လားရှိုးမြို့ရှိ တိန်းတန်စစ်ကောင်စီတပ်စခန်းကို TNLA ထပ်မံသိမ်းပိုက်

 လားရှိုးမြို့ရှိ တိန်းတန်စစ်ကောင်စီတပ်စခန်းကို TNLA ထပ်မံသိမ်းပိုက်

▪️လက်နက်ကြီး၊ငယ် ၁၈လက် ထပ်မံရရှိဟု အသိပေး

ဒီဒန်း/People’s Spring

ရှမ်းပြည်နယ်မြောက်ပိုင်း လားရှိုးမြို့နယ်ရှိ စစ်ကောင်စီတပ်စခန်း နှစ်ခုကို တအာင်းတပ်မတော်(TNLA)က ယမန်နေ့ နံနက်တွင်တိုက်ခိုက်ခဲ့ရာ တိန်းတန် စစ်ကောင်စီတပ်စခန်းကို သိမ်းပိုက်ရရှိခဲ့ကြောင်း TNLAက ယနေ့ သတင်းထုတ်ပြန်သည်။

'၁၀၂၇ စစ်ဆင်ရေး'အဖြစ် ယမန်နေ့နံနက်က နမ့်ခမ်းနှင့်လားရှိုးမြို့နယ်ရှိ စစ်ကောင်စီတပ်စခန်း ၅ခုကို TNLAက တိုက်ခိုက်ခဲ့ရာ နမ့်ခမ်းရှိ စစ်ကောင်စီတပ်စခန်း ၃ခုကို သိမ်းပိုက်နိုင်ခဲ့ပြီးနောက် လားရှိုးရှိ တပ်စခန်းတစ်ခုကို ထပ်မံသိမ်းပိုက်နိုင်ကြောင်း TNLAက အသိပေးလာခြင်းဖြစ်သည်။

TNLA တပ်မဟာ(၆)စစ်ဒေသ လာရှိုးမြို့နယ်ရှိ မိုင်းကျက်တပ်စခန်းနှင့် တိန်တန်တပ်စခန်းတို့ကို တိုက်ခိုက်ခဲ့ရာ နေ့လယ် ၁၂နာရီတွင် သိမ်းပိုက်နိုင်ခဲ့သည်ဟု ဆိုသည်။

တိုက်ပွဲအတွင်း လက်နက်ခဲယမ်းများစွာ သိမ်းဆည်းရမိခဲ့ကြောင်း အသိပေးသည်။

ရရှိခဲ့သည့် လက်နက်ခဲယမ်းများမှာ သေနတ် (၁၄)လက်၊ RPG (၁)လက်၊ 60MM- (၂လက်)၊ စက်လက်အကြီး (၁)လက်၊ လက်ပစ်ဗုံး- ၂၀၀ လုံး၊ RPG ကျည်- ၃၀ လုံး၊ 60MM ကျည်- ၅၀ လုံး၊ မိုင်း၊ ကျည်ဆံမြောက်များစွာ၊ စစ်အသုံးအဆောင်ပစ္စည်းများစွာတို့ဖြစ်ကြောင်း ဓာတ်ပုံမှတ်တမ်းနှင့်အတူ ဖော်ပြသည်။

ယမန်နေ့တွင် သိမ်းပိုက်ခဲ့သည့် စစ်ကောင်စီစခန်း ၃ခုမှာ နမ့်ခမ်းမြို့နယ်ရှိ နမ့်ခမ်း-နမ့်ဖတ်ကားလမ်း (၁၃)မိုင် တပ်စခန်း၊ (၁၂)မိုင် တပ်စခန်းနှင့် မန်မိုင်တပ်စခန်း(မိုက်ခရိုဝိတ် တာဝါတိုင်တပ်စခန်း)တို့ဖြစ်ပြီး လက်နက်မျိုးစုံ ၂၀လက်နှင့် ခဲယမ်းအများအပြား သိမ်းဆည်းရရှိခဲ့ကြောင်း ထုတ်ပြန်ထားသည်။ 

ထို့ပြင် စစ်ကောင်စီအလောင်း (၁၈)လောင်းကိုလည်း ရရှိခဲ့သည်ဟု အသိပေးသည်။ 

ထို့ကြောင့် စစ်ဆင်ရေးပထမနေ့အတွင်း စစ်ကောင်စီတပ်၏ လက်နက် ၄၀နီးပါးနှင့် ခဲယမ်း ကျည် အမြောက်အများကို TNLAက သိမ်းဆည်းထားနိုင်ခဲ့ပြီဖြစ်သည်။

ယမန်နေ့ တစ်ရက်အတွင်း စစ်ကောင်စီဘက်က လေကြောင်းတိုက်ခိုက်မှု ဂျက်ဖိုက်တာ ( ၇)ကြိမ်၊ Mi-35 တိုက်ခိုက်ရေးရဟက်ယဥ်ဖြင့် ( ၅)ကြိမ်နှင့် ၁၂၀/၁၀၅ ဟောင်ဝေဇာအမြောက်ဖြင့် (၁၂) ကြိမ်ဖြင့် တိုက်ပွဲဖြစ်သည့်နေရာသို့ ပစ်ခတ်တိုက်ခိုက်ခဲ့သည်ဟုလည်း ထုတ်ပြန်သည်။

(လားရှိုးမြို့နယ်ရှိ စစ်ကောင်စီ၏ တိန်းတန်တပ်စခန်းအား သိမ်းပိုက်ပြီးနောက် တွေ့ရစဉ်။ ဓာတ်ပုံ - TNLA)

ကော့ကရိတ်မြို့ကို KNU ဦးဆောင်သော တော်လှန်ရေးတပ်ဖွဲ့များ ဝင်ရောက် တိုက်ခိုက်မှုကြောင့် စစ်တပ်ဘက်မှ သေဆုံးသူများ ရှိနေပြီး အရှင်ဖမ်းဆီးရ မိသော စစ်သုံ့ပန်းများလည်းရှိနေ

 ကော့ကရိတ်မြို့ကို KNU ဦးဆောင်သော တော်လှန်ရေးတပ်ဖွဲ့များ ဝင်ရောက် တိုက်ခိုက်မှုကြောင့် စစ်တပ်ဘက်မှ သေဆုံးသူများ ရှိနေပြီး အရှင်ဖမ်းဆီးရ မိသော စစ်သုံ့ပန်းများလည်းရှိနေ

ရန်ကုန်၊ အောက်တိုဘာ ၂၇ 

ကရင်ပြည်နယ်၊ ကော့ရိတ်မြို့ကို KNU/KNLA ဦးဆောင်သော တော်လှန်ရေး ပူးပေါင်းတပ်ဖွဲ့ဝင်များက ဝင်ရောက်တိုက်ခိုက်နေပြီး မြို့‌ နေရာအနှံ့တိုက် ပွဲဖြစ် နေကြောင်း၊ စစ်သားများတပ်စွဲထားရာ ဘုန်းကြီးကျောင်းတစ်ခု၊ စစ်ထောက် လှမ်း ရေး စရဖရုံး နှင့် သတင်းရဲတပ်ဖွဲ့(SB) ရုံးတို့ကို သိမ်းပိုက်မီးရှို့ ဖျက်ဆီး နိုင်ခဲ့ပြီဖြစ်ကြောင်း တော်လှန်ရေးတပ်ဖွဲ့ဝင်တစ်ဦးက ရန်ကုန် ခေတ်သစ် သတင်းဌာနထံ သို့ပြောကြားသည်။

ယနေ့ အောက်တိုဘာလ ၂၇ ရက် နံနက် ၅ နာရီခန့်အချိန်မှစတင်၍ ကော့က ရိတ် မြို့သိမ်းတိုက်ပွဲအဖြစ် KNLA ပူး ပေါင်း တပ်ဖွဲ့မှ ဝင်ရောက် တိုက်ခိုက် လျက်ရှိရာ ယခုချိန်အထိ တိုက်ပွဲဖြစ်ပွားနေဆဲဖြစ်ပြီး အကြမ်း ဖက် စစ်ကောင် စီ တပ်သားများ တပ်စွဲထားသည့် ဘုန်းကြီးကျောင်းတစ်ခုကို သိမ်းပိုက်နိုင် ပြီဖြစ်ကြောင်း၊ ခြေ လျင်တပ်ရင်း-ခလရ ၉၇ အနောက်ဘက် ဂေါက်ကွင်း ဘေးနေရာရှိ စစ်ကောင်စီလက် အောက်ခံ ရဲသ တင်း တပ်ဖွဲ့ရုံး၊ စစ်ဖက်ဆိုင်ရာ လုံခြုံရေးရုံး ၂ ခု မီးရှို့ ဖျက်ဆီးထားကြောင်း၊ လက်နက်ခဲယမ်းများလည်း သိမ်းဆည်း ရရှိထားကြောင်း သိရသည်။

“မနက်စောစောကထဲက ဖြစ်တာ၊ တော်လှန်ရေးတပ်တွေက မြို့ထဲအထိ‌ ရောက်နေပြီ၊ စကစတွေ တပ်စွဲထားတဲ့ ဘုန်း ကြီးကျောင်း တစ်ကျောင်းတော့ သိမ်းလိုက်နိုင်ပြီကြားတယ်၊ လက်နက်တွေလည်း ရထားတယ်တဲ့၊ မြို့ဝင်သိမ်း နေတာ၊ တိုက်ပွဲက မပြီးသေးဘူး၊ စကစတွေဘက်က လက်နက်ကြီးတွေနဲ့ ရမ်းထုနေတယ်၊ ပြည်သူ တွေ၊ နေအိမ်တွေ ထိခိုက်မှုတော့ရှိနိုင်မယ်၊ အတိ အကျပြောလို့မရသေးဘူး၊ လေယာဉ်တော့ အခုထိ မလာဘူး” ဟု တော်လှန် ရေးတပ်ဖွဲ့ဝင်တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

တော်လှန်ရေးတပ်ဖွဲ့များ၏ တိုက်ခိုက်မှုကြောင့် စစ်တပ်ဘက်မှ သေဆုံးသူများ ရှိနေပြီး အရှင်ဖမ်းဆီးရရှိသော စစ်သုံ့ပန်း စစ်သားများလည်း ရှိနေကြောင်း၊ လက်ရှိအချိန်အထိ တိုက်ပွဲပြင်းထန်နေဆဲဖြစ်ကြောင်း သိရှိရသည်။ 

အဆိုပါ တိုက်ပွဲအတွင်း ကော့ကရိတ်မြို့နေပြည်သူများမှာ ဘေးလွတ်ရာ ထွက်ပြေးတိမ်းရှောင် နေရပြီး အချို့ပြည်သူများမှာ နေအိမ်များ အတွင်း၌ ပုန်းခိုပိတ်မိနေကြောင်း၊ အကြမ်းဖက်စစ်ကောင်စီ တပ်က လက်နက်ကြီး များဖြင့် ရမ်းသမ်းပစ်ခတ်နေသဖြင့် နေအိမ်များ၊ ပြည်သူများ ထိခိုက်မှုရှိ နိုင်ကြောင်း သိရသည်။

နမ့်ခမ်းမြို့အနီးရှိ ၁၃ မိုင်စခန်းကို တော်လှန်ရေးအဖွဲ့များသိမ်းပိုက်၊ ဟိုပန်-ချင်းရွှေဟော်လမ်းပေါ်ရှိ နမ့်တိန်ချောင်းတံတားဖျက်ဆီးခံရ

 နမ့်ခမ်းမြို့အနီးရှိ ၁၃ မိုင်စခန်းကို တော်လှန်ရေးအဖွဲ့များသိမ်းပိုက်၊ ဟိုပန်-ချင်းရွှေဟော်လမ်းပေါ်ရှိ နမ့်တိန်ချောင်းတံတားဖျက်ဆီးခံရ

နမ့်ခမ်း - အောက်တိုဘာ ၂၇၊ ၂၀၂၃။ 

နမ့်ခမ်းမြို့အနီးရှိ စစ်ကောင်စီတပ်၏ ဒေသအခေါ် ၁၃ မိုင်တပ်စခန်းကို တအောင်းအမျိုးသားလွတ်မြောက်ရေးတပ် (TNLA) နှင့်ပူးပေါင်းတပ်များက ယနေ့နံနက်ပိုင်းတွင် တိုက်ခိုက်သိမ်းပိုက်လိုကကြောင်း သိရသည်။ 

အဆိုပါတပ်စခန်းကို ယနေ့နံနက်အစောပိုင်းက တိုက်ခိုက်သိမ်းပိုက်နိုင်ခဲ့ခြင်းဖြစ်သည်ဟု ဒေသခံတစ်ဦးက The 74 Media ကိုပြောသည်။

"ဒီမနက် ၆ နာရီ ၇ နာရီ ကြားအချိန်မျာ တအောင်းတွေထိုင်လိုက်နိုင်ပြီ" ဟုဆိုသည်။ 

ဖေ့စ်ဘုတ်လူမှုကွန်ရက်ပေါ်တွင် ပျံ့နှံ့လာသည့် ရုပ်သံများအရ စစ်ကောင်စီတပ်ဖွဲ့ဝင်အများအပြား ကတုတ်ကျင်းတွင် သေဆုံးလျက်ရှိသည်ကို တွေ့ရပြီး TNLA တပ်ဖွဲ့ဝင်များက အောင်ပွဲခံနေကြသည်။ 

ထို့အပြင် ရှမ်းပြည်နယ်မြောက်ပိုင်း၊ဟိုပန်မြို မှ ချင်းရွေဟော်သို ဆက်သွယ်ထားသည့် နမ့်တိန်ချောင်း တံတားကို အကြမ်းဖက် MNDAA အဖွဲက မိုင်းခွဲ ဖျက်ဆီးလိုက်သည်။ 

ဖေ့စ်ဘုတ်လူမှုကွန်ရက်ပေါ်တွင် ပျံ့နှံ့လာသည့် ရုပ်သံများအရ နမ့်တိန်တံတားကို မိုင်းခွဲဖျက်ဆီးလိုက်ခြင်းဖြစ်ပြီး ဖောက်ခွဲမှုကြောင့် မီးခိုးများတက်သွားသည်ကို ရုပ်သံတွင်တွေ့ရသည်။

ညီနောင်မဟာမိတ်အဖွဲ့ဝင်များဖြစ်သည့် ရက္ခိုင့်တပ်တော် (AA)၊ တအောင်းအမျိုးသားလွတ်မြောက်ရေးတပ် (TNLA) နှင့် ကိုးကန့် (MNDAA) တပ်ဖွဲ့တို့က ယနေ့ အောက်တိုဘာလ ၂၇ ရက်နေ့မှစတင်ကာ ၁၀၂၇ စစ်ဆင်ရေးကို စတင်ကြောင်းကြေညာခဲ့ပြီး လားရှိုးမြို့နယ်၊ နမ့်ခမ်းမြို့နယ်နှင့် မူဆယ်မြို့နယ်များရှိ စစ်ကောင်စီစခန်းများကို တစ်ပြိုက်နက်တည်း ဝင်ရောက် တိုက်ခိုက်ခဲ့ခြင်းဖြစ်သည်။

အဆိုပါ ၁၀၂၇ စစ်ဆင်ရေး၏ စစ်ရေးရည်မှန်းချက်တစ်ခုအနေဖြင့် ချင်းရွှေဟော်မြို့ကို ကိုးကန့် (MNDAA) တပ်က သိမ်းပိုက်ထားပြီး လက်ရှိစစ်ရေးတင်းမာလျက်ရှိသည်။

သတင်း - Hkashi, Zami

စစ်ကောင်စီကြောင့် နိုင်ငံ ပျက်စီးရာ ဦးတည်နေပြီး စစ်အာဏာရှင် ချေမှုန်းရေး တော်လှန်ရေးအဖွဲ့များအားလုံးနှင့်လက်တွဲမည်ဟု KIO ဥက္ကဋ္ဌ ကြေညာ

 စစ်ကောင်စီကြောင့် နိုင်ငံ ပျက်စီးရာ ဦးတည်နေပြီး စစ်အာဏာရှင် ချေမှုန်းရေး တော်လှန်ရေးအဖွဲ့များအားလုံးနှင့်လက်တွဲမည်ဟု KIO ဥက္ကဋ္ဌ ကြေညာ

■ လိုင်ဇာဌာနချုပ်ကို စစ်တပ်က ဝိုင်း၍ ပိတ်ဆို့ထားချိန်တွင် တော်လှန်ရေး တပ်ဖွဲ့များက စစ်ကောင်စီတပ်ကို ဝိုင်းဝန်းတိုက်ခိုက်ခဲ့မှု KIA က ဂုဏ်ပြု 

ရန်ကုန်၊ အောက်တိုဘာ ၂၅ 

အကြမ်းဖက် စစ်ကောင်စီကြောင့် နိုင်ငံပျက်စီးရာ ဦးတည်နေပြီး တစ်နိုင်ငံလုံး အကျပ်အတည်းများ ရင်ဆိုင်နေရပြီး စစ်အာဏာရှင် ချေမှုန်းရေး တော်လှန်ရေးအဖွဲ့များအားလုံးနှင့်လက်တွဲမည်ဟု KIO ဥက္ကဋ္ဌဗိုလ်ချုပ်ကြီးအင်ဘန်လ ပြောဆိုသည်။ 

ယနေ့ ကျရောက်သည့် KIO တည်ထောင်ခြင်း ၆၃ နှစ်ပြည့် အထိမ်းအမှတ် မိန့်ခွန်းတွင် KIO ဥက္ကဋ္ဌဗိုလ်ချုပ်ကြီးအင်ဘန်လ ထိုသို့ ပြောဆိုခြင်းဖြစ်သည်။ 

KIO သည် စစ်အာဏာရှင်စနစ်ကို အမြစ်ပြတ်ချေမှုန်းပြီး ပင်လုံကတိကဝတ်ကို အခြေခံသည့် ဖက်ဒရယ်နိုင်ငံတော် တည်ဆောက်ရေစ စစ်ကောင်စီကို တော်လှန်နေသော အဖွဲ့အစည်းများ အားလုံးနှင့် ပူးပေါင်းကာ ကြိုးစားအားထုတ်နေကြောင်း ၊ စစ်ကောင်စီကြောင့် တစ်နိုင်ငံလုံး အထွေထွေအကျပ်အတည်းနှင့် ရင်ဆိုင်နေရပြီး နိုင်ငံပျက်စီးရာသို့ ဦးတည်လာနေကြောင်း၊ စစ်တပ်က ပြည်သူများ ညှင်းပမ်းနှိပ်စက် သတ်ဖြတ်နေသည့်အတွက် တစ်နိုင်ငံလုံးမှ စစ်ဘေးရှောင် ပြည်သူများ ဆင်းရဲဒုက္ခရောက်နေရကြောင်း ၊ အခြားတစ်ဖက်တွင်လည်း မြို့ရွာများတွင် ပြည်သူ့စစ်အဖွဲ့များကို စစ်တပ်က အတင်းအဓမ္မဖွဲ့စည်းနေခြင်းသည် ပြည်သူအချင်းချင်း ရန်ဖြစ်ခိုင်းစေသည့် လုပ်ရပ်ဖြစ်သောကြောင့် ပြည်သူများ ပါဝင်ခြင်းမရှိဘဲ နည်းလမ်းရှာ ရှောင်ရှားနိုင်အောင်ကြိုးစားကြရန် KIO ဥက္ကဋ္ဌဗိုလ်ချုပ်ကြီးအင်ဘန်လ ပြောဆိုသည်။ 

စစ်တပ်က သန်းခေါင်းစာရင်းကောက်ယူပြီး ရွေးကောက်ပွဲကျင်းပရန် ပြင်ဆင်မှုသည် မှန်ကန်သည့် လုပ်ဆောင်မှုမဟုတ်ဘဲ လက်ရှိ ပြဿနာကို ဖြေရှင်းနိုင်မည့် နည်းလမ်းလည်းမဟုတ်ကြောင်း KIO ဥက္ကဋ္ဌဗိုလ်ချုပ်ကြီးအင်ဘန်လက ရှင်းပြသည်။ 

အလားတူ ကချင်ပြည်နယ်၊ မိုးမောက်မြို့နယ်၊ လိုင်ဇာရှိ KIA ဌာနချုပ်ကို အကြမ်းဖက် စစ်တပ်က ဝိုင်း၍ ပိတ်ဆို့ထားချိိန်တွင် တော်လှန်ရေး တပ်ဖွဲ့များက ဝိုင်းဝန်းတိုက်ခိုက်ခဲ့သည့် အတွက် ဂုဏ်ပြု မှတ်တမ်း တင်ကြောင်း KIA က အောက်တိုဘာ ၂၂ ရက်နေ့တွင် ထုတ်ပြန်ခဲ့သည်။

အကြမ်းဖက် စစ်တပ်သည် ကေအိုင်အေဌာနချုပ်ကို ဝိုင်းပတ်ပိတ်ဆို့ရန် ရည်ရွယ်ချက်နှင့် နမ်ဆန်ယန်ဂွင်အတွင်းကို အင်အားတိုးချဲ့ လှုပ်ရှားမှုများ လုပ်ဆောင်ခဲ့ပြီး ၂၀၂၃ ဇွန်လ ၁၆ ရက်နေ့မှ စတင်၍ မြောက်ပိုင်းတိုင်း စစ်ဌာနချုပ်ကွပ်ကွဲမှုအောက် တပ်များနှင့် ၊ တပ်မ ၈၈ ကွပ်ကဲမှု အောက်တပ်များက ဝင်ရောက်ပစ်ခတ် အင်အားတိုးချဲ့ခဲ့ကြောင်း၊ တိုက်ပွဲဂွင် ပိုမိုကျယ်ပြန့်လာကာ ကေအိုင်အေက ခုခံစစ်ကို အဓိကထားလုပ်ဆောင်ခဲ့ရကြောင်းသိရသည်။

အဆိုပါ ခုခံစစ်ဆင်တိုက်ပွဲများအတွင်း အတူတကွ လက်တွဲ၍ စွန့်စားတိုက်ပွဲဝင်ခဲ့ကြသူများအားလုံးကို အထူးကျေးဇူးတင် ဂုဏ်ပြုမှတ်တမ်းတင် အသိ အမှတ်ပြုကြောင်း ထုတ်ပြန်ချက်တွင် ဖော်ပြထားသည်။

