်း ပစ်ကူပေးခုခံခဲ့သော်လည်း စခန်းတစ်ခုပြီးတစ်ခု လက်လွှတ်ခဲ့ရသည်။

ထို့အပြင် KIA ဌာနချုပ် လိုင်ဇာအနီး၌လည်း စစ်ကောင်စီတပ်စခန်းအများစုကို KIAကသိမ်းပိုက်ထားပြီးကျန်နေသည့်ဘွမ်ရယ်ဘွမ် အပါအဝင် စခန်းအချို့ကိုဆက်လက်ထိုးစစ်ဆင်လျက်ရှိရာယမန်နေ့အထိ တိုက်ပွဲပြင်းထန်ခဲ့ကြောင်း စစ်ရေးသတင်းရင်းမြစ်တစ်ဦးက ပြောပြသည်။

"လေကြောင်းတိုက်ခိုက်မှုလုပ်တယ်။ တိုက်ပွဲပြင်းထန်ပြီဆို လေကြောင်းက အမြဲတမ်းလာတာပဲ"ဟု စစ်ရေးသတင်းရင်းမြစ်က မတ်လ ၁၃ရက် ဘွမ်ရယ်ဘွမ် တိုက်ပွဲအခြေအနေတွင် စစ်ကောင်စီ၏ လေကြောင်းပစ်ကူပေးမှုကိုပြောပြသည်။

အောင်သပြေနယ်ခြားစောင့်စခန်းကို အေအေ သိမ်းပိုက် ၂၀၂၄ ခုနှစ်၊ မတ်လ (၁၂) ရက်

 အောင်သပြေနယ်ခြားစောင့်စခန်းကို အေအေ သိမ်းပိုက်

၂၀၂၄ ခုနှစ်၊ မတ်လ (၁၂) ရက် 

ရက္ခိုင်ပြည်၊ မောင်တောမြို့မြောက်ပိုင်းမှ လက်နက်ချအညံ့မခံသေးသော လက်ကျန်နယ်ခြားစောင့်တပ်စခန်းအချို့ကို ရက္ခိုင့်တပ်တော်မှ ဆက်လက် ထိုးစစ်ဆင် တိုက်ခိုက်လျက်ရှိသည်။ ထိုအထဲမှ အောင်သပြေ နယ်ခြားစောင့်တပ်စခန်းအား ယမန်နေ့တွင် အပြီးသတ်တိုက်ခိုက်သိမ်းပိုက်ရယူနိုင်ခဲ့ပြီးဖြစ်သည်။ 

အဆိုပါစခန်းသိမ်းတိုက်ပွဲတွင် စကစအလောင်းအချို့၊ လက်နက်ခဲယမ်းအချို့တို့ကိုသိမ်းဆည်းရမိခဲ့သည်။ ဤ စခန်းမှ ဘင်္ဂလာဒေ့ရှ် နိုင်ငံအတွင်းသို့ ဝင်ရောက်ထွက်ပြေးသွားခဲ့သော နယ်ခြားစောင့်တပ်ဖွဲ့ဝင်များအရေအတွက် မှာ (၁၇၉) ယောက်အထိ ရှိခဲ့ပြီဖြစ်သည်။

အောင်သပြေစခန်းအတွင်း ကျန်ရှိခဲ့သောစားနပ်ရိက္ခာများတွင် သေစေတတ်သော အဆိပ်များကို သုတ်လူးထားခြင်း၊ ရေဗူးများတွင်ထည့်ထားခြင်း၊ စခန်းအတွင်း၌လည်း အဆိပ်ဆေးဖြန်းထားခြင်းများ ပြုလုပ်ထားသည်ကိုတွေ့ရှိရသောကြောင့် အခြားသော တော်လှန်ရေး လက်နက်ကိုင်အဖွဲ့အစည်းများ အနေဖြင့် စခန်းသိမ်းတိုက်ပွဲများတွင် သိမ်းဆည်းရမိသော စားနပ်ရိက္ခာများကို သတိထားကြရန် စေတနာဖြင့်အထူး သတိပေးလိုက်ပါသည်။

ရသေ့တောင် ထိုးစစ်သည်ကား ယခင်ရက်များကဲ့သို့ မိမိတို့မှ ထိုးစစ်ကိုအရှိန်မြှင့်တင်နေသကဲ့သို့ စစ်ကောင်စီဘက်မှလည်း ကြည်း၊ ရေ၊ လေ ဖြင့် အသည်းအသန် ခုခံကာကွယ်လျက်ရှိသည်။ 

မင်းပြားမြို့တွင် တိုက်ပွဲများမရှိသော်လည်း စစ်ကောင်စီသည် ယုတ်မာစွာဖြင့် မင်းပြားမြို့အတွင်း လေကြောင်းမှ ဗုံးကြဲတိုက်ခိုက်ခြင်းကို ပြုလုပ်ခဲ့သောကြောင့် အရပ်သားပြည်သူ (၂) ဦး သေဆုံးကာ ထိခိုက်ဒဏ်ရာရရှိသူအချို့ရှိခဲ့သည်။ 

ထို့အပြင် စစ်ကောင်စီသည် အမ်းမြို့နယ်၊ ရူးတိုက်နယ်၊ ရီဘုတ်ရွာအနီးရှိ သံကြိုးတောင်ကို ရဟတ်ယာဉ် (၁) စီးပေါ်မှ စက်သေနတ်ဖြင့် ညနေ (၅) နာရီခန့်မှစတင်ပြီး (၈) ကြိမ်ခန့် မိနစ်နှစ်ဆယ်အတွင်း လှည့်ပတ်ပစ်ခတ်သွားခဲ့သည်။ စစ်ကောင်စီ၏ ရာဇဝတ်မှုများမှာ တစ်ရက်ပြီးတစ်ရက် ပိုမိုဆိုးဝါးလာခြင်းနှင့်အတူ ပိုမိုအတင့်ရဲစွာ ကျူးလွန်လျက်ရှိသည်။

တိုက်ပွဲနောက်ဆက်တွဲသတင်းများရှိပါက ဆက်လက်တင်ပေးသွားပါမည်။

(ဓာတ်ပုံ - စစ်ကောင်စီ၏ အောင်သပြေနယ်ခြားစောင့်တပ်စခန်းမှ ရက္ခိုင့်တပ်တော် သိမ်းဆည်းရရှိခဲ့သော လက်နက်ခဲယမ်းများနှင့် စစ်အသုံးအဆောင်ပစ္စည်းအချို့)