စစ်ကောင်စီကို တိုက်ခိုက်ခဲ့သည့် တော်လှန်ရေးအဖွဲ့များတွင် ရက္ခိုင့်တပ်တော် AA ၊ ပြည်သူ့ကာကွယ်ရေးတပ်မတော် (PDF) ၊ မြန်မာနိုင်ငံကျောင်းသားများ ဒီမိုကရက်တစ်တပ်ဦး(မြောက်ပိုင်း)(ABSDF-NB) ၊ ချင်းအမျိုးသားတပ်မတော် (CNA)၊ ကူကီး အမျိုးသားတပ်မတော်(မြန်မာပြည်) (KNA-Burma) တို့ကို ပါဝင်ကြောင်း သိရှိရသည်။ 

ထို့ပြင် ကချင်လွတ်လပ်ရေးတပ်မတော် (ကေအိုင်အေ)၏ ထုတ်ပြန်ချက်တွင် အာဏာရှင်စနစ်အပြီးတိုင် ချုပ်ငြိမ်းရေးတိုက်ပွဲတွင် အတူတကွလက်တွဲပြီး ဆက်လက်တိုက်ပွဲဝင်သွားကြရန် KIA က ထပ်မံတိုက်တွန်းထားသည်။

ပေါက်မြို့နယ်၊ အောင်ချမ်းသာရပ်ကွက်ရှိ စစ်သားများနှင့် ပျူစောထီးများကို တိုက်ခိုက်မှု လက်နက် ၁ လက် နှင့် ကျည်များ သိမ်းဆည်းရရှိ

 ပေါက်မြို့နယ်၊ အောင်ချမ်းသာရပ်ကွက်ရှိ စစ်သားများနှင့် ပျူစောထီးများကို တိုက်ခိုက်မှု လက်နက် ၁ လက် နှင့် ကျည်များ သိမ်းဆည်းရရှိ

ရန်ကုန်၊ အောက်တိုဘာ ၂၅ 

မကွေးတိုင်း၊ ပေါက်မြို့နယ် ၊မြို့ပေါ် အောင်ချမ်းသာရပ်ကွက်ရှိ နေအိမ်များတွင် နေထိုင်နေသော စစ်သားများနှင့် ပျူစောထီးများကို တိုက်ခိုက်ရာ လက်နက် ၁ လက်နှင့် ကျည်များ သိမ်းဆည်းရရှိကြောင်း မြိုင်မြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောဆိုသည်။ 

မကွေးတိုင်းဒေသကြီး ပေါက်မြိုနယ် ပေါက်မြိုပေါ် အောင်ချမ်းသာရပ်ကွက်ရှိ နေအိမ်များတွင် အကြမ်းဖက်စစ်ကောင်စီတပ်ဖွဲဝင်များနှင့် ပျူစောထီးလက်နက်ကိုင်များရှိသည်ဟု အတွင်းသတင်းပေးပိုချက်များ ရရှိခဲ့ကြောင်း၊ ထို့ကြောင့် မြိုင် ပကဖက အောက်တိုဘာလ ၂၃ ရက်နေ့ နံနက် ၇ နာရီ ၃၀ မိနစ်အချိန်တွင် အောင်ချမ်းသာရပ်ကွက်ရှိနေအိမ်များကို ဝင်ရောက်စီးနင်းတိုက်ခိုက်ခဲ့ကြောင်း၊ အပြန်အလှန်ပစ်ခက်မူများဖြစ်ပွားခဲ့ပြီး စစ်ကောင်စီတပ်ဖွဲဝင် ကင်းခေါင်းဆောင် (ကင်းမှူး ) နေအိမ်မှသေနတ် ကာဘိုင် ၁ လက် ၊ ကျည်ဘောက် ၁ ခု၊ ကျည် ၂၀ တောင့်နှင့် ဆက်စပ်ပစ္စည်းများကို ပြည်သူ့ကာကွယ်ရေးတပ်ဖွဲဝင်များက သိမ်းဆည်းရရှိခဲ့ကြောင်း သိရှိရသည်။ 

ပြည်သူ့ကာကွယ်ရေးတပ်ဖွဲဝင်များအနေဖြင့် ကျည်လိုအပ်ချက်များကြောင့် ဆက်လက်တိုက်ခိုက်မူ မပြုလုပ်ဘဲ အထိအခိုက်မရှိ အောင်မြင်စွာပြန်လည်ဆုတ်ခွာခဲ့ကြောင်း၊ အဆိုပါ တိုက်ခိုက်မူတွင် ပေါက်အခြေပြုတော်လှန်ရေးအင်အားစု ဗိုလ်တစ္ဆေတပ်ဖွဲ့ ၊ မြိုင်ပကဖ တပ်ရင်း ၁ တို့ ပူးပေါင်းဆောင်ရွက်ခဲ့ခြင်းဖြစ်ကြောင်း မြိုင် ပကဖက ပြောဆိုသည်။

အောင်ဂျာစခန်းသိမ်းတိုက်ပွဲပြီးနောက် KIA စစ်ဦးစီးချုပ်က PDF အပါအဝင် မဟာမိတ် ၅ဖွဲ့ထံ ဂုဏ်ပြုမှတ်တမ်း ပေးပို့

 အောင်ဂျာစခန်းသိမ်းတိုက်ပွဲပြီးနောက် KIA စစ်ဦးစီးချုပ်က PDF အပါအဝင် မဟာမိတ် ၅ဖွဲ့ထံ ဂုဏ်ပြုမှတ်တမ်း ပေးပို့

▪︎စစ်အာဏာရှင်စနစ် အပြီးတိုင်ချုပ်ငြိမ်းရေးအတူလက်တွဲပြီး ဆက်လက်တိုက်ပွဲဝင်သွားကြရန်တိုက်တွန်း 

မောင်မောင်/People’s Spring

ကချင်လွတ်လပ်ရေးတပ်မတော် (KIA) စစ်ဦးစီးချုပ်ထံမှ ပြည်သူ့ကာကွယ်ရေးတပ်မတော် (PDF) နှင့် မဟာမိတ်များထံသို့ ပေးပို့သည့် ဂုဏ်ပြုမှတ်တမ်းတင်စာ လက်ခံရရှိခဲ့ကြောင်း အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန ပြည်သူ့ကာကွယ်ရေးတပ်မတော်က သတင်းထုတ်ပြန်သည်။

အောက်တိုဘာ ၂၀ရက်တွင် ကချင်ပြည်နယ် နမ့်ဆန်ယန် အနီးရှိ အောင်ဂျာဒေသ စစ်ကောင်စီ အထိုင်စခန်းကို KIAနှင့် မဟာမိတ်တပ်များက ပူးပေါင်းတိုက်ခိုက်သိမ်းပိုက်ခဲ့ပြီးနောက် KIA စစ်ဦးစီးချုပ် ဒုဗိုလ်ချုပ်ကြီး ခေါင်လွန်းက အောက်တိုဘာ ၂၂ရက် နေ့စွဲဖြင့် ဂုဏ်ပြု မှတ်တမ်း ပေးပို့ခြင်းဖြစ်သည်။ အဆိုပါ ဂုဏ်ပြုမှတ်တမ်းစာ လက်ခံရရှိကြောင်း PDFက ယနေ့ အသိပေး ထုတ်ပြန်သည်။

 

 ကချင်လွတ်လပ်ရေးတပ်မတော် (KIA) စစ်ဦးစီးချုပ်မှ ရက္ခိုင့်တပ်တော် (AA)၊ ပြည်သူ့ကာကွယ်ရေး တပ်မတော် (PDF)၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (မြောက်ပိုင်း) (ABSDF-NB)၊ ချင်းအမျိုးသားတပ်မတော် (CNA)နှင့် ကူကီးအမျိုးသားတပ်မတော် (မြန်မာပြည်) (KNA-Burma) တို့ ထံသို့ပေးပို့သည့် ဂုဏ်ပြုမှတ်တမ်းတင်စာကို ရရှိသည်ဟု ထုတ်ပြန်ချက်၌ ဖော်ပြသည်။

 

 ဂုဏ်ပြုမှတ်တမ်းစာတွင် ကေအိုင်အေ တပ်မဟာ၊ တပ်ရင်း၊ တပ်ဖွဲ့ဝင်များ၊ K-PDF များနှင့် အတူတကွလက်တွဲ၍ မိမိအသက်ကို ပဓာနမထားဘဲ စွန့်လွှတ်စွန့်စား တိုက်ပွဲဝင်ခဲ့ကြသော မဟာမိတ် တပ်ဖွဲ့ဝင်များအသီးသီးနှင့် တာဝန်ရှိတပ်မှူးများအားလုံးကို အထူးကျေးဇူးတင် ဂုဏ်ပြုမှတ်တမ်းတင် အသိ အမှတ်ပြုပါကြောင်းနှင့် စစ်အာဏာရှင်စနစ် အပြီးတိုင်ချုပ်ငြိမ်းရေး တိုက်ပွဲတွင် အတူတကွ လက်တွဲပြီး ဆက်လက်တိုက်ပွဲဝင်သွားကြရန်လည်း တိုက်တွန်းကြောင်း ပါရှိသည်ဟုဆိုသည်။

 

 ပြည်သူ့ကာကွယ်ရေးတပ်မတော် (PDF) အနေဖြင့် ကချင်လွတ်လပ်ရေးအဖွဲ့ (KIO) / ကချင် လွတ်လပ်ရေးတပ်မတော် (KIA) အပါအဝင် မဟာမိတ် တော်လှန်ရေးအဖွဲ့အစည်းများနှင့် လက်တွဲ၍ စစ်အာဏာရှင်ကျဆုံးရေး၊ ဖက်ဒရယ်ဒီမိုကရေစီပြည်ထောင်စု ပေါ်ပေါက်လာရေးတို့အတွက် မဆုတ်မနစ် ကြိုးစားအားထုတ်သွားမည်ဖြစ်ကြောင်းလည်းအသိပေးထုတ်ပြန်ခဲ့သည်။

အောင်ဂျာ စစ်ကောင်စီတပ်စခန်းသည် ဒေသတွင်း ဗျူဟာမြောက်သည့် တပ်စခန်းနေရာဖြစ်ပြီး အဆိုပါ တပ်စခန်းကို သိမ်းပိုက်နိုင်ခြင်းကြောင့် ကချင်လွတ်လပ်ရေးတပ်မတော်(KIA) ဌာနချုပ် လိုင်ဇာ လုံခြုံရေးအတွက် လုံခြုံရေးစည်း ပိုမိုအားကောင်းစေခဲ့သည်ဟု ကချင်စစ်ရေးသတင်းရင်းမြစ်က ပြောသည်။

တိုက်ပွဲများ ရပ်သွားမည်မဟုတ်ဘဲ စစ်ရေးအရှိန်မြင့်လာရန်သာရှိကြောင်းလည်း စစ်ရေးသတင်းရင်းမြစ်က ပြောသည်။

(စစ်ကောင်စီတပ်၏ အောင်ဂျာစခန်းကုန်းကို KIA နှင့် မဟာမိတ် ၅ ဖွဲ့တို့က တိုက်ခိုက်သိမ်းပိုက်စဥ်၊ သိမ်းပိုက်ပြီးနောက်မြင်ကွင်းနှင့် ဒုဗိုလ်ချုပ်ကြီး ဂွန်မော်သွားရောက်

ကြည့်ရှုစဥ်။ဓါတ်ပုံ-CJ ၊ ဗိုလ်ချုပ်ဂွန်မော်)

မုံရွာမြို့နယ်တွင် စစ်ကြောင်းမှ နောက်ချန်စစ်တပ်ကို တိုက်ခိုက်မှု စစ်သား ၁ ဦးသေဆုံး၊ သေနတ်တစ်လက်နှင့် ခဲယမ်းပစ္စည်းများသိမ်းဆည်းရရှိပြီး သေဆုံးစစ်သား အလောင်းကို မြေမြှုပ်သဂြိုလ်

 မုံရွာမြို့နယ်တွင် စစ်ကြောင်းမှ နောက်ချန်စစ်တပ်ကို တိုက်ခိုက်မှု စစ်သား ၁ ဦးသေဆုံး၊ သေနတ်တစ်လက်နှင့် ခဲယမ်းပစ္စည်းများသိမ်းဆည်းရရှိပြီး သေဆုံးစစ်သား အလောင်းကို  မြေမြှုပ်သဂြိုလ်

ရန်ကုန်၊ အောက်တိုဘာ ၂၃ 

စစ်ကိုင်းတိုင်း၊ မုံရွာမြို့နယ်၊ သာစည်ကျေးရွာအနီးတွင် စစ်တပ်စစ်ကြောင်းမှ နောက်ချန်စစ်သားများကို ပစ်ခတ်တိုက်ခိုက်ခဲ့ရာ စစ်သား ၁ ဦးသေဆုံးခဲ့ပြီး သေနတ်တစ်လက်နှင့် ခဲယမ်းများ သိမ်းဆည်းရရှိခဲ့ သလ္လာဝတီ ကာကွယ်ရေး တပ်ဖွဲ့ - TLWDF သတင်းပြန်ကြားရေးတာဝန်ခံက ရန်ကုန်ခေတ်သစ်သတင်းဌာနထံသို့ ပြောကြား သည်။

ယနေ့ အောက်တိုဘာလ ၂၃ ရက်နေ့ နံနက် ၇ နာရီခန့်အချိန် အမတ ၅၀၈ တပ်မှ သာစည်ရွာ အကျဉ်းထောင် သို့ အင်အားဖြည့်ရန် ထွက်ခွာလာသော အကြမ်းဖက်စစ်တပ် စစ်ကြောင်းမှ နောက်ဆုံးချန်ရှိနေခဲ့သော အကြမ်းဖက်စစ်သား ၃ ဦးကို ပြည်သူ့ကာကွယ်ရေးတပ်ဖွဲ့များက ကင်းပုန်းဝပ်စောင့်ဆိုင်းပြီး ပစ်ခတ် တိုက်ခိုက်ခဲ့ရာ တစ်ဦးသေဆုံးခဲ့ကြောင်း၊ ကျန်စစ်သား ၂ ဦးမှ အဝေးမှ လှမ်းပစ်ပြီး ထွက်ပြေးသွား ကြောင်း သိရသည်။

“အမတ ၅၀၈ တပ်ကနေ သာစည်ထောင်ကို လာတဲ့ စစ်ကြောင်းဗျ၊ စစ်ကြောင်းကို တိုက်တာတော့ မဟုတ်ဘူး၊ နောက်ချန်အင်အားထဲက ကွဲပြီးကျန်ခဲ့တဲ့ စစ်သား ၃ ဦးကို ကင်းပုန်းဝပ်ပြီးတိုက်ခဲ့တာ၊ အပြန်အလှန်ပစ်ခတ်မှုတော့ အနည်းငယ်ဖြစ်သေးတယ်၊ လက်ဦးမှုရယူတော့ အဆင်ပြေခဲ့တာဗျ၊  ကျန်တဲ့ နှစ်ယောက်က အဝေးကနေပဲ လှမ်းပစ်ပြီး ပြေးသွားတာ၊ တစ်ယောက်တည်းချန်တဲ့ကို အ ရှင်ဖမ်းမလို့ပဲ၊ ပြန်လည်ခုခံတဲ့အတွက် အသေပစ် ဖမ်းလိုက်ရတာ” ဟု သလ္လာဝတီကာကွယ်ရေးတပ်ဖွဲ့ - TLWDF သတင်းပြန်ကြားရေးတာဝန်ခံက ရန်ကုန်ခေတ်သစ်သတင်းဌာနထံသို့ ပြောကြားသည်။

သေဆုံးသွားသော အကြမ်းဖက်စစ်ကောင်စီတပ်သားထံမှ MA 1 သေနတ် တစ်လက်၊ ကျည်အတောင့် ၂၀၀ ကျော်၊ ရိုင်ဖယ်တပ် ဗုံးသီး တစ်လုံး၊ ၆၀ မမ ဗုံးသီး ၁ လုံး၊ ကျည်ဘောက်အပို ၂ ခု၊ ကျည်ကာပြား တစ်ခု၊ Equipment တစ်ထည်၊ ဖုန်းတစ်လုံးတို့ကို သိမ်းဆည်းရရှိခဲ့ပြီး သေဆုံးအလောင်းကိုလည်း ကောင်းမွန်စွာ မြေမြှုပ်သင်္ဂြိုလ်ပေးခဲ့ကြောင်း သိရသည်။

“စကစ တပ်သားရဲ့အလောင်းကိုလည်း စစ်စည်းကမ်းနဲ့အညီ ကောင်းမွန်စွာ သင်္ဂြိုလ်ပေးနိုင်ခဲ့ပါတယ်၊ ကောင်းမွန်စွာ သယ်ပြီး မြေမြှုပ်သင်္ဂြိုလ်ပေးခဲ့တာပါ၊ အချိန်နည်းနည်းရသွားတာလဲ ပါတာပေါ့၊ ဘာပဲ ပြောပြော ကျနော်တို့က လူတွေလေ၊ သူပီသရမယ် မဟုတ်လား၊ စစ်ပွဲကို ဂုဏ်သိက္ခာရှိရှိတိုက်မှ အောင် နိုင် မယ်လို့ ယုံကြည်ချက်ထားတဲ့ တပ်တွေမို့ပါ” ဟု သလ္လာဝတီကာကွယ်ရေး တပ်ဖွဲ့ - TLWDF သတင်း ပြန်ကြားရေးတာဝန်ခံက ရန်ကုန်ခေတ်သစ်သတင်းဌာနထံသို့ ပြောဆိုသည်။

အဆိုပါတိုက်ခိုက်မှုကို မုံရွာခရိုင် တပ်ရင်း ၂၇  တပ်ခွဲ ၂ သလ္လာဝတီကာကွယ်ရေးတပ်ဖွဲ့- TLWDF၊ စေတန် ကာကွယ်ရေးတပ်ဖွဲ့နှင့် မိုးဟိန်းကာကွယ်ရေးတပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ အောင်မြင်ခဲ့ကြောင်း သိရသည်။

အရှေ့တောင်အာရှ မြို့ပြစစ်ဆင်ရေး သမိုင်းသစ်ထိုးလိုက်တဲ့ ရန်ကုန်

 အရှေ့တောင်အာရှ မြို့ပြစစ်ဆင်ရေး သမိုင်းသစ်ထိုးလိုက်တဲ့ ရန်ကုန်

ရန်ကုန် မြို့၊ စမ်းချောင်း မြို့နယ်၊ ဗားဂရာလမ်းမ ပေါ်မှာရှိတဲ့ အုပ်ချုပ်ရေးမှူးရုံးက ၂၀၂၁ ခုနစ်၊ မေလ (၂၁)၊ နေ့လည်ပိုင်းမှာ ပေါ်ထွက်လာတဲ့ သေနတ်သံဟာ အရှေ့တောင်အာရှ မြို့ပြ စစ်ဆင်ရေးသမိုင်းသစ်ကို ယူဆောင်လာခဲ့တယ်။

မြန်မာနိုင်ငံ ပြည်တွင်းစစ် သမိုင်းတလျှောက်မှာ တိုက်ခိုက်မှု အများစုဟာ ကျေးလက် နဲ့ တောင်တန်း ဒေသတွေမှာ အများစုတိုက်ခိုက်ခဲ့ကြပြီး နွေဦးတော်လှန်ရေးကာလမှာတော့ မြို့ပြ ဒေသ တိုက်ခိုက်မှုတွေ ကျယ်ကျယ်ပြန့်ပြန့် ဆက်တိုက် ပေါ်ထွက်လာခဲ့တယ်။ ဒါ့အပြင် ရန်ကုန် မြို့လို လူဦးရေ ၅ သန်း ကျော် နေထိုင်တဲ့ မီဂါစီးတီး၊ စောင့်ကြည့်ရေး ကင်မရာ အပါအဝင် ထောက်လှမ်းရေး စနစ်မျိုးစုံ တပ်ဆင်ထားတဲ့ မြို့ပြဒေသမှာ တိုက်ခိုက်မှုတွေ ပေါ်ပေါက်လာတယ်။ အရှေ့တောင်အာရှ ဒေသတခုလုံးမှာ ဒီလိုမျိုး ၂၁ ရာစု စောင့်ကြည့်ရေးစနစ်တွေအောက်မှာ၊ လူဦးရေ သန်းချီ နေထိုင်တဲ့ မြို့ကြီးတမြို့မှာ မြို့ပြ ပြောက်ကျားစစ်ဆင် တိုက်ခိုက်မှု မပေါ်ဖူးသေးဘဲ၊ ရန်ကုန် မြို့ပြ ပြောက်ကျား တိုက်ခိုက်မှုတွေဟာ ပထမဆုံးဖြစ်ရပ်တွေ ဖြစ်တယ်။ ဒီ့အတွက်ကြောင့်လည်း သမိုင်းသစ်လို့ ပြောရခြင်းဖြစ်တယ်။ 

နွေဦးတော်လှန်ရေး ကာလ အတွင်း ရန်ကုန် မြို့ပြစစ်ဆင်ရေး အတက်၊အကျတွေကို မပြောခင် မြို့ပြ ပြောက်ကျားလှုပ်ရှားမှုတွေကို သီအိုရီပိုင်းအရ ဘယ်လို သုံးသပ်လေ့ရှိလဲ ဆိုတာကို အရင်ကြည့်ရအောင်။

(၁) အထူးစစ်ဆင်ရေး နောက်ခံ အခြေအနေ

(၂) လုံခြုံရေး တင်းကြပ် နောက်ခံ အခြေအနေ

(၃) မြို့တွင်းစစ် ဖြစ်နေတဲ့ နောက်ခံ အခြေအနေ

ဆိုပြီး မြို့ပြစစ်ဆင်ရေးတွေ ကြုံတွေ့နိုင်တဲ့ နောက်ခံ အခြေအနေ (၃) ရပ်ကို အမေရိကန် ကြည်းတပ် စစ်မြေပြင် လက်စွဲ (fm 3-06.11) မှာ ဖော်ပြထားပါတယ်။ ဒီလို မြို့ပြ မှာ ကြုံတွေ့နိုင်တဲ့ ရန်သူ့ရဲ့ ထိန်းချုပ်နိုင်မှု နောက်ခံ အခြေအနေကို သိရှိပြီး မှန်ကန်တဲ့ နည်းဗျူဟာ၊ စုဖွဲ့ပုံ၊ အမိန့်ပေးကွပ်ကဲမှု၊ လှုပ်ရှားဆောင်ရွက်မှု နဲ့ ဆုတ်ခွာမှုတွေ လုပ်ဆောင်နိုင်မှ မြို့ပြ စစ်ဆင်ရေး ဆောင်ရွက်မှုဟာ အောင်မြင်နိုင်မှာ ဖြစ်ပါတယ်။ 

ပထမ အခြေအနေ ဖြစ်တဲ့ အထူးစစ်ဆင်ရေး နောက်ခံ အခြေအနေ ဆိုတာ ရန်သူ့ အနေနဲ့ မြို့ပြ ဒေသ ကို လုံခြုံရေးပိုင်း လုံးဝ နီးပါး စိုးမိုးထားတဲ့ အခြေအနေကို ဆိုလိုတာ ဖြစ်ပါတယ်။ (ဥပမာ-ရန်ကုန်၊ မန္တလေး နဲ့ နေပြည်တော်) ဒီလို နောက်ခံ အခြေအနေမှာ မြို့ပြ လှုပ်ရှားမှုဟာ အထူးစစ်ဆင်ရေး ပုံစံကဲ့သို့ အလျင်အမြန် ဆောင်ရွက်ပြီး အလျင်အမြန် မြို့ပြ က ဆုတ်ခွာဖို့ လိုပါတယ်။ အချိန်ကြာမြင့်စွာ မြို့ပြမှာ နေထိုင်ရင် ရန်သူ့ ထိန်းချုပ်ခံရနိုင်ခြေ ပိုများပါတယ်။ 

ဒုတိယ အခြေအနေ ဖြစ်တဲ့ လုံခြုံရေး တင်းကြပ် နောက်ခံအခြေအနေမှာတော့ ရန်သူအနေနဲ့ မြို့ပြ ဒေသ ကို ထိန်းချုပ်နိုင်မှု တစုံတရာရှိသော်လည်း အလုံးစုံ ထိန်းချုပ်နိုင်ခြင်းမရှိတော့ဘဲ မြို့ပြ ပြောက်ကျားတွေ အနေနဲ့ တစုံတရာ လွတ်လပ်စွာ လှုပ်ရှားနိုင်နေတဲ့ အခြေအနေပါ။ (လက်ရှိ မုံရွာ၊ ရေစကြို မြို့) အဲဒီလို အခြေအနေ မှာ မြို့ပြ ပြောက်ကျားတွေဟာ မြို့တွင်း ပစ်မှတ်တွေကို ပိုမိုတိုက်ခိုက်နိုင်သလို၊ စုဖွဲ့မှု အင်အားလည်း ပိုမို ကြီးမားစွာ လုပ်ဆောင်လို့ရပါတယ်။ 

နောက်ဆုံး အခြေအနေကတော့ မြို့ပြ တခုလုံးကို တော်လှန်ရေး အင်အားစုတွေက လုံးဝ ထိန်းချုပ်ထားပြီး ရန်သူက မြို့ပြ ဒေသကို ပြန်လည် သိမ်းယူဖို့ ကြိုးပမ်းရတဲ့ အခြေအနေမျိုးပါ။ (ဥပမာ-စတာလင်ဂရက် မြို့တွင်းတိုက်ပွဲ၊ ချေချင်ညာ ဂရော့ဇနီ မြို့တွင်း တိုက်ပွဲ နဲ့ မကြာခင်လာတော့မယ့် ဂါဇာ မြိုပြ ဒေသ တိုက်ပွဲ)

ရန်ကုန် မြို့ပြ ပြောက်ကျားလှုပ်ရှားမှုမှာ အလုံးအရင်း နဲ့ ဗုံးဖောက်ခွဲတာတွေ၊ ပစ်ခတ်တာတွေ၊ မီးရှို့တာတွေ ပေါ်‌ပေါက်ခဲ့ပြီး အကြမ်းဖက် စစ်တပ် အနေနဲ့ ၂၀၂၁ ခုနစ် နှောင်းပိုင်းအထိ ဘာလုပ်ရကိုင်ရမှန်း မသိရဘဲ အငိုက်မိခဲ့ပါတယ်။ ရန်သူ ဟာ ကျေးလက် နဲ့ တောတွင်း စစ်ဆင်ရေးတွေမှာသာ ကျွမ်းကျင်ပြီး မြို့ပြ တိုက်ပွဲ နဲ့ ရင်ဆိုင်ရခြင်း မရှိတာကြောင့်ဒီလို အထိနာရခြင်းဖြစ်ပါတယ်။ လူသိများခဲ့တဲ့ တိုက်ခိုက်မှုတွေထဲက တချို့က တော့ ၂၀၂၁ ခုနစ် ဇွန်လ (၁၈) ရက်နေ့မှာ တာမွေမြို့နယ် စစ်ကား တစီးကို ဗုံးပစ် တိုက်ခိုက်မှု၊ သြဂုတ်လတွင်း မြို့ပတ် ရထား တိုက်ခိုက်မှု၊ ဒုတိယ ဗိုလ်မှူး (၁) သေဆုံးခဲ့တဲ့ စက်တင်ဘာ (၉) ရက်နေ့ စမ်းချောင်း ဇလွန်လမ်း တိုက်ခိုက်မှု၊ အောက်တိုဘာလ တွင်း ဗားဂရာ မီးပွိုင့် ဘန်ကာတိုက်ခိုက်မှု တို့ပဲ ဖြစ်ပါတယ်။

စစ်တပ်အနေနဲ့ အဆင့်မြင့် အရာရှိကြီးတွေပါ သေဆုံးခဲ့ရတဲ့ ရန်ကုန် မြို့ပြ တိုက်ခိုက်မှု ပထမလှိုင်းမှာ အောင်ပွဲ တွေ ရရှိခဲ့သလို တော်လှန်ရေး အင်အားစုတွေဘက်က မဟာဗျူဟာ ရွေးခြယ်မှု၊ ဖွဲ့စည်းမှု နဲ့ ပစ်မှတ်ရေးခြယ်မှုတို့ မှာ လိုအပ်ချက်တွေ ရှိခဲ့ပါတယ်။ ဒါကလည်း အထက်မှာ ဖော်ပြထားတဲ့ နောက်ခံ အခြေအနေ အကဲဖြတ်မှု မှာ လိုအပ်ချက်တွေ ရှိခဲ့လို့ပါ။ ရန်သူ ထိန်းချုပ်မှုကြီးမားတဲ့ မြို့ပြ ဒေသမှာ ရန်သူ ထိန်းချုပ်မှု အတန်အသင့် လျှော့ပါးတဲ့ နောက်ခံ အခြေအနေလိုမျိုး ဖွဲ့စည်းမှု နဲ့ ပစ်မှတ် ရွေးချယ်မှုတွေ လုပ်ဆောင်ခဲ့မိပါတယ်။ ဆိုလိုတာက ရန်သူ ထိန်းချုပ်မှုမြင့်မားတဲ့ ကာလမှာ ကိုယ့်ဘက်က အထူးစစ်ဆင်ရေး ပုံစံ လူအင်အား အနည်းငယ် နဲ့ စစ်ဆင် တိုက်ခိုက်ရမှာ ဖြစ်ပြီး မစ်ရှင်ပြီးတာ နဲ့ မြို့ပြဒေသ ကနေ ထွက်ခွာရမှာဖြစ်ပါတယ်။ ဖွဲ့စည်းမှု ပိုင်းမှာလည်း မြို့ပြ လှုပ်ရှားမှု အဖွဲ့ငယ်လေးတွေ ကို လိုက်လံချိတ်ဆက်ထားပြီး ဖွဲ့စည်းမှုအရ သေးငယ်၊ လျှို့ဝှက်ရမယ့် အစား ဖွဲ့စည်းပုံဟာ ကြီးမားသွားခဲ့ပါတယ်။ ပစ်မှတ်ရွေးချယ်မှုမှာလည်း ရန်သူ့ စောင့်ကြည့်ရေး ကင်မရာတွေ များပြားလွန်းတဲ့ ကျောက်တံတား၊ စမ်းချောင်း၊ အလုံ၊ ကြည့်မြင်တိုင်၊ တာမွေ တို့လို မြို့တွင်း မြို့နယ်တွေမှာ အဓိက တိုက်ခိုက်ခဲ့တာကြောင့် နောက်ကနေ လိုက်လံ ‌စောင့်ကြည့် ဖော်ထုတ်ခံခဲ့ရပါတယ်။ 

ဒါပေမယ့် လက်ရှိကာလမှာတော့ ရန်ကုန် မြို့ပြ စစ်ဆင်ရေးပထမလှိုင်း တုန်းကနဲ့ မတူတော့ဘဲ သတင်းရယူမှု ပိုမိုကောင်းမွန်လာတာ၊ ဖွဲ့စည်းမှု သေးငယ် ကျစ်လစ်လာတာတွေ၊ ပစ်မှတ်ရွေးခြယ်မှု ပိုမိုကောင်းမွန်လာတာ၊ လုံခြုံရေး ပိုမို ရှိလာတာ တွေကို တွေ့လာရပါတယ်။ သတင်းထောက်လှမ်းရယူမှုဟာ မြို့ပြ ပြောက်ကျားစစ်ဆင်ရေးရဲ့ အနှစ်သာရ ဖြစ်ပြီး သတင်း မရရှိဘဲ မစ်ရှင်ဖော်ဆောင်လို့မရပါဘူး။ သတင်းထောက်လှမ်းမှု ကောင်းမွန်လာတဲ့အချက်ကို နောက်ပိုင်း မြို့ပြ တိုက်ခိုက်မှုတွေက ပြသနေပါတယ်။ မစ်ရှင်ဖော်ဆောင်မှုမှာလည်း ရန်သူ့စောင့်ကြည့်ရေး ကင်မရာတွေ နှိုင်းရအားဖြင့် နည်းတဲ့ ဆင်ခြေဖုံး မြို့နယ်တွေမှာ ပိုမို ဖော်ဆောင်လာတာ၊ တိုက်ခိုက်ရခက်တဲ့ အခိုင်အမာ ဘန်ကာတွေထက် တိုက်ခိုက်ရ ပိုမို လွယ်ကူတဲ့၊ အငိုက်ရစေမယ့် စစ်‌ရေး ပစ်မှတ်တွေ၊ စစ်ယန္တရားလည်ပတ်ရေးအားပေးနေတဲ့သူတွေ(Private Person engaged in hostilities) တွေကို တိုက်ခိုက်လာတာ တွေ့ရပါတယ်။ ဆိုလိုတာကတော့ နောက်ခံ အခြေအနေ သုံးသပ်မှုမှာ အခြေအနေ (၁) အတိုင်းပဲ စနစ်တကျ သုံးသပ်ပြီး အထူးစစ်ဆင်ရေး ပုံစံ ကျစ်ကျစ်လစ်လစ် အကောင်အထည်ဖော်လာတာကိုတွေ့ရပါတယ်။ 

၂၀၂၃ ခုနှစ်အတွင်း ရန်ကုန် မြို့တွင်း တိုက်ခိုက်မှုတွေထဲက သိသာထင်ရှားတဲ့ တိုက်ခိုက်မှု တချို့ကတော့ မတ်လ အတွင်း မြောက်ဒဂုံ မြို့နယ် မှာ လေကြောင်း လက်နက်ပြင်ဆင်ရေးဌာန ဒုတိယဌာနမှူး ဒုတိယ ဗိုလ်မှူးကြီး မြင့်ဝေ ပစ်သတ်ခံရမှု၊ ဧပြီလ တွင်း လှိုင်သာယာ မြို့နယ်မှာ ဗိုလ်မှူးကြီး ဇင်မောင်လွင် ဗုံးစထိမှန် သေဆုံးမှု၊ တောင်ဥက္ကလာပ မြို့နယ်တွင် ရွေးကောက်ပွဲ ကော်မရှင် ဒုတိယ ညွှန်ကြားရေးမှူးချုပ်၊ ဒုတိယဗိုလ်မှူးကြီး (ငြိမ်း) စိုင်းကျော်သူ သတ်ဖြတ်ခံရမှုတွေပဲ ဖြစ်ပါတယ်။

ဒီနေရာမှာ မေးဖို့လိုလာတာက ဘယ်လို အချိန်ရောက်ရင် လုံခြုံရေး တင်းကြပ်ပီး နောက်ခံ အခြေအနေ (လက်ရှိ မုံရွာ၊ ရေစကြိုမြို့ အခြေအနေ) ကို ရောက်မလဲ ဆိုတဲ့ မေးခွန်းပါ။ မြို့တွင်း အထူးစစ်ဆင်ရေးပုံစံ နဲ့ ရန်သူ ကို ယိုင်လဲ အောင်ပိုမို လုပ်ဆောင်လာနိုင်ရင်၊ ရန်သူ့ အင်အားချထားမှု နည်းပါးသွားရင်၊ မလုံလောက်ဖြစ်လာရင်၊ မြို့ပြင် ပတ်ဝန်းကျင်ဒေသ တွေ( သန်လျင်၊ မှော်ဘီ၊ တိုက်ကြီး၊ ခရမ်း) မှာ ပြောက်ကျားနယ်တွေ ခိုင်ခိုင်မာမာ ပေါ်ထွန်းလာလျှင် မြို့တွင်း အခြေအနေဟာလည်း အခြေအနေ (၂) ကို ကူးပြောင်း ရောက်ရှိသွားပါလိမ့်မယ်။ မုံရွာ၊ ရေစကြို၊ ပခုက္ကူ နဲ့ ရွှေဘို မြို့တွေမှာ မြို့ပတ်ခြာလည် ဒေသတွေမှာ ပြောက်ကျား လှုပ်ရှားမှုနယ်ကြီးတွေ ရှိနေသလို မြို့တွင်း စစ်တပ် အင်အားချထားမှုဟာ မလုံလောက်ပါဘူး။ ဒါ့အပြင် လူထုရဲ့ မြို့ပြ စစ်ဆင်ရေး အပေါ် ထောက်ခံမှုဟာ အင်မတန်မြင့်မားနေပါတယ်။ အဲဒီလို မြို့တွင်း လှုပ်ရှားမှုတွေကို မြို့ပြင်ကနေ ပြောက်ကျားစစ်ဆင်ပြီး အထောက်အကူ ပြုပေးဖို့ ရန်ကုန် တပ်ရင်း (၅၁၀၁) ကို အမျိုးသား ညီညွတ်ရေး အစိုးရ ကာကွယ်ရေး ဝန်ကြီးဌာနက ဖွဲ့စည်းထားရှိပါတယ်။ ဒါ့အပြင် မြို့ပြင် ဒေသ တွေမှာ သက်ဆိုင်ရာ မြို့နယ် အလိုက် ပြည်သူ့ ကာကွယ်ရေး အဖွဲ့တွေ ဖွဲ့စည်းထားပါတယ်။

လက်ရှိ အချိန်မှာ ရန်ကုန် မြို့ပြ တိုက်ခိုက်မှုတွေဟာ ပိုမိုပြီး စနစ်တကျ ရှိလာတာ၊ သတင်းရယူမှု ပိုမိုအားကောင်းလာတာ၊ စုဖွဲ့မှု ပိုမို သေးငယ် ကျစ်လစ်လာတာ၊ ပစ်မှတ်ရွေးခြယ်မှု ပိုမိုကောင်းမွန်လာတာ တွေ့ ရတာကြောင့် မကြာခင် ကာလမှာ နောက်ခံ အခြေအနေ (၂) ဖြစ်တဲ့ လုံခြုံရေး တင်းကြပ် အခြေအနေ ကို ရန်ကုန် မြို့ ရောက်ရှိလာနိုင်ပြီး တော်လှန်ရေး အင်အားစုတွေရဲ့ ရန်ကုန် မြို့ပြ ဒေသ အပေါ် စိုးမိုးမှု တစုံတရာ မြင့်တက်လာမှာ ဖြစ်ပါတယ်။

လက်ရှိစစ်ရေးအခြေအနေကို ခြုံငုံသုံးသပ်နိုင်ဖို့ PDF insight ကို ကြည့်ရှုပါ။

#PDFInsight

မြင်းခြံမြို့ပေါ်တွင် စစ်ယာဥ်တန်းကို မိုင်းဆွဲ တိုက်ခိုက်မှု စစ်တပ်ဘက်မှ ၃ ဦးသေဆုံး၊ ပခုက္ကူတွင် ဈေးထွက်ဝယ်သည့် ရဲ ၁ ဦးကို လက်နက်ခဲယမ်းများနှင့်အတူ ဖမ်းဆီးရမိ

 မြင်းခြံမြို့ပေါ်တွင် စစ်ယာဥ်တန်းကို မိုင်းဆွဲ တိုက်ခိုက်မှု စစ်တပ်ဘက်မှ ၃ ဦးသေဆုံး၊ ပခုက္ကူတွင် ဈေးထွက်ဝယ်သည့် ရဲ ၁ ဦးကို လက်နက်ခဲယမ်းများနှင့်အတူ ဖမ်းဆီးရမိ

ရန်ကုန်၊ အောက်တိုဘာ ၂၀ 

မန္တလေးတိုင်း၊ မြင်းခြံမြို့၊ အကြမ်းဖက် စစ်တပ် ယာဥ်တန်းကို မိုင်းဆွဲ တိုက်ခိုက်ခဲ့ရာ အကြမ်းဖက် စစ်ကောင်စီတပ်ဖွဲ့ဝင် ၃ ဦး သေဆုံးခဲ့ကြောင်း မြင်းခြံခရိုင် ပြည်သူ့ကာကွယ်ရေးတပ်ဖွဲ့ တပ်ရင်း ၃ ထံမှ သိရသည်။

ယနေ့ အောက်တိုဘာလ ၂၀ ရက် နံနက် ၉ နာရီဝန်းကျင်ခန့်က မြင်းခြံမြို့၊ ဇင်ယော် ဟိုတယ်အနီး၌ စစ်ဆေးရေးလုပ်ဆောင်ရန် လာရောက်သည့် စစ်ကား၊ ရဲကားများကို မိုင်းဆွဲတိုက်ခိုက်ခဲ့ရာ စစ်ကောင်စီ တပ်ဖွဲ့ဝင် ၃ ဦးသေဆုံးပြီး အများအပြား ထိခိုက်ဒဏ်ရာရရှိကာ ခရိုင်မှူးကားအပါအဝင် ကား ၂ စီးပျက် စီးခဲ့ကြောင်း သိရသည်။

အဆိုပါတိုက်ခိုက်မှုကို ပြည်သူ့ကာကွယ်ရေးအဖွဲ့ မြေလတ် PDF (မြင်းခြံခရိုင်တပ်ရင်းအမှတ် ၃ -တပ်ခွဲ ၁ -) ၊ Seven People Defense Force (မြင်းခြံခရိုင်တပ်ရင်း အမှတ် ၃ -တပ်ခွဲ ၃) တို့ပူးပေါင်းကာ တိုက် ခိုက်ခဲ့ခြင်းဖြစ်ကြောင်း သိရသည်။

ထို့ပြင် မကွေးတိုင်း၊ ပခုက္ကူမြို့နယ်၊ ကျတိုးရဲစခန်းမှ ဈေးဝယ်ထွက်လာသော ရဲတပ်သား ၁ ဦးကို လက်နက် ခဲ ယမ်းများနှင့်အတူ ဖမ်းဆီးရမိခဲ့ကြောင်း ပခုက္ကူမြို့နယ်ပြည်သူ့ကာကွယ်ရေးအဖွဲ့ - ပကဖ ထံမှ သိရသည်။

စက်တင်ဘာလ ၂၆ ရက် မွန်းလွဲ ၁ နာရီခန့်က ပခုက္ကူမြို့နယ်၊ ကျထိုးရဲစခန်းမှ ကမ္မမြို့ကို စျေးဝယ် လာသော ရဲတပ်သား တစ်ဦးကို လမ်းပိုင်း တစ်နေရာ၌ တော်လှန်ရေး တပ်ဖွဲ့များက G3 ၁ လက်၊ ကျည်ဘောက် ၂ ခု G3 ကျည် အတောင့် ၇၀ ခန့်နှင့် အတူ အရှင်ဖမ်းဆီးရရှိခဲ့ခြင်းဖြစ်ကြောင်း သိရသည်။

အဆိုပါ ဖမ်းဆီး ရရှိသော ရဲတပ်သားကို စစ်စည်းကမ်းများနှင့် အညီထားရှိပြီး လိုအပ်သည့်အရေးယူ ဆောင်ရွက်မှုများ ဆက်လက်ပြုလုပ်သွားမည်ဖြစ်ကြောင်းနှင့် အကြမ်းဖက်စစ်ကောင်စီ လက်အောက်ခံ စစ်သားများ၊ ရဲများ အနေဖြင့် နီးစပ်ရာ ပြည်သူ့ကာကွယ်ရေးတပ်ဖွဲ့များမှ တဆင့် ပြည်သူ့ရင်ခွင်သို့ အ မြန်ဆုံး ခိုလှုံ အလင်းဝင်ရောက်ကြရန်ပခုက္ကူမြို့နယ်ပြည်သူ့ကာကွယ်ရေးအဖွဲ့ - ပကဖက သတိပေး ထုတ် ပြန် ထားသည်။

တီးတိန်မြို့နယ်၊ သိုင်ငင်းရွာ စစ်စခန်းမှ စစ်သား ၁ ဦး CDF CDM Siyin တပ်ဖွဲ့ထံ အလင်းဝင်

 တီးတိန်မြို့နယ်၊ သိုင်ငင်းရွာ စစ်စခန်းမှ စစ်သား ၁ ဦး CDF CDM Siyin တပ်ဖွဲ့ထံ အလင်းဝင်

ရန်ကုန်၊ အောက်တိုဘာ ၂၂

ချင်းပြည်နယ်၊ တီးတိန်မြို့နယ်၊ သိုင်ငင်းရွာရှိ အကြမ်းဖက် စစ်တပ် စခန်းမှ စစ်သား ၁ ဦးသည် CDF CDM Siyin တပ်ဖွဲ့ထံ အလင်းဝင်ရောက်လာကြောင်း CDF Civic Defense Militia - CDM -Siyin တပ်ဖွဲ့က ထုတ်ပြန်ထားသည်။

အောက်တိုဘာလ ၂၀ ရက်နေ့တွင် တီးတိန်မြို့နယ်၊ သိုင်ငင်းရွာရှိ စစ်စခန်း မှ အကြမ်းဖက် စစ်တပ်၏ ခလရ ၂၆၉ တပ်ရင်းက တပ်သား ၁ ဦးသည် CDF Civic Defense Militia - CDM -Siyin တပ်ဖွဲ့ထံ အလင်းဝင်လာကြောင်း သိရသည်။

အလင်းဝင်လာသော တပ်သားကို ပြည်သူ့တော်လှန်ရေး တပ်ဖွဲ့များက အားရကျေနပ်မှုအပြည့်ဖြင့် ကြိုဆိုခဲ့ပြီး လွတ်မြောက်နယ်မြေကို ရောက်ရှိသည်အထိ လုံခြုံစိတ်ချစွာ နေထိုင်နိုင်ရန် ကိစ္စအဝဝကို စီစဥ်ဆောက်ရွက်ပေးလျက်ရှိကြောင်း သိရှိရသည်။

ပြည်သူ့ရင်ခွင်ကို အချိန်မှီ အလင်းဝင်‌ရောက်လိုသည့် မည်သူမဆို CDF CDM Siyin အနေဖြင့် အားပေး ထောက်ခံ ကြိုဆိုကြောင်း၊ လက်နက်ခဲယမ်းများနှင့်အတူ အလင်းဝင်ရောက်လာပါက အနည်းဆုံး သိန်း ၅၀ နှင့်အထက်မှ ပစ္စည်းအမျိုးအစားနှင့် အရေအတွက်အပေါ်မူတည်၍ နောက်ထပ် ဆုငွေများလည်း ချီးမြှင့်သွားမည်ဖြစ်ကြောင်း CDF Civic Defense Militia - CDM -Siyin တပ်ဖွဲ့က အသိပေး ထုတ်ပြန်ထားသည်။

လိုင်ဇာမြို့အနီးရှိ အောင်ဂျာ စစ်တပ်စခန်းသိမ်းတိုက်ပွဲတွင် စစ်သုံ့ပန်းတချို့ ဖမ်းဆီးရရှိပြီး လက်နက်များ သိမ်းဆည်းရရှိ၊ စစ်တပ်ဘက်မှ သေဆုံးမှုများပြား

 လိုင်ဇာမြို့အနီးရှိ အောင်ဂျာ စစ်တပ်စခန်းသိမ်းတိုက်ပွဲတွင် စစ်သုံ့ပန်းတချို့ ဖမ်းဆီးရရှိပြီး လက်နက်များ သိမ်းဆည်းရရှိ၊ စစ်တပ်ဘက်မှ သေဆုံးမှုများပြား 

ရန်ကုန်၊ အောက်တိုဘာ ၂၀ 

ကချင်ပြည်နယ်၊ မိုးမောက်မြို့နယ်၊ KIA ဌာနချုပ် လိုင်ဇာမြို့အနီးရှိ အောင်ဂျာ စစ်တပ်စခန်းကို KIA တပ်များက ယနေ့ တိုက်ခိုက်သိမ်းပိုက်လိုက်ပြီး စစ်သုံ့ပန်းတချို့ကိုလည်း ဖမ်းဆီးရရှိကြောင်း KIA ရှေ့တန်းသတင်းရင်းမြစ်များက အတည်ပြုပြောဆိုသည်။ 

ယနေ့ နံနက်ပိုင်းမှစတင်ပြီး တိုက်ပွဲများ အပြင်းအထန် ဖြစ်ပွားခဲ့ပြီး လိုင်ဇာမြို့ဘက်ပင် လက်နက်ကြီးကျည်သံများ ကြားရကြောင်း၊ ယင်းနောက် မွန်းလွဲပိုင်းတွင် အောင်ဂျာစစ်တပ်စခန်းကို KIA တပ်ဖွဲ့များက အပြီးသတ် တိုက်ခိုက် သိမ်းပိုက်နိုင်ခြင်းဖြစ်ကြောင်း သိရှိရသည်။ 

"ဒီနေ့ မနက်ပိုင်းတစ်ပိုင်းလုံး တိုက်ပွဲက အပြင်းအထန်ဖြစ်တာ။ လိုင်ဇာမြို့ဘက်ကတောင် လက်နက်ကြီးသံတွေကြားရတာ။ စစ်တပ်ဘက်က လေယာဉ်တွေနဲ့ ဗုံးကျဲတယ်။ လိုင်လွမ်အောင်ဂျာမှာ  စစ်စခန်း ၃ ခု ရှိတဲ့အနက် ဒီနေ့ သိမ်းတာက နောက်ဆုံးစခန်းပဲ။ အရင်စခန်း ၂ ခုက အရင်လတွေထဲက သိမ်းထားတာ။ အခု ၃ ခုစလုံး KIA သိမ်းလိုက်ပြီ" ဟု  KIA သတင်းရင်းမြစ်က ဆိုသည်။ 

အခြား KIA သတင်းရင်းမြစ်တစ်ခု၏ အဆိုအရ ယနေ့ သိမ်းပိုက်သော အောင်ဂျာစစ်တပ်စခန်းတွင် အင်အား ၇၀ ခန့်ရှိပြီး အခိုင်အမာ ကုတုတ်ကျင်းများ တူး ၍ ခုခံကြောင်း၊ နောက်ဆုံးတွင် စစ်ကောင်စီတပ်သားများ စခန်းကို စွန့်ခွာ ထွက်ပြေးကြကြောင်း၊ KIA တပ်များက စွန့်ခွာ ထွက်ပြေးသူများကို လိုက်လံ တိုက်ခိုက် ကြောင်း သိရှိရသည်။ 

အောင်ဂျာစစ်တပ်စခန်း သိမ်းပိုက်ရရှိမှုတွင် စစ်တပ်ဘက်မှ သေဆုံးသည့်အရေ အတွက်ကို မသိရှိရသေးဘဲ လက်နက်ခဲယမ်းများလည်း သိမ်းဆည်းရရှိကြောင်း ၊ သိမ်းဆည်းရရှိသည့် လက်နက်ခဲယမ်း အရေအတွက်လည်း မသိရှိရသေးကြောင်း သိရှိရသည်။

(ဖမ်းဆီးရရှိသော စစ်သုံ့ပန်းတချို့ကို စစ်ဆေးမေးမြန်းသော ဗီဒီယိုကို ရန်ကုန်ခေတ်သစ်၏ တယ်လီဂရမ်  https://t.me/khitthitnews/141472 တွင် ကြည့်ရှုနိုင်ပါသည်။)

သံဖြူဇရပ်မှ နယ်ထိန်းတဦး လက်နက်ခဲယမ်းများနှင့်အတူ KNLA၊ PDF ထံခိုလှုံ

 သံဖြူဇရပ်မှ နယ်ထိန်းတဦး လက်နက်ခဲယမ်းများနှင့်အတူ KNLA၊ PDF ထံခိုလှုံ

RNA_အောက်တိုဘာ(၂၀)၊၂၀၂၃ ခုနှစ်။

မွန်ပြည်နယ်၊ သံဖြူဇရပ်မြို့မရဲစခန်းမှ နယ်ထိန်းတဦး လက်နက်ခဲယမ်းများနှင့်အတူ တောင်ညိုစစ်ကြောင်းထံ ဆက်သွယ်ကာ KNLA၊ PDF ထံ ခိုလှုံလာခဲ့ကြောင်း သိရသည်။

သံဖြူဇရပ် မြို့မရဲစခန်းမှာ တာဝန်ထမ်းဆောင်နေသည့် နယ်ထိန်း တပ်ကြပ် ထွန်းထွန်းလင်းသည်အောက်တိုဘာ ၂ ရက်နေ့က Glock .38 mm ၁ လက်၊ 38 ကျည် ၅ တောင့်၊ ကျည်ကာ ၁ ခု၊ လက်ပစ်ဗုံး ၁လုံး၊ icon ၁ လုံး၊ ရဲဦးထုပ် ၁လုံး၊ ဓါး ၁ ချောင်း၊ ဖုန်း ၂ လုံး၊ လက်ထိပ် ၁ခုတို့နှင့် KNLA၊ PDF ပူပေါင်းတပ်ဖွဲ့တွေထံ ခိုလှုံခဲ့ခြင်းဖြစ်သည်ဟု တောင်ပိုင်းတိုင်းစစ်ဒေသ၊ အမှတ် ၃ စစ်ဒေသခွဲ၊ စစ်ဒေသခွဲမှူးရုံးမှ ထုတ်ပြန်ထားသည်။ 

စစ်ကောင်စီလက်အောက်ခံ ရဲတပ်ဖွဲ့အတွင်းအထက် အောက်ဖိနှိပ်သည့်ဒဏ်ကို မခံနိုင်ခြင်း၊ ပြည်သူများအပေါ် အနိုင်ကျင့်နှိပ်စက်တာကို မခံနိုင်ခြင်းတို့ကြောင့် CDM ပြုလုပ်ခဲ့ရခြင်းဖြစ်ကြောင်း၊ ပြည်သူ့ရင်ခွင်ခိုလှုံလာသည့် ရဲတပ်ကြပ် ထွန်းထွန်းလင်းကို ဘတ်ငွေ ၂၀၀၀၀ ထောက်ပံ့ပေးအပ်ခဲ့ကြောင်း ထုတ်ပြန်ချက်တွင် ဖော်ပြထားသည်။

#RedNewsAgency 

RNA: Website - https://rednewsagency.com/

RNA: Youtube- https://www.youtube.com/@rednewsmm/

RNA: Telegram- https://t.me/rednewsagency/ 

YouTube-subscribers : https://www.youtube.com/@rednewsmm/?sub_confirmation=1

မွန်ပြည်နယ်၊ ရေးမြို့နယ်တွင် တိုက်ပွဲဖြစ်ပြီး စစ်တပ်ဘက်မှ အရာရှိ ၂ ဦး အပါအဝင် ၁၅ ဦးထက်မနည်း သေဆုံး ၊ လက်နက် ၁၂ လက်အပါ အဝင် ခဲယမ်းအများ အပြား သိမ်းဆည်းရရှိ

 မွန်ပြည်နယ်၊ ရေးမြို့နယ်တွင် တိုက်ပွဲဖြစ်ပြီး စစ်တပ်ဘက်မှ အရာရှိ ၂ ဦး အပါအဝင် ၁၅ ဦးထက်မနည်း သေဆုံး ၊ လက်နက် ၁၂ လက်အပါ အဝင် ခဲယမ်းအများ အပြား သိမ်းဆည်းရရှိ

ရန်ကုန်၊ အောက်တိုဘာ ၂၀ 

မွန်ပြည်နယ်၊ ရေးမြို့နယ်၊ ရေးတံတားကြီး စစ်ဆေးရေးဂိတ်ကို ဝင်ရောက်တိုက်ခိုက်ပြီး ပြန် လည် ဆုတ်ခွာလာသော ပြည်သူ့ကာကွယ်ရေး မဟာမိတ်တပ်ပေါင်းစုနှင့် ကြားဖြတ်တိုက်ခိုက်သော စစ်တပ်အကြား တိုက်ပွဲ အပြင်း အထန်ဖြစ်ကာ စစ်တပ်ဘက်မှ အရာရှိ ၂ ဦး အပါအဝင် ၁၅ ဦးထက်မနည်း သေဆုံးကြောင်း၊ လက်နက် ၁၂ လက် နှင့် ခဲယမ်းအများအပြား သိမ်းဆည်းရမိကြောင်း မွန်ပြည်နယ်၊ ရေးမြို့နယ်မှ တော်လှန်ရေး သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။ 

ယနေ့ အောက်တိုဘာလ ၂၀ ရက် နံနက် ၆ နာရီခန့်မှ ၁၀ နာရီခန့်အထိ အင် အား ၁၀၀ ခန့်ဖြင့် တပ်စွဲ ထားသော ရေးမြို့နယ်၊ ရေးတံတားကြီး စစ်ဆေးရေးဂိတ်ကို ပြည်သူ့ကာကွယ်ရေး ပူးပေါင်း တပ်ဖွဲ့က ဝင်ရောက်တိုက်ခိုက်ခဲ့ရာ တိုက်ပွဲအချိန် မိနစ် ၃၀ ခန့်ကြာမြင့်ခဲ့ကြောင်း၊ ယင်းနောက် ပြည်သူ့ကာကွယ် ရေးတပ်ဖွဲ့ပေါင်းစု ပြန်လည် ဆုတ်ခွာခဲ့ကြောင်း၊ ထိုသို့ ပြန်လည် ဆုတ်ခွာလာစဉ် ရေးမြို့နယ်၊ ဝမ်ပေါင်ရွာနှင့် ကျုံလားရွာကြား အရောက် အကြမ်းဖက်စစ်ကောင်စီ ခလရ ၁၀၆ တပ်မှ ဗိုလ်ကြီး ၂ ဦးအပါအဝင် အင်အား ၃၀ ဝန်းကျင် ခန့်က ခြုံခိုတိုက်ခိုက်ခဲ့ရာ အပြန်အလှန် ပစ်ခတ်တိုက်ခိုက်ပွဲ ၂ နာရီခွဲဝန်းကျင်ခန့် ဖြစ်ပွားခဲ့ကြောင်း၊ တိုက်ပွဲအတွင်း အကြမ်း ဖက်စစ်ကောင်စီတပ်မှ ဗိုလ်ကြီး ၂ ဦးအပါအဝင် စစ်သား ၁၅ ဦးထက်မနည်းသေဆုံးခဲ့ကြောင်း သိရှိရသည်။ 

“ဒီနေ့ရေးမှာ MSRF နဲ့ ထားဝယ်အပါအဝင် NUG ကူးပေါင်းတပ်တွေက ရေးက စစ်ဆေးရေး ဂိတ်တစ်ခုကို သိမ်းလိုက်နိုင်တဲ့အပြင် ကြားဖြတ်တိုက်တဲ့ စစ်ကြောင်းကိုပါ အကုန်လုံးနီးပါး သုတ်သင်နိုင်တယ်။ စာရင်းအရ စကစ ၁၅ ဦးထက်မနည်း ကျတယ်၊ မွန်မှာဖြစ်တဲ့အထဲမှာ အကြီးဆုံးတိုက်ပွဲပဲ” ဟု တော်လှန် ရေး သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။

 ယင်းတိုက်ပွဲအတွင်း MA 10/ RPG - ၁ လက်၊ MA 3 - သေနတ် ၂ လက်၊ MA1 - သေနတ် ၄ လက်၊ MA4 - သေနတ် ၁ လက်၊ MA2- သေနတ် ၂ လက်၊ ပစ္စတို သေနတ် ၂ လက်၊ ၆၀ မမ စိန်ပြောင်းအတို ၁ လက်၊ ၄၀ မမဗုံးသီး ၂၄ လုံး၊ RPG ဗုံးသီး ၅ လုံး၊ RPG ပို့ယမ်း ၄ တောင့်၊ အီနာဂါဗုံးသီး ၁၉ လုံး၊ လက် ပစ်ဗုံး ၄ လုံး၊ ရှေ့ထွက်မိုင်း ၁ လုံး၊ နင်းမိုင်း ၄ လုံး၊ ၅ ဒသမ ၅၆ ကျည်ဘောက် ၃၄ ခု၊ စက်လက် ကျည် ဘောက် ၁ ခု၊ ပစ္စတို ကျည်ဘောက် ၃ ခု၊ 9 mm ကျည် ၁၈ တောင့်၊ 5.56 ကျည် ၁၃၆၇ တောင့်၊ AK ကျည် ၁ တောင့်၊ လက်ကိုင်ဖုန်း ၇ လုံး၊ ဆက်သွယ်ရေးစက် icon ၂ ခု၊ Icon two way Radio ၃ လုံး တို့ သိမ်းဆည်းရရှိခဲ့ကြောင်း သိရသည်။

Ye Guerrilla Force-ရေးပြောက်ကျားတပ်ဖွဲ့မှ ဗိုလ်ကျန်ရစ်က "ဒီနေ့ ရေးမြို့နယ်မှာတော့ စကစဆီက ရှယ်တွေကြီးပဲရလာတာပေါ့။မနက် ၆ နာရီကနေ နေ့လည် ၁၀ နာရီအထိ စကစနဲ့တိုက်ပွဲဖြစ်ပြီးနောက် ကြည့်ကြပါဦး" ဟု ၎င်း၏ လူမှုကွန်ရက် ဖေ့ဘုတ်စ်တွင် ရေးသားထားပြီး သိမ်းဆည်းရရှိထားသော စစ်တပ်၏ လက်နက်ခဲယမ်းဓာတ်ပုံကို လူမှုကွန်ရက်တွင် သတင်းဖော်ပြထားသည်။  

ရေးမြို့နယ် စစ်ဆင်ရေးတွင် ဒေါနစစ်ကြောင်း၊ ရေးပြောက်ကျားတပ်ဖွဲ့ (YGF)၊ MSRF တပ်ဖွဲ့နှင့် ABSDF တပ် ရင်း ၁ အပါအဝင် တော်လှန်ရေး မဟာမိတ်တပ်ပေါင်းစုများက ပူးပေါင်း တိုက်ခိုက်ခဲ့ခြင်းဖြစ်ကြောင်း သိရှိရသည်။ 

တော်လှန်ရေးတပ်များက ရေးမြို့နယ်၊ ခလရ ၆၁ တပ်ရင်းနှင့်စကခ ၁၉ ဌာန ချုပ်များအတွင်းသို့ လက် နက်ကြီးများဖြင့် ထပ်မံ ပစ်ခတ် တိုက်ခိုက်ခဲ့ရာ အကြမ်းဖက်စစ်သား များ ထိခိုက်သေဆုံးမှုရှိနိုင်ကြောင်း သိရသည်။

ချောင်းဦးမြို့နယ်၊ ကံဇီး ပျူရွာမှ စားနပ်ရိက္ခာရှာဖွေရန် နှင့် ရှေ့ကင်းထွက်လာသော စစ်ကောင်စီ ရဲတပ်သား (၂) ဦးအားပစ်ခတ်တိုက်ခိုက်

 ချောင်းဦးမြို့နယ်၊ ကံဇီး ပျူရွာမှ စားနပ်ရိက္ခာရှာဖွေရန် နှင့် ရှေ့ကင်းထွက်လာသော စစ်ကောင်စီ

ရဲတပ်သား (၂) ဦးအားပစ်ခတ်တိုက်ခိုက်

=============================

ထုတ်ပြန်ချက်အမှတ် ၆၈/၂၀၂၃

အောက်တိုဘာလ ၊ ၁၉ ရက်၊ ၂၀၂၃

(၁၉.၁၀.၂၀၂၃) ရက်နေ့ နံနက်(၇:၀၀) အချိန်တွင် ကံဇီးပျူရွာမှ ရိက္ခာရှာထွက်လာသော ရခနှစ်ဦးအားစောင့်ကြိုတိုက်ခိုက်ခဲ့ရာ (၁)ဦးနေရာတွင် ပွဲချင်းပြီး(‌ေ*)ဆုံးပြီး ကျန်ရခ(၁)ဦးမှာ ဒဏ်ရာအပြင်းထန်ရရှိခဲ့ပြီး အရှင်ဖမ်းဆီးရမိခဲ့သည်။ 

ဖမ်းဆီးရမိခဲ့သောရခ(၁)ဦးမှာလည်း ၎င်းဒဏ်ရာကြောင့် ေ*ဆုံးသွားခဲ့သည်။ 

ထိတွေ့မှုဖြစ်စဉ်တွင် ေ*ဆုံးခဲ့သော ရဲတပ်သားများမှာ ရဲတပ်ရင်း(၂၆)မှ ရဲတပ်သား -ထွန်းကျော်စွာ(ခ)ထွန်းထွန်းနှင့် ရဲတပ်သားအောင်ဆန်းမြင့်တို့ဖြစ်ကြောင်း သိရသည်။

၎င်းတို့ထံမှ G3 (၂)လက်၊ ကျည်အိမ်(၅)ခု၊7.62ကျည် (၁၅၀‌)၊ ကျည်ကာအင်္ကျီ (၁)ထည်၊လက်ကိုင်ဖုန်း (၁)လုံး၊ ဆိုင်ကယ် (၁)စီး၊ ဘေးလွယ်အိတ်(၁)လုံး၊ ဓားရှည် (၁)လက်နှင့် ဆက်စပ်ပစ္စည်းများကို သိမ်းဆည်းရမိခဲ့သည်။

၎င်းတိုက်ခိုက်မှုကို ဗျုဟာတပ်ရင်း(၄)ရင်း ဖြစ်သော 

မုံရွာခရိုင်တပ်ရင်း(၅) Aung San Force A.S.F

မုံရွာခရိုင်တပ်ရင်း(၇)

မုံရွာခရိုင်တပ်ရင်း(၂၅)သံမဏိ Force MPDF

မုံရွာခရိုင်တပ်ရင်း(၂၈) တို့နှင့်အတူ We Must Win

မီးတောက်တပ်ခွဲ(၄)တို့မှ ပူးပေါင်းတိုက်ခိုက်ခဲ့သည်။

ကျွန်တော်တို့ မုံရွာခရိုင် အမှတ် ၅ တပ်ရင်း - Aung San Force သည် အကြမ်းဖက်စစ်ကောင်စီရန်သူတပ်စခန်းများကို ထိုးစစ်ဆင်တိုက်ခိုက်နေသဖြင့် အရေးပေါ် လိုအပ်နေသော လက်နက်ခဲယမ်းများကို မိဘပြည်သူများအနေဖြင့် ကူညီပါဝင်အားဖြည့်ပေးကြရန် နှင့် ရန်သူ့တပ်စခန်းများရှိရာ နေရာများကို အတက်နိုင်ဆုံး ရှောင်ရှားသွားလာပေးကြပါရန် မေတ္တာရပ်ခံအပ်ပါသည်။

သတင်းနှင့်ပြန်ကြားရေး

တပ်ရင်းရုံး

မုံရွာခရိုင် အမှတ် (၅) တပ်ရင်း

Aung San Force - A.S.F

ရန်သူ့ လက်နက် ကိုယ့်လက်နက်

ရန်သူ့ လက်နက် ကိုယ့်လက်နက်

———————————————

အောက်တိုဘာလ ၁၈ ရက်နေ့ မနက်ပိုင်းမှာ ရွှေကူ-ဗန်းမော်လမ်း ငဘတ်ကြီးကျေးရွာရှိ စစ်ကောင်စီရဲ့ ခမရ(၆၀၂) အထိုင်စခန်းနဲ့ ခလရ (၅၆) တပ်စခန်းကို KIA နဲ့ ပြည်သူ့ကာကွယ်ရေးတပ် (KPDF) တို့က ပူးပေါင်းတိုက်ခိုက်သိမ်းပိုက်ခဲ့ရာ လက်နက်ခဲယမ်း ကျည်မိုင်း အများအပြားရရှိခဲ့ပါတယ်။ ဒါဟာ “ရန်သူ့ လက်နက် ကိုယ့် လက်နက်” ဆိုတဲ့ မူနဲ့ တစ်ချက်ခုတ် နှစ်ချက်ပြတ်ပါပဲ။ 

ဒီလိုအလားတူဖြစ်စဉ်များကနေ တော်လှန်ရေး နှစ်နှစ်ကျော်တာ ခုခံတွန်းလှန်စစ်ကာလအတွင်း အကြမ်းဖက် စစ်တပ်ထံကနေ ထောင်နဲ့ချီတဲ့ လက်နက်ငယ်တွေ၊ ၁၂၀ မမ စိန်ပြောင်းလို လက်နက်ကြီးတွေ၊ သောင်းနဲ့ချီတဲ့ ကျည်တွေထိ သိမ်းစည်းရမိပြီးဖြစ်ပါတယ်။ အခု ၂၀၂၃ ခုနစ် အောက်တိုဘာလအတွင်းမှာ ရန်သူ့ လက်နက်သိမ်းဆည်းမှုတွေအနေနဲ့ 

🔺 အောက်တိုဘာ ၁၇ ရက်နေ့က ခင်ဦးမြို့တွင် ကင်းပတ်လာတဲ့အကြမ်းဖက်စစ်ကောင်စီတပ်သား (၃)ဦးကို ပစ်ခတ်တိုက်ခိုက်ခဲ့ရာ (၃)ဦးလုံးသေဆုံးပြီး MA1 သေနတ် ၂ လက်ရရှိခဲ့ပါတယ်။

🔺အောက်တိုဘာ ၁၄ ရက်နေ့က ကချင်ပြည်နယ်၊ မြစ်ကြီးနား - ဗန်းမော်လမ်း၊ နမ်ဆန်ယန်၊ အောင်ဂျာ၊ မဒီးယန်ရှေ့တန်း စစ်မြေပြင်တွင် ထိုးစစ်ဆင်ရင်း ပိတ်မိနေသည့် စစ်တပ်စစ်ကြောင်းများအတွက် ရိက္ခာနှင့် လက်နက်ခဲယမ်းများကို လေယာဉ်ပေါ်မှတစ်ဆင့် ချပေးခဲ့ရာ KIA တပ်များက သိမ်းဆည်းရရှိခဲ့ပါတယ်။

🔺အလားတူ အောက်တိုဘာလ ၁၄ ရက်နေ့မှာ စစ်ကောင်စီတပ်လက်အောက်ခံ စကခ(၁၂) တပ်ရင်း(၃၃၅) မှ အင်အား ၃၀ ကျော်နဲ့ ကိုးကန့်(MNDAA)တို့ တိုက်ပွဲဖြစ်ပွါးခဲ့ရာ စစ်ကောင်စီတပ်သား ၁၆ ဦးသေဆုံး ၇ ဦး ဒဏ်ရာရရှိခဲ့ပြီး ရိုင်ဖယ် ၁၀ လက်၊ ၆၀ မမ ပစ်အမြောက် ၁ လက် ၊ လက်ပစ်အမြောက် ၁ လက် ၊ ကျည်ဘောက် ၁၄ ခု ၊ ကျည်ဆန် ၂၁၈ တောင့် ၊ အသံလွှင့်စက် ၁ လုံး ၊ လက်ကိုင်ဖုန်း ၁ လုံး ၊ ဂြိုလ်တုဖုန်း ၁ လုံး နှင့် အခြား ထောက်ပံ့ရေးပစ္စည်းအချို့ သိမ်းဆည်းရရှိခဲ့ပါတယ်။

🔺 အောက်တိုဘာ ၉ ရက်နေ့က ရှမ်းပြည်နယ်မြောက်ပိုင်း၊ နောင်ချိုမြို့နယ်၊ ဒိုးပင်ကျေးရွာအနီးတွင် စစ်ကောင်စီ၏ တပ်မ ၁၀၁ လက်အောက်ခံ ခြေလျင်တပ်ရင်း ခလရ ၂၅၂ စစ်ကြောင်း နှင့်ပြည်သူ့ကာကွယ်ရေးတပ်မတော်-မန္တလေး-( MDY PDF)တို့ တိုက်ပွဲဖြစ်ပွားပြီး စစ်ကောင်စီတပ်မှ ၂၀ ခန့်သေဆုံးကာ ရန်သူ့လက်နက်ခဲယမ်းများ သိမ်းဆည်းရမိခဲ့ပါတယ်။

🔺 အလားတူ အောက်တိုဘာလ ၉ ရက်နေ့မှာပဲ ကန့်ဘလူမြို့နယ် တောင်ခြမ်း ၊ ငှက်ပျောတိုင်း ရွာသစ် အရှေ့ဘက်ရှိ လျှပ်စစ်ရုံးမှာ အင်အား ၇၀ ခန့်ဖြင့်ဝင်ရောက်တပ်စွဲထားသော အကြမ်းဖက်စစ်သား ၊ ပျူစောထီးများကို ကန့်ဘလူခရိုင်တပ်ရင်း ၃ ၊ တပ်ရင်း ၄ ၊ ခင်ဦးမြို့နယ် အတွင်း ရှိ ပြည်သူ့ကာကွယ်ရေးတပ်ဖွဲ့များနှင့် သပိတ်ကျင်းမြို့နယ်အတွင်းရှိ ပြည်သူ့ကာကွယ်ရေးတပ်ဖွဲ့များ ပူးပေါင်းဝင်ရောက်တိုက်ခိုက်ခဲ့ရာ စခန်းတစ်ခု လုံးသိမ်းပိုက်နိုင်ခဲ့ပြီး လက်နက်ခဲယမ်းအများအပြားရရှိခဲ့ပါတယ်။

🔺 အောက်တိုဘာလ ၂ ရက်နေ့က စဉ့်ကူးမြို့နယ်၊ ဝါးပိုးချပ် ရွှေတော နယ်မြေမှ ကားဖြင့် ဆင်းလာသော ပျူစောထီး ငနိုင်နှင့်အဖွဲ့ကို ငွေတောင်ရွာနှင့် ညောင်ဝန်းရွာ အစပ်အရောက် စဉ့်ကူးမြို့နယ် ပကဖနှင့် တော်လှန်ရေးအင်အားစုများက မိုင်းဆွဲတိုက်ခိုက်ခဲ့ရာ ကားမှာ ပက်လက်လန်တိမ်းမှောက်သွားခဲ့ပြီး ကားပေါ်လိုက်ပါလာသူ ပျူစောထီး ၄ ဦးသေဆုံးကာ လက်လုပ် သေနတ် အရှည်တစ်လက်နှင့် ၅ ဒသမ ၅၆ ကျည် အချို့တို့ကို သိမ်းဆည်း ရရှိခဲ့ပါတယ်။

ပြောက်ကျားစစ် ဆင်နွှဲနေတဲ့ တပ်တတပ်အတွက် လက်နက်ရရှိနိုင်ဖို့ အကောင်းဆုံးသော ရေသောက်မြစ်ဟာ ရန်သူတပ် ထံမှ ပဲ ဖြစ်ပါတယ်။ ရန်သူကို လက်နက်ဖြုတ်သိမ်းပြီး ဖြစ်သလို ကိုယ့်တပ်အင်အားကိုလဲ ကြီးထွားစေမှာ ဖြစ်ပါတယ်။ ပြောက်ကျားစစ်နဲ့ ညီစွာ ပိုင်နိုင်စွာ ချေမှုန်းနိုင်တဲ့ တိုက်ပွဲ တိုက်နိုင်မှလဲ ရန်သူ့လူ အင်အားသာမကဘဲ လက်နက်ကိုလဲ သိမ်းစည်းနိုင်မှာ ဖြစ်ပါတယ်။

ပြည်သူ့ ကာကွယ်ရေးတပ်မတော် အနေနဲ့ လက်ရှိ ကာလ မှာ တပ်ရင်း၊ စစ်ကြောင်းပေါင်း (၃၀၀) ကျော်၊ ပကဖ အဖွဲ့ပေါင်း (၂၅၀) ကျော်ရှိနေပြီး လူအင်အား အနေနဲ့ သိန်းဂဏန်းထိ ရှိနေပါတယ်။ တပ်ရင်း နဲ့ စစ်ကြောင်းတွေမှာကို အင်အား (၆၀ ၀၀၀) အထက်မှာ ရှိပါတယ်။ အမျိုးသားညီညွတ်ရေးအစိုးရကဲ့သို့ တော်လှန်ရေးအစိုးရ မဆိုထားနှင့် တခြားသော ကမ္ဘာ့ အစိုးရများပင်လျှင် သောင်းချီ အင်အားရှိတဲ့ တပ်တတပ်ကို နေ့ချင်းညချင်း လက်နက်တပ်ဆင်ပေးနိုင်ဖို့ အတော် ရုန်းကန်ရပါတယ်။ အဲဒီအချိန်မှာ ရန်သူ့ လက်နက်ကိုယ့် လက်နက်မူ နဲ့ သွားမယ်ဆိုရင် ရန်သူ ကို ချေမှုန်းနိုင်ပြီး ဖြစ်သလို ကိုယ့်တပ်ကိုလဲ လက်နက် တပ်ဆင်နိုင်ပြီး ဖြစ်ပါတယ်။

ခုခံတော်လှန်စစ် အရှိန်မြှင့်လာလေ ရန်သူ့ လက်နက် သိမ်းမိမှု ပိုများလာလေ ဖြစ်ပြီး ပြည်သူ့ ကာကွယ်ရေး တပ်မတော် ရဲ့ လက်နက်တပ်ဆင်မှု၊ စစ်ရေး အတွေ့အကြုံ ရှိမှု ပိုမို များပြားလာမှာ ဖြစ်ပါတယ်။

လက်ရှိစစ်ရေးအခြေအနေကို ခြုံငုံနားလည်စေဖို့ PDF Insight ကို ဖတ်ရှုပါ။

#PDFInsight
 

PDF စိုးမိုးနယ်မြေများ ကျယ်ပြန့်လာခြင်း

 PDF စိုးမိုးနယ်မြေများ ကျယ်ပြန့်လာခြင်း

အမျိုးသားညီညွတ်ရေးအစိုးရ၊ ကာကွယ်ရေး ဝန်ကြီးဌာန ရဲ့ ပြည်သူ့ကာကွယ်ရေး တပ်မတော်ဟာ အကြမ်းဖက်စစ်အုပ်စုကို ဖယ်ရှားနိုင်ရေး အတွက် စစ်ဆင်ရေးကြီးတွေကို ဆောင်ရွက်လျက်ရှိပါတယ်။ လက်ရှိကာလမှာ ဆင်နွှဲနေတဲ့ အဓိကစစ်ဆင်ရေးတွေကတော့ စစ်တောင်းမြစ်ဝှမ်း စိုးမိုးစစ်ဆင်ရေး နဲ့ ဧရာဝတီမြစ် အနောက်ဘက်ကမ်း စစ်မျက်နှာ စစ်ဆင်ရေးတွေပဲ ဖြစ်ပါတယ်။ 

ဒီ စစ်ဆင်ရေးတွေဟာ ရန်သူ့ စိုးမိုးနယ်မြေ ထိုးဖောက်ရေး စစ်ဆင်ရေးကြီးတွေ ဖြစ်တဲ့အတွက် မဟာဗျူဟာပိုင်းအရ အလွန်အရေးပါပါတယ်။ ရန်ကုန်-နေပြည်တော် အမြန်လမ်းရဲ့ အရှေ့ခြမ်းဒေသ စစ်တောင်းမြစ်ဝှမ်း စစ်ဆင်ရေး ကို ဦးစားပေးလုပ်ဆောင်လျက်ရှိသလို၊ ပဲခူးတိုင်း အနောက်ပိုင်း နဲ့ မကွေးတိုင်း နယ်မြေတွေမှာလည်း စစ်ဆင်ရေးတွေကို ဆောင်ရွက်လျက်ရှိပါတယ်။ ဒီလိုဆင်နွှဲလျက်ရှိတဲ့ စစ်ဆင်ရေးနယ်မြေတွေရဲ့ အလယ်ဗဟိုမှာ အချက်အခြာကျ တည်ရှိနေတဲ့ ပဲခူးရိုးမ တည်ရှိနေပါတယ်။ စစ်တောင်းမြစ်ဝှမ်း နဲ့ ပဲခူးတိုင်း အနောက်ခြမ်း၊ မကွေးတိုင်း ဒေသတွေမှာ စစ်ရေးအောင်ပွဲတွေ ရရှိနေသလို စစ်မဟာဗျူဟာ အရ အရေးပါလှတဲ့ ပဲခူး ရိုးမပေါ်မှာလည်း ပြည်သူ့ ကာကွယ်ရေး တပ်မတော်သားတွေဟာ စခန်းသိမ်းတိုက်ပွဲတွေ၊ စစ်တပ်စစ်ကြောင်းတွေကို တိုက်ခိုက်တာတွေ ကို လုပ်ဆောင်နိုင်နေပါပြီ။ 

တော်လှန်ရေး အစောပိုင်းကာလတွေမှာ ခုခံတိုက်ခိုက်မှုတွေဟာ စစ်ကိုင်းတိုင်း၊ ချင်းပြည်နယ်၊ ကရင်ပြည်နယ် နဲ့ ကရင်နီ ပြည်နယ်တွေမှာ အဓိကအားဖြင့် ဖြစ်ပွားခဲ့ပေမယ့် လက်ရှိကာလမှာတော့ ပြည်သူ့ ကာကွယ်ရေး တပ်မတော် နဲ့ မဟာမိတ်တပ်ဖွဲ့တွေဟာ ရန်သူ့ စိုးမိုးနယ်မြေလို့ ပြောလို့ရတဲ့ ပဲခူးတိုင်း၊ မကွေးတိုင်း၊ နေပြည်တော် နဲ့ တနင်္သာရီတိုင်းတွေမှာ စစ်ဆင် တိုက်ခိုက်မှု ကို အရှိန်အဟုန်မြှင့် ဆောင်ရွက်လာနိုင်ပြီ ဖြစ်ပါတယ်။ ဒါဟာ စစ်ဆင်တိုက်ခိုက်မှု နယ်မြေကို ရှေ့တလှမ်းတိုးချဲ့ထုတ်လိုက်တာ ဖြစ်ပြီး ရန်သူ့ စိုးမိုးနယ်မြေတွေ သေးကျုံ့သွားကာ ကိုယ့်စိုးမိုးနယ်မြေတွေ ကျယ်ပြန့်လာမှု ဖြစ်ပါတယ်။ ခုခံမှုအားကောင်းရာ ဒေသတွေဖြစ်တဲ့ စစ်ကိုင်း၊ ချင်း၊ ကရင် နဲ့ ကရင်နီ ပြည်နယ်တွေမှာ ဆိုရင် စခန်းသိမ်းတိုက်ပွဲတွေ၊ မြို့တွင်း ဝင်ရောက် တိုက်ခိုက်မှုတွေ၊ မြို့ကြီးတွေမှအပ ကျေးလတ် နယ်မြေ အများစု ကို တော်လှန်ရေး အင်အားစုတွေက ပိုမို ထိန်းချုပ်လာနိုင်တာကို တွေ့နေရပါတယ်။

ကာကွယ်ရေး ဝန်ကြီးဌာနက ချမှတ်ထားတဲ့ စစ်မဟာဗျူဟာအတိုင်း ကွက်ပြည့်ခင်းပြီး တနိုင်ငံလုံး အနှံ့ ပြည်သူ့ကာကွယ်ရေး တပ်မတော် ရဲ့ စစ်ဆင်တိုက်ခိုက်မှုတွေကို ၂၀၂၃ ခုနစ်တွင်း ပိုမို လုပ်ဆောင်လာနိုင် နေရပါတယ်။ နိုင်ငံရဲ့ တိုင်း နဲ့ ပြည်နယ် အသီးသီး၊ ခရိုင် နဲ့ မြို့နယ် အသီးသီး မှာ ပြည်သူ့ကာကွယ်ရေးတပ်မတော်က ရာနှုန်းပြည့် ကွက်ပြည့်ခင်း တိုက်နိုင်လာပြီဆိုရင် စစ်တပ် အနေနဲ့ တပ်အင်အား မလုံလောက်မှု ကို ပိုမို ကြုံတွေ့လာရမှာ ဖြစ်ပြီး စစ်တပ် ပြိုလဲရေးဟာ ဝေးကွာတော့မှာ မဟုတ်ပါဘူး။ ခုခံတော်လှန်စစ် အရှိန်မြှင့်လာတာနဲ့အတူ ပြည်သူ့ ကာကွယ်ရေး တပ်မတော်ရဲ့ စိုးမိုးနယ်မြေတွေ ပိုမို ကျယ်ပြန့်လာတာကို တွေ့နေရပါတယ်။

Disclaimer- PDF Insight မှ သုံးသပ်ချက်ကို ပြန်လည်ဖော်ပြပါသည်။

It’s not an option.It is "Duty”

Report your duty ! 

လာပါ... ငါတို့ အတူတူရုန်းမယ်။ 

အောက်တိုဘာလအတွက် တာဝန်ထမ်းဆောင်လို့ ရပါပြီ။

ထောက်ပို့တပ်သားအဖြစ် ဝင်ရောက်ရန် - 

🇫 fb.me/prf4pdf

💬 m.me/prf4pdf

Telegram မှ ဆက်သွယ်ရန် - t.me/prf4pdf

အရေးတော်ပုံ အောင်ရမည်။ 

#prf4pdf

#လာပါငါတို့အတူတူရုန်းမယ်

#ပြည်သူ့တော်လှန်ရေးထောက်ပို့တပ်PRF

#တနိုင်ငံလုံးPDFတကမ္ဘာလုံးPRF

#ထောက်ပို့လစဥ်အောင်ပွဲဝင်

#ပြည်သူ့တော်လှန်ရေးထောက်ပို့မိသားစု

#PeoplesRevolutionSupplyFamily

#ထောက်ပို့PRF

ရွှေကူအခြေစိုက် စစ်တပ်၏ ခမရ ၆၀၂ နှင့် ခလရ ၅၆ တပ်ရင်း စခန်း ၂ ခုကို KIA က တိုက်ခိုက် သိမ်းပိုက်ခဲ့ပြီး လက်နက်ခဲယမ်း အများ အပြား သိမ်းဆည်းရရှိ

 ရွှေကူအခြေစိုက် စစ်တပ်၏ ခမရ ၆၀၂ နှင့် ခလရ ၅၆ တပ်ရင်း စခန်း ၂ ခုကို KIA က တိုက်ခိုက် သိမ်းပိုက်ခဲ့ပြီး လက်နက်ခဲယမ်း အများ အပြား သိမ်းဆည်းရရှိ

ရန်ကုန်၊ အောက်တိုဘာ ၁၈

ကချင်ပြည်နယ်၊ ရွှေကူမြို့နယ် အခြေစိုက် အကြမ်းဖက် စစ်တပ်၏ ခမရ ၆၀၂ နှင့် ခလရ ၅၆ တပ်ရင်း စခန်း ၂ ခုကို KIA က တိုက်ခိုက် သိမ်းပိုက်ခဲ့ပြီး လက်နက်ခဲယမ်း အများ အပြား သိမ်းဆည်းရရှိခဲ့ကြောင်း KIA သတင်းရင်းမြစ်များက ရန်ကုန်ခေတ်သစ် မီဒီယာသို့ ပြောဆိုသည်။

အောက်တိုဘာလ ၁၈ ရက်နေ့ နံနက် ၆ နာရီခန့်တွင် အကြမ်းဖက် စစ်တပ်၏ ခမရ ၆၀၂ နှင့် ခလရ ၅၆ တပ်ရင်း စခန်း ၂ ခုလုံးကို KIA တပ်ရင်း ၁၂ က တိုက်ခိုက် သိမ်းပိုက်နိုင်ခဲ့ပြီး စစ်တပ်ဘက်မှ ထိခိုက်သေဆုံးသူ များပြားကာ ထွက်ပြေးသူ အများအပြားရှိကြောင်း သိရသည်။

"ရွှေကူ ဒေသမှာရှိ စစ်ခွေးတွေရဲ့ ခမရ ၆၀၂ တပ်ရင်း နဲ့ ခလရ ၅၆ တပ်ရင်း စခန်း ၂ ခုလုံးကို KIA က သိမ်းထားတယ်။ လက်နက်အများ အပြားသိမ်းဆည်းရရှိတယ်။ စစ်ခွေးအသေများတယ်။ အရေအတွက် မသိရသေးဘူး။ တချို့ စစ်ခွေးတွေ ခွေး‌ပြေးဝက်ပြေးဘဝဖြစ်ကြတယ်" ဟု KIA သတင်းရင်းမြစ်များက ပြောဆိုသည်။

ကိုးကန့်တွင် မူးယစ်ဆေးဝါးများ သယ်ဆောင်လာသော စစ်ကောင်စီတပ်ဖွဲ့ဝင် ၁ ဦးကို ဖမ်းဆီးရရှိ

 ကိုးကန့်တွင် မူးယစ်ဆေးဝါးများ သယ်ဆောင်လာသော စစ်ကောင်စီတပ်ဖွဲ့ဝင် ၁ ဦးကို ဖမ်းဆီးရရှိ

ရန်ကုန်၊ အောက်ဆိုဘာ ၁၇ 

ရှမ်းပြည်နယ်၊ ကိုးကန့်ဒေသတွင် မူးယစ်ဆေးဝါးများ သယ်ဆောင်လာသော စစ်ကောင်စီတပ်ဖွဲ့ဝင် ၁ ဦးကို ဖမ်းဆီးရရှိကြောင်း MNDAA ကိုးကန့် သတင်းဌာန The Kokang က သတင်းဖော်ပြသည်။ 

 အောက်တိုဘာ ၁၄ ရက်နေ့ ကိုးကန့် ဒေသတွင် တိုက်ပွဲများ ပြင်းထန်စွာ ဖြစ်ပွားပြီးနောက် စစ်တပ်ဘက်မှ စစ်သား ၁ ဦးကို မူးယစ်ဆေးဝါးများနှင့်အတူ ဖမ်းဆီးရရှိကြောင်း၊ အဆိုပါ စစ်သားထံမှ မူးယစ်ဆေးဝါး ဆေးပြားများ ပါဝင်သည့်အထုပ် ၊ ၆၀ မီလီမီတာ မော်တာ ၁ လုံးနှင့် လက်ကိုင်ဖုန်းတစ်လုံးကိုလည်း သိမ်းဆည်းရမိခဲ့ကြောင်း သိရှိရသည်။ 

အဆိုပါ စစ်သား၏ ဝန်ခံချက်အရ အောက်တိုဘာ ၁၄ ရက်နေ့ တိုက်ပွဲမဖြစ်ပွားမီ စစ်ကောင်စီတပ်၏ တပ်ရင်းမှူးက မူးယစ်ဆေးဝါးများကို တစ်သုတ်စီ ခွဲယူသယ်ဆောင်ကြရန် ပြောဆိုခဲ့ကြောင်း၊ အဆိုပါစစ်သားမှာ မူးယစ်ဆေးဝါးများနှင့်အတူ ထွက်ပြေးခဲ့ပြီး အောက်တိုဘာလ ၁၆ ရက်နေ့ ကိုးကန့်တပ်ဖွဲ့များက ဖမ်းဆီးရရှိခြင်းဖြစ်ကြောင်း၊ မူးယစ်ဆေးဝါးများသည် စစ်ကောင်စီတပ်၏ ရှေ့တန်းတပ်ရင်းမှူးထံမှ ရရှိခြင်းဖြစ်ကြောင်း သိရှိရသည်။

ခင်ဦးမြို့ပေါ်တွင် စစ်တပ်ကို PDF က တိုက်ခိုက်မှု စစ်သား ၃ ဦး သေဆုံးပြီး သေနတ် ၂ လက် သိမ်းဆည်းရမိ

 ခင်ဦးမြို့ပေါ်တွင် စစ်တပ်ကို PDF က တိုက်ခိုက်မှု စစ်သား ၃ ဦး သေဆုံးပြီး သေနတ် ၂ လက် သိမ်းဆည်းရမိ

ရန်ကုန်၊ အောက်တိုဘာ ၁၇ 

စစ်ကိုင်းတိုင်း ခင်ဦးမြို့ပေါ်တွင် အကြမ်းဖက်စစ်သားများကို PDF က ပစ်ခတ်တိုက်ခိုက်ရာ စစ်သား ၃ ဦး သေဆုံးပြီး MA1 သေနတ် ၂ လက်ရရှိခဲ့ကြောင်း ခင်ဦးမြို့နယ် ပ.က.ဖ အဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။ 

အောက်တိုဘာလ ၁၇ ရက်နေ့ နံနက်အစောပိုင်းတွင် ခင်ဦးမြို့နယ်ပြည်သူ့ကာကွယ် ရေးတပ်ဖွဲ့က စစ်သားများကို တိုက်ခိုက်ခြင်းဖြစ်ကြောင်း၊ သေနတ် ၂ လက် သိမ်းဆည်းရရှိကြောင်း၊ ခင်ဦးမြို့ပေါ် မင်းသိုက်တိုက်ပေါ်တွင် တပ်စွဲထားသော အကြမ်းဖက်စစ်သား ၃ ဦးသည် ခင်ဦး- ရေဦးကားလမ်းအတိုင်းထွက်လာရာ မြို့နယ် ပ.က.ဖ က ကြားဖြတ်တိုက်ခိုက်ခဲ့ခြင်း ဖြစ်ကြောင်း၊တိုက်ခိုက်မှုတွင် အကြမ်းဖက်စစ်သား နှစ်ဦးသည် နေရာတင်ပွဲချင်းပြီးသေဆုံးခဲ့ပြီး ထိခိုက်ဒဏ်ရာဖြင့် ထွက်ပြေးသော အကြမ်းဖက်စစ်သား တစ်ဦးမှာ ဆေးရုံအရောက်တွင် သေဆုံးခဲ့ကြောင်း သိရှိရသည်။ 

" မြို့နယ် ပကဖ အဖွဲ့က ကြားဖြတ်တိုက်ခိုက်ခဲ့ရာမှာ သေနတ် ၂လက်ရရှိခဲ့ပြီး စကစ ၃ဦး သေဆုံးခဲ့ပါတယ်"ဟု ခင်ဦးမြို့နယ် ပ.က.ဖ အဖွဲ့မှ တာဝန်ရှိသူက ပြောကြားသည်။

ထိုသို့ ခင်ဦးမြို့ပေါ်တွင် စစ်ဆင်ရေး ဆောင်ရွက်ပြီးနောက် တော်လှန်ရေးတပ်ဖွဲ့ဝင်များ ဘေးကင်းစွာဖြင့် ပြန်လည် ဆုတ်ခွာနိုင်ခဲ့ကြောင်း၊ သို့ရာတွင် စစ်တပ် ၏ ရမ်းသမ်းပစ်ခတ်မှုကြောင့် ပြည်သူတချို့ သေဆုံးမှုရှိကြောင်း သိရှိရသည်။ 

"မြို့ပေါ်တပ်စွဲ နေရာနှစ်ခုကို ကြားဖြတ်တိုက်ခိုက်ရတာကြောင့် တိုက်ပွဲ ကြာချိန် အချိန်အနည်းငယ်သာ တိုက်ခိုက်ခဲ့ရပြီး အချိန်မီပြန်ဆုတ်ခွာနိုင်ခဲ့ပါတယ်။ နောက်ဆက်တွဲ အနေနဲ့ စစ်တပ်က မင်းသိုက်တပ်စွဲနေရာနှင့်ဆေးရုံ တပ်စွဲ နေရာတို့ကနေ နှစ်ဘက်ညှပ်ပြီး ငါးကြင်းမှီး စက်လက်တွေနဲ့ ရမ်းသန်း ပစ်ခတ်ခဲ့တာကြောင့် ပြည်သူများလည်း ထိခိုက် သေဆုံးမှုတွေရှိတယ်။ စစ်ကောင်စီတပ်တွေက မြို့ပေါ် တပ်စွဲနေရာတွေကို ကားနဲ့ ဝင်ရောက်တိုက်ခိုက်ခံရတာမို့ လာသမျှကားတွေ စစ်ဆေးနေတယ်လို့ သိရပါတယ်"ဟု ခင်ဦးမြို့နယ် ပ.က.ဖ အဖွဲ့မှ တာဝန်ရှိသူက ပြောကြားသည်။

စစ်ကိုင်း၊ မကွေး၊ မန္တလေးတိုင်းနှင့် ရှမ်းပြည်နယ် မြောက်ပိုင်းတို့ပါဝင်သော အမှတ် ၁ စစ်ဒေသ၌ စက်တင်ဘာလ တိုက်ပွဲများတွင် စစ်တပ်ဘက်မှ စစ်သား ၁၇၅ ဦးသေဆုံး

 စစ်ကိုင်း၊ မကွေး၊ မန္တလေးတိုင်းနှင့် ရှမ်းပြည်နယ် မြောက်ပိုင်းတို့ပါဝင်သော အမှတ် ၁ စစ်ဒေသ၌ စက်တင်ဘာလ တိုက်ပွဲများတွင် စစ်တပ်ဘက်မှ စစ်သား ၁၇၅ ဦးသေဆုံး

ရန်ကုန်၊ အောက်တိုဘာ ၁၇

စစ်ကိုင်း၊ မကွေး၊ မန္တလေးတိုင်းနှင့် ရှမ်းပြည်နယ် မြောက်ပိုင်းတို့ပါဝင်သော အမှတ် ၁ စစ်ဒေသ၌ စက်တင်ဘာလ တိုက်ပွဲများတွင် စစ်တပ်ဘက်မှ စစ်သား ၁၇၅ ဦးသေဆုံးခဲ့ကြောင်း အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနထံမှ သိရသည်။

အမှတ် ၁ စစ်ဒေသတွင် အကြမ်းဖက် စစ်တပ်နှင့် တော်လှန်ရေးတပ်ဖွဲ့များ တိုက်ပွဲပေါင်း ၃၂၃ ကြိမ် ဖြစ်ပွားခဲ့ပြီး စစ်တပ်ဘက်မှ စစ်သား ၁၇၅ ဦး သေဆုံးကာ ၃၀၁ ဦး ထိခိုက်ဒဏ်ရာရရှိခဲ့ကြောင်း သိရှိရသည်။

တိုက်ပွဲများအတွင်း တော်လှန်ရေး တပ်ဖွဲ့များဘက်မှ ရဲဘော် ၄၂ ဦး ကျဆုံးပြီး ၂၉ ဦး ထိခိုက်ဒဏ်ရာရရှိခဲ့ကြောင်း၊ အကြမ်းဖက် စစ်တပ်ထံမှ လက်နက် မျိုးစုံ ၄၆ လက် အပါအဝင် ခဲယမ်းမီးကျောက် အမြောက်အမြား သိမ်းဆည်းရမိခဲ့ကြောင်း သိရသည်။

အဆိုပါ တိုက်ပွဲများကို အမှတ် ၁ စစ်ဒေသကွပ်ကဲမှုအောက်ရှိ PDF ၊ ပကဖနှင့် EROs ပူးပေါင်းအဖွဲ့များက တိုက်ခိုက်ခဲ့ခြင်းဖြစ်ကြောင်း အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနက ထုတ်ပြန်ထားသည်။

ကိုးကန့်ဒေသတွင် စစ်တပ်နှင့် MNDAA တို့ တိုက်ပွဲဖြစ်ပွားပြီး စစ်တပ်ဘက်မှ အရာရှိများ အပါအဝင် ၁၆ ဦးသေဆုံးကာ လက်နက်များ သိမ်းဆည်းရရှိ

 ကိုးကန့်ဒေသတွင် စစ်တပ်နှင့် MNDAA တို့ တိုက်ပွဲဖြစ်ပွားပြီး စစ်တပ်ဘက်မှ အရာရှိများ အပါအဝင် ၁၆ ဦးသေဆုံးကာ လက်နက်များ သိမ်းဆည်းရရှိ

ရန်ကုန်၊ အောက်တိုဘာ ၁၅

ရှမ်းပြည်နယ်၊ ကိုးကန့်ဒေသတွင် အကြမ်းဖက် စစ်တပ်နှင့် MNDAA တို့ တိုက်ပွဲဖြစ်ပွားပြီး စစ်တပ်ဘက်မှ အရာရှိများ အပါအဝင် ၁၆ ဦးသေဆုံးကာ လက်နက်များ သိမ်းဆည်းရရှိခဲ့ကြောင်း မြန်မာအမျိုးသား ဒီမိုကရက်တစ် မဟာမိတ်တပ်မတော် MNDAA က ထုတ်ပြန်ထားသည်။

အောက်တိုဘာလ ၁၄ ရက်နေ့ မွန်းလွဲ ၁၂ နာရီ ၅၀ မိနစ်ခန့်တွင် အကြမ်းဖက် စစ်တပ်၏ စကခ ၁၂ တပ်ရင်း ၃၃၅ စစ်သားများသာ် လူအင်အား ၃၀ ကျော်ဖြင့် ပြည်သူ ၁ ဦး ဖမ်းဆီးကာ လမ်းပြ ပြုလုပ်ခိုင်းပြီး MNDAA တပ်ဖွဲ့ရှိရာကို ရောက်ရှိလာစဥ် တိုက်ပွဲဖြစ်ပွားခဲ့ကြောင်း သိရသည်။

ထိတွေ့ တိုက်ပွဲသည် ညနေ ၃ နာရီ ၅ မိနစ်ခန့် အထိ ဖြစ်ပွားခဲ့ပြီး အကြမ်းဖက် စစ်တပ် ဘက်မှ အရာရှိများ အပါအဝင် ၁၆ ဦး သေဆုံးကာ စစ်သားများ တပ်ပျက်ပြီး လက်နက်များ စွန့်ပစ် ထွက်ပြေးကာ MNDAA တပ်ဖွဲ့ဝင်များက လိုက်လံ ပစ်ခတ် တိုက်ခိုက်ခဲ့ကြောင်း သိရှိရသည်။

အဆိုပါ တိုက်ပွဲအတွင်း MNDAA တပ်ဖွဲ့ဝင်များက သေနတ် ၁၀ လက် ၊ ၆၀ မမ ပစ်အမြောက် ၁ လက် ၊ လက်ပစ် အမြောက် ၁ လက် ၊ ကျည်ဘောက် ၁၄ ခု ၊ ကျည်ဆန် ၂၁၈ တောင့် ၊ အသံလွှင့်စက် ၁ လုံး ၊ လက်ကိုင်ဖုန်း ၁ လုံး ၊ ဂြိုလ်တုဖုန်း ၁ လုံး နှင့် အခြား ထောက်ပံ့ရေးပစ္စည်း တချို့ သိမ်းဆည်းရရှိခဲ့ကြောင်း သိရသည်။

ပြည်သူလူထုလုံခြုံရေးအတွက် စစ်တိုက်ကြတဲ့အခါ သိမှတ်စရာများ

 ပြည်သူလူထုလုံခြုံရေးအတွက် စစ်တိုက်ကြတဲ့အခါ သိမှတ်စရာများ

လက်နက်ကိုင်စွဲပြီး တော်လှန်နေကြရတဲ့ ပြည်သူ့ကာကွယ်ရေးတပ်သား PDF တွေဟာ လူထုထဲကနေပြီး မွေးဖွားလာကာ ပြည်သူလူထုရဲ့အသက်အိုးအိမ်စည်းစိမ်ကို ကာကွယ်စောင့်ရှောက်နေကြတာဖြစ်ပါတယ်။ ဒီ့အတွက် စစ်ပညာအပြင် မဖြစ်မနေ သိထား နားလည်ထားရမယ့်

- လူ့အခွင့်အရေးကြေညာစာတမ်း(Universal Declaration of Human Rights)၊ 

- အပြည်ပြည်ဆိုင်ရာ လူသားချင်းစာနာမှုဥပဒေ(International Humanitarian Law)၊ 

- စစ်သည်တော်ကျင့်ဝတ်စည်းကမ်းများ(Code of Conduct) တွေ ရှိပါတယ်။ 

တိုက်ပွဲဝင် ပြည်သူ့ကာကွယ်ရေးရဲဘော်တွေအတွက် ဆောင်ရန် ရှောင်ရန်များဖြစ်တဲ့ ဒီဥပဒေတွေဟာ လက်နက်ကိုင်ထားသ၍ အစဉ်တစိုက်ခေါင်းထဲစွဲမြဲ ကျင့်ကြံနေရမှာ ဖြစ်ပါတယ်။ ပြည်သူကို ကာကွယ်နေတဲ့ရဲဘော်တွေဟာ စည်းမျဉ်းချိုးဖောက်နိုင်ချေနည်းပါးပေမယ့် အစဉ်မပြတ်လိုက်နာမယ်ဆိုရင် နိုင်ငံတကာမှာ ရန်သူက အကြမ်းဖက်တံဆိပ်တွဲကပ်ဖို့ ကြိုးစားနေမှုကို အေးအေးဆေးဆေး လွန်မြောက်နိုင်မှာဖြစ်ပါတယ်။

ယခုဖော်ပြတဲ့ပုံတွေကတော့ ၂၀၂၃ ခုနှစ်၊ စက်တင်ဘာလ စတုတ္တပါတ်မှာ ကယားစစ်ဒေသခွဲရှိ ပြည်သူလူထုလုံခြုံရေးဌာနတာဝန်ရှိသူ နဲ့ တပ်ရင်း "လုံ"အရာရှိများက PDF ရဲဘော်များနှင့်အတူ ရှေ့တန်းစစ်မြေပြင် တစ်နေရာမှာ သင်ကြားနေတဲ့ သင်တန်း ပုံရိပ်မှတ်တမ်းများဖြစ်ပါတယ်။

သင်တန်းမှာ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် ပေါ်ပေါက်လာပုံ၊ ဖွဲ့စည်းပုံ၊ ရည်ရွယ်ချက်၊ လုပ်ငန်းစဥ်များကို ရှင်းလင်းမျှဝေခဲ့ပြီး စစ်ရေးဆိုင်ရာပစ်မှတ်သတ်မှတ်ချက်များကို ရှင်းလင်းမြင်သာစေဖို့ လက်တွေ့အစီအစဉ်တွေနဲ့ လေ့ကျင့်လုပ်ဆောင်ခဲ့တယ်လို့ သိရပါတယ်။

လက်ရှိစစ်ရေးအခြေအနေကို ခြုံငုံနားလည်စေဖို့ PDF Insight ကို ဖတ်ရှုပါ။

#PDFInsight

တနင်္သာရီရှိ စစ်တပ် ဂိတ်ကို ဝင်ရောက် တိုက်ခိုက်မှု စစ်သား ၃ ဦးသေဆုံး၊ ရေဦးမြို့ရှိ စစ်တပ် စခန်းများကို ဒရုန်းဖြင့် ဗုံးကျဲ တိုက်ခိုက်မှု စစ်တပ်ဘက်မှ ၈ ဦးသေဆုံး

 တနင်္သာရီရှိ စစ်တပ် ဂိတ်ကို ဝင်ရောက် တိုက်ခိုက်မှု စစ်သား ၃ ဦးသေဆုံး၊ ရေဦးမြို့ရှိ စစ်တပ် စခန်းများကို ဒရုန်းဖြင့် ဗုံးကျဲ တိုက်ခိုက်မှု စစ်တပ်ဘက်မှ ၈ ဦးသေဆုံး

ရန်ကုန်၊ အောက်တိုဘာ ၁၄ 

တနင်္သာရီတိုင်း၊ တနင်္သာရီမြို့နယ်၊ တမုတ်ချုံရွာအနီး၌ တိုက်ပွဲဖြစ်ပြီး အကြမ်းဖက်စစ်ကောင်စီတပ် သား ၃ ဦးသေဆုံးသေဆုံးခဲ့ကြောင်း မြိတ်ခရိုင် တပ်ရင်း ၂ မှ တာဝန်ရှိသူတစ်ဦးက ရန်ကုန်ခေတ် သစ်သတင်းဌာနထံသို့ ပြောကြားသည်။

ယနေ့ အောက်တိုဘာလ ၁၄ ရက် နံနက် ၉ နာရီ မိနစ် ၅၀ ခန့်က တနင်္သာရီမြို့နယ်၊ တမုတ်ချုံရွာအနီးရှိ အင်အား ၁၀ ဦးကျော်ဖြင့် တပ်စွဲထားသော အကြမ်းဖက် စစ်တပ်ဂိတ်ကို တော်လှန်ရေး တပ်ဖွဲ့ဝင်များက ဝင်ရောက် တိုက်ခိုက်ခဲ့ရာ အပြန်အလှန်ပစ်ခတ်မှု မိနစ် ၃၀ ခန့်ကြာမြင့်ခဲ့ပြီး အကြမ်းဖက် စစ်သား ၃ ဦးသေဆုံးခဲ့ကြောင်း သိရသည်။

“တနင်္သာရီမြို့အနီးက ဂိတ်တစ်ခုပါ၊ ၁၀ ယောက်ကျော်ကျော်လောက်တော့ရှိပါတယ်၊ မြို့အနီးအနားမှာ ရှိတဲ့ ခမရ ၅၅၆ ၊ ၅၅၇ တပ်ရင်းတွေထဲကနေ လက်နက်ကြီးနဲ့ ရမ်းသမ်းပစ်ကူပေးခဲ့ပါတယ်” ဟု မြိတ်ခ ရိုင် တပ်ရင်း ၂ မှ တာဝန်ရှိသူတစ်ဦးက ရန်ကုန်ခေတ် သစ်သတင်းဌာနထံသို့ ပြောကြားသည်။

အဆိုပါတိုက်ခိုက်မှုကို ပြည်သူ့ကာကွယ်ရေးတပ်မတော်၊ မြိတ်ခရိုင် တပ်ရင်း - ၂ ၊တပ်ခွဲ ၁ ၊ တပ်ခွဲ ၂ နှင့် တနင်္သာရီမြို့နယ်(ပကဖ) တောင်ပံနီ၊ တနင်္သာရီရိုးမ၊ ဘက်မလိုက်ပြောက်ကျားအဖွဲ့တို့ ပူးပေါင်း ကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာ နိုင်ခဲ့ကြောင်း သိရသည်။

တနင်္သာရီမြို့နယ်အတွင်း၌ စစ်ရေးတင်းမာနေပြီး မိဘပြည်သူများ၊ခရီးသွားပြည်သူများအနေဖြင့် သတိ ရှိစွာ သွားလာနေထိုင်ပေးကြပါရန် ပြည်သူ့ကာကွယ်ရေးတပ်မတော်၊ မြိတ်ခရိုင် တပ်ရင်း၂ ၏ သတင်း နှင့် ပြန်ကြားရေးဌာနက ထုတ်ပြန်ထားသည်။

ထို့ပြင် စစ်ကိုင်းတိုင်း၊ ရေဦးမြို့ပေါ်ရှိ အကြမ်းဖက်စစ်တပ်စခန်းများကို မိုးကြိုးစစ်ဆင်ရေးအဖြစ် တိုက် ခိုက်ခဲ့ရာ အကြမ်းဖက်စစ်ကောင်စီတပ်ဖွဲ့ဝင် ၈ ဦးသေဆုံးခဲ့ကြောင်း ရွှေဘိုခရိုင်တပ်ရင်း ၁၄ - YE U PDF တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

အောက်တိုဘာလ ၇ ရက်နေ့မှ ၁၄ ရက်နေ့အထိ ရေဦးမြို့ပေါ်ရှိ အကြမ်းဖက်စစ်သားများ တပ်စွဲထားရာ နေရာနှင့် မြို့အဝင် စစ်ဆေးရေးဂိတ်များကို မိုးကြိုးစစ်ဆင်ရေးအဖြစ် Fix Wings Drones ဖြင့် ဗုံးသီး ၂၈ လုံးကျဲချကာ တိုက်ခိုက်ခဲ့ခြင်းဖြစ်ကြောင်း၊ အဆိုပါ မိုးကြိုးစစ်ဆင်ရေးအတွင်း အကြမ်းဖက် စစ်သား ၆ ဦးနှင့် ပျူစောထီး ၂ ဦးသေဆုံးခဲ့ပြီး ပျူစောထီး ၃ ဦး ထိခိုက်ဒဏ်ရာ ရရှိခဲ့ကြောင်း သိရသည်။

အောက်တိုဘာလ ၇ ရက် ညနေ ၄ နာရီခွဲခန့်က ရေဦးမြို့နယ်၊ အနောက်ခြမ်းသို့ စစ်ကြောင်းထိုးလာ သော အကြမ်းဖက်စစ်သားများကို ဗုံးသီး ၄ လုံး၊ အောက်တိုဘာလ ၈ ရက် ညနေ ၃ နာရီခွဲခန့်တွင် ရေဦး မြို့အဝင် စစ်ဆေးရေးဂိတ်ကို ဗုံးသီး ၄ လုံး၊ အောက်တိုဘာလ ၉ ရက် ညနေ ၄ နာရီခန့်တွင် ရေဦးမြို့ အ နောက်မြောက်ဘက်ရှိ မြို့အဝင် စစ်ဆေးရေးဂိတ် (ရွှေကျီးမင်း)ကို ဗုံးသီး ၄ လုံး၊ အောက်တိုဘာလ ၁၂ ရက် မွန်းတည့် ၁၂ နာရီခွဲခန့်တွင် ရေဦး- ဒီပဲယင်းလမ်းအထွက် မြို့အဝင် စစ်ဆေး ရေးဂိတ် (ဂါဝီ ဂိတ်) ကို ဗုံးသီး ၂ လုံး၊ ညနေ ၃ နာရီခွဲခန့်တွင် အကြမ်းဖက်စစ်သား အထိုင်ချထားသော ရေဦးမြို့ တိုင်းရင်း ဆေးရုံကို ဗုံးသီး ၂ လုံး၊ အောက်တိုဘာလ ၁၃ ရက် ညနေ ၄ နာရီခွဲခန့်တွင် ရေဦး- ဒီပဲယင်းအထွက် လမ်း မြို့ဝင်စစ်ဆေးရေးဂိတ် (ဂါဝီဂိတ်)ကို ဗုံးသီး ၄ လုံးနှင့် အောက်တိုဘာလ ၁၄ ရက် မွန်းတည့် ၁၂ နာရီ ၁၅ မိနစ်ခန့်တွင် ရေဦးမြို့မြောက်ဘက် မြို့အဝင်စစ်ရေးဂိတ်ကို ဗုံးသီး ၄ လုံး၊ မွန်းလွဲ ၂ နာရီခန့် တွင် ရေဦးမြို့ အနောက်မြောက်ဘက်အထွက် မြို့အဝင် စစ်ဆေးရေးဂိတ် (ရွှေကျီးမင်း)ကို ဗုံးသီး ၄ လုံး ကျဲချတိုက်ခိုက် ခဲ့ကြောင်း သိရသည်။

အဆိုပါ တိုက်ခိုက်မှုများကို ရွှေဘိုခရိုင်တပ်ရင်း ၁၄ က တိုက်ခိုက်ခဲ့ခြင်းဖြစ်ပြီး Drone (လေယာဉ်ငယ်) တစ်စင်း ဆုံးရှုံးခဲ့ကြောင်း သိရသည်။

KNU ဒူးပလာယာခရိုင်တွင် စက်တင်ဘာလအတွင်း ဖြစ်ပွားခဲ့သော တိုက်ပွဲများ၌ စစ်တပ်ဘက်မှ ၇၉ ဦးသေဆုံးပြီး စစ်စခန်း ၁ ခုသိမ်းပိုက်နိုင်ခဲ့

 KNU ဒူးပလာယာခရိုင်တွင် စက်တင်ဘာလအတွင်း ဖြစ်ပွားခဲ့သော တိုက်ပွဲများ၌ စစ်တပ်ဘက်မှ ၇၉ ဦးသေဆုံးပြီး စစ်စခန်း ၁ ခုသိမ်းပိုက်နိုင်ခဲ့

ရန်ကုန်၊ အောက်တိုဘာ ၁၄ 

ကရင်ပြည်နယ်၊ KNU ဒူးပလာယာခရိုင်၊ အမှတ် ၆ တပ်မဟာအတွင်း၌ စက်တင်ဘာလ အတွင်း တိုက်ပွဲကြီးငယ်ပေါင်း ၅၁ ကြိမ်ဖြစ်ပွားပြီး အကြမ်းဖက် စစ်တပ်ဘက်မှ ၇၉ ဦးသေဆုံးခဲ့ကြောင်း KNU ဗဟို က ထုတ်ပြန်ထားသည်။ 

စက်တင်ဘာလ ၁ ရက် မှ ၃၀ ရက်အတွင်း ကေအဲန်ယူ−ကရင်အမျိုးသားအစည်းအရုံး ကော်သူးလေ အုပ်ချုပ်နယ်မြေ ဒူးပလာယာခရိုင်၊ တပ်မဟာ ၆ အတွင်း၌ ကရင်အမျိုးသားလွတ်မြောက်ရေး တပ်မ တော် (K.N.L.A)၊ ကရင်အမျိုးသားကာကွယ်ရေးတပ်ဖွဲ့ (K.N.D.O)၊ တော်လှန်ရေးပူးပေါင်းတပ်ဖွဲ့ နှင့် အာဏာသိမ်းအကြမ်းဖက်စစ်ကောင်စီတပ်တို့အကြား တိုက်ပွဲကြီး တိုက်ပွဲငယ်ပေါင်း ၅၁ ကြိမ် ဖြစ်ပွား ခဲ့ကြောင်း၊ ယင်းတိုက်ပွဲများအတွင်း အာဏာသိမ်းအကြမ်းဖက်စစ်ကောင်စီတပ်၏ တပ်စခန်းတစ်ခုကို တိုက်ခိုက်သိမ်းပိုက် နိုင်ခဲ့ပြီး လက်နက် ခဲယမ်းမြောက်များစွာ သိမ်းဆည်း ရရှိခဲ့ကြောင်း သိရသည်။

အဆိုပါ တစ်လတာ တိုက်ပွဲများအတွင်း အကြမ်းဖက် စစ်ကောင်စီဘက်မှ ခရိုင်မှူး ၁ ဦး၊ ရတ ခလရ ၁၇၅ ယာယီ တပ်ရင်းမှူး ၁ ဦး၊ ရဲအုပ် ၁ ဦး၊ ထွေအုပ် အကြီးတန်းစာရေး ၁ ဦး၊ တပ်ကြပ် ၁ ဦး၊ တပ်ခွဲ အရာခံဗိုလ် ၁ ဦး နှင့် တပ်ခွဲ ဒု အရာခံဗိုလ် ၁ ဦးအပါအဝင် ၇၉ ဦး သေဆုံးခဲ့ပြီး ခရိုင် ဒုရဲမှူး ၂ ဦး၊ ရဲ ဒုတပ်ကြပ် ၃ ဦး၊ ဒုရဲအုပ် ၃ ဦး နှင့် ရဲတပ်သား ၂ ဦး အပါအဝင် ၄၄ ဦး ဒဏ်ရာ ရရှိခဲ့ကြောင်း သိရသည်။

ယင်းတိုက်ပွဲများအတွင်း KNLA ၊ KNDO - တော်လှန်ရေး ပူးပေါင်းတပ်ဖွဲ့များဘက်မှ ရဲဘော် ၂ ဦး တိုင်းပြည်နှင့် ဖက်ဒရယ်ဒီမိုကရေစီ စနစ်အတွက် မြင့်မြတ်စွာ အသက်ပေးလှူခဲ့ရပြီး ၅ ဦး ထိခိုက် ဒဏ်ရာရခဲ့ကြောင်း သိရသည်။

ဒူးပလာယာခရိုင် အတွင်း ဝင်ရောက် လှုပ်ရှားနေသော အကြမ်းဖက် စစ်ကောင်စီ တပ် များသည် ပြည်သူများကို အကြောင်းမဲ့ ဖမ်းဆီး ညှင်းပန်းနှိပ်စက်ခြင်း၊ ပြည်သူပိုင် နေအိမ် များအား ဝင်ရောက် မွှေနှောက် ဖျက်ဆီး ပစ္စည်းများ ယူဆောင်သွားခြင်း နှင့် ပြည်သူနေ ကျေးရွာများသို့ လက်နက်ကြီးများဖြင့် ရည်ရွယ်ချက်ရှိရှိ ပစ်ခတ်ခြင်းဖြင့် သော်လည်းကောင်း၊ ရမ်းသမ်း ပစ်ခတ်ခြင်း ဖြင့် သော်လည်းကောင်း စသည့် လူ့အခွင့်အရေးချိုးဖောက်မှု နှင့် စစ်ရာဇဝတ်မှုများအား နေ့စဉ်နှင့် အမျှ ကျူးလွန်လျက် ရှိကြောင်း သိရသည်။

Photo - စက်တင်ဘာလ ၁၄ ရက်နေ့တွင် အကြမ်းဖက် စစ်တပ်၏ ရေတလျောက်စခန်းကို သိမ်းပိုက်စဥ်က ရရှိခဲ့သော လက်နက်ခဲယမ်းများ။

စစ်အာဏာသိမ်းမှုကြောင့် ၂၀၀၈ ဖွဲ့စည်းပုံ အခြေခံ ဥပဒေနှင့် NCA စာချုပ် အဆုံး သတ်ပြီး ABSDF အနေဖြင့် NUG ၊ NUCC ၊ EROS ၊ PDF များနှင့်ပူးပေါင်း၍ စစ်အာဏာရှင်ကို တော်လှန်တိုက်ခိုက်

 စစ်အာဏာသိမ်းမှုကြောင့် ၂၀၀၈ ဖွဲ့စည်းပုံ အခြေခံ ဥပဒေနှင့် NCA စာချုပ် အဆုံး သတ်ပြီး ABSDF အနေဖြင့် NUG ၊ NUCC ၊ EROS ၊ PDF များနှင့်ပူးပေါင်း၍ စစ်အာဏာရှင်ကို တော်လှန်တိုက်ခိုက်

ရန်ကုန်၊ အောက်တိုဘာ ၁၃ 

မြန်မာနိုင်ငံတွင် အကြမ်းဖက်စစ်တပ်က စစ်အာဏာသိမ်းလိုက်သဖြင့် ၂၀၀၈ ဖွဲ့စည်းပုံ အခြေခံဥပဒေနှင့် တစ်နိုင်ငံလုံးအပစ်အခတ်ရပ်စဲရေး NCA စာချုပ်တို့ ပျက်ပြယ်သွားပြီဖြစ်ပြီး ABSDF ကျောင်းသားတပ်မတော် အနေဖြင့် NUG ၊ NUCC ၊ EROS ၊ PDF တပ်များနှင့်ပူးပေါင်းကာ စစ်အာဏာရှင်စနစ်ကို တော်လှန် တိုက်ခိုက်နေကြောင်း ABSDF မှ ပြောခွင့်ရ ရဲဘော်ဆန်နီက ရန်ကုန်ခေတ် သစ်သတင်းဌာနထံသို့ ပြောဆိုသည်။ 

NCA စာချုပ် ပျက်ပြယ်ပြီဖြစ်ကြောင်း KNU ၊ ABSDF နှင့် CNF တို့က ယမန် နေ့တွင် တရားဝင် ကြေညာခဲ့ကြောင်း၊ အဆိုပါ ကြေညာချက်သည် NCA ပျက်ပြယ်ပြီဟု NCA စာချုပ်လက်မှတ်ရေးထိုးခဲ့သော တိုင်းရင်းသား EROs နှစ် ဖွဲ့နှင့်အတူ ABSDF က တရားဝင်ကြေညာမှုလည်းဖြစ်ကြောင်း၊ ABSDF တပ်ဖွဲ့အနေဖြင့် စစ်အာဏာရှင်စနစ်ကို မြောက်ပိုင်း၊ တောင်ပိုင်းအားလုံးတွင် မဟာ မိတ်များနှင့် စစ်အာဏာရှင်ကို ပူးပေါင်း၍ တိုက်ပွဲဝင်နေကြောင်း ရဲဘော်ဆန်နီက ဆိုသည်။ 

 "ယေဘုယျ ခြုံပြီးတော့ ပြောရရင်တော့ ဒီနေ့စစ်ကောင်စီကို တိုက်ပွဲဝင်နေတဲ့ တိုင်းရင်းသားတော် လှန်ရေးအဖွဲ့အစည်း အသီးသီးနဲ့ ကျနော်တို့လက်တွဲ တိုက်ပွဲ ဝင်နေတာရှိပါတယ်။ ဒီနေရာမှာ အပိုင်း ၃ ပိုင်းရှိမယ်လို့ ထင်ပါတယ်။ နိုင်ငံရေးအရ ဆောင်ရွက်တဲ့အပိုင်းရှိမယ်။ သံတမန်ရေးအရ ဆောင်ရွက် တဲ့ အပိုင်းရှိမယ်။ စစ်ရေးအရဆောင်ရွက်တဲ့ အပိုင်းရှိမယ်၊ အပိုင်း ၃ ပိုင်စလုံးမှာပဲ ကျနော်တို့က သက်ဆိုင် ရာ အင်အားစု အားလုံးနဲ့ ပူးပေါင်းပါဝင်ဆောင်ရွက်နေပါတယ်။ နိုင်ငံရေးအရဆိုရင် ဒီကနေ့ NUCC မှာ ကျနော်တို့ ပါဝင်ဆောင်ရွက်နေတာရှိပါတယ်။ အဲလိုပဲ စစ်ရေးအရ ဆိုရင်လည်း ဒီနေ့ စစ်ကောင်စီကို တိုက်ပွဲ ဝင်နေတဲ့ တိုင်းရင်းသားတော်လှန်ရေးအဖွဲ့အစည်းတွေနဲ့ ပူးပေါင်းဆောင် ရွက်နေတာရှိသလို အခု လက်ရှိ ၂၀၂၁ နောက်ပိုင်းမှာ လက်နက်ကိုင်တော်လှန်ရေးကို ဆောင်ရွက်နေတဲ့ အင်အားစု အသီးသီးနဲ့ ကျနော်တို့က လက်တွဲပူးပေါင်းဆောင်ရွက်နေတယ်လို့ ယေဘုယျ ကျနော့်အနေနဲ့ပြောလိုပါတယ်" ဟု ရဲဘော် ဆန်နီက ရှင်းပြသည်။ 

တစ်နိုင်ငံလုံးအတိုင်းအတာဖြင့် ABSDF က စစ်တပ်ကို ပြန်လည် တိုက်ခိုက်ရန် တပ်ရင်း ၁၄ ရင်း က ဆောင်ရွက်လျက်ရှိကြောင်း၊စစ်အာာသိမ်းမှုကြောင့် အစိုးရ၊ လွှတ်တော်များ ပျက်စီးကာ NCA စာချုပ်မှာလည်း တရားမဝင် စစ်အာဏာသိမ်းမှုကြောင့် ပျက်ပြယ်သွားပြီဖြစ်ကြောင်း၊ ၂၀၀၈ ဖွဲ့စည်းပုံ အခြေခံဥပဒေမှာလည်း ပျက်ပြယ်သွားပြီဖြစ်ကြောင်း ရဲဘော်ဆန်နီက ပြောဆိုသည်။ 

"၂၀၂၁ ခုနှစ်၊ ဖေဖော်ဝါရီလ ၁ ရက်နေ့မနက် စစ်တပ်က အာဏာသိမ်းတဲ့ အချိန်ကစပြီးတော့ စစ်တပ်ရဲ့ ဖောက်ဖျက်မှုကြောင့် ၊ စစ်တပ်ရဲ့မတရားအာဏာသိမ်းမှုကြောင့် ဒီစာချုပ်ရဲ့အခန်းကဏ္ဍတွေ အကုန်လုံး က ပြီးဆုံးသွားပြီ။ ဘာကြောင့်လဲလို့ ပြောရရင် ဒီနေ့ တိုင်းရင်းသား တော်လှန်ရေးအဖွဲ့အစည်းတွေကလည်း NCA စာချုပ်အကောင်အထည်ဖော်ဖို့ကို ရပ်ဆိုင်းတယ်၊ NCA ဟာ ဘာမှ ဆက် ပြီးတော့ အကောင်အထည်ဖော်လို့မရဘူး၊ ဆက်သွားလို့မရဘူး ၊ အဲဒါကို ဖျက်ဆီး ပစ်လိုက်တာ၊ ရပ်တန့်ပစ်လိုက်တာကလည်း ဒီစစ်တပ်ပဲဖြစ်ပါတယ်" ဟု ရဲဘော်ဆန်နီက ဆက်လက်ပြောဆိုသည်။ 

လက်ရှိတွင် ABSDF တပ်ဖွဲ့သည့် တော်လှန်ရေးအင်အားစုအားလုံးနှင့်ပူးပေါင်းဆောင်ရွက်လျက်ရှိပြီး မြန်မာ့နိုင်ငံတွင် စစ်အာဏာရှင်စနစ် အပြီးတိုင် ချေမှုန်းရေး တိုက်ပွဲဝင်နေသည်ဟု ဆိုသည်။ 

 

"ကျနော်တို့အနေနဲ့က NUG ကာကွယ်ရေးဝန်ကြီးဌာနနဲ့သော်လည်းကောင်း၊ NUCC နဲ့သော် လည်းကောင်း၊ ဒီကနေနွေဦးတော်လှန်ရေးမှာပေါ်ထွန်းလာတဲ့ စစ်ကောင်စီကို နည်းလမ်းပေါင်းစုံနဲ့ တိုက်ပွဲဝင်နေကြတဲ့ အင်အားစုအားလုံးနဲ့ လက်တွဲပူးပေါင်းဆောင်ရွက်နေပါတယ်၊ အဓိကရည်မှန်းချက် ကတော့ ဒီစစ်အာဏာရှင်စနစ် ကျဆုံးရေး၊ စစ်အာဏာရှင်စနစ်အမြစ်ပြတ်ချေမှုန်းရေး နဲ့အနာဂတ် ဖက်ဒရယ်ပြည်ထောင်စုမှာ ဒီမိုကရေစီ နဲ့ဖက်ဒရယ်ကိုအခြေခံတဲ့ ပြည်ထောင်စုတစ်ရပ်ပေါ်ထွန်းလာဖို့ အတွက်ကို ကျနော်တို့အားလုံးနဲ့လက်တွဲဆောင်ရွက်နေတယ်။ ဒီနေ့ ပြည်သူလူထုရဲ့ ရုန်းကန်လှုပ်ရှားမှုဟာ မြန်မာ့သမိုင်းမှာ စစ်အာဏာရှင်စနစ်ကို ဆန့်ကျင်တဲ့ နေရာမှာ အမြင့်ဆုံးရုန်းကန်လှုပ်ရှားမှုဖြစ်ပါတယ်။ ပြည်သူလူထုတစ်ရပ်လုံးလိုလားနေတဲ့ စစ်အာဏာ ရှင် စနစ် မမြစ်ပြတ်ချေမှုန်းရေးတိုက်မှာ ပြည်သူလူထုတစ်ရပ်လုံးက ရုန်းကန်လှုပ်ရှားနေတယ်၊ နောက်တစ်ခုက ABSDF က ၁၉၈၈ ခုနှစ် စစ်တပ်အာဏာသိမ်းကတည်းက စစ်အာဏာ ရှင် စနစ်ကို တိုက်ပွဲဝင်ဖို့အတွက် ပေါ်ပေါက်လာတဲ့ အဖွဲ့အစည်းလည်းဖြစ်ပါတယ်။ ကျနော်တို့ရဲ့ ဦး တည်ချက် တစ်ရပ်ဖြစ်တဲ့ ပြည်သူလူထုတစ်ရပ်လုံး စစ်အာဏာရှင်စနစ်အောက်က လွတ်မြောက်ရေး ဆိုတာ ကျနော်တို့ရဲ့ ဦးတည်ချက် တစ်ရပ်လည်းဖြစ်ပါတယ်၊ အဲဒီအတွက် ဒီနေ့စစ်အာဏာရှင် အမြစ် ပြတ်ချေမှုန်းရေးကို ရုန်းကန်တိုက်ပွဲဝင်နေတဲ့ အင်အားစုတွေ၊ ပြည်သူလူထုတစ်ရပ်လုံးနှင့်အတူ ABSDF အနေနဲ့လည်း တိုက်ပွဲဝင်သွားမယ်" ဟု ရဲဘော်ဆန်နီက ပြောဆိုသည်။

ကော့ကရိတ် မြို့နယ်၊ မြဝတီ-အာရှလမ်းမကြီးပေါ်ရှိ စစ်တပ်ဂိတ်ကို စနိုက်ပါ ဖြင့် တိုက်ခိုက်မှု စစ်သား ၃ ဦးသေဆုံး

 ကော့ကရိတ် မြို့နယ်၊ မြဝတီ-အာရှလမ်းမကြီးပေါ်ရှိ စစ်တပ်ဂိတ်ကို စနိုက်ပါ ဖြင့် တိုက်ခိုက်မှု စစ်သား ၃ ဦးသေဆုံး

ရန်ကုန်၊ အောက်တိုဘာ ၁၃ 

ကရင်ပြည်နယ်၊ ကော့ကရိတ်မြို့နယ်၊ မြဝတီ-ကော့ကရိတ် အာရှလမ်းမကြီးပေါ်ရှိ အကြမ်းဖက်စစ် ကောင်စီ စခန်းကို စနိုက်ပါ၊ ၄၀ မမဖြင့် ပစ်ခတ်တိုက်ခိုက်ခဲ့ရာ အကြမ်းဖက်စစ်သား ၃ ဦးသေဆုံးခဲ့ ကြောင်း ဒေါနစစ်ကြောင်းမှ ပြောရေးဆိုခွင့်ရှိသူ ဒုစစ်ကြောင်းမှူးက ရန်ကုန်ခေတ်သစ်သတင်း ဌာန ထံသို့ ပြောကြားသည်။

အောက်တိုဘာလ ၁၁ ရက်နေ့ ညနေ ၃ နာရီခွဲခန့်အချိန် မြဝတီ-ကော့ကရိတ် အာရှလမ်းမပေါ်၌ ကော့ကရိတ် မြို့နှင့်တောနော်ရေတံခွန်အကြား အကြမ်းဖက်စစ်သား ၂၀ ခန့်ဖြင့် ဂိတ်ဖွင့်ပြီး ခရီးသွားပြည်သူများထံမှ ဆက်ကြေးကောက်နေသော တပ်မ ၂၂ ၊ ၂၀၁ တပ်ရင်းမှ တပ် သားများကို ပြောက်ကျား စစ်ဆင်ရေး စနိုက်ပါ မစ်ရှင်အဖြစ် စနိုက်ပါ ပွိုင့် ၃၃၈ ၊ ၄၀ မမတို့ဖြင့် ပစ်ခတ် တိုက်ခိုက်ခဲ့ရာ အကြမ်းဖက်စစ်သား ၃ ဦးသေဆုံးပြီး အများအပြား ဒဏ်ရာရှိခဲ့ကြောင်း သိရသည်။

“ကော့ကရိတ်မြိုနယ်ထဲက ကော့ကရိတ်နဲ့ တောနော်ရေတံခွန်ကြားမှာ ဖွင့်ထားတဲ့ ဆက်ကြေးဂိတ်ပါ၊ ဒေါနနဲ့ KNLA ပူးပေါင်းအဖွဲ့တွေက Sniper Mission အဓိထား သွားလုပ်ကြတာပါ၊” ဟု ဒေါနစစ်ကြောင်း မှ ပြောရေးဆိုခွင့်ရှိသူ ဒုစစ်ကြောင်းမှူးက ရန်ကုန်ခေတ်သစ်သတင်းဌာနထံသို့ ပြောကြားသည်။

အဆိုပါတိုက်ခိုက်မှုကို ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၊ စစ်ဒေသခွဲ အမှတ် ၃ ၊ ဒေါနစစ်ကြောင်း နှင့် KNLA မဟာမိတ်ပူးပေါင်းအဖွဲ့ တို့မှ တိုက်ခိုက်ခဲ့ခြင်းဖြစ်ပြီး အကြမ်းဖက်စစ်တပ်မှ ၈၁ မမ၊ စက်လက်၊ MA လက်နက်ငယ်များဖြင့် ပြန်လည် ပစ်ခတ်တိုက်ခိုက်ခဲ့သော်လည်း ပြည်သူ့ကာကွယ် ရေး တပ်ဖွဲ့ဝင်များ၊ မိဘပြည်သူများ ထိခိုက်မှုမရှိဘဲ အောင်မြင်စွာဆုတ်ခွာနိုင်ခဲ့ကြောင်း သိရသည်။

ဓာတ်ပုံ- ပြည်သူ့ကာကွယ်ရေးတပ်ဖွဲ့မှ စနိုက်ပါ တပ်သားတချို့၏ စစ်ရေးပြ လေ့ကျင့်မှု။ (ပုံအဟောင်းဖြစ်ပါသည်။)

ဟင်္သာတခရိုင်တွင် ၂ လတာအတွင်း တိုက်ပွဲ ၈ ကြိမ်ဖြစ်ပွားပြီး စစ်သား ၃၀ ခန့်သေဆုံးကာ သေနတ် ၁ လက် သိမ်းဆည်းရရှိ

 ဟင်္သာတခရိုင်တွင် ၂ လတာအတွင်း တိုက်ပွဲ ၈ ကြိမ်ဖြစ်ပွားပြီး စစ်သား ၃၀ ခန့်သေဆုံးကာ သေနတ် ၁ လက် သိမ်းဆည်းရရှိ

ရန်ကုန်၊ အောက်တိုဘာ ၁၂

ဧရာဝတီတိုင်း၊ ဟင်္သာတခရိုင်တွင် ၂ လတာအတွင်း တိုက်ပွဲ ၈ ကြိမ်ဖြစ်ပွားပြီး စစ်သား ၃၀ ခန့်သေဆုံးကာ သေနတ် ၁ လက် သိမ်းဆည်း ရရှိခဲ့ကြောင်း ဟင်္သာတခရိုင် ပြည်သူ့ကာကွယ်ရေးတပ်ဖွဲ့ ထံမှ သိရသည်။

ဇူလိုင်လ ၁၉ ရက်နေ့ ညပိုင်းမှ စတင်၍ ဩဂုတ်လ ၃၁ ရက်နေ့အထိ ဟင်္သာတခရိုင်အတွင်း၌ အကြမ်း ဖက်စစ်ကောင်စီတပ်နှင့် ပြည်သူ့ကာကွယ်ရေးတပ်ဖွဲ့တို့ အကြား တိုက်ပွဲ ၈ ကြိမ် ဖြစ်ပွားခဲ့ကြောင်း၊ ယင်းတိုက် ပွဲများအတွင်း အကြမ်းဖက် စစ်တပ်ဘက်မှ ထိခိုက်သူနှင့် သေဆုံးသူ ၃၀ ခန့်ရှိပြီး အပြင်းအထန် ထိခိုက် ဒဏ်ရာရရှိသူများတွင် ဒုတပ်ရင်းမှူး ၁ ဦးပါဝင်ကြောင်း၊ အကြမ်းဖက် စစ်သားများ အသုံးပြုသော MA 1 သေနတ် တစ်လက်နှင့် ကျည်ဆံအချို့ သိမ်းဆည်းရရှိခဲ့ကြောင်း သိရသည်။

ယင်းတိုက်ပွဲများကို လက်နက်ခဲယမ်း၊ စစ်အသုံးအဆောင်ပစ္စည်း နည်းပါးမှုကြောင့် ပြောက်ကျားစစ်ဆင် ရေးသာ ဆောင်ရွက်နိုင်ခဲ့ကြောင်း၊ ဟင်္သာခရိုင် ပြည်သူ့ကာကွယ်ရေး တပ်မတော် တပ်ရင်း P2-6001005 ဒရုန်း အဖွဲ့ခေါင်းဆောင် ရဲဘော် ဇွဲမာန် ၊ P2-6001028 တပ်ခွဲ ၁ ၊ တပ်စု ၁ ၊ တပ်စိတ် ၂ တပ်စိတ်မှူး ရဲဘော် လင်းယုန် ၊ P2-6001150 တပ်ခွဲ ၃၊ တပ်စု ၁ ၊ တပ်စိတ် ၂ မိုင်းတပ်သား ရဲဘော် အားသစ်တို့ မြင့်မြတ်စွာ အသက်ပေးလှူခဲ့ရပြီး စစ်သုံးပစ္စည်း အချို့လည်း ဆုံးရှုံးခဲ့ရကြောင်း သိရသည်။

ဧရာဝတီတိုင်းတွင်းရှိ ပြည်သူများအနေဖြင့် ပြည်သူလူထု၏ သားသမီးများဖြစ်ကြသော တော်လှန် ရေး ရဲဘော်များအပေါ် ခိုင်မာယုံကြည်သော အောင်စိတ်ဖြင့် တော်လှန်ရေးတွင် ကိုယ်တိုင်ပါဝင် ဆောင် ရွက်ခြင်း ၊ သတင်းပေးပို့ကူညီခြင်း ၊ ထောက်ပံ့ခြင်းများ ဆက်လက်ဆောင်ရွက်ပေးပါရန် ဟင်္သာတခရိုင် ပြည်သူ့ကာကွယ်ရေးတပ်မတော်က မေတ္တာရပ်ခံထားသည်။

စစ်တပ်က လိုင်ဇာ စစ်ဘေးရှောင်စခန်းမှ ပြည်သူများကို သတ်ဖြတ်မှု စစ်ရာဇဝတ်မှု ဖြစ်၍ နိုင်ငံတကာက စစ်ကောင်စီကို အရေးယူရန် KNU နှင့် CNF က တရားဝင် တောင်းဆို

 စစ်တပ်က လိုင်ဇာ စစ်ဘေးရှောင်စခန်းမှ ပြည်သူများကို သတ်ဖြတ်မှု စစ်ရာဇဝတ်မှု ဖြစ်၍ နိုင်ငံတကာက စစ်ကောင်စီကို အရေးယူရန် KNU နှင့် CNF က တရားဝင် တောင်းဆို 

ရန်ကုန်၊ အောက်တိုဘာ ၁၂ 

အကြမ်းဖက်စစ်တပ်က ကချင်ပြည်နယ်၊ လိုင်ဇာရှိ မုန်လိုင်ခက်ကျေးရွာ စစ်ဘေးရှောင်စခန်းအပေါ်ကို ဗုံးကျဲတိုက်ခိုက်၍ ပြည်သူများကို သတ်ဖြတ်မှုသည် စစ်ရာဇဝတ်မှု ကျူးလွန်ခြင်းဖြစ်၍ နိုင်ငံတကာက စစ်ကောင်စီကို အရေးယူပေးရန် ကရင့်အမျိုးသားအစည်းအရုံး-KNU နှင့် ချင်းအမျိုးသားတပ်ဦး-CNF တို့က တရားဝင် ကြေညာချက် ထုတ်ပြန် တောင်းဆိုလိုက်ကြသည်။ 

အကြမ်းဖက်စစ်ကောင်စီက အောက်တိုဘာလ ၉ ရက်နေ့ ည ၁၁ နာရီ ၃၀ မိနစ်အချိန် ကချင်ပြည်နယ်၊ လိုင်ဇာမြို့အနီးရှိ မုန်လိုင်ခက်ကျေးရွာ စစ်ဘေးရှောင်စခန်းအပေါ် ဗုံးကျဲတိုက်ခိုက်ခဲ့ရာ ကလေးသူငယ်များ အပါအဝင် ပြည်သူ ၂၉ ဦးသေဆုံးခဲ့ပြီး ၅၇ ဦးထက်မနည်း ဒဏ်ရာရရှိခဲ့ကြောင်း ၊ အာဏာသိမ်း စစ်ကောင်စီသည် စစ်ဘက် ၊ အရပ်ဘက် ကလေးသူငယ်ဟူ၍ ခွဲခြားမှုမရှိ၊ ပြည်သူလူထု အသက်အိုးအိမ် ထိခိုက်အသက်ဆုံးရှုံးမည်ကိုလည်း လုံး၀ငဲ့ညာခြင်းမရှိဘဲ အင်အား အလွန်အကျွံသုံး ဗုံးကျဲ ပစ်ခတ်တိုက်ခိုက်ခြင်းသည် စစ်ရာ၀တ်မှု ကို ထပ်မံ ကျူးလွန်လိုက်ခြင်းဖြစ်၍ KNU က ပြင်းထန်စွာ ရှုတ်ချကြောင်း KNU က ထုတ်ပြန်သည်။ 

KNU အနေဖြင့် စစ်တပ်က ကျူးလွန်နေသော လူသားမျိုးနွယ်အပေါ် ပြစ်မှုနှင့် စစ်ရာဇဝတ်မှုများကို မရပ်မနား လုပ်ဆောင်နေခြင်းကို နိုင်ငံတကာအသိုင်းအ၀ိုင်း အနေဖြင့် အမြန်ဆုံးနှင့် အထိရောက်ဆုံး အရေးယူဆောင်ရွက်ပေးရန် တောင်းဆိုသည်။ 

အလားတူ ချင်းအမျိုးသားတပ်ဦး CNF ကလည်း စစ်ကောင်စီတပ်သည် စစ်ရာဇဝတ်မှုများကို ကျူးလွန် ချိုးဖောက်သည့် လူမျိုးတုန်း သတ်ဖြတ်မှုများ ကျူးလွန်နေပြီး အကြမ်းဖက်စစ်ကောင်စီကို နည်းလမ်းပေါင်းစုံဖြင့် ကန့်ကွက် အပြစ်ပေးကြရန် အလေးအနက် တောင်းဆိုကြောင်း၊ စစ်အာဏာရှင်စနစ် ကျဆုံး သည်အထိ တိုက်ပွဲဝင်သွားမည်ဖြစ်ကြောင်း ယမန်နေ့ တရားဝင် ကြေညာ ချက် ထုတ်ပြန်ခဲ့သည်။

စစ်ကောင်စီက ပြည်သူလူထုအပေါ် နယ်မြေရှင်းလင်းရေး အကြောင်းပြ၍ အစုလိုက်အပြုံလိုက်သတ်ဖြတ်မှု ၂၂ မှု ကျူးလွန်ခဲ့ကြောင်း NLD ပါတီ ထုတ်ပြန်

 စစ်ကောင်စီက ပြည်သူလူထုအပေါ် နယ်မြေရှင်းလင်းရေး အကြောင်းပြ၍ အစုလိုက်အပြုံလိုက်သတ်ဖြတ်မှု ၂၂ မှု ကျူးလွန်ခဲ့ကြောင်း NLD ပါတီ ထုတ်ပြန်

■ ကျူးလွန်ခံရသူများ တရားမျှတမှု ရရှိရေး ကြိုးပမ်းသွားမည်ဖြစ်ပြီး နိုင်ငံတကာအနေဖြင့် ထိရောက်စွာ ကူညီပေးရန် တိုက်တွန်း တောင်းဆို

ရန်ကုန်၊ အောက်တိုဘာ ၁၁

အကြမ်းဖက် စစ်ကောင်စီက ပြည်သူလူထုအပေါ် နယ်မြေရှင်းလင်းရေး အကြောင်းပြ၍ အစုလိုက် အပြုံလိုက်သတ်ဖြတ်မှု ၂၂ မှု ကျူးလွန်ခဲ့ကြောင်း NLD ပါတီက ယနေ့ အောက်တိုဘာလ ၁၁ ရက်နေ့တွင် ထုတ်ပြန်ထားသည်။ 

၂၀၂၁ ဖေဖော်ဝါရီ ၁ ရက်နေ့တွင် ဥပဒေမဲ့ အာဏာသိမ်းခဲ့သော ဗိုလ်ချုပ်မှူးကြီးမင်းအောင်လှိုင် ဦး ဆောင်သော အကြမ်းဖက်စစ်ကောင်စီသည် ငြိမ်းချမ်းစွာဆန္ဒပြနေသော ပြည်သူလူထုကို ပစ်ခတ်သတ် ဖြတ်ခြင်း၊ ဖမ်းဆီးနှိပ်စက် အကျဉ်းချသတ်ဖြတ်ခြင်းများဖြင့် ရက်စက်စွာ ပြုမူဆောင်ခဲ့သည့်အပြင် အ ရပ်သားပြည်သူလူထု၏ အိုးအိမ်များကို မီးရှို့ဖျက်ဆီးခြင်း၊ ပိုင်ဆိုင်မှု များကိုသိမ်းဆည်းခြင်း၊ အစုလိုက် အပြုံလိုက် သတ်ဖြတ်မှုများကို စနစ်တကျ ဆက်တိုက် ကျူးလွန်လျက်ရှိကြောင်း အကြမ်းဖက် စစ်တပ် က ပြည်သူ ၁၀ ဦး နှင့် အထက် အစုလိုက်အပြံလိုက် သတ်မှု ၂၂ မှုကို ကျူးလွန်ထားကြောင်း အမျိုးသား ဒီမိုကရေစီ အဖွဲ့ချုပ်၏ လူ့အခွင့်အရေးမှတ်တမ်းများကောက်ယူရေးအဖွဲ့ထံမှ သိရသည်။

အကြမ်းဖက်စ်တပ်က ကျူးလွန်ခဲ့သော နိုင်ငံတစ်ဝန်းရှိ အရပ်သားပြည်သူ ၁၀ ဦး နှင့်အထက် အစုလိုက် အပြုံလိုက် ဖမ်းဆီးနှိပ်စက်သတ်ဖြတ်မှုများမှာ-

(က) ၉-၉-၂၀၂၁ မကွေးတိုင်း ဂန့်ဂေါမြို့နယ်၊ မြင်သားရွာ၌ ပြည်သူ ၂၀ ဦး

(ခ) ၇-၁၂-၂၀၂၁ စစ်ကိုင်းတိုင်း ဆားလင်းကြီးမြို့နယ် ဒုံးတောရွာ၌ ပြည်သူ ၁၁ ဦး

(ဂ) ၂၅ -၁၂-၂၀၂၁ ကရင်နီပြည်နယ် ဖရူဆိုမြို့နယ်၌ ပြည်သူ ၃၀ ကျော်

(ဃ) ၂၅-၁၂-၂၀၂၁ နှင့် ၂၆-၁၂-၂၀၂၁ စစ်ကိုင်းတိုင်း ကလေးမြို့နယ် နတ်ချောင်းရွာ၌ ပြည်သူ ၁၈ ဦး

(င) ၃၁-၁-၂၀၂၂ စစ်ကိုင်းတိုင်း မြင်းမူမြို့နယ် ပဒတ်ထိုင်းကျေးရွာ၌ ပြည်သူ ၂၀ ဦး

(စ) ၂၅-၂-၂၀၂၂ စစ်ကိုင်းတိုင်း ရွှေဘိုမြို့နယ် နှမစားရစ်ရွာ၌ ပြည်သူ ၁၉ ဦး

(ဆ) ၁-၃-၂၀၂၂ စစ်ကိုင်းတိုင်း ခင်ဦးမြို့နယ် တာတိုင်ကျေးရွာပြည်သူ ၁၇ ဦး

(ဇ) ၈-၃-၂၀၂၂ စစ်ကိုင်းတိုင်း ယင်းမာပင်မြို့နယ် လက်ပံတောကျေးရွာ၌ ပြည်သူ ၁၁ ဦး

(ဈ) ၈-၃-၂၀၂၂ စစ်ကိုင်းတိုင်း ခင်ဦးမြို့နယ် သိမ်တော်ရွာ၌ ပြည်သူ ၁၄ ဦး

(ည) ၆-၆-၂၀၂၂ စစ်ကိုင်းတိုင်း မြင်းမူမြို့နယ် ကံဖျားကျေးရွာ၌ ပြည်သူ ၁၁ ဦး

(ဋ) ၂၅-၆-၂၀၂၂ မွန်ပြည်နယ် သထုံမြို့နယ် ထုံးဘိုလေးကျေးရွာ၌ ပြည်သူ ၁၀ ဦး

(ဌ) ၁၈-၇-၂၀၂၂ စစ်ကိုင်းတိုင်း ကန့်ဘလူမြို့နယ် ကျီစုကျေးရွာ၌ ပြည်သူ ၁၅ ဦး

(ဍ) ၉-၈-၂၀၂၂ ကချင်ပြည်နယ် ဖားကန့်မြို့နယ် ဆယ်ဇင်းကျေးရွာ၌ ပြည်သူ ၄၀ ဦး

(ဎ) ၁၁-၈-၂၀၂၂ စစ်ကိုင်းတိုင်း ယင်းမာပင်မြို့နယ် ရင်ပေါင်တိုင်ကျေးရွာ၌ ပြည်သူ ၁၈ ဦး

(ဏ) ၁၆-၉-၂၀၂၂ စစ်ကိုင်းတိုင်း ဒီပဲယင်းမြို့နယ် လက်ယက်ကုန်းကျေးရွာ၌ပြည်သူ ၁၅ ဦး

(တ) ၂၃-၁၀-၂၀၂၂ ကချင်ပြည်နယ် ဖားကန့်မြို့နယ် အနန့်ပါကျေးရွာပြည်သူ ၆၂ ဦး

(ထ) ၁၆-၁၁-၂၀၂၂ ရခိုင်ပြည်နယ် မောင်တောမြို့နယ်၌ ပြည်သူ ၁၂ ဦး

(ဒ) ၁၈-၂-၂၀၂၃ စစ်ကိုင်းတိုင်း ကောလင်းမြို့နယ် ကိုးတောင်ဘို့ရွာ၌ ပြည်သူ ၁၅ ဦး

(ဓ) ၂-၃-၂၀၂၃ စစ်ကိုင်းတိုင်း မြင်းမူမြို့နယ် ညောင်ရင်းကျေးရွာ၌ ပြည်သူ ၁၆ ဦး

(န) ၁၁-၄-၂၀၂၃ စစ်ကိုင်းတိုင်း ကန့်ဘလူမြို့နယ် ပဇီကြီးရွာ၌ ပြည်သူ ၁၆၈ ဦး

(ပ) ၁၀-၅-၂၀၂၃ ပဲခူးတိုင်း ထန်းတပင်မြို့နယ် ညောင်ပင်သာရွာ၌ ပြည်သူ ၂၀ ဦး ဖြစ်ကြောင်း သိရသည်။

ထို့ပြင် ၂၀၂၃ ခုနှစ် အောက်တိုဘာလ ၉ ရက်၊ ည ၁၁ နာရီ မိနစ် ၃၀ နာရီခန့်ကလည်း ကချင်ပြည် နယ် လိုင်ဇာမြို့အနီး မုန်လိုင်ခက် စစ်ဘေးရှောင်စခန်းကို အကြမ်းဖက်စစ်ကောင်စီက လက်နက်ကြီး များဖြင့် ပစ်ခတ် တိုက်ခိုက်ခဲ့ရာ ကလေးငယ် ၁၃ ဦးအပါအဝင် စစ်ဘေးရှောင်ပြည်သူ ၂၉ ဦး အစုလိုက် အပြုံ လိုက် သေဆုံးခဲ့ပြီး ၅၇ ဒဏ်ရာရရှိခဲ့ကြောင်း သိရသည်။

အဆိုပါ ဖြစ်စဉ်များသည် အကြမ်းဖက်စစ်ကောင်စီက လူသားမျိုးနွယ်ပျက်သုဉ်းစေမှုနှင့် စစ်ရာဇဝတ်မှု များကို ပြောင်ပြောင်တင်းတင်းကျူးလွန်လျက်ရှိသည်မှာ ထင်ရှားနေကြောင်း၊ စစ်ကောင်စီအား တာဝန် ယူမှု တာဝန်ခံမှုရှိစေရေး၊ အပြစ်ပေးအရေးယူနိုင်ရေးနှင့် ကျူးလွန်ခံရသူတို့အတွက် တရားမျှတမှု ရရှိ ရေးတို့ အတွက် အမျိုးသားဒီမိုကရေစီအဖွဲ့ချုပ်အနေဖြင့် ကြိုးပမ်းဆောင်ရွက်သွားမည်ဖြစ်ကြောင်း အသိပေးထားသည်။

အကြမ်းဖက် စစ်ကောင်စီ၏ ဒီမိုကရေစီနှင့် လူ့အခွင့်အရေးချိုးဖောက်မှုများ၊ စစ်ရာဇဝတ် မှု ကျူးလွန်မှုများ ရပ်တန့်ရေးနှင့် ကျူးလွန်ခံရသူ မြန်မာပြည်သူများအတွက် တရား မျှတမှု အမြန်ဆုံး ပြန်လည်ရရှိစေရေးတို့ အတွက် ကုလသမဂ္ဂလုံခြုံရေးကောင်စီအပါအဝင် နိုင်ငံတကာအသိုင်း အဝိုင်း အနေဖြင့် ယခုထက်ပိုမိုထိရောက်စွာကူညီပံ့ပိုးပေးကြပါရန် NLD ပါတီက မေတ္တာရပ်ခံ တိုက်တွန်းထား သည်။

Photo - လိုင်ဇာမြို့အနီးရှိ မုန်လိုင်ခက်စစ်ဘေးရှောင်စခန်းကို အကြမ်းဖက်စစ်တပ်က ဗုံးကျဲတိုက်ခိုက်မှုကြောင့် သေဆုံးပျက်စီးမှုများ